ТАЪМИРЛАШ ИШЛАРИ ТУФАЙЛИ ТОШКЕНТ ТУМАНИДА ГАЗ ТАЪМИНОТИ ВАҚТИНЧА ТЎХТАТИЛАДИ

❗️Тошкент тумани, Келес шаҳри "Ифтихор" МФЙ "Садаф" кўчасида жойлашган ўрта босимли газ қувурида таъмирлаш ишлари олиб борилиши сабабли 2021 йил 25 июнь соат 13:00дан 17:00 гача Келес шаҳар "Кўктерак" МФЙ даги 108 та аҳоли хонадонлари, 9 та улгуржи истеъмолчиларида,
Шу билан бир қаторда туманнинг "Чувалачи" МФЙ "Рўзиметов" кўчасида жойлашган ГТН ларида таъмирлаш ишлари бажарилиши муносабати билан Тошкент тумани "Ширин" МФЙ, "Чувалачи" МФЙларида 850 та аҳоли хонадонлари, 2 та улгуржи истеъмолчилари ва 3 та ижтимоий соҳа объектларига 2021йил 25 июнь соат 09:00 дан 17:00 гача газ таъминоти вақтинчалик тўхтатилишини маълум қиламиз.

🛠Таъмирлаш ишлари тугатилгач, табиий газ таъминоти қайта тикланади.

🤝“Hududgaz Toshkent” газ таъминоти филиали таъмирлаш ишлари туфайли етказилаётган ноқулайликлар учун аҳолимиз ва газ истеъмолчиларидан узр сўрайди.

👉Каналга уланиш: https://t.iss.one/toshvilpressa

Facebook| Instagram|YouTube|Twitter |TikTok

#Соғлиқни_сақлаш

Аҳоли учун бепул тиббий кўрик ташкил этилмоқда.

Келес шаҳридаги «TRUST MEDICAL LAB» хусусий клиникаси “Ёшларни қўллаб-қувватлаш ва аҳоли саломатлигини мустаҳкамлаш йили”да туман аҳолиси саломатлигини мустаҳкамлашга ўз ҳиссасини қўшиш мақсадида жорий йилнинг 25 июнь санасидан 25 июль кунига қадар, бир ой давомида аҳоли учун олий тоифали шифокорларнинг бепул тиббий кўригини ташкил этмоқда.

Бепул кўрик ойлигида фуқароларимиз 25 июнь кунидан бошлаб, хафтанинг душанба куни невропатолог, сешанба куни эндокринолог, чоршанба куни педиатр, пайшанба куни физиотерапевт, жума куни кардиолог ва гинеколог ҳамда шанба куни уролог кўригидан бепул ўтишлари мумкин.

📍 Манзил: Келес шаҳри, "Келес йўли" кўчаси.

📌 Мўлжал: Келес деҳқон бозори.

☎️ Мурожаат учун телефон: + 99899 555 8 555

➡️ Онлайн маслаҳат

Telegram | Facebook | Instagram | YouTube

#Раҳбар_ва_ёшлар
#4_сектор

Сектор раҳбарлари “Олтинтепа”да ёшлар билан учрашди

Тошкент тумани сектор раҳбарларининг ёшлар билан навбатдаги учрашуви 4-сектор ҳудудидаги туман 1-касб-ҳунар мактабида ўтказилди.

Учрашувда Ўзбекистон Республикаси Президентининг туман Халқ қабулхонаси мудири Ниғмат Мухамедов, туман прокурори – 2-сектор раҳбари Алишер Назаров, туман Давлат солиқ инспекцияси бошлиғи – 4-сектор раҳбари Ихтиёр Хўжаяров, туман ҳокими ўринбосари Илёс Достонов, туман Адлия бўлими маслаҳатчиси Акмал Нарзиевлар ёшларнинг турли масалалардаги мурожаатини тинглаб, муаммоларига ижобий ечим топиш борасида фикрлашдилар ҳамда уларга ҳуқуқий маслаҳатлар бердилар.

Жараён ушбу видеолавҳамизда.

Telegram | Facebook | Instagram | YouTube

❗️Карантин тартиб ва чекловларига қўшимчалар киритилди

ССВ ахборот хизмати хабар беришича, Тошкент шаҳрига киришда чекловлар ўрнатилади, кўнгилочар объектлар ишлашига соат 8:00 дан 20:00 гача рухсат берилади.

Сўнгги кунларда мамлакатимизда коронавирус инфекцияси билан касалланиш ҳолатлари ортиб бораётганлигини инобатга олиб, Соғлиқни сақлаш вазирлигининг таклифига биноан, бугунги кунга қадар Республика махсус комиссиясининг қарорлари билан жорий этилган тартиб ва чекловларга қўшимчалар киритилди.

