#IBRAT_VAQTI

✅Kunlardan bir kuni bir podshoh kasal bo‘lib qolibdi. Uni davolash uchun butun dunyodan tabiblarni chaqirishibdi, lekin hech biri podshohni davolay olmabdi. Shunda ular maslahat qilib bir qarorga kelishibdi. Agar baxtli odamni topib, uning ko‘ylagi podshohga kiydirilsa, u tuzaladi. Baxtli odamni topish uchun dunyoning hamma tomoniga choparlar jo‘natilibdi. Lekin hech kim "Men baxtliman", degan odamni topa olmabdi. Kimdir boy, lekin kasal, yana kimdir sog‘, ammo kambag‘al, boshqasi boy, sog‘, biroq oilasi notinch – xullas, hamma nimadandir nolir edi.

Bir kuni tunda podshohning o‘g‘li shahar ko‘chalarini aylanib yursa, bir hovlidan kimningdir gapini eshitib qolibdi. U: "Yaxshi ishladim, pulimni oldim, qornim to‘ydi, endi maza qilib uxlayman. Mendan baxtli odam yo‘q", debdi. Podshohning o‘g‘li sevinib ketib, tezda xizmatkorlarini jo‘natibdi. Katta pul evaziga o‘sha odamning ko‘ylagini olib kelishni tayinlabdi. Xizmatkorlar hovliga kirib shahzodaning buyrug‘ini bajarmoqchi bo‘lishibdi, lekin qarashsa, haligi "baxtliman" degan odam shunchalar qashshoq ekanki, hatto, egnida ko‘ylagi ham yo‘q ekan.

❗️Ey inson, bilginki, baxt keluvchi va ketuvchi narsadir. Odam o‘zini bir muddat baxtli hisoblashi uchun boy bo‘lishi shart emas, balki bor narsasiga shukr qilsa kifoya.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

✅Yosh imperator o‘z mulozimlari bilan ulkan mamlakati bo‘ylab sayohatga chiqdi. U qayerda paydo bo‘lmasin, xalq o‘z hojasiga hurmat belgisi sifatida boshlari yerga tekkuncha ta’zim qilardi. Vaqti-vaqti bilan uning buyrug‘i bilan g‘aznachi bir hovuch mis tangalarni uloqtirar, odamlar ularni terish uchun o‘zlarini yerga otardi.
Ana shunday kunlarning birida ust-boshi eskirib ketgan rohib to‘satdan to‘ppa-to‘g‘ri imperator tomon yurdi. Uning qo‘lida yog‘ochdan ishlangan kosa bor edi. Soqchilar uni to‘xtatmoqchi bo‘lishdi, biroq yosh shahzoda rohibni o‘tkazib yuborishga ishora berdi. Hammani hayratda qoldirgan imperator otdan sakrab tushib, rohibning oldiga bordi va tiz cho‘kkancha munkayib qolgan cholning etagini o‘pdi.
— Qaytganingiz bilan, ota, — dedi u quvonch bilan sekin shivirlar ekan.
— Yo‘q, o‘g‘lim, men shunchaki o‘tib ketayotgan edim.
— Lekin bu sizning uyingiz, ota!
— Yo‘q, o‘g‘lim. Endi u seniki.
— Kuchdan qolib, juda zaiflashib qolibsiz, ota. Sizga qanday yordam berishim mukin? Sizga hech bo‘lmaganda bitta ot bersam maylimi?
— Bilasanmi, men qashshoqlikda yashashga, dunyoni kezishga qasamyod qilganman. Mana bu kosamga bir nechta mis tanga tashlasang kifoya. Bu men uchun yetarli bo‘ladi.
— G‘aznachi! — deb baqirdi shahzoda, — hoziroq mana shu kosani sof oltinga to‘ldiring!
— Qo‘ysangchi, o‘g‘lim, — dedi rohib jilmayar ekan, — sen uni to‘ldirolmaysan...
G‘aznachi kosani to‘ldira boshladi. U butun bir qop tillani kosaning ichiga bo‘shatdi, keyin yana va yana solaverdi, ammo kosa to‘lay demasdi...
— Bu shaytonning idishimi nima balo, ota? Uning tubi bormi yo‘qmi?
— Men baxtliman, o‘g‘lim! Chunki sen mendan ko‘ra aqlliroq bo‘lib chiqding. Bu kosa hech qachon to‘lmasligini tushunib yetish uchun senga uchta qop oltin kifoya qildi. Men buni tushunish uchun butun umrimni, behisob boyliklarni, dunyoning yarmini va minglab kanizaklarni sarfladim. Bu yo‘lda sog‘lig‘imdan ayrildim, biroq bu kosani hech qachon to‘ldira olmaganman. Chunki bu istak-xohishlar kosasi, o‘g‘lim. Uni hech qachon to‘ldirib bo‘lmaydi...
Barchamizda ana shunday kosa bor. Istaklarimizni qondirish uchun ixtiyorimizdagi barcha narsani qilishga tayyor bo‘lamiz. Bu esa xotirjamligimizni, hayotdagi quvonchimizni va oxir-oqibat hayotimizni tortib oladi...

