#ИҚЛИМ

🟢Ерни кучли магнит бўронлари қоплайди. «Хавфли» саналар ва ҳимояланиш бўйича тавсиялар

Кузатиладиган магнит бўронининг фаоллашуви 8 июлга тўғри келиб, унинг хавфлилик даражаси 4 баллни ташкил қилади.

Ерни июль ойида бир нечта кучли магнит бўронлари қоплайди. Ой бошида кузатиладиган магнит бўрони нисбатан кучсиз бўлиб, унинг фаоллашуви 8 июлга тўғри келмоқда. Бўроннинг хавфлилик даражаси К-индексида 4 баллни ташкил қилади. 12 июлда 5 балли магнит бўрони кузатилади, 19 июлга қадар фаоллашув 3 ва 4 даражада сақланиб қолади.
Ўзбекистон Соғлиқни сақлаш вазирлиги магнит бўронларининг салбий таъсиридан ҳимояланиш бўйича тавсиялар берди.

Магнит бўрони ўзи нима, унинг салбий таъсиридан қандай ҳимояланиш лозим, каби саволларга олий тоифали шифокор Раъно Носированинг жавоблари:
"Ернинг магнит майдонининг таъсири одатда инсонларга сезилмайди. Бироқ баъзан ушбу майдонда айрим одамлар ҳис этиши мумкин бўлган тебранишлар кузатилади. Бунинг асосий сабабчиси қуёшдир. Яъни одатда унинг фаоллиги кузатилганда сайёрамизни магнит бўронлари қоплайди. Бу эса сурункали хасталикларга чалинган инсонлар саломатлигига салбий таъсир этиши мумкин. Айниқса, юрак-қон томир, асаб тизими касалликлари, қандли диабет ва бронхиал астма билан оғриётган беморлар бу ўзгаришларни кўпроқ ҳис этади.
Хусусан, артериал гипертония хасталиги бор одамларда қон босими кўтарилиб, аксинча гипотензив беморларнинг қон босими пасаяди. Қандли диабет билан оғриётган кишиларнинг қонида қанд миқдори ортади. Қолаверса, тананинг стрессларга чидамлилиги пасаяди. Оқибатда асаб тизими билан боғлиқ муаммоси бор инсонларда гормонлар ишлаб чиқарилиши кучайиб, асабийлик, ҳолсизлик, реакция сусайиши ёки кучайиши белгилари юзага келади.
Шунингдек, магнит бўронлари пайти баъзи одамларда ёруғлик ва баланд товушларга оғриқли реакция, уйқусизлик ёки аксинча уйқучанлик пайдо бўлади. Шу сабабли магнит бўронининг салбий таъсирларидан инсонлар ўзларини ҳимоялаши лозим. Бунинг учун, аввало, тўғри овқатланиш қоидаларига риоя қилиш зарур. Яъни ҳазми оғир таомлардан тийилиш, енгил егуликлар, хусусан, қайнатилган овқатлар, хўл мева ва сабзавотлар истеъмол қилиш тавсия этилади.
Кунлик таомномада туз миқдорини камайтириш керак. Чунки у қон босимини оширади. Шу билан бирга, жисмоний меҳнатни чеклаш, ақлий зўриқишлардан тийилиш мақсадга мувофиқ. Қолаверса, шу кунлари спиртли ва энергетик ичимликлардан мутлақо воз кечган маъқул. Тез-тез илиқ душ қабул қилиш ҳам магнит бўронининг салбий таъсирини енгишга ёрдам беради. Сурункали касалликларга чалинганлар ўзлари билан керакли дори-дармонларни олиб юришлари, ҳар бир препаратни шифокор назоратида қабул қилишлари ва қон босимини тез-тез назорат қилиб туришлари лозим."

Геомагнит бўронларининг даражаси:

• 0–1 — геомагнит тўлқинлар йўқ;
• 2–3 — геомагнит майдон мавжуд;
• 4–5 — геомагнит бўрони;
• 6–7 — кучли геомагнит бўрони;
• 8–9 — экстремал геомагнит бўрони.

Магнит бўронлари ҳатто ўрта кучга эга бўлса ҳам, инсон саломатлигига салбий таъсир кўрсатади. Магнит бўронининг салбий таъсирининг энг кенг тарқалган кўринишлари қуйидагилар:
• бош айланиши ва бош оғриғи;
• уйқу бузилиши;
• диққатни жамлаш билан боғлиқ муаммолар;
• қон босимнинг бузилиши;
• сурункали касалликларнинг кучайиши;
• оғриқлар, шунингдек, бўғимлардаги оғриқ;
• иштаҳа бузилиши ва кўнгил айниши;
• ҳолсизлик.