⭕️ жорий йилнинг 28 июнидан 12 июлига қадар Тошкент шаҳрига қўшни вилоятлардан автотранспорт (автобус, автомобиль) воситалари орқали ўта зарурат бўлмаган ҳолларда кириш бўйича чекловлар ўрнатилди;

💉хавф ости гуруҳига мансуб аҳоли қатламлари билан биргаликда Тошкент шаҳри аҳолисининг 18 ёшдан катта бўлган барча қатламини ўзлари бириктирилган оилавий поликлиникаларда коронавирус инфекциясига қарши Давлат бюджети маблағлари ҳисобидан иҳтиёрий тарзда оммавий эмланиши белгиланди;

🥂 жорий йилнинг 28 июнидан бошлаб республика бўйлаб кўнгилочар объектлар – ресторан, тунги клублар, дискотека, караоке, бильярд заллари ва компьютер ўйинлари марказлари ҳамда умумий овқатланиш объектлари – кафе, ошхона, чойхоналарни ишлашига соат 8:00 дан 20:00 гача рухсат берилади;

🍽 кўнгилочар ва умумий овқатланиш объектларида ташриф буюрувчиларга ушбу муассасаларнинг умумий сиғимининг 50 фоизидан қатъий оширмаган ҳолда хизмат кўрсатиш белгиланди.

https://t.iss.one/Rasmiy_xabarlar_Official

CCВ: Тошкент шаҳрига киришга чекловлар қандай ҳолатларга татбиқ этилмаслиги белгиланди

Ушбу чеклов қуйидаги ҳолатларга татбиқ этилмаслиги белгиланди:

🔖 Тошкент шаҳрида доимий яшовчи (рўйхатдан ўтган) шахсларга;

💂Тошкент шаҳрида доимий яшовчи (рўйхатдан ўтган) чет эл фуқароларига;

👨🏻‍🦽даволаниш учун ташриф буюраётган шахсларга;

💼 Тошкент шаҳрида доимий фаолият кўрсатувчи ҳудудлардан келувчи шахсларга (иш жойи тўғрисида тасдиқловчи ҳужжат бўлган тақдирда);

✈️ Тошкент халқаро аэропорти орқали хорижий мамлакатга учиб кетувчи шахсларга (авиачипта бўлган тақдирда);

👳🏿‍♂️Ўзбекистон Республикасига турист бўлиб келган чет эл фуқароларига ва уларни олиб келаётган автотранспорт воситасининг ҳайдовчиси ҳамда агар гуруҳли жамоа бўлса, таржимон ёки туристик фирма вакилига;

🚛 барча турдаги юк ташиш, шунингдек, қурилиш материаллари (қум, шағал ва бошқалар) билан боғлиқ ҳолларга, етиштирилган қишлоқ хўжалиги маҳсулотларини ҳар қандай автотранспорт воситаларида ҳамда “Ўзбекистон почтаси” АЖнинг почта жўнатмаларини ташиш билан боғлиқ ҳолларга;

🚑соғлиқни сақлаш тизими ва санитария-эпидемиология хизмати ходимларига.

Соғлиқни сақлаш вазирлиги мамлакатимизда коронавирус пандемиясининг кейинги тўлқини юзага келишини олдини олиш мақсадида аҳолидан белгиланган санитария-эпидемиологик талабларга риоя этишлари ва вакцинация тадбирларида фаол қатнашишларини сўраб қолади.

https://t.iss.one/Rasmiy_xabarlar_Official

⚡️ТОШКЕНТ ШАҲРИ “ҚИЗИЛ” ТОИФАДАГИ ҲУДУД ДЕБ БЕЛГИЛАНДИ

📊Коронавирус инфекцияси тарқалиш ҳолатининг ҳудудлар кесимидаги таҳлили, касаллик аниқланган беморларнинг соғайиш динамикаси ҳолатидан келиб чиқиб, ҳудудларни “яшил”, “сариқ” ва “қизил” тоифаларга ажратиш тартибига мувофиқ:

🔴 “Қизил” тоифадаги ҳудудга – Тошкент шаҳри;

🟡 “Сариқ” тоифадаги ҳудудларга – Самарқанд ва Тошкент вилоятлари кириши белгиланди.

⚠️ Ҳудудларни тоифаларга ажратиш ва кенг жамоатчиликка етказиш бўйича Санитария-эпидемиологик осойишталик ва жамоат саломатлиги хизмати масъул ҳисобланади ва ушбу хизмат эпидемиологик вазиятдан келиб чиқиб, тартиб асосида ўзгариш бўлган ҳудудлар тўғрисидаги маълумотларларни доимий равишда кенг жамоатчиликка эълон қилиб боради.

https://t.iss.one/Rasmiy_xabarlar_Official

❗️Ибодат амалларини очиқ ҳавода ташкил этиш тавсия қилинди

ССВ ахборот хизмати маълум қилишича, Республика махсус комиссияси томонидан:

📌кунлик ва жума намозларини фақат масжиднинг очиқ ҳаводаги майдонлари(очиқ айвонлар, масжид ҳовлиси, масжидга туташ ички кўчалар)да тиббий ниқобда ва оралиқ масофани сақлаган ҳолда ташкил этилиши;

📌65 ёш ва ундан катта ёшдаги фуқаролар ҳамда сурункали касаллиги мавжуд шахсларга улар томонидан диний тадбирларни имкон қадар уй шароитида амалга ошириш;

📌Республикада фаолият юритаётган бошқа диний конфессияларга мансуб диний ташкилотларда ҳам жамоавий ибодатларни юқоридаги тартиблар асосида амалга ошириш тавсия этилди.

https://t.iss.one/Rasmiy_xabarlar_Official

#Дайжест

❗️25 июнь: БУГУН ВИЛОЯТДА

*Зангиота. Туманда тадбиркорлар фаолияти ва муаммолари ўрганилмоқда.

