🔰MA’NAVIYAT
🟢Yangi O‘zbekiston – maktab ostonasidan, ta’lim-tarbiya tizimidan boshlanadi
📍Bo‘stonliq tumani

Yangilanayotgan va Uchinchi Renessansga qadam qo‘yayotgan Yangi O‘zbekistonni va uning buyuk istiqbolini isloh etilayotgan ta’lim-tarbiya, ilm-fan va yuksak madaniyat ustunlarisiz tasavvur qilib bo‘lmaydi.

Zotan, mamlakatimizda ta’lim-tarbiya sohasini, xususan, ta’limning asosiy va hal qiluvchi bo‘g‘ini hisoblangan maktabgacha va maktab ta’limi tizimi faoliyatini yanada rivojlantirish, uni yangi bosqichga olib chiqish maqsadida bir qator ishlar amalga oshirilib kelinmoqda.

Sir emas, Davlatimiz rahbari ta’lim-tarbiya tizimi haqida so‘z yuritib, “Yangi O‘zbekiston - maktab ostonasidan, ta’lim-tarbiya tizimidan boshlanadi” degan konseptual g‘oyani ilgari surdilar.

Shu munosabat bilan mazkur g‘oya asosida maktablarda turli madaniy-ma’rifiy tadbirlar tashkil etilmoqda. “Barraj” MFY hududida joylashgan 4-umumiy o‘rta ta’lim maktabida O‘zbekiston Respublikasida xizmat ko‘rsatgan artistlar Shohida Ismoilova, Lola Eltoyeva hamda O‘zbekiston kompozitorlari va bastakorlari uyushmasi a’zosi Ulug‘bek Mirzahmedov ishtirokida uchrashuv bo‘lib o‘tdi.

Tadbir davomida ishtirokchilar o‘z fikrlarida biz misli ko‘rilmagan islohotlar, har bir soha va tarmoqlarda yangilanishlar yuz berayotgan tarixiy bir davrda yashayotganligimiz, bu esa o‘z navbatida har birimiz uchun yon-atrofdagi munosabatlarga nisbatan daxldorlik hissimizni yanada oshirishga xizmat qilishini ta’kidladilar.

Bunday tadbirlarni o‘tkazishdan maqsad: yoshlar mustaqil, ozod va obod yurtda voyaga yetayotgani holda bugun boshlangan buyuk ishning ertaga davom ettirilishi, zamonaviy bilim va kasbni puxta egallash, muqaddas Vatanimizni qo‘riqlash, unga hamisha sodiq bo‘lishi kerakligi, intilayotgan yuksak maqsadlarga erishish hech qachon oson bo‘lmasligini o‘quvchilarga aytib o‘tildi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook