#ҳашар
#ошар
#лирик_чекиниш

📌Майдонда ишнинг салмоғи анча кўриниб қолди. Кўчатни кўп экиб қўйганлар бир дам белини ушлаб, эриниб қолди.

Қорни тўйганлар дўпписини ечиб, бошни қашлаб турибди, соялагани чиққанлар лаганлардан ошни ошлаб турибди...

Қози қозилигин, солиқчи солиқчилигин унутган — ҳамма бир эзгу мақсаднинг рўёбин кутган...

Бу бағрикенг элнинг ҳашари шундай: иш билгангаям бир лаган ош, гап билгангаям бир лаган ош...

👉Каналга уланиш: https://t.iss.one/toshvilpressa

Facebook | Instagram | YouTube | Twitter | TikTok

#лирик_чекиниш
#туйғу

Ҳавасим келади сенга, болажон!

Кўнгилга ёвуқсан кўз билан қошдай,
Ғубори йўқ тонгда чиққан қуёшдай.
Гўзалликка номинг гўё уйқошдай,
Жону жаҳонимиз сенга тутошдай.
Ҳавасим келади сенга, болажон.

Зарра хабаринг йўқ дунё ишидан,
Фалакнинг қай йўсин айланишидан,
Атом ваҳимаси, эл ташвишидан,
Кимнинг кулиб, кимнинг қайғуришидан.
Ҳавасим келади сенга, болажон.

Ўйнаб, келмоқликдан ўзга ғаминг йўқ,
Бир нафас ҳасратда ўтган даминг йўқ,
Кимсада ғаразинг, ўч, аламинг йўқ,
Билгимча дунёда сира каминг йўқ,
Ҳавасим келади сенга, болажон.

Ўйлайсан: йил бўйи мудом баҳор деб,
Баҳорсиз бу дунё беэътибор деб.
Ҳамманинг бир хилда ташвиши бор деб,
Барчани ўзингдай пок, беғубор деб…
Ҳавасим келади сенга, болажон.

Тўра СУЛАЙМОН,
Ўзбекистон халқ шоири

Нозим АБДУЛЛА фото-этюдлари

👉Каналга уланиш: https://t.iss.one/toshvilpressa

Facebook | Instagram | YouTube | Twitter | TikTok