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaninng yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

Bir kishi donishmanddan so‘radi:
-Do‘stingiz siz haqingizda nima deganini aytaymi?
-Shoshma, -dedi donishmand, - avval aytmoqchi bo‘lgan gapingni uchta elakdan o‘tkaz...
-Uchta elak?
-Biror gapni aytishdan oldin, uni uchta elakdan o‘tkazish lozim. Avval HAQIQAT elagidan. Aytmoqchi bo‘lgan gaping haqiqat ekanligiga ishonching komilmi?
-Yo‘q, men uni shunchaki eshitdim, xolos.
-Demak, sen uning rost yoki yolg‘onligini bilmaysan. Endi ikkinchi – YAXSHILIK elagidan o‘tkazamiz. Sen menga do‘stim haqida biror yaxshi gapni aytmoqchimisan?
-Yo‘q, aksincha.
-Demak, -davom etdi donishmand, - sen menga haqiqatligini bilmay turib yomon xabarni yetkazmoqchisan. Endi uchinchi elakdan o‘tkazamiz – FOYDA elagi. Sening gapingni eshitishim shartmi, u menga foyda keltiradimi?
-Yo‘q, hojati yo‘q.
-Demak, -xulosa qildi donishmand, - sen yetkazmoqchi bo‘lgan xabarda haqiqat ham, yaxshilik ham, foyda ham yo‘q ekan. Unda uni menga aytib nima qilasan?

✅Tafakkur qiling!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

✅Tabassum – harfsiz yozilgan yoqimli so‘zdir.
✅Tabassum – elektr sarflamay yongan chiroqdir.
✅Tabassum – Allohning qazo-qadariga rozilikdir.
✅Tabassum – tarjima kerak bo‘lmagan lug‘atdir.
✅Tabassum – sadaqadir.

💐Tafakkur qiling!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

💎Oltin qoidalar

1. Bolalaringizni boy bo‘lish istagida emas, baxtli bo‘lish istagida tarbiyalang. Katta bo‘lganlarida narsalarning narxini emas, qadrini biladigan bo‘ladilar.
2. Taomni xuddi doridek iste’mol qiling. Bo‘lmasa dorini ovqatdek yeydigan bo‘lasiz.
3. Sizni yaxshi ko‘rganlar 100% sabab bo‘lsa ham sizni tark etmay, sizning yoningizda qolish uchun bitta bo‘lsa ham sabab topadilar. Yomon ko‘rganlarga esa yuzta sabab ham kifoya qilmaydi.
4. Odam bo‘lish bilan odamiylik orasida juda katta farq bor.
5. Agar siz tez yurmoqchi bo‘lsangiz, yolg‘iz keting! Lekin agar uzoqqa bormoqchi bo‘lsangiz, birga keting!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_VAQTI

➖Kim ortiqcha so‘zlarni tark etsa, unga hikmat beriladi.
➖Kim ortiqcha qarashni tark etsa, unga qalb xushu’i beriladi.
➖Kim ortiqcha taomni tark etsa, unga ibodat lazzati beriladi.
➖Kim ortiqcha kulishni tark etsa, unga haybat beriladi,
➖ Kim mazaxni tark etsa, unga baho beriladi.
➖ Kim dunyo muhabbatini tark etsa, unga oxirat muhabbati beriladi.
➖Kim boshqalar aybi bilan mashg‘ul bo‘lishni tark etsa, unga o‘z aybini isloh qilish beriladi.
➖ Kimning kulgusi ko‘paysa, haybati ozayadi.
➖ Kimning so‘zi ko‘paysa, uning xatosi ko‘payadi.
➖ Kim insonlarni kamsitsa, o‘zi xam kamsitiladi.
➖ Kim biror narsaga ko‘p mashg‘ul bo‘lsa, shu kasbi bilan taniladi.
➖ Kimning kibru-havosi ko‘paysa, hayosi kamayadi.
➖Kimning hayosi kamaysa, taqvosi kamayadi.
➖ Kimning taqvosi kamaysa, qalbi o‘ladi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

🟢"Men eplolmayman" degan narsalarimiz haqida yaxshilab o‘ylashimiz kerak. Haqiqatdan ham qilolmaymizmi yoki bajarariladigan darajada jiddiy qaramaymizmi?"

Vahli uyg‘onolmayman deb, mehmon keladigan kuni vahli uyg‘onolsak;

Farzandim bilan o‘ynashga vaqtim yo‘q, deb, ijtimoiy tarmoqlarda soatlarcha vaqt sarflasak;

Yemasdan turolmayman, deb, Ramazonda bir oy yemasdan bemalol turolsak;

Kitob o‘qisam uyqum keladi, deya, shov-shuv xabarlarini diqqat bilan o‘qisak;

O‘zim uchun hech vaqt ajratolmayman deb, o‘zimizdan boshqa hammaga vaqt topolsak;

Qilolmaymiz emas, bajarishga yetarlicha jiddiy qaramaymiz...

Tafakkur qiling!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

🔰Nafaqaga chiqqan o‘qituvchining o‘rniga boshqa muallima sinfga kirdi. Darsni tushuntirishni boshladi. Talabalarning biridan savol so‘ragandi, boshqa barcha talabalar kulib yubordi. O‘qituvchi hayron bo‘ldi. Talabalarga qarab o‘rinsiz kulguning siriga yetdi. Sabab: sinfda hamma ahmoq, aqlan noqis hisoblaydigan talabaga savol bergani ekan.

Dars tugab talabalar sinfni tark etadigan mahal, muallima o‘sha talabani chaqirdi. U bilan xoli qolib, qog‘ozchaga yozilgan ikki qator baytni berdi va:
- Buni ismingni yodlagandek yodlab kel, hech kimga aytma, - dedi.
Keyingi darsda muallima o‘sha ikki qator she’rni yozuv taxtasiga yozdi. Uni ma’nosini, fasohatini tushuntirdi. So‘ng uni o‘chirib:

- Kim hozirgi she’rni yodlab qololdi, - deb so‘radi. Hech kim churq etmadi.
Faqat o‘sha «ikkichi» ming hayajon, iymanish bilan qo‘l ko‘tardi. O‘qituvchi:
- Qani, javob ber, - dedi. U she’rni yodlab berdi. Ustoz uni ko‘p maqtadi, boshqalar o‘rnak olishini aytdi. Talabalar bu holatda hayratga tushar, kimdir kecha kulgani uchun xijolat bo‘lar, kimdir hayrat bilan qarar edi. Bu hol hafta davomida davom etdi. O‘qituvchi u talabani maqtardi. O‘quvchilarning u haqidagi tushunchalari o‘zgara boshladi. U bolaning ham ruhiy holati ijobiy tomonga burilish yasadi. O‘ziga bo‘lgan ishonch uyg‘ondi. Oldingi o‘qituvchi hisoblagandek axmoq emasligini angladi.
Talabalar bilan ilmda musobaqa qila olishini, o‘z ustida ishlasa, a’lochi bo‘la olishini bildi. Nafaqat shu fandan, balki, boshqalaridan ham a’lo baholar ola boshladi. Maktabni yaxshi natijalar bilan bitirib, oliygohga kirdi, so‘ng magistraturani bitirdi. Doktor bo‘lishni ham maqsad qildi.

➡️U o‘qituvchisi haqida yozarkan:
«Insonlar ikki toifaga bo‘linadilar: biri yaxshiliklar kaliti bo‘lsa, boshqasi uning qulfidir. Birlari sizni shijoatlantirib, qo‘lingizdan tutib, umid bag‘ishlaydi. Sizdagi dardu alamni his qiladi. Hayot yo‘lingizni belgilashingizga sabab bo‘ladi.
Boshqalari esa, sizdagi iqtidorni berkitib, yomonliklarni ochadi. U sizni ruhan ezishdan, o‘zgalar oldida yerga urishdan, azob berishdan rohat tuyadi. Qanchadan-qancha insonlar bunday o‘qituvchilarning qurboniga aylanadi. Butun umri o‘zini tiklolmay o‘tadi» dedi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

💎Buning ham hikmati bor, hikmati bor...

Bir podshohning oqil maslahatchisi bo‘lib, neki voqelik bo‘lsa, “Buning ham bir hikmati bor”, deb qo‘yar edi. Kunlarning birida dasturxon ustida o‘tirgan podshoh qo‘lini kesib oldi. Atrofdagilar yugurib kelishdi. Podshoh maslahatchisi odatdagidek: “Buning ham bir hikmati bor”, dedi. Bu gapdan g‘azablangan podshoh: “Qo‘limni kesib olishimda qanday hikmat bo‘lishi mumkin? Sen ahmoqsan. Uni zindonga tashlang, ta’zirini yesin”, deya amr qildi. Askarlar maslahatchini sudrab ketishar, shu holatida ham u mudom: “Buning ham bir hikmati bor, hikmati bor”, deya takrorlar edi. Maslahatchisining gaplaridan podshohning battar ensasi qotibdi: “Bu jinni bo‘lib qolganmi, nima balo?.. O‘zini zindonga olib ketishiyapti-yu, yana tag‘in “Buning ham hikmati bor”, deydi-ya, axmoq?! Zindonda yotishda nima hikmat bo‘lishi mumkin?!”.

Kunlar o‘tib, ov mavsumi boshlandi. Podshoh a’yonlari bilan o‘rmonga kiyik oviga chiqibdi. Ma’lumki, kiyik o‘ta sezgir hayvon, shu bois podshoh, lak-lak a’yonlarini uzoqroqqa qoldirib, o‘rmonga yolg‘iz kirdi. Podshoh kiyikni poylab, bildirmay ta’qib qilib bora-bora qayoqqa kelib qolganini bilmay ham qoldi. Shu payt yovvoyi qabila kishilardan bir nechasi podshohni asir olishdi. Podshoh ovozi boricha baqirar, lekin a’yonlardan birontasi uning gaplarini eshitmasdi.

O‘sha yovvoiy qabilada bir odat bo‘lib, nima asirga tushsa, hayvonmi-odammi – farqi yo‘q: uni olihalariga qurbonlik qilishar ekan. Podshoh ich-ichidan yig‘lar, shu ahvolda o‘lib ketishidan qattiq afsus chekar, ammo taqdirga tan bermoqdan boshqa ilojisi ham yo‘q edi.

Bir payt qabila orasida g‘ala-g‘ovur boshlanibdi. Nihoyat, ular orasidan bittasi kelib, podshohning oyoq-qo‘llarini yechibdi-da, “Bor ketaver! Bizga keraging yo‘q!” debdi.

Podshoh ajablanib: “Bu bir hiylami? Men qochib ketayotganimda o‘ldirish rejasimi?” debdi. Qabila vakili shunday javob qilibdi: “Yo‘q. Seni bitta barmog‘ing kesilgan ekan. Biz olihamizga aybsiz, nuqsonsiz, mukammal odamni qurbon qilamiz”.

Podshoh ortiga qaytib ketar ekan, beixtiyor oqil maslahatchisining gapini eslabdi: “Buning ham hikmati bor, hikmati bor...”

Saroyiga kelgan podshoh otdan tushar-tushmas amr etibdiki, zudlikda maslahatchini ozod etib, huzurimga keltiringlar...

Maslahatchi huzuriga kelgach, avval undan uzr so‘rabdi. So‘ng: “Ajib ish sodir bo‘ldi. Alloh taolo meni kesilgan barmog‘im sabab o‘limdan najot berdi. Barmog‘im kesilishidagi hikmat nima ekanligini bildim. Lekin boshqa bir narsa menga jumboq bo‘lmoqda. Askarlar seni qamoqqa olib ketishayotganida ham “Buning ham hikmati bor”, deding. Xo‘sh, buning hikmati nima?” debdi. Maslahatchi: “Ey podshohim, ovda doimo meni hamroh qilmasmidingiz?”. Podshoh: “To‘g‘ri, faqat sen bilan ovga borar edim”. Maslahatchi: “ Agar meni zindonga tashlamaganingizda siz ila ovga chiqqan, o‘sha qabilaga birga asir tushgan bo‘lur edikki, Siz barmog‘ingizdagi jarohat sabab o‘limdan qutilib qolar, meni esa olihalariga qurbon qilishar edi. Chunki menda jismoniy nuqson yo‘q, barmog‘im ham kesilmagan”, deya javob beribdi...

