DXX: Toshkent viloyatining Qozog‘iston bilan chegara hududida noqonuniy yerosti yo‘li (tunnel) aniqlandi va Hindistonda ishlab chiqarilgan 1 mlrd. so‘mlik dori vositalari olindi

Davlat xavfsizlik xizmati xodimlari tomonidan Chegara qo‘shinlari va «Toshkent-Aero» IBK harbiy xizmatchilari bilan hamkorlikda o‘tkazilgan tezkor tadbirda, Hindistondan Qozog‘iston orqali mamlakatimizga katta miqdordagi, sifati kafolatlanmagan dori vositalarini noqonuniy olib kelish bilan shug‘ullangan transchegaraviy jinoiy guruh faoliyati fosh etildi.

Xususan, jinoiy guruh tomonidan navbatdagi dori vositalari «Dehli-Toshkent-Olmaota» aviayo‘nalishi orqali tranzit tarzda «Olmaota» xalqaro aeroportiga olib kelinib, Qozog‘istonning Turkiston viloyati Sariyog‘och tumani «Do‘stlik» aholi yashash punktiga yetkazilgan va yashirin yerosti yo‘li orqali Toshkent viloyatining Toshkent tumani «O‘rikzor» MFY hududiga o‘tkazilgan.

Tezkor tadbir davomida jinoiy guruh aʼzolaridan jami 1 mlrd. 94 mln. 342 ming so‘mlik, Hindistonda ishlab chiqarilgan Albumin, Remdesivir, Meropenem kabi jami 107 nomdagi 17048 dona dori vositalari ashyoviy dalil sifatida rasmiylashtirib olindi.

Taʼkidlash lozimki, 1975 y.t. fuqaroning Toshkent tumani «O‘rikzor» MFYdagi uyini Qozog‘istonning Sariyog‘och tumani «Do‘stlik» aholi yashash punkti bilan bog‘lovchi yerosti yo‘lining uzunligi 310 metrni tashkil etadi.

Yerosti yo‘li havo ventilatsiyasi, yoritish tizimi, yuklarni tashishga mo‘ljallangan aravalar va arqonlar bilan jihozlangan.

Hozirda holat yuzasidan jinoiy guruh aʼzolariga nisbatan Jinoyat Kodeksining tegishli moddalari bilan jinoyat ishi qo‘zg‘atilib, qamoq ehtiyot chorasi qo‘llanilgan.

✅Telegram 💬Facebook 📸Instagram 📹YouTube 🌍Website

#Qonunchilikdagi_yangiliklar

❗️Maktabgacha ta'lim agentligi faoliyati tugatildi

“Maktabgacha va maktab ta'limi sohasida davlat boshqaruvi tizimini takomillashtirish chora-tadbirlari to'g'risida”gi Prezident Farmoni (PF-98-son, 02.07.2024 y.) qabul qilindi

🔰 Farmonga ko'ra, Maktabgacha ta'lim agentligi (Agentlik) faoliyati tugatildi hamda Agentlikning tashkiliy tuzilmasidagi tashkilotlar Maktabgacha va maktab ta'limi vazirligi tasarrufiga o'tkazildi.

🏢 Maktabgacha va maktab ta'limi vazirligi zimmasiga quyidagi qo'shimcha funksiyalar yuklatildi, jumladan:

🔹ilg'or xorijiy tajribani hisobga olgan holda maktabgacha yoshdagi bolalarni har tomonlama intellektual, axloqiy, estetik va jismoniy rivojlantirish uchun shart-sharoitlar yaratish;

🔹maktabgacha ta'lim va tarbiya jarayoniga zamonaviy innovatsion pedagogik texnologiyalarni, ta'lim va tarbiyaning samarali shakllari hamda usullarini joriy etish;

🔹maktabgacha ta'limning o'quv reja, dastur va o'quv-metodik majmualarini takomillashtirish, ularning umumiy o'rta ta'lim dasturlari bilan uzviyligini ta'minlash;

🔹davlat va nodavlat maktabgacha ta'lim tashkilotlari orasida sog'lom raqobat muhitini yaratish hisobiga barcha bolalarning maktabgacha ta'lim bilan bosqichma-bosqich qamrab olinishini ta'minlash.

👉 Manba

✅Telegram 💬Facebook 📸Instagram 📹YouTube 🌍Website

1️⃣2️⃣3️⃣4️⃣5️⃣

⚡️📣 “Tashabbusli budjet” jarayonining 2024-yilgi II mavsumiga 6-iyuldan start beriladi!

