#TATU
#seminar

✅ Muhammad al-Xorazmiy nomidagi Toshkent axborot texnologiyalari universitetida 8-mart Xalqaro xotin-qizlar kuniga bag'ishlangan "Yangi O'zbekiston ijtimoiy-siyosiy hayotida xotin-qizlar o'rni" mavzusida ilmiy-nazariy seminar bo'lib o'tdi.

💬 Seminarda Respublikamizdagi oliy ta'lim muassasalarining olima ayollar va professorlari,  Prezidentimiz tomonidan ayollarga berilayotgan imkoniyatlari hamda Davlat boshqaruvi tizimida xotin-qizlar ijtimoiy faolligini oshirishning ahamiyati, Jamiyat ijtimoiy-ma'naviy muhitini sogʻlomlashtirishda xotin-qizlarning oʻrni mavzularida ma'ruzalar qilishdi.

🌟 Seminar yakunida ishtirokchilar universitet rahbariyati tomonidan tashakkurnomalar hamda esdalik sovg'alar bilan taqdirlanishdi!!!

#seminar_trening

💬 “Tendency of developing of higher education” mavzusida seminar-trening tashkil etildi.

➡️ Axborot ta’lim texnologiyalari kafedrasi tashabbusi bilan universitetning professor-o‘qituvchilari, doktorantlar va magistrlari uchun Germaniyaning Chemnitz Universiteti professorlari Dr.Ariana Heller va Uranchimeg Tudevdagvalar ishtirokida seminar-trening o’tkazildi.

Mazkur seminar-trening oliy ta’limdagi xalqaro tendensiyalar, sun’iy intellekt tizimlarini o’quv jarayoniga qo’llash muammolari va yechimlariga bag’ishlandi. Shuningdek, bugungi kunda raqamli jamiyatning ta’lim tizimiga qo’ygan talablaridan biri bo’lgan E-learning va unda ta’lim oluvchilarning bilimini baholash modellari hamda vositalari to’g'risida fikr almashildi.

🗒 Ushbu qiziqarli uchrashuv, taqdim etilgan taqdimotlar va qizg'in muhokamalar natijasida professor-o'qituvchilar, doktorantlar va magistrlarning ilmiy faoliyatlarini olib borishlari uchun foydali ma'lumotlarga hamda chet el tajribasiga ega bo'lishdi.

✈️@tuituz_official

#delegatsiya #tashrif

✅ Joriy yilning 6-mart kuni Muhammad al-Xorazmiy nomidagi Toshkent axborot texnologiyalari universitetiga Amerika Qo‘shma Shtatlarining Vayoming universiteti (University of Wyoming) Xalqaro aloqalar bo‘yicha direktori Dr. Isadora Helfgott boshchiligidagi delegatsiya tashrif buyurdi.

🗒  Uchrashuvda TATU va Vayoming universiteti o'rtasida hamkorlik aloqalarini o'rnatish, birgalikda ilmiy seminar va konferensiyalar tashkil etish imkoniyatlari muhokama etildi. Bundan tashqari, fakultet professor-o‘qituvchilari hamda talabalar uchun almashinuv dasturi orqali qisqa muddatli stajirovkalar tashkil etish , birgalikda tadqiqot faoliyatini olib borishga qaratilgan dasturlarni tashkil etishga kelishib olindi.

📌Ma'lumot uchun: Vayoming universiteti (University of Wyoming) 2024 THE dunyo universitetlar reytingida yuqori Top-800 ta o'rindan joy olgan.

#Shibaura #exchange

✅ TATU ilmiy izlanuvchisi Qo'shiyev Bahodir "Research exchange program" dasturi doirasida Yaponiyaning Shibaura texnologiyalar institutida ilmiy stajirovka o'tamoqda.

Ushbu dastur TATU hamda Yaponiyaning Shibaura texnologiyalar instituti o'rtasida amalga oshirilayotgan hamkorlik doirasida yo’lga qo’yilgan bo’lib, jami 12 nafar talaba va ilmiy izlanuvchilar mazkur ta’lim dargohida tahsil olib keldilar.

TATU ilmiy izlanuvchisi B.Qo’shiyev institutning "Data Science" ilmiy-tadqiqot markazida boshqaruv tizimini raqamlashtirish, qishloq xo'jaligini innovatsion boshqarish uchun sun'iy intellekt modellarini ishlab chiqish, ishlab chiqilgan modellarni takomillashtirish, Machine Learning, Deep Learning, Computer vision bo’yicha bilim va ko’nikmalarini oshirmoqda.

✈️@tuituz_official