Podshoh Alloh taolo amr etgan taqdirdan yana bir karra hayratga tushdi: “E-ha, har bir yomonlik ortidan biz bilmagan yaxshilik ham bo‘lar ekan...”

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

🦋Oltinga teng fikrlar

✅ Bir xil harakatni takrorlayverib, undan har xil natija kutish aqlsizlikdir.
✅Harakatsizlikning asosiy sababi fikrlamaslikdir.
✅ Iste’dodsiz bola yo‘q, e’tiborsiz ota-onalar bor, xolos.
✅ Kitob o‘qish fikrlashga o‘rgatadi.
✅ Atrofimizda sizdan ham fazilatli odamlar borligini unutmang.
✅ Rahbarning obro‘si uning shaxsiy ibratidadir.
✅ Johillik ilmsizlikdan, boshqalarning qalbini, fikrini, qadrini bilmaslikdan boshlanadi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#IBRAT_VAQTI

💐Vaqt qadri

💎Bir biznesmen million-million dollar pul to‘pladi. U endi ishlashni bas qilib, bir yil dunyo kezib, hordiq chiqarmoqchi bo‘ldi. Ammo bu qarorga kelib ulgurmasidan uning oldida ajal farishtasi paydo bo‘ldi.
U farishtadan ozgina vaqt so‘radi:
- Menga uch kun yashashimga imkon ber – boyligimning uchdan bir qismini beraman.
Farishta ko‘nmadi.
- Xo‘p, unda, ikki... yo‘q, uch million beraman! Menga go‘zalliklardan bahra olish va ishni deb anchadan buyon birga bo‘lmagan oilam bilan bo‘lish uchun bir kun vaqt ber. Ammo farishta qarorida qat’iy edi. Shunda biznesmen o‘g‘liga xat yozish uchun bir daqiqa vaqt so‘radi. Farishta unga imkon berdi.
«Vaqtning qadriga yet, o‘g‘lim, - deb yozdi kishi. – Men umrim davomida to‘plagan millionlarimga hattoki bir soat ham vaqtni sotib ololmadim».

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#IBRAT_VAQTI

🔴Bola tarbiyasidagi 5 xato

➡️Psixologiya fani bo‘yicha qator ilmiy adabiyotlar muallifi Tim Elmor bola tarbiyasida yo‘l qo‘yiladigan xatolar xususida quyidagilarni ma’lum qiladi. O‘qib ko‘ring, balki izlayotgan savollaringizga javob toparsiz!

1. Keragidan ortiq e’tibor!
Bola kichikligida yiqilib tushsa, mustaqil o‘rnidan turishi kerak. Ana shunda ulg‘aygach, turli fobiyalardan xoli boladi. Biroq aksariyat ota-onalar «yiqilib tushsa-chi, turtib yuborishlari mumkin» degan xavotir bilan e’tiborni keragidan orttirib yuborishadi.

2. Yordamga shoshilamiz!
«Darsingni oying bilan tayyorla, kiyimlaringni opang kiydirib qo‘yadi» Eh, nabiralari uchun qayg‘urgan buvijonlar bolaning shaxs sifatida shakllanishiga to‘sqinlik qilishayotganini bilishsa edi. To‘g‘ri, bolaga ko‘maklashish kerak. Ammo mustaqilligini ham chegaralab qo‘ymang-da.

3. Rag‘batlantiramiz, kerak bo‘lmasa ham...
Ilgari o‘yinchog‘u shirinliklar bilan chalg‘igan bolalarni bugun uyali telefon, komyuter yoki internet bilan «yo‘lga solishadi». Hatto ba’zi hotamtoy ota-onalar pullik rag‘bat yo‘lini ham o‘ylab topishgan. Ammo bu noto‘g‘ri! Bu bilan unda qiziqish uyg‘ota olasiz, ammo tamagirlikni ham shakllantirib qo‘yishingiz mumkin.