Bunda:

1️⃣Loyihalar kiritish: 6–26-iyul;
2️⃣Loyihalarni saralash: 26-iyul–15-avgust;
3️⃣Targ‘ibot qilish: 15–22-avgust;
4️⃣Ovoz berish: 22-avgust–1-sentabr sanalari davomida o‘tkaziladi.

🪙Ushbu mavsum uchun tuman va shahar budjetlari hisobidan 2 trln so‘mdan ortiq mablag‘ yo‘naltiriladi!

‼️Eslatma! Joriy yilda loyihalarning eng yuqori qiymati 1 mlrd 360 mln so‘mni tashkil etadi.

O‘z hududingizdagi mavjud muammolarni hal etish yuzasidan tashabbus ko‘rsating, faol bo‘ling!

#tashabbusli_budjet #open_budget #inson_qadri_uchun

Telegram | Facebook | Instagram | Youtube

#Qurilish
#Taʼlim
#Shukronalik

Maktabgacha taʼlim qamrovi oshiriladi

Bugungi kunda Toshkent tumanida jami 123 ta maktabgacha taʼlim tashkilotlari faoliyati yoʻlga qoʻyilgan boʻlib, 39 tasi davlat, 23 tasi xususiy, 60 tasi oilaviy-nodavlat maktabgacha taʼlim tashkilotlariga to'g'ri keladi.

Tumanda 3-7 yoshdagi bolalar soni 14 ming 889 nafarni tashkil qilib, ularning 10 ming 026 nafari (72.7%) maktabgacha taʼlim bilan qamrab olingan. 7 ming 619 nafari davlat (67,7%), 564 nafari xususiy (25,28%), 2 ming 154 nafari oilaviy-nodavlat (87,08%) MTTlarda tarbiyalanmoqda.

Oʻtgan yili 3-7 yoshdagi bolalarning maktabgacha taʼlim bilan qamrov darajasini 68.5 foizdan 72.7 foizga (+5 %) oshirishga erishildi. Shuningdek, 3 ta davlat maktabgacha taʼlim tashkilotining yangi binolari foydalanishga topshirildi. 2 ta oilaviy-nodavlat maktabgacha taʼlim tashkilotlari tashkil etildi. Maktabgacha taʼlim tashkilotlarining umumiy quvvat koʻrsatkichi 9 ming 338 oʻrindan, 10 ming 707 oʻringa yetdi.

Toshkent tumani Maktabgacha va maktab taʼlimi tasarrufidagi 25-davlat maktabgacha taʼlim tashkiloti foydalanishga topshirilganidan soʻng tumanda maktabgacha ta'lim qamrovi darajasi yana oshiriladi.

📹Batafsil intervyuda.

✅Telegram 💬Facebook 📸Instagram 📹YouTube 🌍Website

#Mehnat_yarmarkasi
#Bandlik

✅Toshkent tumanida "Karera kuni" oʻtkazildi

Joriy yil 4-iyul kuni Toshkent tumani Kambagʻallikni qisqartirish va bandlikka koʻmaklashish boʻlimi tomonidan tuman markazidagi Madaniyat saroyi oldida “Karera kuni” hamda “Boʻsh ish oʻrinlari” mehnat yarmarkasi oʻtkazildi.

Ushbu mehnat yarmarkasida 24 dan ortiq korxona va tashkilotlar 168 dan ortiq boʻsh ish oʻrinlari bilan ishtirok etdi. Tadbirlarda band boʻlmagan aholi ishtiroki taʼminlanib, boʻlim boshligʻi bilan sayyor qabul tashkil etilganligi, ishsiz va foydali mehnat bilan bo'lmagan, ish topishda qiynalayotgan fuqarolar oʻzlarining qiziqtirgan savollari va muammolari bilan ishtirok etdi.

Yarmarkada ishida ishtirok etgan fuqarolarning muammolar shu yerning oʻzida hal etilib, ishsiz fuqarolarning bandligi taʼminlandi.

📹Batafsil videolavhada.

✅Telegram 💬Facebook 📸Instagram 📹YouTube 🌍Website

#Mediasavodxonlik

✅ Telegram akkauntingizni qandaydir onlayn-savdo do‘konlari yoki turli xizmatlar taklif qilinadigan guruhlar, umuman shunga o‘xshash o‘zingiz istamagan kanallarga qo‘shib qo‘yish holatlari ko‘paymoqdami?

✈️ Mediasavodxonlik bo‘yicha navbatdagi videolavhada Telegram akkauntlarini tashqi xavflardan himoyalash qoidalari haqida batafsil maʼlumot berilgan.

