#RASMIY_MUNOSABAT

Ijtimoiy tarmoqlarda "Parkent tumanining “Fayziobod” mahallasidagi 55-sonli maktabning ayrim binolari buzilishga tushgani, shuningdek, ushbu binolar buzilgan yer maydonida qayta maktab binosi qurilmasligi, aksincha, boshqa manfaatli maqsadlarda foydalanilishi mumkin"ligi qayd etilgan.
Mazkur holat bo‘yicha viloyat Maktabgacha va maktab ta’limi boshqarmasi shuni ma’lum qiladiki, yuqorida keltirilgan maktabning ayrim binolari foydalanish mumkin bo‘lmagan holatga kelganligi, ya’ni avariya holatida bo‘lganligi sababli Viloyat hokimi qarori bilan buzilishga tushgan.

❗️Xabarda iddao qilinganidek, buzilgan bino o‘rnidan "boshqa manfaatli maqsadlarda foydalanilmaydi"!
Ushbu 55-sonli umumta’lim maktab uchun qo‘shimcha 300 o‘rinli o‘quv binosi quriladi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#kun_tarixi
2️⃣4️⃣ MAY SANASIDA SODIR BO‘LGAN MUHIM TARIXIY VOQЕALAR

🪐1032 yil —Abu Ali ibn Sino Quyosh diskidan Veneraning o‘tishini kuzatgan va tasvirlab bergan;

🤴1276 yil— Magnus I Ladulos Uppsala soborida Shvetsiya qiroli sifatida taxtga o‘tirgan;

⚔️ 1571 yil —Qrim xoni Davlat-Girey Moskva Kremlini qamal qilgan. Moskva atrofidagi aholi punktlari va shaharchalar butunlay vayron qilingan, lekin qamal muvaffaqiyatsiz tugagan;

🤝1626 yil — Yangi Gollandiyaning direktori Piter Minyoyt Manhetten orolini hindulardan 60 gilderlik buyumlar evaziga sotib olgan;

⚔️ 1667 yil — Fransiya Ispaniyaga qarshi Devolyutsion urushni boshlagan;

📌1798 yil—Birlashgan Irlandlar tomonidan uyushtirilgan Irlandiya qo‘zg‘oloni boshlangan;

⚰️ 1800 yil — Sankt-Peterburgda generalissimus Aleksandr Suvorovni dafn etish marosimi bo‘lib o‘tgan;

⚔️ 1822 yil —Antonio Xose Sukre g‘alaba qozongan Pichincha jangidan so‘ng hozirgi Ekvador hududi Ispaniyadan mustaqillikka erishgan va Kolumbiya tarkibiga kirgan;

📜1826 yil— Imperator Nikolay I Rossiya imperiyasida krepostnoylik huquqining daxlsizligi to‘g‘risida manifest chiqargan;

🤴 1829 yil— Varshavada imperator Nikolay I Polsha taxtiga o‘tirgan;

🎶 1830 yil — "Meri degan kichkina qo‘zichoq yashagan ekan" qo‘shig‘i yozilgan, keyinchalik Tomas Alva Edison uni fonografga yozib olib mashhur bo‘lgan;

🚞 1830 yil —Baltimor va Ogayo shtatlarida Qo‘shma Shtatlardagi eng qadimgi temir yo‘l ish boshlagan;

📨 1844 yil— Vashingtondan Baltimorga Samyuyel Morzning telegrafidan foydalanib dunyodagi ilk telegramma yuborilgan;

🛥 1900 yil — Sankt-Peterburgda, Yangi Admiraliyada, imperator Nikolay II shaxsan o‘zi "Avrora" kreyserini ishga tushirgan;

🛩1911 yil — Rossiyada dunyoda birinchi marotaba samolyotdan turib suv osti kemasini qidirish amalga oshirilgan. Leytenant Dabovskiy samolyotda 1000 metrdan oshiq balandlikda Sevastopoldan Xersoness mayog‘igacha va undan Kachi daryosigacha bo‘lgan dengiz sohillarini o‘rganib chiqqan;

🛳 1941 yil — erta tongda Daniya bo‘g‘ozida Germaniyaning Bismark harbiy kemasi Britaniyaning "Hood" jangovar kreyserini cho‘ktirgan;

⚔️ 1945 yil— Lyas Stotskiydagi jangda Marian Bernatsiak boshchiligidagi Uy armiyasining polshalik partizanlari davlat xavfsizlik kuchlarini mag‘lub etishgan;

🛰1949 yil — birinchi sovet V-1A geofizika raketasi fazoga uchirilgan. Shu tariqa atmosfera yuqori qatlamini muntazam ravishda ilmiy tadqiq qilish boshlangan;

🎸1956 yil —Shveysariyaning Lugano shahrida birinchi marotaba Eurovision qo‘shiq tanlovi bo‘lib o‘tgan;

⚽️ 1964 yil — Peru -Argentina futbol uchrashuvida tartibsizliklar yuz bergan. 328 kishi vafot etgan, 4000 dan ortiq kishi jarohat olgan;

❓1977 yil — KPSS Markaziy Qo‘mitasining plenumi SSSRning yangi Konstitutsiyasi loyihasini ma’qullagan va uni umumxalq muhokamasiga qo‘yishni tavsiya qilgan;