4. Yaxshisi bolamga...
Kayfiyatingiz yo‘q, toliqqansiz. Ammo farzandingiz sayrga olib chiqishni yoki biror yegulik tayyorlab berishni talab qilayapti. Unga yon bosish, «Mening istagim, hammasidan ustun» degan tushunchani yuzaga keltiradi. «Yo‘q», «Keyinroq», «Men charchadim» kabi jumlalar bilan boshqalar holatiga kirishishni ham o‘rgatib boring.

5. «Buvang shunday jazolardi-ki...»
Quloqsizlik qilgan yoki maktabda past baho olgan bolani jazolashda aksariyat ota-onalar bolalikdagi xotiralarga berilishadi. «Dadam bizga shunday tanbeh bergan», «Ikki soat och qoldirgan» kabi usullar, sizningcha to‘g‘ri. Ammo bu bolalikdagi arazni shu yo‘l bilan chiqarib olish, xolos.

🌺Tafakkur qiling!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#IBRAT_VAQTI

🌷Nafaqaga chiqqan o‘qituvchining o‘rniga boshqa muallima sinfga kirdi. Darsni tushuntirishni boshladi. Talabalarning biridan savol so‘ragandi, boshqa barcha talabalar kulib yubordi. O‘qituvchi hayron bo‘ldi. Talabalarga qarab o‘rinsiz kulguning siriga yetdi. Sabab: sinfda hamma ahmoq, aqlan noqis hisoblaydigan talabaga savol bergani ekan.

Dars tugab talabalar sinfni tark etadigan mahal, muallima o‘sha talabani chaqirdi. U bilan xoli qolib, qog‘ozchaga yozilgan ikki qator baytni berdi va:
- Buni ismingni yodlagandek yodlab kel, hech kimga aytma, - dedi.
Keyingi darsda muallima o‘sha ikki qator she’rni yozuv taxtasiga yozdi. Uni ma’nosini, fasohatini tushuntirdi. So‘ng uni o‘chirib:

- Kim hozirgi she’rni yodlab qololdi, - deb so‘radi. Hech kim churq etmadi.
Faqat o‘sha «ikkichi» ming hayajon, iymanish bilan qo‘l ko‘tardi. O‘qituvchi:
- Qani, javob ber, - dedi. U she’rni yodlab berdi. Ustoz uni ko‘p maqtadi, boshqalar o‘rnak olishini aytdi. Talabalar bu holatda hayratga tushar, kimdir kecha kulgani uchun xijolat bo‘lar, kimdir hayrat bilan qarar edi. Bu hol hafta davomida davom etdi. O‘qituvchi u talabani maqtardi. O‘quvchilarning u haqidagi tushunchalari o‘zgara boshladi. U bolaning ham ruhiy holati ijobiy tomonga burilish yasadi. O‘ziga bo‘lgan ishonch uyg‘ondi. Oldingi o‘qituvchi hisoblagandek axmoq emasligini angladi.
Talabalar bilan ilmda musobaqa qila olishini, o‘z ustida ishlasa, a’lochi bo‘la olishini bildi. Nafaqat shu fandan, balki, boshqalaridan ham a’lo baholar ola boshladi. Maktabni yaxshi natijalar bilan bitirib, oliygohga kirdi, so‘ng magistraturani bitirdi. Doktor bo‘lishni ham maqsad qildi.

U o‘qituvchisi haqida yozarkan:

«Insonlar ikki toifaga bo‘linadilar: biri yaxshiliklar kaliti bo‘lsa, boshqasi uning qulfidir. Birlari sizni shijoatlantirib, qo‘lingizdan tutib, umid bag‘ishlaydi. Sizdagi dardu alamni his qiladi. Hayot yo‘lingizni belgilashingizga sabab bo‘ladi.
Boshqalari esa, sizdagi iqtidorni berkitib, yomonliklarni ochadi. U sizni ruhan ezishdan, o‘zgalar oldida yerga urishdan, azob berishdan rohat tuyadi. Qanchadan-qancha insonlar bunday o‘qituvchilarning qurboniga aylanadi. Butun umri o‘zini tiklolmay o‘tadi» dedi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#IBRAT_VAQTI

💎"HAMKASBLAR"

Bo‘rilar itni o‘rab olishdi va g‘ajib tashlamoqchi bo‘lishdi. It ulardan o‘ldirmaslikni so‘radi, buning evaziga qo‘ylarni ovlashga yordam berishga va’da qildi.