✅Telegram 💬Facebook 📸Instagram 📹YouTube 🌍Website

#Kibermadaniyat
#Toshkent_tumani

✅Respublika boʻyicha joriy yilning 1-iyul kunidan 30-iyul kuniga qadar “Kibermadaniyatni yuksaltirish oyligi – “Cyber-month” kompleks targʻibot tadbirlari boshlandi.

✅Shu munosabat bilan bugun, Toshkent tumanidagi korxonalarda, bozor va ijtimoiy soha obyektlarida ushbu oylik doirasida "Firibgarlik va ularning turli xil noqonuniy nayranglaridan fuqarolarni jabrlanib qolishdan ehtiyotlanish" masalasida targʻibot yigʻilishi oʻtkazildi.

✅Tadbirda mutaxassislar tomonidan internet tarmogʻidagi firibgarlardan ehtiyot boʻlish, ularning turli xil nayranglari qurboniga aylanib qolmaslik yuzasidan zarur tushunchalar berishdi. Ishtirokchilar oʻzlarini qiziqtirgan savollariga atroflicha javob olishdi.

📷Jarayon videolavhada.

✅Telegram 💬Facebook 📸Instagram 📹YouTube 🌍Website

#Ogohlantirish

⚡️Hurmatli TOSHKENT TUMANI elektr energiyasi isteʼmolchilari!  
                                                            
💥"Toshkent tumani elektr taʼminoti korxonasi" shuni maʼlum qiladiki, Toshkent shahar hududiy elektr tarmoqlari Olmazor tumani elektr ta'minotiga tegishli Sokin podstansiyasidagi yer osti kabelida yuklama (nagruzka) ortishi sababli avariya holati yuzaga kelgan.

Natijada Sokin podstansiyasidan chiquvchi L-Keles 35 kV havo tarmog‘idan elektr energiyasi bilan ta'minlanuvchi Toshkent tumanining - Hasanboy, Hasanboy-guzari, Bahor, Qorasaroy, Qirariq, A.Navoiy, Qizg'aldoq, Sohibkor, Iftixor, Ozodlik, Xuvaydo mahallalarida va ushbu hududda faoliyat yurituvchi korxona va tashkilotlarda elektr energiyasida uzilishlar yuzaga kelgan.

Hozirgi vaqtda nuqson bartaraf etish ishlari amalga oshirilmoqda. Elektr ta'minoti tiklanishi aniq vaqtlari bo'yicha qo'shimcha ma'lumotlar taqdim etiladi.

✅Telegram 💬Facebook 📸Instagram 📹YouTube 🌍Website

#Qonunchilikdagi_yangiliklar

❗️“Umra” tadbirlarini tashkil etish va o'tkazish litsenziyalanadigan faoliyatning alohida turi sifatida belgilandi

Prezident tomonidan imzolangan Qonun (O'RQ-935-son, 02.07.2024 y.) bilan ayrim qonun hujjatlariga o'zgartirish va qo'shimchalar kiritildi

✅ “Litsenziyalash, ruxsat berish va xabardor qilish tartib-taomillari to'g'risida”gi Qonunga kiritilgan o'zgartirish va qo'shimchaga ko'ra, “Umra” tadbirlarini tashkil etish va o'tkazish bo'yicha xizmatlar ko'rsatishga doir faoliyat litsenziyalanadigan faoliyatning alohida turi sifatida belgilandi.

🏢 Bunda, Din ishlari bo'yicha qo'mita mazkur sohadagi litsenziyalovchi vakolatli organ sifatida belgilandi.

✔️ Shuningdek, “Umra” tadbirlarini tashkil etish va o'tkazish bo'yicha faoliyat uchun litsenziya olish sohasidagi huquqbuzarliklar uchun yuridik shaxslarga solinadigan jarimalar miqdorlari BHMning 200 baravari (68 mln so'm) etib belgilandi.

📝 Bundan tashqari “Davlat boji to'g'risida”gi Qonunga kiritilgan o'zgartirishga ko'ra, Din ishlari bo'yicha qo'mita tomonidan "Umra" tadbirlarini tashkil etish va o'tkazish bo'yicha faoliyatini litsenziyalaganlik uchun to'lanadigan davlat boji BHMning 10 baravari (3mln 400 ming so'm) etib belgilandi.

📌Qonun rasmiy e'lon qilingan kundan e'tiboran 3 oy o'tgach kuchga kiradi.

👉 Manba

✅Telegram 💬Facebook 📸Instagram 📹YouTube 🌍Website