#Hamkorlik
#TATU

💻 Muhammad al-Xorazmiy nomidagi TATU va O’zbekiston-Yaponiya markazi (UJC) o’rtasida o’zaro tanishuv uchrashuvi bo’lib o’tdi.

✅ Uchrashuv mehmonlari sifatida UJC direktori Dr. Hiroo Ivazaki va loyihalar koordinatori Dr. Hidehiro Shinkoi tashrif buyurdi. Uchrashuv davomida IT sohasida raqamli ta’limni rivojlantirishda Yaponiya universitetlari bilan o’zaro hamkorlikni rivojlantirish, talabalar uchun PMP (Professional Management Program) va IT loyihalarini boshqarish kurslarni yo’lga qo’yish, universitetlar bilan hamkorlikda qo’shma laboratoriyalar va ilmiy stajirovkalarni amalga oshirish bo’yicha dastlabki kelishuvlarga erishildi.

🗂 O'z navbatida 2023-yil 6-noyabrda “Study Japan Fair” kuni bo’lib o’tishi munosabati bilan universitet professor-o’qituvchilari va talabalari O’zbekiston-Yaponiya markaziga tashrif buyurishlari mumkin.

❤@tuituz_official

#tashrif
#TATU

Qoraqalpog'iston Respublikasi Agro IT texnikumiga tashrif

✅ Oliy ta’lim, fan va innovatsiyalar vazirligining 2023-yil 6-martdagi 44-son buyrug‘iga asosan professional ta'lim muassasalariga ilmiy va metodik jihatdan yordam berish ishlarini muvofiqlashtirish maqsadida joriy yilning 24-iyul kuni TATUning Hududiy o‘quv muassasalari bo‘yicha prorektori iqtisodiyot fanlari doktori, professor Sh.To‘rayev hamda TATU Nukus filiali direktori, texnika fanlari doktori, professor B.Kaipbergenov Qoraqalpog'iston Agro It texnikumiga tashrif buyurishdi.

🗒 Texnikumning moddiy texnik bazasi, kutubxonasi, kompyuter va telekommunikatsiya texnologiyalari uchun tashkil etilgan oʻquv xonalari bilan tanishildi.

📌 Tashrif davomida belgilangan topshiriqlar asosida bajarilgan ishlar muhokama qilinib, ta’lim yo‘nalishlari o‘quv rejalarini yangilash, hamkorlikda adabiyotlar yaratish va ilmiy maqolalar tayorlash bo‘yicha kelgusidagi vazifalar belgilab olindi.

❤@tuituz_official

#Hamkorlik #TATU

💻 Muhammad al-Xorazmiy nomidagi Toshkent axborot texnologiyalari universitetiga Yaponiyaning “CAL Co, Ltd” prezidenti Maeda Akir hamda “Kompyuterlashtirish bo‘yicha xalqaro hamkorlik Markazi” bosh menejeri Kotaro Okada tashrif buyurdi.

✅ Uchrashuv davomida IT mutaxassislariga bo‘lgan talabning butun dunyoda yuqori ekanligi, xususan, 2030-yilga qadar Yaponiyada 800 mingga yaqin IT injinerlar yetishmovchiligi taxmin qilinayotgani, shu maqsadda xorijdan yetakchi IT xodimlarni jalb qilishga katta e’tibor qaratilayotgani qayd etildi. Uchrashuv davomida TATU bitiruvchilarini “CAL Co, Ltd” kompaniyasiga ishga jalb qilish, shu bilan bir qatorda TATUda 9 oylik yapon tili kurslarini tashkil etish muhokama qilindi.

📌 Ma’lumot uchun: Yaponiyaning “CAL Co, Ltd” kompaniyasi 1990-yilda tashkil etilgan bo‘lib, xususiy sektorda faoliyat olib boradi. Shuningdek, IT yo‘nalishida butun Yaponiya bo‘ylab xizmat ko‘rsatib kelishi bilan bir qatorda, dunyoning boshqa yetakchi davlatlariga ham o‘z xizmatlarini taqdim etib keladi. Bugungi kunda kompaniyada 2133 nafar xodim xizmat ko‘rsatmoqda.

✈️ @tuituz_official