Bo‘rilar o‘ylab ko‘rib, itni to‘dada qoldirishdi. Ikki yil davomida it ularga yaxshi yordam berdi, hamma narsani o‘rgatdi, tirikchilik uchun qulay joylarni ko‘rsatdi, ular bilan ov qildi ...

So‘ng sovuq qish keldi, ochlik ularni qiynay boshladi. Ovlar muvaffaqiyatsiz, bo‘rilar esa umidsiz edi. Nima qilish kerak? Ular baribir itni yeyishga qaror qilishdi. Yeyishdi. Suyaklarini ko‘mishdi.

Keyin qabr toshi qo‘ymoqchi bo‘lishdi. Unga nima deb yozishni o‘ylab boshlari qotdi. "Xo‘sh, kimdan deb yozamiz?"

«Do‘stlardan» deyishsinmi? Yo‘g‘e, ular qanaqa do‘st... Axir uni yeb qo‘yishdi-ku... «Dushmanlardan» deb yozishsinmi? Bu ham mos emas, axir ikki yil davomida u bilan yonma-yon yashashdi, ov qilishdi, birov-birovdan xafa bo‘lmadi ...
Oxiri, «Hamkasblardan» deb yozishdi.

🔴E’TIBORLI BO‘LING!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

🌷"Har bir zulmatning ortida nur, har bir tunning ortida tong va har bir sabrning ortida xursandchilik bordir"

Bu o‘sha tongni kutayotganlar uchun, sabr ahlidan bo‘lganlar uchun juda chiroyli taskindir!

Mana yana bir yorug‘ kunimiz davom etmoqda. Demakki, umrning qorong‘u yo‘laklaridan so‘ng, yorug‘likka ochiluvchi eshiklarni ham albatta topasiz...
Taqdir agar biron bir eshik bo‘lmaganida- bizni bu xonaga kiritmagan bo‘lardi...

🌷Xayrli kun azizlar!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

#IBRAT_VAQTI

💎Kichik saboq

➡️0.5 litrlik idishdagi oddiy suvi do‘konda 4 ming so‘m, oshxonada 7 ming so‘m, tog‘ adirdagi dam olish joylarida 10 so‘m, aeroportda 20 so‘m. Suvning bunchalik qimmatlashishiga sabab — uning turgan joyidir.
❗️Agar siz o‘z o‘rningizda qadrlanmayotgan bo‘lsangiz, o‘sha joydan ketish haqida o‘ylab ko‘rishingiz kerak.

❗️Agar atrofingizdagilar uchun foydali emas bo‘lsangiz, keraksizga aylanasiz.
Ba’zi joylarda siz qimmatlisiz, arzimas joyda umringizni sarflamang!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#IBRAT_VAQTI

💎Hamma gap sening yiqilishingda emas, balki yiqilgandan so‘ng qayta oyoqqa tura olishingdadir.

Mag‘lubiyatga uchraganingiz, bu sizni hech narsaga arzimasligingizni bildirmaydi.

Hali nimanidir amalga oshirishga harakat qilayotgan ekansiz, siz omadsiz odam emassiz.

Mo‘ljaldagi ishni bajarishdan to‘xtash - hayotdagi eng katta mag‘lubiyat.

Insonning eng katta xatosi erta taslim bo‘lishidir.

Toki tirik ekansiz taslim bo‘lishga haqqingiz yo‘q.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#IBRAT_VAQTI

🌷Nafaqaga chiqqan o‘qituvchining o‘rniga boshqa muallima sinfga kirdi. Darsni tushuntirishni boshladi. Talabalarning biridan savol so‘ragandi, boshqa barcha talabalar kulib yubordi. O‘qituvchi hayron bo‘ldi. Talabalarga qarab o‘rinsiz kulguning siriga yetdi. Sabab: sinfda hamma ahmoq, aqlan noqis hisoblaydigan talabaga savol bergani ekan.

