✅Xalqaro dasturlash musobaqasida O'zbekiston yuqori natijalarni qayd etdi.

📌Joriy yilning 6-7- dekabr kunlari xalqaro dasturlash musobaqasi NEERC finali (ICPC yarim finali) bo’lib o’tdi. Musobaqa jami uchta hududda, Rossiyaning Sankt Peterburg shahrida, Gruziyaning Kutaisi shahrida hamda Qozog’istonning Almati shaharlarida bo’lib o’tdi.

🌍Musobaqada ishtirok etish uchun O’zbekiston OTMlaridan jami 20 ta jamoa Qozog’istonning Almati shahriga borishdi. Musobaqada O’zbekistondan ishtirok etgan jamoalardan faqatgina ikkita yetakchi jamoaga diplom olish nasib etdi.
Ular:
1⃣. Lomonosov nomidagi Moskva davlat universitetining Toshkent filiali  Awesome Team (Toshpulatov, Ashirmatov, Ashrapov) jamoasi jami 5 ta masala ishlagan holda  2-darajali diplom bilan taqdirlandi.
2⃣. 💻Muhammad Al-Xorazmiy nomidagi Toshkent axborot texnologiyalari universiteti : Algo Experts (Qarshiyev, Qayumjonov, Jalolov) jamoasi jami 4 ta masala ishlagan holda 3-darajali diplom bilan taqdirlandi.   
       Eslatib o'tamizki, shu paytgacha O'zbekistondagi OTMlar ichida bu kabi nufuzli tanlovlarda qatnashib diplom olish juda qiyin bo'lgan.Faxr bilan aytishimiz mumkinki, aynan bizning universitetimiz talabalari musobaqada o'z bilim salohiyatlarini namoyish qilgan holda, yuqori natijalarni qayd etdilar.

🏆Talabalarimizni tabriklaymiz. Bu kabi yutuqlar bardavom bo'lsin!!!

💻Xabaringiz bor, Muhammad al-Xorazmiy nomidagi Toshkent axborot texnologiyalari universiteti iqtidorli talabalaridan tashkil topgan "Zakovat" terma jamoasi Intellektual Olimpiada Toshkent shahar saralash bosqichida ishtirok etayotganliklari haqida ma'lumot bergan edik.

✅Mamnuniyat bilan aytishimiz mumkinki, Respublika OTM jamoalari ishtirok etgan va 4 raunddan iborat bo'lgan bellashuvda "Zakovat" terma jamoasi muvaffaqiyatli ishtirok etib Intellektual Olimpiadaning Respublika bosqichiga yo'llanmani qo'lga kiritishdi.

👍Barakalla shovvozlar, ilm-u mahoratingizni namoyish qilib, intellektual maydonlarda TATU sharafini himoya qilishda omad sizga yor bo'lsin!!!

#Universitetimizga_tashrif
#Delegatsiya

💻Bugun, 9-dekabr kuni Muhammad al-Xorazmiy nomidagi Toshkent axborot texnologiyalari universitetiga Tatariston Bosh vaziri o‘rinbosari Shayxutdinov R.A boshchiligidagi delegatsiya tashrif buyurdi.

🗒Uchrashuv davomida IT-ta’lim sohasidagi istiqbollari haqida muhokamalar qilindi. Shuningdek, universitetlar o'rtasida turli darajadagi almashinuvlar, qo'shma loyihalarni amalga oshirish, startap va innovatsion ekotizimni rivojlantirishda bo‘yicha o‘zaro fikr-mulohazalar almashildi.

📊So'ngra delegatsiya a'zolari universitet haqida taqdimotlar, erishilayotgan yutuqlari, bugungi kundagi IT sohasida kadrlar tayyorlashdagi yaratilgan sharoitlar bilan tanishtirildi.