#Онлайн. Бугун Тўрткўл тумани О. Худойшукуров номидаги марказий маданият саройида устоз санъаткор Отажон Худойшукуров таваллуд кунига бағишланган хотира кечаси бошланди.

#Онлайн. Ташриф буюрган меҳмонлар санъаткор музейини кўриб чиқдилар. Туман имом хатиби қуръон тиловат қилгач хушовоз хонандалар ижросида "Ташриф" қўшиғи билан кечани бошладилар.

#Онлайн. "Ҳофиз ижоди умрбоқийдир" мавзусидаги кечани туман ҳокими биринчи ўринбосари Р. Ибадуллаев кириш сўзи билан очиб берди. Шундан кейин ҳофизнинг шогирдлари Ғафур ва Ғулом Эсчоновлар ушбу сана муносабати билан устоз санъаткор таваллудига бағишланган қўшиқларини ижро этдилар.

Шундан кейин устоз санъаткорнинг дўсти О.Хайитов, О. Худойшукуров номидаги жамғарма раиси И. Саъдуллаев, санъаткорнинг синглиси, меҳнат фахрийси Л. Оллашукурова, қўшни туман ва вилоятлардан келган меҳмонлар, тенгдошлари, дўстлари сўзга чиқдилар ва устознинг беқиёс овози билан бирга унинг инсонпарварлиги, камтарлиги ва ижодий ҳаётини хотирладилар.