Dars tugab talabalar sinfni tark etadigan mahal, muallima o‘sha talabani chaqirdi. U bilan xoli qolib, qog‘ozchaga yozilgan ikki qator baytni berdi va:
- Buni ismingni yodlagandek yodlab kel, hech kimga aytma, - dedi.
Keyingi darsda muallima o‘sha ikki qator she’rni yozuv taxtasiga yozdi. Uni ma’nosini, fasohatini tushuntirdi. So‘ng uni o‘chirib:

- Kim hozirgi she’rni yodlab qololdi, - deb so‘radi. Hech kim churq etmadi.
Faqat o‘sha «ikkichi» ming hayajon, iymanish bilan qo‘l ko‘tardi. O‘qituvchi:
- Qani, javob ber, - dedi. U she’rni yodlab berdi. Ustoz uni ko‘p maqtadi, boshqalar o‘rnak olishini aytdi. Talabalar bu holatda hayratga tushar, kimdir kecha kulgani uchun xijolat bo‘lar, kimdir hayrat bilan qarar edi. Bu hol hafta davomida davom etdi. O‘qituvchi u talabani maqtardi. O‘quvchilarning u haqidagi tushunchalari o‘zgara boshladi. U bolaning ham ruhiy holati ijobiy tomonga burilish yasadi. O‘ziga bo‘lgan ishonch uyg‘ondi. Oldingi o‘qituvchi hisoblagandek axmoq emasligini angladi.
Talabalar bilan ilmda musobaqa qila olishini, o‘z ustida ishlasa, a’lochi bo‘la olishini bildi. Nafaqat shu fandan, balki, boshqalaridan ham a’lo baholar ola boshladi. Maktabni yaxshi natijalar bilan bitirib, oliygohga kirdi, so‘ng magistraturani bitirdi. Doktor bo‘lishni ham maqsad qildi.

U o‘qituvchisi haqida yozarkan:

«Insonlar ikki toifaga bo‘linadilar: biri yaxshiliklar kaliti bo‘lsa, boshqasi uning qulfidir. Birlari sizni shijoatlantirib, qo‘lingizdan tutib, umid bag‘ishlaydi. Sizdagi dardu alamni his qiladi. Hayot yo‘lingizni belgilashingizga sabab bo‘ladi.
Boshqalari esa, sizdagi iqtidorni berkitib, yomonliklarni ochadi. U sizni ruhan ezishdan, o‘zgalar oldida yerga urishdan, azob berishdan rohat tuyadi. Qanchadan-qancha insonlar bunday o‘qituvchilarning qurboniga aylanadi. Butun umri o‘zini tiklolmay o‘tadi» dedi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#IBRAT_VAQTI

✅Kunlardan bir kuni bir podshoh kasal bo‘lib qolibdi. Uni davolash uchun butun dunyodan tabiblarni chaqirishibdi, lekin hech biri podshohni davolay olmabdi. Shunda ular maslahat qilib bir qarorga kelishibdi. Agar baxtli odamni topib, uning ko‘ylagi podshohga kiydirilsa, u tuzaladi. Baxtli odamni topish uchun dunyoning hamma tomoniga choparlar jo‘natilibdi. Lekin hech kim "Men baxtliman", degan odamni topa olmabdi. Kimdir boy, lekin kasal, yana kimdir sog‘, ammo kambag‘al, boshqasi boy, sog‘, biroq oilasi notinch – xullas, hamma nimadandir nolir edi.

Bir kuni tunda podshohning o‘g‘li shahar ko‘chalarini aylanib yursa, bir hovlidan kimningdir gapini eshitib qolibdi. U: "Yaxshi ishladim, pulimni oldim, qornim to‘ydi, endi maza qilib uxlayman. Mendan baxtli odam yo‘q", debdi. Podshohning o‘g‘li sevinib ketib, tezda xizmatkorlarini jo‘natibdi. Katta pul evaziga o‘sha odamning ko‘ylagini olib kelishni tayinlabdi. Xizmatkorlar hovliga kirib shahzodaning buyrug‘ini bajarmoqchi bo‘lishibdi, lekin qarashsa, haligi "baxtliman" degan odam shunchalar qashshoq ekanki, hatto, egnida ko‘ylagi ham yo‘q ekan.

❗️Ey inson, bilginki, baxt keluvchi va ketuvchi narsadir. Odam o‘zini bir muddat baxtli hisoblashi uchun boy bo‘lishi shart emas, balki bor narsasiga shukr qilsa kifoya.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot