#rektor_va_yoshlar

💻 Muhammad al-Xorazmiy nomidagi Toshkent axborot texnologiyalari universiteti rektori B.Maxkamov Sergeli tumani "Mehrigiyo" mahallasidan biriktirilgan yoshlar bilan uchrashdi.

👥 Rektor xonadonlarga tashrif buyurib, yoshlarning turmush tarzi, yashash sharoitlari bilan yaqindan tanishdi. Ularning orzu-maqsadlari, muammo va takliflarini tingladi, yoshlarning ota-onalari bilan muloqot qildi. Yoshlar bilan manzilli ishlashni davom ettirish, jamiyatda o‘z o‘rnini topishi uchun ularga keng imkoniyat yaratish borasida chora-tadbirlar belgilandi.

💬 Uchrashuv davomida yoshlar tomonidan berilgan savol va takliflar tinglanib, yuzaga kelgan kamchiliklar o'rganildi. Ochiq muloqot tarzida bo'lib o'tgan uchrashuvda yoshlarga kasb-hunar egallash, axborot texnologiyalari va chet tillarini o'rganish, bandligini ta’minlash, bo‘sh vaqtlarini mazmunli tashkil etish uchun tegishli maslahatlar berildi.

✈️@tuituz_official

#rektorqabuli

💻 Bugun, 8-avgust kuni Muhammad al-Xorazmiy nomidagi Toshkent axborot texnologiyalari universitetida navbatdagi talabalar va fuqarolar qabuli bo‘lib o‘tdi.

🗒 Ushbu qabul jismoniy va yuridik shaxslarni tinglash, muammolarini o'rganib, ularni ijobiy hal etishni yanada samarali tizimini tashkil etish maqsadida har haftaning payshanba kuni murojaatchilarni qabul qilish orqali yo‘lga qo‘yilgan.

✈️@taturektori

#FGCH #musobaqa #TATU

✅ Bugun Oʻzbekistonning 2 ta terma jamoasi 9-11-avgust kunlari bo'lib o'tadigan nufuzli xalqaro First Global Challenge musobaqasining Yarim finalida ishtirok etish uchun Qozoqiston Respublikasining Almata shahriga jo'nab ketdi.

Yuqori natija ko'rsatgan jamoalar Final bosqichi uchun Gretsiyaga yo'llanma oladilar.

O'zbekiston terma jamoasi 2023-yilda Singapur davlatida bo'lib o'tgan musobaqada faxrli 3-o'rinni egallab qaytishgan edi. 2024-yil ham yuqori natijalarni kutib qolamiz.

Terma jamoaning yuqori darajada tayyorgarlik koʻrishlari uchun Raqamli texnologiyalar vazirligi, Raqamli ta'limni rivojlantirish markazi, TATU hamda IT park rezidentlari Realsoft va Robotics Lab korxonalari jalb etilgan.

Terma jamoalarga universitetimizdan Zarif Qodirov, Adizbek Ergashev va Temur Rajabovlar murabbiylik qilmoqda.

✈️@tuituz_official

🇺🇿 Ўзбекистон делегацияси ёзги Олимпия ўйинларида медаллар бўйича ўз тарихидаги энг яхши натижасини тобора янгилаб бормоқда.

Париждан яна икки кетма-кет хушхабар. Бокс бўйича Ўзбекистон терма жамоа аъзолари Асадхўжа Мўйдинхўжаев ва Лазизбек Мулложонов Ўзбекистон делегациясига навбатдаги олтин медалларни тақдим қилишди. Муросасиз руҳда ўтган финал жангларида ўта кучли атлетларни мағлубиятга учратишга муваффақ бўлишди.

Париж-2024 ёзги Олимпия ўйинлари якунига етмаган бўлсада, Ўзбекистон делегацияси айни пайтнинг ўзидаёқ 5 та олтин ва 3 та бронза медаллари билан ўз тарихидаги энг яхши натижани янгилаб улгурди. Ҳали олдинда 3 нафар спортчимиз иштирокидаги финал баҳслари кутиб турибди. Булар:

Бокс бўйича Баходир Жалолов ва Абдумалик Халоков;

Эркин курашчимиз Разамбек Жамалов.

Иккала боксчимиз ҳам олтин медалга Олимпия ўйинлари бошиданоқ асосий давогар ҳисобланишади. Эркин курашчимиз ҳам финал ғолиби бўлиши учун яхшигина имконияти бор. Бу дегани, яна камида 2 та олтин медал нақд. Шу тариқа, катта эҳтимол билан бу йилги ёзги Олимпия ўйинларида Янги Зелландияни ортда қолдириб, медаллар сифати бўйича, жамоалар рейтингидан 12-ўринни эгаллайди. Агарда Канада бирорта ҳам олтин медалга эриша олмаса жамоамиз 11-ўринни эгаллаш эҳтимоли пайдо бўлади. Албатта, биз фақат энг яхши натижага умид қиламиз!

🔥 Финал ўйинларида Янги Ўзбекистоннинг қаҳрамон спортчиларидан ғалабаларни кутиб қоламиз!

✈️@taturektori