#УСТОЗЛАР_МИЛЛИЙ_ФОРУМИ
🟢“Сифатли таълим – кучли жамият”

📍ЗАНГИОТА ТУМАНИ

🟢2023-2024 ўқув йили бошланиши олдидан Зангиота туманидаги 14-умумий ўрта таълим мактабида “Сифатли таълим – кучли жамият” шиори остида II Устозлар миллий форумининг туман босқичи ўтказилди.

🟢Форумда фахрий устозлар, таълим муассасалари раҳбарлари, илғор педагог ва тарбиячилар иштирок этдилар. Мазкур Миллий форум бевосита умумтаълим мактаблари ҳамда мактабгача таълим ташкилотлари фаолиятини самарали ташкил этиш, ислоҳотларга мос равишда аниқ йўл хариталарини белгилаб олишга қаратилди.

🟢Тадбир давомида туман Мактабгача ва мактаб таълими бўлими бошлиғи Абдулла Пахриддиновичнинг таълим соҳасида олиб борилаётган ислоҳотлар ҳақидаги маърузаси тингланди.
Шунингдек, тадбир давомида таълим соҳасида кўп йиллар самарали меҳнат қилган фахрий устозлар ҳамда ҳозирги кунда фаолият олиб бораётган илғор иш тажрибали педагог ва тарбиячилар тақдирландилар.

🟢Тадбирдан сўнг Иккинчи устозлар миллий форуми иштирокчилари долзарб масалаларга бағишланган мавзулар бўйича шўъба йиғилишларида иш фаолиятларини давом эттирдилар.

🟢Форум давомида янги ўқув йили учун аниқ режалар белгилаб олинди.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#ЯНГИ_ЎҚУВ_ЙИЛИ_ОЛДИДАН
🟢Чиноз туманидаги умумтаълим мактаблари психологлари ва маънавий-маърифий ишлар бўйича директорлари учун ўқув семинари ташкил этилди

➡️Жорий йилнинг 18 август куни Чиноз тумани Мактабгача ва мактаб таълими бўлими тасарруфидаги 2-сонли умумтаълим мактабида таълим муассасаси директорлари, ўринбосарлари ҳамда психологлари иштирокида “Умумтаълим мактабларида тарбиявий ишлар самарадорлигини ошириш, тизимли муаммолар ва уларни бартараф этиш, истиқболдаги режаларни белгилаб олиш” мавзусида семинар-тренинг ташкил этилди.

➡️Шунингдек, ўқув семинари давомида туман ҳокими ўринбосари Н.Қорабоева, Чиноз тумани Мактабгача ва мактаб таълими бўлими бош мутахассиси Д.Исаков, Чиноз тумани ИИБ ҳуқуқбузарликлар профилактикаси бўлими бошлиғи И.Қосимов, Республика маънавият ва маърифат маркази Чиноз туман бўлинмаси раҳбари В.Эракаева, Ёшлар ишлари агентлиги Чиноз тумани бўлими бошлиғи Д.Қодиров белгиланган дастур асосидаги мавзулар юзасидан маълумотлар бериб ўтди.

➡️Семинар давомида янги таҳрирдаги “Одоб-аҳлоқ қоидалари”ни муҳокама қилиб, ўз таклифларини билдиришди.
Семинарда сўз олганлар янги ўқув йилида педагог ходимларга куч-қувват ва муваффақиятлар тилади. Шу ўринда, Янги Ўзбекистон Конституциясида таълим-тарбия ва ёшлар масалалари борасида келтирилган бандлар ҳақида фикрлар билдириб, йил давомида амалга оширилиши лозим бўлган ишлар борасида кўрсатмалар берди.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#ЯНГИ_ЎҚУВ_ЙИЛИ_ОЛДИДАН

🔰БОШЛАНҒИЧ СИНФ ЎҚИТУВЧИЛАРИ УЧУН ЎҚУВ СЕМИНАРИ

➡️Мактабгача ва мактаб таълими вазирлиги, Таълимни ровожлантириш республика илмий-методик маркази, А.Авлоний номидаги миллий тадқиқот институти ва USAID ҳамкорлигида 14-17 август кунлари "Бошланғич синфларда ўқитишнинг замонавий методикаси" мавзусида ўқув семинари ташкил қилинди.

➡️Мазкур ўқув курсларига республика бўйлаб тажрибали, салоҳиятли 300 нафардан ортиқ бошланғич синф ўқитувчилари қамраб олинди.
Ўқитувчиларнинг касбий маҳоратини янада ошириш, илғор тажрибаларни тарғиб қилиш, янги ўқув йилида таълим-тарбия сифатини янада яхшилаш мақсадида ташкил этилган мазкур семинарда устозлар бир бирлари билан тажриба алмашдилар.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#Янги_ҳаёт_учун_янги_Ўзбекистон_учун
#Мустақиллик_32

🔼Жорий йилнинг 18 август куни Олмалиқ шаҳридаги Увайсий МФЙ ҳудудида жойлашган 19-ИДУМда Республика Маънавият ва маърифат маркази шаҳар бўлинмаси, Олмалиқ шаҳар Мактабгача ва мактаб таълими бўлими ҳамда ҳамкор ташкилотлар билан биргаликда “Янги ҳаёт учун, Янги Ўзбекистон учун” шиори остида маданий-маърифий тадбир бўлиб ўтди.

🔼Тадбир доирасида рассомчилик, спорт турининг шахмат ва стол тенниси бўйича мусобақалар ташкил этилди.

🔼Шунингдек, шаҳардаги корхона ва ташкилотлар ўртасида "Заковат" интеллектуал ўйини ўтказилди.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook