#Besh_tashabbus_olimpiadasi

🏆 Toshkent shahridagi 92 ta oliy ta’lim muassasalari orasida universitetimizning talaba-yoshlardan tashkil topgan mini-futbol terma jamoasi “Besh tashabbus olimpiadasi”ning talabalarimiz 3-o‘rinni egallashdilar!

🎁Go'lib jamoalarga Yoshlar siyosati va sport boshqarmasi tomonidan diplom va esdalik sovg'alari topshirildi.

📍Eslatib o‘tamiz, “Besh tashabbus olimpiadasi” sport musobaqalarining Respublika bosqichi joriy yilning 2-5 noyabr kunlari Buxoro viloyatida o‘tkaziladi.

🎉G‘ALABA MUBORAK, YUTUQLARIMIZ BARDAVOM BO‘LSIN !!

#yangilik #qiziqarli #kun_fakti

🤖 ChatGPT-4 bevosita Internetga kirish imkoniyatiga ega bo'ldi.

🌐 Endi Chatbot savollaringizga javobni internet tarmoqlaridan foydalanib javob beradi.

🗂 ChatGPTning bilimlar bazasi endi 2021 yil sentyabrgacha bo'lgan ma'lumotlar bilan cheklanmaydi.

✅ Bu funksiya faqatgina ChatGPT Premium foydalanuvchilarida mavjud.

✈️@tuituz_official

#digital #ICTWeek #yangilik #tezkor

⚡️Mobil aloqa abonentlariga o‘z mobil raqamlarini saqlagan holda o‘zlari xohlagan mobil aloqa operatori xizmatlaridan foydalanish imkoniyati yaratildi

💻Bugun, 27-oktabr kuni “ICTWEEK UZBEKISTAN – 2023” axborot-kommunikatsiya texnologiyalari haftaligi doirasida O‘zbekiston Respublikasi mobil aloqa tarmoqlarida abonent raqamini ko‘chirish xizmati (MNP) ishga tushirildi.

Xizmatning ishga tushirilishi mamlakatimizda faoliyat yuritib kelayotgan mobil aloqa operatorlari o‘rtasida sog‘lom, ijobiy raqobatni yanada kuchaytirish bilan birga ular tomonidan ko‘rsatilayotgan xizmatlar sifatining oshishiga olib keladi.

Uning qulayligi shundaki, endilikda abonentlar mobil aloqa operatorlarining xizmat ko‘rsatish sifatiga qarab istalgan kompaniyani tanlashi mumkin.

Bu jarayonda mobil aloqa abonentlariga ular boshqa operatorga ko‘chganda o‘z abonent raqamini saqlab qolish imkoniyati taqdim etiladi. Bu raqam yo‘qotilishining oldini oladi hamda aloqa operatorlari tomonidan raqam resurslaridan yanada oqilona foydalanilishiga xizmat qiladi.

Mobil aloqa abonentlariga o‘z mobil raqamlarini saqlagan holda o‘zlari xohlagan mobil aloqa operatori xizmatlaridan foydalanish imkoniyatining taqdim etilayotgani xizmatning eng qulay tomonidir.

Dastlabki bosqichda jismoniy shaxslar o‘zi o‘tishni xohlagan mobil aloqa operatori ofisiga tashrif buyurgan holda murojaat etadi hamda mobil raqami ko‘chirilgan yangi sim kartani olib ketadi.

Hozirgi kunda O‘zbekistonda Beeline, Mobi uz, Ucell, UZTELECOM, Humans kabi 5 ta mobil aloqa operatori faoliyat ko‘rsatadi. Ular tomonidan mijozlarga mobil aloqa xizmatlari ko‘rsatib kelinmoqda. Agar xizmatdan foydalanib, mobil aloqa operatori o‘zgartirilsa, ko‘chirilgan raqamlar o‘z shaklini va ko‘rinishini saqlab qoladi.

✈️@tuituz_official

#delegatsiya #Xitoy

Muhammad al-Xorazmiy nomidagi Toshkent axborot texnologiyalari universiteti delegatsiyasi Xitoy Xalq Respublikasining Zhejiang universitetida UNESCO tashabbusi bilan tashkil qilingan "9th UNESCO-APEID meeting on entrepreneurship education" simpoziumida ishtirok etmoqda.

Ushbu simpozium Osiyo va Tinch okeani hududlaridagi 60 dan ortiq universitetlar rahbarlari, professor va tadqiqotchilarini talabalarning startap g’oyalarini qo’llab-quvvatlash, ta’limni ishlab chiqarishga yo’naltirish kabi mavzularda tajriba almashish va yangi yo’nalishlarni belgilash uchun birlashtirdi.

Simpoziumning Universitetlarda inson kapitalini rivojlantirish sho’basida O’quv ishlari bo’yicha prorektor Jamshid Sultanov TATUda mazkur yo’nalishda amalga oshirilayotgan ishlar, Inkubataiya markazi, o’quv va ilmiy laboratoriyalar faoliyati hamda talabalarning erishayotgan yutuqlari haqida taqdimot qildi.

Simpozium doirasida Universitetni UNESCO va Zhejiang universiteti tashabbusi bilan tashkil etilgan Entrepreneurship education network (EE-Net)ga a’zolikka qabul qilish masalasi ko’rib chiqildi.

🗒Ma’lumot uchun: Entrepreneurship education network (EE-Net) oliy ta’lim muassasalarida ishlab chiqarish va startap g’oya egasi bo’lgan talabalarni yanada qo’llab-quvvatlash, ta’limda amaliy yechimlar va g’oyalarni rivojlantirish, ularni bozorga yo’naltirishda talabalar uchun turli ta’lim dasturlarini yo’lga qo’yish hamda hamkorlar bilan bu boradagi bilim va tajribalarni almashinishni rivojlantirish uchun tashkil qilingan xalqaro tashkilotlar, universitetlar va ishlab chiqaruvchilar tarmog’i hisoblanadi.

✈️@tuituz_official