Бундай кунларда организмга ёрдам бериш учун кунига камида 7-8 соат ухлаш маслаҳат берилган. Рациондан ёғли ва аччиқ овқатларни олиб ташлаб, кунига камида 2 литр сув ичиш тавсия қилинади. Қаҳва миқдорини камайтириб, ўсимликлардан тайёрланган чой истеъмол қилиш керак.
Шунингдек, контрастли душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

Марказий сайлов комиссияси 9 июль куни бўлиб ўтган Ўзбекистон Республикаси Президенти сайловининг дастлабки натижаларини элон қилди (+видео)

Унга кўра, Ўзбекистон Республикаси Президенти сайловида 15,6 млн киши, яъни сайловчиларнинг 79 фоизи овоз берди. Сайловнинг дастлабки натижаларига кўра, Ўзбекистон Либерал-демократик партиясидан президентликка номзод Шавкат Мирзиёев 13 миллион 625 мингдан, яъни 87 фоиздан ортиқ овоз олган.

Кейинги ўринларда Робахон Маҳмудова 4,43 фоиз, Улуғбек Иноятов 4,02 фоиз ва Абдушукур Ҳамзаев 3,74 фоиз овоз тўплагани маълум қилинди.

ЎзАнинг шу каби қисқа видеоларини ижтимоий тармоқлардаги саҳифаларида кузатиб боринг.

#профилактика

"Йўл ҳаракати интизоми болаликдан бошланади"

👫 Ёзги таътилда мактабларда ташкил этилган соғломлаштириш майдончаларида болаларга йўл ҳаракати қоидалари бўйича билим кўникмалар берилмоқда.

Видеода: Юқоричирчиқ туманидаги 9 сонли мактабдаги "Камалак" соғломлаштириш майдончаси.

👉🏻 https://t.iss.one/yhxx_ypx

#КУН_ҲИКМАТИ

❗️шунчаки муҳим...
Инсон гоҳ-гоҳ дуч келадиган ҳар бир муваффақиятсизликни бахтсизлик деб ҳисобламаслиги лозим. Ким билади дейсиз, балки ҳақиқий бахт кичик муваффақиятсизликдан бошланар?!

✍️ Чингиз Айтматов

☀️Кунингиз хайрли бўлсин!

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#БУГУННИНГ_ГАПИ

Биз устозни отадай улуғ деб билган, доимо ардоқлаган маърифатпарвар халқнинг вакилларимиз. Мен ҳам ўқитувчи, муаллим деганда ўзим учун энг азиз ва ҳурматли бўлган, зиёли ва замонавий, самимий ва меҳрибон инсонларни тасаввур қиламан. Чунки ҳаммамизга ҳам шу муаллим сабоқ ва таълим бериб, меҳрибон ота-оналаримиз қаторида тарбиялаган. Бугунги кунда Ўзбекистоннинг янги тараққиёт даври пойдеворини яратяпмиз. Бунда бизнинг энг яқин кўмакчиларимиз устоз ва мураббийлар, илмий ва ижодкор зиёлилардир.

Шавкат Мирзиёев
Ўзбекистон Республикаси Президенти

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#Кун_тарихи

1️⃣1️⃣ ИЮЛЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР


🌎1576 йил— Мартин Фробишер экспедицияси Гренландияни кашф этган;

🗳 1890 йил— Япония тарихидаги биринчи сиёсий сайловлар бўлиб ўтган;

🤴1918 йил— Литва Қироллигининг ташкил этилганлигини эълон қилинган ва немис князи Вилгелм фон Урах қироллик тахтига ўтирган;

🗳1920 йил — Шарқий ва Ғарбий Пруссияда ўтказилган референдумда аҳолининг аксарияти ушбу ҳудудларни Германия таркибида сақлаб қолиш учун овоз беришган;

⚔️1921 йил - Мўғулистон Халқ армиясининг хитойлик қўшинлар устидан Қизил Армия ёрдамида қўлга киритган ғалабаларидан сўнг Мўғулистонда халқ ҳокимияти ўрнатилган;

📜 1933 йил— Женевада гиёҳванд моддаларни назорат қилиш бўйича халқаро конвенция қабул қилинган;

❌1940 йил —Руминия фашистлар билан ҳамкорлик қилгани учун Миллатлар Лигасидан чиқарилган;

⚔️ 1941 йил — Киев мудофааси бошланган, 19 сентябргача давом этган;

📌 1960 йил —Чехословакияда социализм ғалабаси эълон қилинган, мамлакат Чехословакия Социалистик Республикаси деб номланган;

📜 1960 йил —Франция Бенин, Нигер, Буркина-Фасо, Кот-д'Ивуар, Чад, Марказий Африка Республикаси ва Конгога мустақиллик беришга рози бўлган;

☠️ 1975 йил — Шимолий Ғарбий Хитойда 6000 қадимий жангчи ҳайкалларидан иборат улкан қабр топилган;

📢1984 йил — АҚШда 1989 йилга келиб барча автомобилларда хавфсизлик камарлари бўлиши кераклиги эълон қилинган;

🇺🇸🇻🇳 1995 йил — АҚШ ва Вьетнам тўлиқ дипломатик муносабатларни тиклаган;

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#Об_ҳаво

☀️11 июль куни мамлакатимизнинг айрим ҳудудларида 40-45 даража иссиқ бўлади

🌦Республика Гидрометеорология хизмати агентлигининг хабар беришича, 11 июль куни Тошкентда 7-12 метр тезликда шамол эсади. Кечаси 22-27 даража илиқ, кундузи 37-42 даража иссиқ бўлади.

