#TATU_talabalari #muvaffaqiyat

👥 Xushxabar!!!

🎓 Muhammad al-Xorazmiy nomidagi Toshkent axborot texnologiyalari universiteti "Televizion texnologiyalari" fakulteti 3-bosqich talabasi Vahhobov Sardor O‘zbekiston Respublikasi Oliy ta'lim, fan va innovatsiyalar vazirligi huzuridagi Yoshlar akademiyasi tomonidan tashkil etilgan va joriy yil 20-24 may kunlari o‘tkazilgan “Mirzo Ulug‘bek vorislari” tanlovi g'olibi bo'ldi.

🎉 Talabamizga ilmiy faoliyatida yanada yuqori cho’qqilarni zabd etishida omad va zafarlar tilaymiz.

✈️@tuituz_official

#Qonunchilik_yangiliklari

Talabalarga ta’lim granti bir o‘quv yili uchun ajratiladi

Prezidentning 2024-yil 24-mayda “Oliy ta’lim tashkilotlariga o‘qishga qabul qilish va davlat buyurtmasini joylashtirish tizimini takomillashtirish to‘g‘risida”gi farmoni qabul qilindi.

Unga ko‘ra, 2024/2025-o‘quv yilidan boshlab:

🟠kvotalarlarni davlat OTMlari kesimida taqsimlash amaliyoti bekor qilinib, bakalavriat ta’lim yo‘nalishlari va magistratura mutaxassisliklari bo‘yicha kunduzgi ta’lim shaklida tasdiqlash tartibi joriy etiladi (bundan ... mustasno);

🟢kvotalar taqsimotida muhandislik, tibbiyot, aniq va tabiiy fanlar bilim sohalariga ustuvorlik beriladi;

🟠davlat OTMlari uchun o‘rnatilgan tartib va shartlar bo‘yicha talabalar qabulini amalga oshiruvchi oliy ta’lim tashkilotlariga davlat buyurtmasining taqsimotida ishtirok etishga ruxsat etiladi;

🟢davlat granti kvotalarining oliy ta’lim tashkilotlari kesimida taqsimoti tegishli bakalavriat ta’lim yo‘nalishi bo‘yicha ro‘yxatdan o‘tgan abiturientlarning tanlovi va to‘plagan ballariga ko‘ra amalga oshiriladi;

🟠bakalavriat va magistraturaga qabul qilingan talabalarga ta’lim granti bir o‘quv yili uchun ajratiladi.

🟣Bunda:
✔️ta’lim granti birinchi kursda oliy ta’lim tashkilotlariga ajratilgan davlat buyurtmasi kvotasiga muvofiq kirish imtihonlarida yuqori ball to‘plagan talabalarga ajratiladi;

☑️ta’lim granti ikkinchi va undan keyingi kurslarda yuqori akademik reyting ko‘rsatkichlariga erishgan va ijtimoiy faol talabalar orasida oliy ta’lim tashkilotlari tomonidan tabaqalashtirilgan tartibda qayta taqsimlanadi;

☑️ta’lim granti tabaqalashtirilgan tartibda moliyalashtiriladi va stipendiya faqat to‘liq ta’lim grantini yutgan talabalarga to‘lanadi;

☑️ijtimoiy-rag‘batlantiruvchi grant sohibi bo‘lgan talabalarga davlat granti ularning o‘qish davri uchun to‘liq hajmda taqdim etiladi;

❌ta’lim granti asosida tahsil olgan talabalarning o‘qishni tamomlaganlaridan so‘ng kamida 3 yil ishlab berish majburiyati bekor qilinadi.

#tashrif #ochilish_marosimi

👁 “TUIT Bright Future Week” haftaligiga Vazir tashrif buyurdi

✅ Joriy yilning 24-may kuni Raqamli texnologiyalar vaziri Sherzod Shermatov Muhammad al-Xorazmiy nomidagi Toshkent axborot texnologiyalar universitetiga tashrif buyurdi. Tashrif Universitet A binosining yangi ta'mirdan chiqqan "Foye" qismining tantanali ochilish marosimidan boshlandi. So'ngra, boshqa ta’mirlangan binolar holati ko'zdan kechirildi.

🔵 Shuningdek, universitetning ta’lim, ishlab chiqarish va tadqiqot integratsiyasi asosida yangi tashkil etilib, jihozlangan laboratoriyalari bilan tanishdi. Shu bilan birga, Universitetda tashkil etilgan Inkubatsiya markazi faoliyati, u yerda talabalar va tadqiqotchilarning innovatsion ishlanmalari hamda g‘oyalari bilan tanishildi.

◀️ Shundan so‘ng Vazir “TUIT Bright Future Week” haftaligi ishtirokchilarini tabriklash va g‘oliblarni taqdirlash marosimida ishtirok etdi.

✈️@tuituz_official