#“ЯШИЛ_ЧИРОҚ_2022”
🏆АНГРЕНЛИК “ЁШ НОЗИРЛАР” ҒАЛАБА МУБОРАК
🚦“Яшил чироқ-2022” мусобақасининг республика босқичида Тошкент вилояти жамоаси биринчи ўринни эгаллади

🚦22-25 июль кунлари Тошкент вилояти Бўстонлиқ туманида жойлашган “Оқтош” соғломлаштириш болалар оромгоҳида мактаб ўқувчилари ўртасида ЙҲҚни билиш даражасини аниқлашга қаратилган “Яшил чироқ-2022” мусобақасининг республика босқичи бўлиб ўтди. Конкурсда республиканинг ҳар бир вилоятидан ва Тошкент шаҳридан биттадан жамоа иштирок этди. Тадбир Ўзбекистон Республикаси ИИВ ЙҲХББ ва Халқ таълими вазирлиги ташаббуси остида ўтказилди.

🚦Ушбу мусобақани ўтказишдан мақсад – болалар орасида Йўл ҳаракати қоидаларини тарғибот қилиш ва ўргатиш, болалар иштирокидаги ЙТҲни олдини олиш, ёш йўл ҳаракати инспекторлари фаолиятини яхшилаш, кўча ва йўлларда ўқувчиларнинг хавфсизлигини таъминлаш.

🚦Иштирокчилар “Пиёдалар ҳаракати”, “Ҳаракатни бошқариш, “Биринчи тиббий ёрдам кўрсатиш”, “Ёш велосипедчи”, “ЙҲҚ бўйича назарий имтиҳон, “ЙҲҚ тарғиботи” каби шартлар бўйича беллашдилар. Мусобақа якунига кўра биринчи ўринни вилоятимизнинг Ангрен шаҳар халқ таълими бўлими тасарруфидаги 17-сонли умумтаълим мактабининг “Ёш нозир” жамоаси эгаллаб, “Яшил чироқ” кубгини қўлга киритди. https://t.iss.one/toshkentvxtb/31508

🚦Ўқувчиларимизни муносиб ғалаба билан муборакбод этиб, ютуқлар бардавом бўлишини тилаймиз!

🚦Шу ўринда эслатиб ўтамиз,“Яшил чироқ” мусобақаси болалар иштирокида йўл-транспорт ҳодисасини олдини олишда катта аҳамиятга эга бўлиб, иштирокчилар томонидан олинган билимларни ҳаётда татбиқ этишлари ва тенгдошлари орасида Йўл ҳаракати қоидаларини тарғибот қилишлари учун замин яратади.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

ДИҚҚАТ!

❗️Сиз кутган Табиий фан (SCIENCE) бўйича малака ошириш курсларига старт берилди!

Халқ таълими вазирлигининг А.Авлоний номидаги миллий-тадқиқот институти, Республика таълим маркази ва ЮНИСЕФ халқаро ташкилоти ҳамкорлигида Ўзбекистон таълим тизимида жорий этилган табиий фанларни ўзида жамлаган Табиий фан (SCIENCE) бўйича ўқитувчиларга малака ошириш курслари ташкил этилди.

❓Бу курслар қачондан бошланади?

Табиий фан (SCIENCE) дан малака оширган ўқитувчининг иш ҳақи қандай тартибда тўланади?

📌Юқоридаги видео орқали шу каби саволларга жавоб берамиз!

Курсларга бугун, 26 июль санасидан старт берилди.

Ҳудудий халқ таълими бошқармалари томонидан тақдим этилган рўйхатдаги, з-синфда дарс бериши режалаштирилган ўқитувчилар А.Авлоний миллий-тадқиқот институтининг “uzlms.uz” электрон платформаси орқали рўйхатдан ўтишлари мумкин.

Саволларингизга 24/7 режимдаги "Кўмак берувчи техник ёрдам хизмати" орқали жавоб берилади.

Институтнинг расмий саҳифаларини кузатиб боринг 👇👇

Telegram |Facebook |Website|YouTube

#Тв_нигоҳ
#КУН_МАВЗУСИ

✅Тошкент вилояти халқ таълими бошқармаси тасарруфидаги умумтаълим мактабларида фаолият юритаётган психологлар иш тажрибалари ҳақида “Нурафшон” телеканалида махсус телесуҳбат ташкил этилди.
✅Кўрсатув меҳмони Тошкент тумани халқ таълими бўлими болаларни ижтимоий ҳимоя ва бролаларни психологик қўллаб-қувватлаш психологи-методисти Барно Раҳимова.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

❓Савол:
- Умумтаълим мактабларида ягона мактаб формасининг баҳоси- нархи мактаб маъмурияти томонидан белгиланадими? Харид қилиш жараёни қай тартибда бўлади?
❗️Жавоб:
- Ота-оналар формани савдо нуқталарида ўзлари харид қилишлари керак. Мактаб формаси учун нархлар ишлаб чиқарувчилар томонидан эркин бозор муносабатларидан келиб чиқиб белгиланади. Формани тикувчи корхоналар ота-оналардан ҳали ишлаб чиқарилмаган мактаб формаси учун аванс тўловларини йиғишга ҳақли эмас. Айниқса педагог ходимларнинг ота-оналардан мактаб формаси учун пул маблағларини йиғиши мумкин эмас.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#ОВОЗЛИ_ЧАТ

Ўзбекистон Миллий ахборот агентлигининг @uza_uz телеграм каналида 27 июль соат 11 да Ўзбекистон Республикаси Халқ таълим вазирлиги мутасаддилари билан 1 синфга қабулдаги муаммо ва ечимлар мавзуида овозли чат ўтказилади.

Ушбу мавзу юзасидан саволларингиз бўлса (https://t.iss.one/uza_uz/62668) қуйида қолдиринг.

🔻Ўзбекистоннинг ягона расмий ахборот агентлиги

Тelegram | Facebook | Instagram | You Tube

#КУН_МАВЗУСИ
🔰2024/2025 ўқув йилидан бошлаб битирувчилар учун умумтаълим фанлари бўйича якуний давлат аттестацияси ДTM томонидан ўтказилади


Президентнинг «Умумтаълим фанлари бўйича якуний давлат аттестациясини ўтказиш ва олий таълим ташкилотларига ўқишга қабул қилиш тартибини такомиллаштиришга оид чора-тадбирлар тўғрисида»ги қарори лойиҳаси эълон қилинди.


Умумий ўрта ва ўрта махсус таълим ташкилотлари ҳамда касб-ҳунар мактаблари умумтаълим фанлари бўйича якуний давлат аттестациясини ўтказиш ҳамда олий таълим ташкилотларига ўқишга қабул қилишнинг қуйидаги тартиби жорий этилади:

• 2024/2025 ўқув йилидан бошлаб таълим ташкилотлари битирувчилари учун умумтаълим фанлари бўйича якуний давлат аттестацияси Вазирлар Маҳкамаси ҳузуридаги Давлат тест маркази томонидан ўтказилади;

• битирувчилар учун мажбурий учта фан – она тили (ўзбек, рус, қорақалпоқ ва бошқа тиллар), математика ва Ўзбекистон тарихи фанларини ҳамда иккитадан тўрттагача бакалавриат таълим йўналишига мос бўлган умумтаълим фанларини билиш даражасини аниқлаш бўйича тест синови ўтказилади;

• тест синови натижалари бўйича битирувчиларга уч йил муддатга амал қиладиган электрон миллий сертификат берилади;

• битирувчиларга шаҳодатнома (ёки диплом) беришда якуний давлат аттестациясида битирувчиларнинг мажбурий фанлар бўйича тест синови натижалари инобатга олинади ва шаҳодатнома (ёки диплом)да қайд этилади;

• таълим дастурларини тўлиқ ўзлаштирган ва ўқув фанларидан йил давомида қониқарли баҳо олган битирувчилар тест синовига қўйилади. Битирувчилар рўйхати Халқ таълими вазирлиги, Олий ва ўрта махсус таълим вазирлиги, Таълим сифатини назорат қилиш давлат инспекцияси, тизимида умумтаълим муассасалари бўлган вазирлик ва идоралар томонидан электрон идоралараро ахборот алмашинуви орқали Давлат тест маркази платформасига интеграция қилинади;

• битирувчилар шаҳодатнома (диплом) олишлари учун тест синови натижаси бўйича мажбурий фанлардан тўпланиши лозим бўлган минимал балл Халқ таълими вазирлиги томонидан белгиланади;

• тест синови натижаси бўйича мажбурий фанлардан минимал балл ва ундан юқори балл тўплаган битирувчилар якуний давлат аттестациясидан ўтган ҳисобланади;

• йил давомида тест синовини топшириб умумтаълим фанларидан сертификатга эга ва унинг балли Халқ таълими вазирлиги томонидан белгиланган минимал ўтиш баллига мос келган битирувчилар тегишли фанлар бўйича якуний давлат аттестациясидан озод этилади;

• тест синовлари ҳар йили июнь-июль ойларида Давлат тест маркази томонидан катта сиғимли биноларда ҳамда таълим муассасаларига ўқишга қабул қилиш бўйича давлат комиссияси томонидан белгиланадиган узоқ ҳудудлардаги биноларда қоғоз (ёки электрон) шаклда ўтказилади;

• мажбурий фандан минимал балл тўплай олмаган, узрли сабабга кўра (касаллиги, оила аъзоларининг вафот этгани, халқаро спорт мусобақаларида, олимпиада ва кўрик танловларда иштирок этаётгани) тест синовида қатнаша олмаган битирувчиларга асословчи ҳужжатларга мувофиқ якуний давлат аттестацияси тўлиқ якунланганидан икки ҳафта ўтгач ушбу фанлардан қайта тест синовини топшириш ҳуқуқи берилади;

• қайта тест синови натижалари бўйича етарли балл тўплай олмаган битирувчилар барча олий таълим ташкилотларига ўқишга қабул қилиш танловида иштирок эта олмайди, уларга таълим ташкилотлари томонидан тегишли таълимни тугатгани ҳақида маълумотнома берилади ҳамда кейинги йил якуний давлат аттестациясида қайта тест синовини топшириш ҳуқуқи берилади.

Бунда, олдинги йилда таълим ташкилотини тугатган, лекин якуний давлат аттестациясидан ўта олмаган битирувчилар, ягона интерактив хизматлар портали ёки Давлат хизматлари марказлари орқали ўзи таълим олган таълим ташкилотига якуний давлат аттестациясидан ўтиш учун ариза билан мурожаат қилади.


Битирувчилар мажбурий ҳамда мутахассислик фанларидан тест синови натижалари асосида олий таълим ташкилотларига белгиланган тартибда ўқишга қабул қилинади.https://t.iss.one/toshkentvxtb/31523

Мазкур тартиб хорижий фуқаролар ва Президент мактаблари битирувчиларига нисбатан татбиқ этилмайди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАЪЛУМОТИ
🔰2022-2023 ўқув йилида Тошкент вилоятидаги умумтаълим мактабларига 1-синф ўқувчиларини қабул жараёни тўғрисида маълумот

📌Жорий йилда Тошкент вилоятида 1-синфга қабул режаси жами: 52264 нафарни ташкил этади.

✅Президент қарорларига мувофиқ, вилоятдаги мавжуд 886 мактабдан фақат Нурафшон шаҳридаги жами 13 та мактабларида 1 – синфга қабул жараёнлари ЭЛЕКТРОН ШАКЛДА, қолган ҳудудлар бошқа туман (шаҳар)ларидаги умумта’лим мактабларида 1-синфга қабул белгиланган тартибда анъанавий шаклда амалга оширилиб келинмоқда.

✅Бугун-26 июль санасига қадар онлайн шаклда 830 нафар, анъанавий шаклда 49833 нафар ўқувчиларнинг ҳужжатлари биринчи синфга қабул қилинди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

Ҳурматли устозлар!

Жорий йилнинг 23 июль куни Президент таълим муассасалари агентлиги ҳузуридаги ихтисослашган мактабларга педагог-ходимларнинг танлови натижалари эълон қилинди.

Синов натижалари бўйича Президент таълим муассасалари агентлиги ҳузуридаги ихтисослашган мактабларга ишга тавсия этилмаган устозлар учун, халқ таълими тизимининг жойлардаги масъуллари томонидан иш ўринларини таклиф этиш юзасидан ишлар олиб борилмоқда.
Жараённи мувофиқлаштириш учун, ҳар бир туман бўлимида махсус штаб фаолиятини олиб бормоқда.

Жойлардаги масъуллар томонидан иш жойини таклиф қилишда масъулиятсизликка йўл қўйилиб, эътирозлар юзага келган тақдирда, қуйидаги Телеграмм-ботга @uzedujob_bot мурожаат қилишингизни сўраймиз.
Ботга мурожаатингизда исм-шарифингиз, ҳудуд ва мактаб тўғрисидаги маълумот, боғланиш учун телефон ва аниқ муаммоли ҳолатни келтиришингиз сўралади.

Шу ўринда, ихтисослашган мактабларга имтиҳон жараёнлари, синов натижалари ва улар бўйича эътирозлар бевосита Президент таълим муассасалари агентлигига [email protected] манзили орқали мурожаат қилишингиз мумкин.

#КУН_ҲИКМАТИ
❗️шунчаки муҳим...

Маънавият мактабдан бошланади. Мактабларда таълим сифатига қандай эътибор берсак, маънавиятга ҳам шундай эътибор беришимиз керак.

✍️Шавкат МИРЗИЁЕВ

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

⚡️ЭЪЛОН!

АОКАда 2022-2023 ўқув йилида ягона мактаб формаси жорий этилиши юзасидан брифинг бўлиб ўтади
〰️〰️〰️

● Вақти: 11:30
● Иштирок этади: Бахтиёр Саидов, Халқ таълими вазири

📹 Брифинг "Ўзбекистон 24", "UzReport" телеканаллари ҳамда АОКАнинг ижтимоий тармоқларидаги расмий саҳифалари орқали тўғридан-тўғри эфирга узатилади.

❓Савол:
- Янги 2022-2023 ўқув йилидан умумтаълим мактабларида ягона мактаб формаси жорий этилмоқда. Ва мазкур формалар корхоналарда тикиб чиқарилмоқда. Агар ишлаб чиқариш корхонаси тақдим этаётган маҳсулотининг сифати ота-онани қониқтирмаса ўзлари тиктириши мумкинми?
❗️Жавоб:
- Агар ишлаб чиқариш корхонаси тақдим этаётган маҳсулотнинг сифати ота-онага маъқул келмаса, Вазирлар Маҳкамаси қарорида белгиланган ранг ва бичимда исталган тикувчига тиктиришлари ёки ўзлари тикиб беришлари мумкин.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb