🟢JOYLARDA “OTALAR MAJLISI” O‘TKAZILMOQDA

➡️Ota – oilaning ustuni, chinakam va yengilmas qo‘rg‘oni. Oila qo‘rg‘onining poydevori ota tarbiyasi bilan mustahkamlanadi. Bola tarbiyasida onaning o‘rni beqiyosligi hammamizga ayon haqiqatdir. Lekin tarbiya jarayonida otaning o‘rni ham alohida ekani hayotda va fanda allaqachon isbotlanib, qayta-qayta e’tirof etilgan.

➡️Buyuk mutafakkir Alisher Navoiy hazratlari quyidagi hikmatli misralarni bejiz bitmagan:
Boshni fido ayla ato qoshig‘a,
Jismni qil sadqa ano boshig‘a.
Tun-kuningg‘a aylagali nur fosh,
Birisin oy angla, birisin quyosh.

➡️Ayni kunlarda viloyatimizdagi umumta’lim maktablarida “Otalar majlisi” o‘tkazilmoqda.
Jumladan kuni kecha, Chinoz tumani Maktabgacha va maktab ta’limi bo‘limi tasarrufidagi 3-11-13-17-27- sonli umumta’lim maktablarida otalarning farzandlar tarbiyasidagi o‘rni, majburiyati, mas’uliyati va farzandlar bilan o‘zaro munosabatlarini mustahkamlash yuzasidan “Otalar majlisi” bo‘lib o‘tdi.
Ushbu yig‘ilishda mahalla masullari, faol nuroniylar, otalar va o‘qituvchilar ishtirok etdi.

➡️Yig‘ilishda ma’ruzachilar va o‘qituvchilar tomonidan farzand ta’lim-tarbiyasidagi o‘rinda, ayniqsa, otalar ko‘proq mas’uliyatli bo‘lishi to‘g‘risida o‘zaro fikrlar almashildi.

➡️O‘z navbatida, kelgusida o‘tkaziladigan “Otalar majlisi” an’anaga aylantirilishi hamda farzandlar ta’lim-tarbiyasiga bog‘liq muammolarni otalar bilan birgalikda muhokama qilishga kelishib olindi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook