#Assalomu_alaykum

💎​​​​​​​​​​YAXSHIMISIZ

Mehr dilga halovatmi,
Ey yuragi naqshi odam!?
Tan-joningiz salomatmi,
Yaxshimisiz, yaxshi odam!?

Ahvolimni so‘rabsizmi,
Qalbim nurga o‘rabsizmi,
O‘zingizchi, yuribsizmi,
Yaxshimisiz, yaxshi odam!?

Har ko‘ngilda hidoyat bor,
Har dilda bir hikoyat bor,
Sog‘likda ne shikoyat bor,
Yaxshimisiz, yaxshi odam!?

Yoningizda turay deyman,
Iqbolingiz ko‘ray deyman,
Holingizni so‘ray deyman,
Yaxshimisiz, yaxshi odam!?

Buxoro yo Keshdanmisiz,
Farg‘ona yo Shoshdanmisiz,
Qoshg‘ardanmi, O‘shdanmisiz,
Yaxshimisiz, yaxshi odam!?

Quruq so‘zdan nima navflar,
Til yolg‘onchi, aldar lablar,
Ko‘nglingizda nima gaplar,
Yaxshimisiz, yaxshi odam!?

Dardlarimni yoraymi yo,
Dilga umid solaymi yo,
Kelasizmi, boraymi yo,
Yaxshimisiz, yaxshi odam!?

Keling, diydor to‘lsin sizdan,
Dil yorug‘lik ko‘rsin sizdan,
Alloh rozi bo‘lsin sizdan,
Yaxshimisiz, yaxshi odam!?

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_VAQTI

💎Hayotning 14 hikmati

1. Inson hayotidagi eng katta dushmani — uning o‘zi.
2. Inson hayotidagi eng katta ahmoqlik — yolg‘on.
3. Hayotdagi eng katta mag‘lubiyat — manmanlik.
4. Hayotdagi eng katta qayg‘u — hasad.
5. Eng katta xato — o‘z-o‘zingni yo‘qotish.
6. Insonning eng katta aybi — yaxshilikni bilmaslik.
7. Eng katta afsus — o‘z qadr-qimmatingizni kamsitish.
8. Tubanlikdan yuksalish, tahsinga loyiq.
9. Eng katta boylik — salomatlik va aql.
10. Eng katta judolik — umidsizlik.
11. Eng katta qarz — samimiy tuyg‘ular.
12. Hayotda eng katta tuhfa — oliyjanoblik.
13. Hayotda eng katta kamchilik — tushunmaslik.
14. Hayotda eng katta tasalli — savob ishlar.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#KUN_TAVSIYASI

💎ACHCHIQ HAQIQATLAR

1. Negadir doim ko‘nglimizni og‘ritgandan emas - ko‘nglimizga qaraydigan insonlardan alamimizni olamiz...

2. Bizni sevganlarga ozor beramizu - sevmagan insonlarga poyondoz bo‘lamiz...

3. To‘g‘ri yo‘l ko‘rsatganni yomon ko‘ramizu - egri yo‘lga boshlaganni ortidan doim qolmaymiz...

4. Yaxshi ko‘rgan yaqinlarimizga, kasal birodarlarimizga vaqtimiz yo‘g‘u, yetti yot begonanikiga oshga borishga har doim vaqt topamiz...

5. Oilasi nochorroq singlimizga har xil baxonalar bilan yordam bermaymizu lekin - xalqni ko‘ziga qozon-qozon osh qilib ziyofat beramiz...

6. Ota-onamizni haftada bir bora ko‘rib kelishga fursat yo‘q - ammo ulfatlar bilan o‘tirishga har doim ham tayyormiz...

7. Ayolimizga bir necha kalima shirin so‘zimizni ayaymizu — lekin ko‘chadagi ayollarga go‘zal kalimalar orasidan go‘zallarini ayamaymiz...

8. Ozgina pulimizni yo‘qotib qo‘ysak qancha asabimiz buzilib xafa bo‘lamizu — ammo hech qanday boylikka sotib olib bo‘lmaydigan vaqtimizni arzimagan kishilar, bekorchi bo‘sh narsalarga sarflayotganimizga achinmaymiz...

❗️To‘xtang! Eng yaxshilaringiz va yaqinlaringiz yonida bo‘ling!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook