#TANLOV
🟢“MAKTABNI YASHIL MASKANGA AYLANTIRAMIZ” AKSIYASI DOIRASIDA "YASHIL MAKTAB" TANLOVI VILOYAT BOSQICHI O‘TKAZILDI
❗️Toshkent viloyati

🔴Xabaringiz bor, o‘quvchi-yoshlar o‘rtasida mehnatsevarlik, ekologik madaniyat, tabiatga ehtiyotkorona munosabatni shakllantirish, jamoa bo‘lib ishlash, ta’lim muassasalarini ko‘kalamzorlashtirish va obodonlashtirish orqali o‘quvchi-yoshlarning ijtimoiy faolligini oshirish, ular tomonidan amalga oshirilayotgan ijodiy tashabbuslarni qo‘llab-quvvatlash va rag‘batlantirish maqsadida yurtimiz bo‘ylab o‘tkazilayotgan “Yashil makon” umummilliy loyihasi doirasida Maktabgacha va maktab ta’limi vazirligi tomonidan “Maktabni yashil maskanga aylantiramiz” aksiyasi e’lon qilingan edi.

✔️Aksiya doirasida yurtimizdagi barcha maktablar o‘qituvchi va o‘quvchilari o‘rtasida “Yashil maktab”, “Eng ko‘p nihol ekkan o‘qituvchi” va “Maktabim bog‘i” nominatsiyalari bo‘yicha tanlovlar tashkil etilmoqda.

✔️Ayni loyiha doirasida "Yashil maktab" ko‘rik-tanlovning Toshkent viloyati bosqichi joriy yilning 2-may kuni bo‘lib o‘tdi. Tadbirda viloyat Maktabgacha va maktab ta’limi boshqarmasi boshlig‘i o‘rinbosari Sherzod Mamatqulov va boshqarma mas’ullari, Parkent tumani hokim, keng jamoatchilik ishtirok etdi. Sherzod Mamatqulov va tuman hokimi so‘zga chiqib, ishtirokchilarga omad tiladi.

✔️Ma’lumki, tanlovning maktab va tuman bosqichlarida yuqori natijalar ko‘rsatgan 10 ta maktab jamoasi viloyat bosqichiga yo‘llanma olgan edi.
Bugun ushbu g‘olib jamoalar 3 ta jamoaviy va 1 ta yakka tartibda shartlar doirasida bellashdi.

🔴Jumladan,
➖1-shart: Jamoalar shiorlari, atributlari bilan ishtirok etib, o‘zlarining ta’lim muassasalarida sinf “Eko burchak”larini tashkil etish, ekologik madaniyatni shakllantirish, maktab bog‘ini yaratish bo‘yicha amalga oshirilayotgan ishlar haqida 5 - daqiqa ichida ma’lumot berishdi (1-shart 10 ballik tizimda baholanadi);

➖2-shart: Savol-javob sharti. Jamoalarga hakamlar hay’ati tomonidan tayyorlangan 5 ta savoldan iborat biletlar taqdim etildi. Savollarga 5 daqiqa davomida javoblar taqdim etilishi lozim edi (Mazkur shart 10 ballik tizimda baholanadi);

➖3-shart: O‘quvchilar tomonidan bugungi kundagi global va mintaqaviy ekologik muammolar, energiya resurslari (tabiiy gaz, elektr energiya) va ichimlik suvini tejash va ulardan oqilona foydalanishni aks ettirgan holda 10 daqiqa mobaynida sahna ko‘rinishi namoyish etish (Loyiha 30 ballik tizimda baholanadi);

➖Yakka tartibda bajariladigan shartda o‘quvchilar yashil olamni asrash mavzusida surat chizishlari lozim edi.

🔔Viloyatning eng so‘lim go‘shasi O‘zbekiston Shveysariyasi hisoblanmish Parkentning Qizil tog‘da o‘tkazilgan mazkur ko‘rik tanlovda,
🔹1-o‘rinni Angren shahar umumta’lim maktab maktabi "Eko zamin" jamoasi,
🔹2-o‘rinni Bo‘stonliq tumanidagi umumta’lim maktabi "Ekologiya va biz" jamoasi,
🔹3-o‘rinni Parkent tumanidagi umumta’lim maktabining "Grenary" jamoasi egalladi.

🖼Rasmlar tanlovida Nurafshon shahridagi 25-sonli umumta’lim maktabi 6-sinf o‘quvchisi Durdona Muhammadsobirova eng yaxshi deb topildi.

G‘oliblarga Sherzod Mamatqulov еsdalik sovg‘alari va sertifikatlarni topshirdi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

Pedagog kadrlarni umumtaʼlim fanlari bo‘yicha kasbiy sertifikatlash uchun sinov topshiriqlari spetsifikatsiyasi tasdiqlandi

✅ Maktabgacha va maktab ta’limi vazirining tegishli buyrug‘iga asosan, vazirlik tizimidagi Pedagogik mahorat va xalqaro baholash ilmiy-amaliy markazi tomonidan pedagog kadrlarni umumtaʼlim fanlari bo‘yicha kasbiy sertifikatlash uchun sinov topshiriqlari spetsifikatsiyasi ishlab chiqildi.

👉 Batafsil tanishish

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin