-Bir necha yillar davomida ta’limda erkak o‘qituvchilar salmog‘i kamayib ketgan edi. Buning sababi albatta moddiy ehtiyojga borib ta’qaladi. Shaxsan o‘zim guvahi bo‘lganman, bilimdon, fanining yetuk mutaxassisi, yaxshi peagog bo‘lgan bir nechta erkak o‘qituvchilarimiz oyilik maoshlari kamligi, qog‘ozbozlik, hujjatbozlik ko‘pligi sababli maktabni tashlab ketishgan edi.
Men ham dastlab, maktabda ishlasam qanday bo‘larkan degan hadik bo‘lgan. Yo‘q bgun bu hadiklarim batamom bartaraf bo‘lgan. Chunki hukumatimiz, qolaversa vazirligimiz tomonidan biz o‘qituvchilarga har tomonlama imkoniyatlar yaratilmoqda.
Meni o‘zim, soham doirasida sertifikatlarim bor. Bu maoshimga bir baravar ustama qo‘shilishiga asos bo‘ldi. Kuni kecha fanim doirasida malaka sinovlarida ham ishtirok etib, 90 ball bilan oliy toifaga ega bo‘lish arafasidaman.
Bugun 1000 dollardan oshiq, 14 millionga yaqin maosh olaman. Nimani hisobiga? Berilgan imkoniyat va imtiyozlar hisobiga. Buning evaziga albatta, o‘z ustimizda ishlab, kelajak avlodni bilimli qilib chiqarish lozimdir, deydi qahramonimiz.

-Judayam xursand bo‘lyapman. Mehnatimiz samarasi, yuzaga chiqmoqda. Bugun bizga yaratilgan imkoniyatlardan boricha foydalansak, marra bizniki. Men fursatdan foydalanib, vazirimizga, vazirligimizga o‘z minnatdorligimni bildiraman. Bir yilda ikki marta malaka sinovlarini tashkil etilishi, turli sertifikatlarni qo‘lga kiritishimizda, ular hisobidan maoshlarimiz oshirilishida albatta vazirligimiz tashabbuskor bo‘lib turibdi, deydi quvonch bilan Ziyoda opa Karimova

-Har kuni, har soatda yangilik kirib kelmoqda hayotimizga. Bolalarimizni eski metodlar bilan bugun to‘xtatib bo‘lmaydi. Bu uchun o‘qituvchi har lahza xushyor va o‘rganuvchi bo‘lishi kerak. Bu o‘zimiz uchun ham asqotadi. Mana natijasini attestatsiya jarayonlarida ham ko‘rib turibman.
Test savollaridan 80 ball yig‘dim. Toifamni oliyga chiqardim.
Hammasi uchun rahmat.