#uchrashuv #hamkorlik

TATU mas'ul hodimlari va Rossiyaning Uzoq Sharq Federal universiteti vakillari o'rtasida onlayn uchrashuv bo'lib o'tdi.

Ushbu uchrashuvda Rossiya ilmiy tashkilotlari va oliy ta’lim muassasalari bilan birgalikda ikki va ko‘p tomonlama ilmiy-texnikaviy hamkorlik dasturini amalga oshirish istiqbollari muhokama etildi. Hozirgi kunda Rossiya Ta'lim va fan vazirligi federal byudjet tomonidan MDH davlatlarining ilmiy tashkilotlari va oliy ta’lim muassasalari bilan birgalikda ilmiy-texnikaviy hamkorlik dasturini moliyaviy ta'minlash uchun tanlov e'lon qilingan. Ikki universitet o'rtasida qo'shma loyihalarni amalga oshirish imkoniyatlari ko'rib chiqildi.

✈️@tuituz_official

#hamkorlik #memorandum

Samarqandda 16-17-iyul kunlari Oʻzbekiston va Qirgʻiziston oliy taʼlim muassasalari rektorlari ikkinchi forumi bo’lib o’tmoqda. 

🤝 Mazkur forum doirasida B2B uchrashuvlar tashkil etilib, professor-o‘qituvchi va talabalar almashinuvi, o‘zaro o‘quv jarayonlarini tashkil qilish, ta’lim sifatini oshirish, stajirovka o‘tash, malaka oshirish, qo‘shma ta’lim dasturlarini yo‘lga qo‘yish yo‘nalishlarida o‘zaro aloqalarni kengaytirish yuzasidan Muhammad al-Xorazmiy nomidagi Toshkent axborot texnologiyalari universiteti va Qirg’iziston Respublikasining O'sh davlat universiteti, Adam universiteti va B. Sidiqov nomidagi Qirg'iz-O'zbek xalqaro universiteti bilan hamkorlik shartnomalar imzolandi.

✈️@tuituz_official

Muhammad al-Xorazmiy nomidagi Toshkent axborot texnologiyalari universiteti Samarqand filialiga rektor tashrif buyurdi.

👥 2024-yil 17-iyul kuni Muhammad al-Xorazmiy nomidagi Toshkent axborot texnologiyalari universiteti rektori prof. Baxtiyor Maxkamov Samarqand filialiga tashrif buyurdi.  Rektor filial o‘quv binosi, auditoriya xonalarning jihozlanganligi va ulardan foydalanish darajasi bilan tanishdi.  Shu bilan birga yangi 2024-2025 o‘quv yiliga  tayyorgarlik holati o‘rganildi va tahlil qilindi.

🗒 Tashrif davomida rektor B.Maxkamov filialni yanada rivojlantirish va ta’lim sifatini yaxshilash bo‘yicha aniq taklif va tavsiyalarini berdi. Filialda "Student office"ni tashkil etish bo‘yicha berilgan ko‘rsatmalar shular jumlasidan.

✈️@tuituz_official