📺 1989 yil —AQSHda "Indiana Jons va oxirgi salib yurishi" filmi ekranlarga chiqqan;

📌1992 yil — Moskvaning Slavyanskaya maydonida aka-uka Kiril va Mefodiyga yodgorlik o‘rnatilgan;

🇪🇷 1993 yil — Eritreya Efiopiyadan mustaqillikka erishgan;

🇺🇿 2004 yil – O‘zLiDeP Siyosiy Kengashining navbatdagi II Majlisida Ahmedjanov Mahamadjon Ahmedovich Ijroiya qo‘mitasi raisi etib saylangan;

🇺🇿 2017 yil— "Qadimiy yozma manbalarni saqlash, tadqiq va targ‘ib qilish tizimini yanada takomillashtirish chora-tadbirlari to‘g‘risida"gi
Prezident qarori qabul qilingan.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

❗️DIQQAT
❗️HURMATLI OTA-ONALAR VA O‘QUVCHILAR!

Ixtisoslashtirilgan ta’lim muassasalari agentligi tizimidagi maktablarga hujjatlar qabuli e’lon qilindi.

Respublikamizdagi barcha Prezident, Ijod, Ixtisoslashtirilgan maktab va maktab-internatlariga hujjatlar qabuli 2024-yilning 1-iyun sanasidan 20-iyun sanasigacha davom etadi.

Hujjatlar qabuli ariza.piima.uz sayti orqali faqat ONLAYN tarzda amalga oshiriladi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#BILASIZMI

❗️O‘quvchilar ijaraga berilgan darsliklarni yo‘qotib qo‘ysa yetkazilgan zarar qanday qoplanadi?

📚“Umumta’lim maktablarini darsliklar va o‘quv-metodik qo‘llanmalar bilan ta’minlash tartibi to‘g‘risidagi nizom”ga muvofiq darsliklar yoki o‘quv-metodik qo‘llanmalardan foydalanish usulidan qat’i nazar, ular yo‘qolgan yoki foydalanishga yaroqsiz holatga kelib qolgan taqdirda, o‘quvchining ota-onasi yoki ularning o‘rnini bosuvchi shaxslar yoxud homiylar yoki o‘qituvchilar zararni huddi shunday darslik yoki o‘quv-metodik qo‘llanmalar bilan qoplaydi yoxud uning birlamchi hujjatlarda (hisob-fakturada, yuk xatida) ko‘rsatilgan qiymatini to‘lashi shart.

📚O‘quvchilarning ota-onasi yoki ularning o‘rnini bosuvchi shaxslar yoxud homiylar yoki o‘qituvchilar zararni quyidagi miqdorlarda to‘laydi:

👉 1 sinf o‘quvchilarining har bir darslik yoki o‘quv-metodik qo‘llanmalari uchun — uning bir baravari miqdorida;
👉 2 - 4 sinf o‘quvchilarining har bir darslik yoki o‘quv-metodik qo‘llanmalari uchun — uning ikki baravari miqdorida;
👉 5 - 11 sinf o‘quvchilarining har bir darslik yoki o‘quv-metodik qo‘llanmalari uchun — uning to‘rt baravari miqdorida.

📚Umumta’lim maktabi kutubxona jamg‘armasidagi darsliklar va o‘quv-metodik qo‘llanmalar hisobining yuritilishi, ulardan foydalanilishi, ularning saqlanishi, ular bo‘yicha to‘lov hujjatlarining mavjudligi va harakati, shuningdek o‘quvchilar orasida darsliklarni avaylab-asrash tuyg‘usini rivojlantirishga yo‘naltirilgan tarbiyaviy ishlar umumta’lim maktablarining kutubxonachilari tomonidan olib boriladi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#MUHIM

📣«So‘nggi qo‘ng‘iroq» bayram tadbirining tantanali qismi uchun namunaviy ssenariy

Maktabgacha va maktab ta’limi vazirligi tomonidan umumiy o‘rta ta’lim muassasalarida «So‘nggi qo‘ng‘iroq» tadbirining tantanali qismini o‘tkazish uchun namunaviy ssenariy ishlab chiqildi,

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#Avtokarvon

Toshkent tumanida avtokarvon harakatlandi

Bugun, Toshkent tumani IIB YHXB boshlig‘i B.Ahmedov boshchiligida tuman hududida avtokarvon harakatlandi.

Tadbir "Harakat xavfsizligi oyligi" doirasida o‘tkazilib, maktab o‘quvchilari uchun yo‘l harakati xavfsizligi namoyishini o‘tkazish maqsadida tashkil qilindi.

Xususan, avtokarvon 9-va 14-umumta’lim maktablarida bo‘lib, YHXB xodimlari o‘quvchilarini yo‘l harakati xavfsizligiga rioya qilish muhimligi hamda o‘quv yili tugashi munosabati bilan, o‘quvchilar so‘nggi qo‘ng‘iroq kuni maktabga transport vositalarini boshqarib kelmasliklari bo‘yicha ogohlantirdilar.

📹Batafsil videolavhada.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook