#Murojaat_va_natija

✅Oilalarga ijtimoiy koʻmak koʻrsatilmoqda

🔰Toshkent tumani Qashqarlik mahallasiga biriktirilgan ijtimoiy xodim Umida Xamidullayeva ish rejasidagi  "Oilalardagi haqiqiy holatni oʻrganish, jumladan aholining ijtimoiy himoyaga boʻlgan ehtiyojini baholash   bandining ijrosi yuzasidan ogʻir ahvolga tushib qolgan oilalar va nogironligi boʻlgan  shaxslar xolidan xabar olish bandini taʼminlash maqsadida:

♻️Qashqarliq mahallasi Xalqsevar 2-uyda yashovchi 2-guruh nogironi  Saidxodjayev Baxtiyor oilasi oʻrganilganda tomorqadan foydalanish uchun sabzavot koʻchatlariga ehtiyoji, parrandachilikga qiziqishi borligini bildirgan edi.

📌Bugun hokim yordamchisi, aloqa bank xodimlari koʻmagi bilan tomorqasiga sabzavot koʻchatlari yetkazilib, ekilishiga koʻmaklashildi, parrandachilik bilan shugʻullanishlari uchun 10 bosh tovuq bilan taʼminlandi.

✔️Yana bir ijtimoiy himoyaga muhtoj oilaning ijtimoiylashuvi yaxshilanishiga koʻmaklashildi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Murojaat_va_yechim

Aholi murojaatlari yechim topdi

Toshkent tumani 4-sektor hududidagi mahallalarda elektr taʼminotini yaxshilash boʻyicha 4-sektor rahbariga koʻplab murojaatlar tushgan edi.

Murojaatlarga ijobiy yechim topish maqsadida 4-sektor rahbari S.Abduvaliyev tuman elektr taʼminoti xodimlariga topshiriq berdi.

Natijada Oltin tepa, Qoraboʻrik, Beruniy va Chigʻatoy mahallalariga xizmat koʻrsatuvchi TPda taʼmirlash ishlari oʻtkazilib, atrofi obodonlashtirildi.

📷 Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Murojaat_va_yechim

Aholi murojaati ijobiy hal qilindi

Toshkent tumani Qoraboʻrik mahallasi Jambul koʻchasidan 4-sektor rahbariga yuborilgan aholi murojaati hal qilindi.

Gap shundaki, ushbu koʻchada maishiy chiqindilarning toʻplanib yotishi, ayniqsa yoz kunlarida aholiga noqulaylik tugʻdirayotgan edi.

Shu munosabat bilan, tuman mutasaddilari hamda 4-sektor rahbari tashabbusi bilan Qoraboʻrik mahallasi Jambul koʻchasi chetidagi maishiy chiqindilar tozalandi.

Shu oʻrinda tuman aholisidan koʻcha chetlariga maishiy chiqindilarni tashlamaslikni va bu uchun qonunchilikda javobgarlik borligini eslatib oʻtmoqchimiz.

📷 Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Murojaat_va_yechim
#Jamoatchilik_nazorati

Toshkent tumani Xalimkoʻp mahallasi fuqarolarining murojaatlari deputatlar tomonidan oʻrganildi.

Toshkent tumani Xalimkoʻp mahallasining Farovon koʻchasi va tor koʻchasi OTB loyihasiga kirmay qolganligi sababli tuman hokimligiga koʻplab murojaatlar kelib tushayotgan edi.

Kuni kecha Farovon koʻchasidagi holat deputatlar tomonidan oʻrganildi.

Fuqarolarining iltimosiga binoan muammo tegishli tashkilotlarga deputatlik soʻrovi orqali yuborildi va ijobiy hal etildi.

Natijada 850 m D - 100mm va50mm lik plastmassa quvurlari mahalla koʻchasiga keltirildi va hashar yoʻli bilan tortish ishlari boshlab yuborildi.

Jamoatchilik nazorat guruhi rahbari deputat M. Usmonov.

✅Telegram 💬Facebook 📸Instagram 📹YouTube 🌍Website

#Murojaat

"Dala madaniyati-fermer majburiyat"

Hurmatli dehqon va fermer xoʻjaligi rahbarlari!

Xalqimizda “Toʻqsonda sugʻorsang, toʻqson botmon hosil olasan”, degan purmaʼno naql bor. Bunda qishning toʻqson kuni nazarda tutilgan. Bu naql bejiz aytilmagan, negaki mutaxassislarning taʼkidlashicha, kuzda ekilib, qor ostida qoldirilgan sabzavot ekinlari urugʻlari erta koʻklamda yerdan juda barvaqt unib chiqib, tez rivojlanishi hisobiga erta hosil beradi. Erta bahorda esa mahsulotning bozori chaqqon boʻlishi sir emas.

Keling, bugundan masʼuliyatimizni yanada oshirib, 2025-yil hosili uchun 3 956 gektar maydonlarda piyoz, sarimsoqpiyoz va toʻqsonbosti ekinlarini oʻz vaqtida ekishni tashkil etaylik.

Quyidagi tadbirlarni ogʻishmay amalga oshiring!

birinchidan, ayni damlarda bogʻ-tok orasini, ajratib berilgan maydonimizni hamda oʻz hovlimiz, tomorqalarimizni tartibga keltirishimiz juda muhim. Mevali daraxtlarga, ekinlarga turli zararkunandalarga qarshi ishlov berishni oʻz vaqtida bajaring;

ikkinchidan, kuz oyining qulay ob-havosida qisqa muddatlarda bir qarich ham yerimizni boʻsh qoldirmaslik uchun qisqa muddatda haydovni yakunlang;

uchinchidan, kuzda sovuq va namgarchilik boshlanmasdan oldin toʻqsonbosti usulida ekish uchun sovuqqa chidamli sabzavot ekinlaridan sabzi, piyoz, osh lavlagi, karam, koʻkat sabzavotlar (ismaloq, ukrop, petrushka, selderey, kashnich, salat) ekinlarining urugʻlari sepib ekib boʻling;
toʻrtinchidan, “Tomorqa – daromad manbai” shiori ostida har bir mahallarda sarimsoqpiyoz va toʻqsonbosti ekinlar ekishni tashkil eting;

beshinchidan, “Bir kontur – bir mahsulot” hamda “Bir mahalla – bir mahsulot” tamoyillari asosida sarimsoqpiyoz va toʻqsonbosti ekinlarini eking.

Axir, "Dala madaniyati-fermer majburiyati" va bunga amal qilish har bir fermer, dehqon xoʻjaligi rahbarining asosiy vazifasi hisoblanadi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website