🌐Батафсил

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#профилактика

"Йўл ҳаракати интизоми болаликдан бошланади"

👫 Ёзги таътилда мактабларда ташкил этилган соғломлаштириш майдончаларида болаларга йўл ҳаракати қоидалари бўйича билим кўникмалар берилмоқда.

Видеода: Юқоричирчиқ туманидаги 9 сонли мактабдаги "Камалак" соғломлаштириш майдончаси.

👉🏻 https://t.iss.one/yhxx_ypx

#профилактика

"Жума-йўл ҳаракати хавфсизлиги Тарғибот куни"

👫 Ёзги таътилда болалар учун мактабларда ташкил этилган соғломлаштириш майдончаларида йўл ҳаракати қоидалари бўйича тарғибот учрашувлари ўтказилмоқда

Видеода: Қибрай туманидаги 17 сонли мактабдаги соғломлаштириш майдончаси.

👉🏻 https://t.iss.one/yhxx_ypx

Xalqaro biologiya olimpiadasida bronza medalini qo‘lga kiritgan g‘olib o‘quvchilar 66 mln so‘mdan, ularning o‘qituvchilari esa 49,5 mln so‘mdan pul mukofotlari bilan taqdirlanadi

Avval xabar berilganidek, joriy yilning 3-11-iyul kunlari Birlashgan Arab Amirligining Al-Ayn shahrida 80 mamlakatdan jami 310 nafar o‘quvchi ishtirok etgan 34-Xalqaro biologiya olimpiadasida o‘zbekistonlik 3 nafar o‘quvchi bronza medalini qo‘lga kiritdi. 2022-yilgi 33-Xalqaro Biologiya olimpiadasida terma jamoamiz 1 ta bronza medalini qo‘lga kiritgan edi.

G‘olib o‘quvchilarimiz Behruz Tursunov, G‘olibjon Sharifov, Muhammadibrohim Egamberdiyevga O‘zbekiston Respublikasi Prezidentining 2019-yil 3-maydagi “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida”gi Qaroriga muvofiq 3-o‘rin (bronza medal) uchun bazaviy hisoblash miqdorining 200 baravari (66 mln so‘m), ustoziga 150 baravar (49,5 mln so‘m) pul mukofotlari beriladi.

Shuningdek Qarorga muvofiq oltin medalni qo'lga kiritgan o'quvchilarga BHMning 500 baravari (165 mln so'm), ustoziga 450 baravari (148,5 mln so'm);

kumush medal uchun — o'quvchi BHMning 300 baravar miqdori (99 mln so'm), ustoziga 250 baravar (82,5 mln so'm) pul mukofotlari bilan taqdirlanadi.

Bundan tashqari, Xalqaro olimpiada g‘oliblari OTMlarga imtiyoz bilan grant asosida o‘qishga qabul qilinib, keyinchalik taʼlim muassasalarida o‘qituvchi bo‘lib faoliyat yuritadigan taqdirda lavozim maoshiga 150 foiz har oylik ustama oladi.

G‘olib o‘quvchilarimiz bugun Islom Karimov nomidagi Xalqaro aeroportda tantanali ravishda kutib olinadi.


Vazirlikning rasmiy sahifalariga ulanish
Telegram | Youtube | Facebook | Instagram

Akademik litseylarga qabul yakunlandi
#abituriyent

Yakuniy ma’lumotga ko‘ra akademik litseylarga jami 33 ming 876 nafar o‘quvchi onlayn ro‘yxatdan o‘tdi. Ularning 62%i o‘g‘il, 38%i qiz bolalar.

Ma’lumot uchun, bu yil litseylarga jami 14 ming 534 nafar qabul kvotasi belgilangan.

❗️Eslatma: Prezident qaroriga (PQ-200, 03.07.2023-y.) binoan, akademik litseylarga o‘quvchilarni qabul qilishda yozma imtihon asosida dastlabki saralash bosqichi bekor qilingan. Qabul Bilim va malakalarni baholash agentligi tomonidan o‘tkaziladigan test sinovlari orqali amalga oshiriladi.

Test sinovlari o‘tkazishning aniq sanalari bo‘yicha qo‘shimcha ma’lumot beriladi.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook