#YIL_AYOLI
🟢Toshkent viloyatida “Yil ayoli” va “Gender tenglik faoli” milliy tanlovlari g‘oliblarini tantanali taqdirlash marosimi o‘tkazildi.

💎O‘zbekiston Respublikasi Oliy Majlisi Senatining 2022 yil 27 apreldagi qaroriga asosan o‘tkazilgan bu yilgi “Yil ayoli” milliy tanlovida viloyat hududlaridan 100 ga yaqin ayol ishtirok etgan bo‘lsa, “Gender tenglik faoli” milliy tanloviga 40 dan ziyod talabgor hujjat topshirgan. Viloyat bosqichiga o‘tgan nomzodlar ishlari 11 ta nominatsiya bo‘yicha tanlov komissiyalari tomonidan o‘rganilib, g‘oliblar aniqlandi.

💎Tadbirda ishtirok etgan viloyat hokimi o‘rinbosari Zuhra Mirgaziyeva mamlakatimizda xotin-qizlarni qo‘llab-quvvatlash, ularning jamiyatdagi o‘rni, roli va nufuzini oshirishga qaratilgan keng ko‘lamli ishlar olib borilayotganligi, qator loyiha va tanlovlar o‘tkazilayotganligini alohida ta’kidladi. “Yil ayoli” va “Gender tenglik faoli” milliy tanlovlari ham yuksak ma’naviyatli, oilada va farzand tarbiyasida ibrat bo‘lish bilan birga o‘zi faoliyat ko‘rsatayotgan tashkilot nufuzini oshirishda faol ishtirok etayotgan turli soha egalari bo‘lgan ayollarni qo‘llab-quvvatlash, rag‘batlantirish, munosib taqdirlash hamda bu boradagi ilg‘or tajribalarni ommalashtirishga qaratilgan.

💎Milliy tanlovlarning “Yilning eng vatanparvar ayoli”, “Yilning eng faol olima ayoli”, “Yilning eng ilg‘or tadbirkor ayoli”, “Yilning eng yaxshi ijodkor ayoli”, “O‘z kasbining ustasi bo‘lgan yil ayoli”, “Yilning eng kuchli ma’naviy-ma’rifiy targibotchisi”, “Yilning eng yaxshi uy bekasi”, “Yilning eng jonkuyar ustozi”, “Yilning eng faol sog‘lom turmush tarzi targ‘ibotchisi”, “Yilning eng yangi goyalar tashabbuskori”, “Yilning eng yaxshi IT dasturchi ayoli” nominatsiyalari bo‘yicha viloyat bosqichi g‘oliblariga viloyat hokimligining tashakkurnomasi va qimmatbaho sovg‘alari topshirildi.

💎Shuningdek, “Gender tenglikni ta’minlashda eng faol tuman(shahar) davlat organi”, “Gender tenglikni ta’minlashda eng faol tadbirkorlik subyekti”, “Gender tenglikni ta’minlashda eng faol tuman (shahar) hokimligi”, “Gender tenglikni ta’minlashda eng faol NNT”, “Gender tenglikni targ‘ib qilishda eng yaxshi teleradiodastur”, “Gender tenglikni targ‘ib qilishga qaratilgan Internetdagi eng yaxshi veb-sayt yoki portal” nominatsiyalari bo‘yicha g‘oliblar ham taqdirlandi.

💎E’tiborlisi, “Gender tenglikni ta’minlashda eng faol tuman(shahar) davlat organi”nominayiyasi bo‘yicha g‘oliblikni Yangiyo‘l shahar maktabgacha va maktab ta’limi bo‘limi boshlig‘i Muhabbat Alimova qo‘lga kiritdi.

💎Hamkasbimiz Muhabbat opa Alimovani ushbu yutuq bilan chin yurakdan tabriklab, kelgusi ishlarida muvaffaqiyatlar tilaymiz.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#OAV_BIZ_HAQIMIZDA

🟢Joriy yilning 28-noyabr kuni Oqqo‘rg‘on tumanidagi 78-sonli alohida ta’limga ehtiyoji bor bolalar uchun ixtisoslashgan maktab internatida “Men hech kimdan kam emasman” mavzusida tadbir tashkil etildi.

📹Bu haqda markaziy telekanallarda keng yoritildi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#KUN_NAFASI

🟢Bugun qishning birinchi kuni. Kunlar bir birini quvib, shiddat bilan odimlamoqda. Ustozim, har lahza, har on hayotning eng oliy mukofotlariga loyiqman deb yashang. Shunda hayot haqiqiy loyiqlik uchun yo‘lni ko‘rsata boshlaydi... O‘zingiz anglamagan holda loyiqlar yo‘lidan yurasiz va eng oliy mukofotlarga chindanda loyiq bo‘lib borasiz... Eng muhimi, siz o‘zingizga ishonsangizgina, u yo‘lni ko‘ra olasiz va har qanday qiyinchiliklardan chiqish yo‘lini topasiz!

Kuningiz xayrli o‘tsin!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#OAV_BIZ_HAQIMIZDA

🟢Xabaringiz bor joriy yil 29-noyabr kuni Toshkent viloyati bolalar kutubxonasi tashabbusi bilan respublika “Kitobxonlik festivali” bo‘lib o‘tdi.

🎞Mazkur tadbir markaziy telekanallarda keng yoritildi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook