#Subsidiya

✅Fuqarolarni qiziqtiradigan asosiy savollarga javoblar!

Avval xabar berganimizdek, joriy yil 15-may sanasidan boshlab, uy-joy olish uchun subsidiyalarga ariza qabul qilinadi.

Uy-joy uchun subsidiya nima? Ipoteka krediti asosida kvartira sotib olish yoki uy (hovli) qurish va rekonstruksiya qilishga boshlang‘ich to‘lov va foizlarning bir-qismini to‘lab berish uchun ajratiladigan mablag‘.

Subsidiya olish uchun kimga murojaat qilish kerak?
Subsidiya olish uchun istalgan davlat xizmatlari markazi yoki YAIDXP (My.gov.uz) orqali ariza berish mumkin. Bunda anketa-ariza elektron tarzda to‘ldiriladi va mazkur xizmat mutlaqo bepul. Biroq joriy yil uchun ajratilgan subsidiya tugaganida ariza qabul qilish ham to‘xtatiladi. Arizadagi maʼlumotlar soliq organlari, tibbiyot birlashmasi, hokimliklar, oila va xotin-qizlar bo‘limlari tomonidan tekshirib ko‘riladi.

Subsidiya kimlarga beriladi?
Subsidiya daromadi yuqori bo‘lmagan uy-joyga muhtoj fuqarolar yoki oilalarga beriladi. Bunday toifadagi fuqarolar yoki oilalarning daromadi quyidagicha bo‘lishi kerak: Qoraqalpog‘iston Respublikasi va viloyatlarda MHTEKMning 2,7 baravaridan (2 mln 835 ming so‘mdan) 8 baravarigacha (8 mln 400 ming so‘mgacha);

Subsidiya ajratishda nimalarga eʼtibor qaratiladi? Arizachilarga subsidiya ajratish masalasi ijtimoiy mezonlar asosida qo‘yilgan ballar asosida aniqlanadi. Ijtimoiy mezonlar asosida 30 (jami 50 baldan) va undan yuqori ball to‘plaganlarga subsidiya beriladi.

Qaysi holatlarda subsidiya berilmaydi?
Quyidagi hollarda subsidiya ajratish rad etiladi: Arizada ko‘rsatilgan maʼlumotlar ijtimoiy mezonlarga mos kelmaganda, maʼlumotlar noto‘g‘ri yoki soxta bo‘lganda, ilgari imtiyozli ipoteka kreditlari asosida kvartira yoki uy-joy hamda subsidiya olganlar ariza berganida, joriy yilda hudud uchun ajratiladigan subsidiya soni tugaganda, ariza beruvchi va/yoki oilaning o‘rtacha oylik daromadi yuqorida ko‘rsatilgan daromaddan ko‘p yoki kam bo‘lganida, er yoki xotinni nomida turar joy bo‘lganda. Boshqa asoslar bilan rad etish mumkin emas, ariza rad etilganidan so‘ng yana qayta murojaat qilish mumkin. Subsidiya oluvchilar ko‘p bo‘lganda, dastlab birinchi ariza berganlarga subsidiya ajratiladi.

Subsidiya xabarnomasi qancha vaqt amal qiladi?
Subsidiya berish haqidagi xabarnoma 4 oy muddat amal qiladi, bu degani xabarnoma chiqqanidan boshlab 4 oy ichida subsidiyaga uy sotadigan firma topib uyni sotib olish kerak.

Boshlang‘ich to‘lov va kredit foizi qancha?
Boshlang‘ich to‘lov uy-joy narxining kamida 15 foizini tashkil qiladi. 2024-yildan boshlang‘ich to‘lov uchun davlat tomonidan qaytarilmaydigan 30 mln so‘mlik subsidiya beriladi. Kredit foizi bank tomonidan mustaqil belgilanadi, bugungi kunda aksariyat banklarda 18 foiz. Davlat tomonidan esa 5 yil davomida kreditning 12 foizdan ko‘p qismi qoplab beriladi. Masalan, kredit 18 foiz bo‘lsa, uning 6 foizi 5 yil davomida davlat tomonidan qoplanadi.

Kredit miqdori cheklanganmi?
Ha, subsidiya doirasida kredit Qoraqalpog‘iston Respublikasi va viloyatlarda 330 mln so‘mgacha, uyning narxi yuqoridagi narxdan qimmat bo‘lsa ham subsidiya beriladi, biroq bu ortiqcha mablag‘ni fuqaroning o‘zi to‘lashi kerak.

Subsidiya ikkilamchi uylarga beriladimi?
Yo‘q, subsidiya yangi qurilgan (“novostroyka”) 4 va undan ko‘p qavatli yoki fuqaroga ajratilgan yerda qurilgan uy (hovli)lar hamda uni rekonstruksiya qilish uchun ajratiladi. Subsidiya “remontsiz” qora suvoqdagi uylarga ham ajratiladi, faqat sharti uy xonalarga bo‘lingan va “remontga” tayyor bo‘lishi kerak.

Propiskasi bo‘lmagan joydan subsidiya olsa bo‘ladimi? Yo‘q, subsidiya fuqaroning doimiy yashash joyi bo‘yicha beriladi. Toshkent shahrida doimiy yashaydigan fuqarolar Toshkent viloyatidan ham subsidiya asosida uy olishi mumkin. Masalan, Toshkent viloyati Toshkent tumanida yashayotgan shaxs Toshkent viloyati Chirchiq yoki Nurafshon shahridan subsidiya asosida kvartira sotib olishi mumkin. Biroq, Toshkent shahridan yoki boshqa viloyatlardan ololmaydi.

