🤩 Joriy yilning 19-noyabr sanasida Koreya Respublikasining Kookmin universiteti vitse-prezidenti PhD., Byoung Joon Kim, IT Biznesda boshqaruv axborot tizimlari fakulteti dekani PhD., Do-Hyung Park va Kookmin universitetining faxriy professori PhD., Jin W.Moklar rasmiy tashrif bilan Toshkent axborot texnologiyalari universiteti Nurafshon filialida bo‘lishdi.

🖥 Filial direktori N.Nasrullayev boshchiligida Kookmin universitetidan tashrif buyurgan delegatsiya a'zolari bilan o‘zaro hamkorlik masalalari ko‘rib chiqildi.

👩🏻‍🎓 Ushbu tashrifning bosh maqsadi ta’lim sohasidagi xalqaro hamkorlikning asosiy masalalari, jumladan filial talabalari va professor-o‘qituvchilari uchun mobillik dasturlarini yo‘lga qo‘yish, o‘zaro tashriflar doirasida ma’ruzalar, seminar-treninglar tashkil etish, qisqa muddatli amaliyot va stajirovkalar o‘tash o‘zaro hamkorlikni rivojlantirish, ilg‘or tajribalarni o‘rganish va hamkorlik imkoniyatlarini muhokama qilishdan iborat bo‘ldi.

🙌 Tashrif davomida mehmonlar filialning o‘quv va ilmiy faoliyati, innovatsion loyihalari bilan yaqindan tanishib chiqdi. Ular filialda yaratilgan sharoitlar, zamonaviy laboratoriyalar va ilmiy-tadqiqot markazlarini yuqori baholab, yosh mutaxassislarni tayyorlashda zamonaviy texnologiyalardan foydalanish bo‘yicha o‘z tajribalari bilan o‘rtoqlashdilar.

👩‍💻 nbtuit.uz |✈️ Telegram  |📷 Instagram | 📒Facebook