*Қибрай. Тумандаги эҳтиёжманд оилаларга моддий ёрдам пуллари ажратилди.

*Нурафшон. Ишсиз фуқаролар томонидан 20 гектар ер майдонига мош экилмоқда.

*Янгийўл тумани. "Аёллар дафтари" ва "Ёшлар дафтари" га киритилган хотин-қизлар ўртасида спорт фестивали ўтказилди.

*Паркент. Туманда рақамли технологиялар ўқув маркази очилди.

*Бекобод тумани. Туманда 17 нафар мактаб битирувчиларга олтин медаллар тантанали равишда топширилди.

*Қуйи Чирчиқ. “Yilning eng yaxshi tarbiyachisi” kasbiy ko‘rik-tanlovining tuman bosqichi bo’lib o’tdi.

*Янгийўл шаҳри. Танқидий-профилактик амалий семинар бўлиб ўтди.

*Оққўрғон. Germaniya tajribasi Oqqorg'onda!

*Чирчиқ шаҳри. "Маҳаллабай" ишлаш тизими бўйича қандай ишлар олиб борилмоқда?

*Тошкент тумани. Сектор раҳбарлари “Олтинтепа”да ёшлар билан учрашди

*Ангрен шаҳри. Мутасаддилар иштирокида танқидий-профилактик амалий семинар ўтказилди.

*Юқори Чирчиқ. Ободонлаштириш ишлари амалга оширилмоқда.

*Пискент. Туман ғаллакорлари зафар қучди.

*Ўрта Чирчиқ. Хотин-қизлар ўртасида ўтказилган спорт фестивали кўтаринки руҳда бўлиб ўтди.

👉Каналга уланиш: https://t.iss.one/toshvilpressa

Facebook| Instagram|YouTube|Twitter |TikTok

#Санъат

Маданият саройи рақс тўгарагига таклиф этади

Тошкент тумани Маданият саройи қошида “Jasmin” болалар рақс ансамбли ташкил қилинмоқда.

Ансамблга 6 ёшдан 14 ёшгача бўлган қизлар кастинг асосида қабул қилиниб, машғулотлар халқаро танлов ғолиби ҳамда малакали мутахассис томонидан олиб борилади.

Президентимиз томонидан илгари сурилган 5 муҳим ташаббуснинг биринчиси, ёшларнинг мусиқа, рассомлик, адабиёт, театр ва санъатнинг бошқа турларига қизиқишларини оширишга, истеъдодини юзага чиқаришга қаратилган саъй-ҳаракатларнинг узвий давоми сифатида ташкил этилаётган ушбу рақс дастаси туманимиз ёшлари орасидан янги истеъдодларни етишиб чиқишига замин яратиши шубҳасиз.

📍 Манзил: Келес шаҳри, Тошкент тумани марказий Маданият саройи.

📞 Мурожаат учун телефон: 99 846-74-16.

Telegram | Facebook | Instagram | YouTube

#Очиқ_мулоқот

Прокурор тадбиркорлар муаммоларини тинглади

Тошкент вилояти прокуратураси ташаббуси билан тумандаги 14-умумтаълим мактабида “Прокурор ва тадбиркорлар” учрашуви ташкил этилди.

Унда Тошкент тумани прокурори Алишер Назаров, туман Давлат солиқ инспекцияси бошлиғи Ихтиёр Хўжаяров ҳамда Ўзбекистон савдо-саноат палатаси туман Тадбиркорликка кўмаклашиш маркази раҳбари Алишер Иноғомовлар тумандаги тадбиркорлар билан учрашиб, уларнинг муаммоларини ҳал этиш чораларини кўришди.

Очиқ мулоқот шаклида ўтган учрашувда 30 нафарга яқин тадбиркор иштирок этиб, улар ўзларини қийнаб келаётган муаммолари ва таклифларини билдирди. Мурожаатлар асосан имтиёзли кредит ва бошқа ижтимоий-иқтисодий масалаларда бўлди.

Қўшимча ўрганишни талаб этадиган мурожаатлар бўйича тегишли ташкилотлардан мурожаатларни қонуний ҳал этишлик учун муддатлар белгиланиб, аниқ топшириқ ва кўрсатмалар берилди ҳамда ижроси сектор раҳбарлари томонидан назоратга олинди.

Жараён ушбу видеолавҳамизда.

Telegram | Facebook | Instagram | YouTube

Матбуот ва оммавий ахборот воситалари ходимларига табрик
—
Поздравление работникам печати и средств массовой информации

Prezident.uz|Facebook|Instagram|YouTube|Twitter