#ISOHOTLAR_AMALDA
🔰MUHOKAMA VA YECHIM


✅Ma’lumki, o‘quv yili avvalida Xalq ta’limi vazirining ta’lim muassasalarida yangi 2021-2022-o‘quv yiliga tayyorgarlik ishlarini sifatli tashkil qilish to‘g‘risidagi buyrug‘i qabul qilingan edi. Mazkur buyruqda ta’lim muassasalarini yangi o‘quv yiliga o‘z vaqtida va sifatli tayyorlash bo‘yicha qilinishi lozim bo‘lgan ustuvor vazifalar belgilab berilgan.

✅Buyruq bilan «Xalq ta’limi muassasalarini yangi 2021-2022- o‘quv yiliga tayyorlash bo‘yicha Harakat dasturi» tasdiqlangan. Harakatlar dasturida yangi o‘quv yiliga tayyorgarlik yuzasidan amalga oshiriladigan ishlar 5 ta asosiy yo‘nalishlar belgilangan. Har bir yo‘nalishda amalga oshiriladigan ishlarning aniq muddati va mas’ullari belgilab berilgan. Bu esa o‘z navbatida mazkur yo‘nalishda qilinishi lozim bo‘lgan ishlarning sifatiga ham ijobiy ta’sir ko‘rsatadi.

✅Shuningdek, buyruqqa ko‘ra yangi o‘quv yili uchun darsliklarni chop etish, ularni joylarga yetkazish va qayta taqsimlash kabi qator ishlar amalga oshirilmoqda. Jumladan, 2022-yilda qurilish va ta’mirlash ishlari yakuniga yetkazilgan umumta’lim ob’ektlariga zarur bo‘lgan jihozlar yetkazib berilmoqda.

✅Joriy yilning 1-mart kuni Xalq ta’limi vazirligi tomonidan Qoraqalpog‘iston Respublikasi, Toshkent shahri va viloyatlar xalq ta’limi boshqarmalari mas’ul xodimlari bilan ZOOM platformasi orqali joylarga yangi darsliklarni o‘z vaqtida yetkazish va uning nazorati bo‘yicha yig‘ilish bo‘lib o‘tdi. Yig‘ilishda Toshkent viloyatining 22 tuman (shahar) xalq ta’limi bo‘limlari Darsliklar va adabiyotlar sho‘basi mutaxassisalari ishtirok etdi. https://t.iss.one/toshkentvxtb/29088

✅Vazirlik yig‘ilishidan so‘ng, Toshkent viloyati xalq ta’limi boshqarmasining Darsliklar va adabiyotlar sho‘basi tomonidan 2022-yilning 1-mart holati bo‘yicha tuman va shahar xalq ta’limi bo‘limlarining hisoboti tinglandi.
Shu bilan birga, Darsliklar va adabiyotlar bo‘yicha metodistlariga bugungi kun ta’lim muassasalari kurubxonalarining ish faoliyati va o‘quvchilarni darsliklar bilan ta’minlanish holati, yangi Milliy o‘quv dasturi asosida chop etilayotgan darsliklarni yetkazilishi hamda o‘quvchilarga o‘z vaqtida tarqatilishi bo‘yicha kerakli topshiriqlar va tavsiyalar berildi

🖊Toshkent viloyati xalq ta'limi boshqarmasi axborot xizmati
Kanalga ulanish 👉@toshkentvxtb

#BUGUN
♻️MЕHR VA SADOQAT TIMSOLIGA AYLANGAN SHOIRA XOTIRASIGA EHTIROM

🌷Bahorning ilk kunida tavallud topgan O‘zbekiston xalq shoirasi Zulfiyaxonim baxt va bahor, saodatli kunlarning, tinchlikning kuychisi edi.

🌷Poytaxtimizdagi Alisher Navoiy nomidagi Milliy bog‘ hududidagi “Adiblar xiyoboni”da xalqimizning ardoqli shoirasi, nainki mehr va sadoqat, balki millionlab o‘zbek ayollarining timsoliga aylangan Zulfiya tavalludining 107 yilligiga bag‘ishlangan ma’rifiy tadbir bo‘lib o‘tdi.

🌷“Bu bog‘lar bir bog‘lar bo‘ladi hali” deb nomlangan mazkur tadbirga yozuvchi va shoirlar, adabiyotshunoslar, faol xotin-qizlar, Zulfiyaxonimning yaqinlari, farzand va nevaralari, shogirdlari, keng jamoatchilik taklif etildi.

🌷Tadbirda O‘zbekiston xalq shoirasi Zulfiyaxonim ijodi, samarali va ibratli faoliyati, ustoz qoldirgan ma’naviy meros, ibratli xotiralari xalqimizning doimiy e’tiborida ekani ta’kidlandi.

🌷Mazkur tadbirda Toshkent viloyati Quyi Chirchiq tumani xalq ta’limi bo‘limi tasarrufidagi 43 va 45-sonli maktab o‘quvchilari targ‘ibotchi ustozlari, shoira Zulfi Mo‘minova bilan birgalikda ishtirok etdi. https://t.iss.one/toshkentvxtb/29095

🖊Toshkent viloyati xalq ta'limi boshqarmasi axborot xizmati
Kanalga ulanish 👉@toshkentvxtb