✅Telegram 💬Facebook 📸Instagram 📹YouTube 🌍Website

#Subsidiya

❗️Ipoteka kreditiga Davlat subsidiyasini olish uchun arizalar joriy yilning 15-mayidan 1-noyabriga qadar qabul qilinadi

📝 Arizalarni shaxsiy kompyuter yoki uyali aloqa vositasidan foydalanib YIDXP (my.gov.uz) orqali yuborish mumkin.

✅ Arizalarni qabul qilish va ko‘rib chiqish bepul.

👉 Manba

✅Telegram 💬Facebook 📸Instagram 📹YouTube 🌍Website

#Subsidiya

Ishsiz ayollarga tikuv mashinalari berildi

Kuni kecha, Toshkent tumani Kambagʻallikni qisqartirish va bandlikka koʻmaklashish boʻlimida, hokim yordamchilari tomonidan 10 nafar ishsiz ayollarga subsidiya asosida tikuv mashinalari sovgʻa qilindi.

Muhtaram Prezidentimiz tashabbuslari bilan, aholining tadbirkorlik tashabbuslarini amalga oshirishga moliyaviy koʻmaklashish, ularning daromadli mehnat bilan bandligini taʼminlash, mahallabay ishlash orqali kambagʻallikni qisqartirish, aholi muammolarini “xonadonbay” oʻrganib, mahallalarni ijtimoiy-iqtisodiy rivojlantirish – hokim yordamchilarining asosiy vazifasi etib belgilangan.

Eng aziz, eng ulugʻ bayram-Mustaqillikning 33 yilligi arafasida mahalladagi hokim yordamchilari koʻmagi bilan hadya qilingan tikuv mashinalari, ishsiz xotin-qizlarga oʻz daromadlariga ega boʻlib, roʻzgʻor tebratishlariga, qolaversa bandligini taʼminlanmagan fuqarolar soni kamayishiga xizmat qiladi degan umiddamiz.

📹Tafsilotlar yuqoridagi videolavhada.

✅Telegram 💬Facebook 📸Instagram 📹YouTube 🌍Website

#Subsidiya
#Ipoteka

❗️2025-yilning 3-mart kunidan ipoteka kreditlari uchun subsidiya olishga arizalar qabuli boshlanadi.

Ipoteka kreditlari boʻyicha subsidiyalar toʻlashning tasdiqlangan maqsadli koʻrsatkichlari doirasida arizalarni 3-mart kuni soat 09:00dan boshlab joʻnatish mumkin. Bu haqida Iqtisodiyot va moliya vazirligi xabar berdi.

Arizalarni Davlat xizmatlari markazlari yoki Yagona portal (my.gov.uz) orqali topshirish mumkin. Bunda ariza beruvchi xohishi bilan uning daromadlari hisob-kitobiga yaqin qarindoshlarining ham daromadlari kiritilishi mumkin.

Shuningdek, arizachi yoki uning turmush oʻrtogʻining (shu jumladan, kafil sifatida keltirgan yaqin qarindoshlari) oʻrtacha daromadi quyidagicha boʻlishi kerak:

⁃ Qoraqalpogʻiston Respublikasi va viloyatlarda — mehnatga haq toʻlashning eng kam miqdorining 2,7 baravaridan 8 baravarigacha (hozirda 3,11 mln — 9,24 mln soʻm);

⁃ Toshkent shahrida — mehnatga haq toʻlashning eng kam miqdorining 2,7−9,2 baravari (hozirda 3,11 mln soʻm — 10,62 mln soʻm).

✅Telegram 💬Facebook 📸Instagram 📹YouTube 🌍Website

#Subsidiya

Hurmatli Toshkent tumani fuqarolari!

Subsidiya uchun bir soatda 16 ming ariza topshirilganligi munosabati bilan ariza berishga kechga qolmasligingizni soʻraymiz!

Hukumat qaroriga asosan, 2025-yil uchun belgilangan maqsadli koʻrsatkichlar doirasida ipoteka kreditlari boʻyicha subsidiyalarni olish uchun arizalar bugun, soat 09:00 dan boshlab qabul qilinmoqda. Maʼlum qilinishicha bir soatda 16 ming kishi ariza topshirdi.

Subsidiya olish uchun ariza quidagicha topshiriladi:

☑️ Yaqindagi Davlat xizmatlari markaziga borib yoki my.gov.uz sayti orqali onlayn: my.gov.uz/oz/service/325

☑️ Subsidiya olish uchun quyidagilar talab etiladi:

▪️30 balldan kam boʻlmagan ijtimoiy reyting (ballar toʻgʻrisida my.gov.uz saytida maʼlumot beriladi)

▪️Daromad chegaralari:
— Viloyatlar va Qoraqalpogʻistonda: 3,1 mln soʻmdan 9,2 mln soʻmgacha
— Toshkent shahrida: 3,1 mln soʻmdan 10,6 mln soʻmgacha

▪️Ariza beruvchi va turmush oʻrtogʻi nomida uy-joy boʻlmasligi shart
▪️Ijtimoiy himoyaga muhtojlar uchun alohida mezonlar mavjud.

✅Telegram 💬Facebook 📸Instagram 📹YouTube 🌍Website