#Seedsforthefuture #Faxrlanamiz

💻 Muhammad al-Xorazmiy nomidagi Toshkent axborot texnologiyalari universitetining Kiberxavfsizlik fakulteti 3-kurs talabasi Bobur Jo‘rabekov HUAWEI kompaniyasining «Seeds for the Future» loyihasi g'olibi deb topildi va Qatar davlatining Doha shahriga yo‘llanmani qo‘lga kiritdi.

“Seed for the Future” loyihasining birinchi bosqich g‘oliblari Huawei kompaniyasining Yaqin Sharq va Markaziy Osiyo, xususan Qatar va BAAdagi mintaqaviy ofisi tomonidan tashkillashtirilgan Qatar davlati Doha shahrida joriy yilning 2-9-sentabr kunlari bo‘lib o‘tishi rejalashtirilgan Tech4Good global kontestida ishtirok etadilar va ushbu bosqichdan muvaffaqiyatli o‘tgan talabalar uchun ikkinchi bosqichda BAAning Dubay shahrida 10-16-Sentabr kunlari treninglarda qatnashadilar.

Ushbu loyiha Axborot texnologiyalari sohasida mahalliy yosh istе’dodlarni kasbiy rivojlantirishga, ularning soha bo‘yicha bilim va dunyoqarashini kеngaytirishga, istе’dodli yoshlar orasida tеlеkommunikatsiya tarmoqlariga bo‘lgan bilimlarini chuqurlashtirish va qiziqishlarini oshirishga yo‘naltirilgan. Shuningdеk, loyiha mintaqaviy o‘zaro aloqalarni hamda raqamli jamiyatdagi ishtirokni yanada yaxshilash va qo‘llab-quvvatlashga yordam bеradi.

🗒Ma’lumot uchun: “Seeds for the Future” loyihasi O'zbekistonda 8 yildan beri amalga oshirilmoqda. Bugungi kunda loyiha doirasida Muhammad al-Xorazmiy nomidagi Toshkеnt axborot tеxnologiyalari univеrsitеtining (TATU) 50 nafar talabasi Xitoyga tashrif buyurib, kompaniyaning bosh ofisida amaliyot o‘tadilar. “Seeds for the Future” dasturida dunyo bo‘yicha 137 mamlakat va mintaqalardan, 500 univеrstitеtdan vakillar ishtirok etmoqda.

✈️ @tuituz_official

5️⃣5️⃣5️⃣

“Uzbekistan GTL” MChJ tomonidan “Eng fidoyi ustoz II” tanlovi e’lon qilindi

Mazkur tanlov asosan neft va gaz sohasiga, xususan “Uzbekistan GTL” zavodiga o‘zining ta’lim-tarbiya berishi orqali bilimli yosh kadrlarni yetkazib berayotgan 18 ta oliy ta’lim muassasasining eng fidoyi professor-o‘qituvchilarini aniqlash va ularni rag‘batlantirishga mo‘ljallangan.

Tanlovning g‘oliblari sifatida yuqoridagi oliy ta’lim muassasalarida doimiy faoliyat yuritayotgan hamda kamida 2 yillik pedagogik ish stajiga ega bo‘lgan ilmiy-pedagog xodimlar e’tirof etilishlari mumkin.

Tanlov g‘oliblarini aniqlash oliy ta’lim muassasalarida tahsil olayotgan talabalar, Kompaniya xodimlari va yosh mutaxassislari hamda UzGTL stipendiya dasturi ishtirokchilari o‘rtasida ularni o‘qitgan ustozlari haqida o‘tkaziladigan so‘rovnoma asosida saralab olinadi.

Tanlovda ishtirok etishi mumkin bo‘lgan OTMlari (ro‘yxat) talabalari quyidagi havola orqali onlayn so‘rovnomani to‘ldirib, qadrli ustozlarini e’tirof etishlari mumkin:
👉https://docs.google.com/forms/d/1HYMk5AAaqKw6D-GX1xituRbTvenWxrK9ZXb_SjTlh6Y/edit

Tanlov g‘oliblari Uzbekistan GTL zavodida malaka oshirishlari, ilmiy ish va izlanishlar olib borishi uchun keng imkoniyatga ega bo‘ladi. Shuningdek, moddiy mukofotlar bilan taqdirlanishi rejalashtirilgan.

Ma’lumot uchun, o‘tgan o‘quv yilida o‘tkazilgan tanlovda nomzodlar orasidan 9 nafar g‘olib aniqlab olinib, ularga 30 milliondan 70 million so‘mgacha bo‘lgan pul mukofoti va noutbuklar sovg‘a qilingan edi.