#Тараддуд

🔰 Ҳамкорликдаги хизматлар фаолиятини мувофиқлаштириш бўйича саф кўриги ўтказилди

⚡️ Тошкент тумани Фавқулодда вазиятлар бўлими томонидан тумандаги механизация ишлари йиғма командасига тегишли бўлган куч ва воситаларнинг саф кўриги ўтказилди.

🔹 Яқинлашиб келаётган мустақиллик байрами тантаналари ва куз-қиш мавсумига тайёргарлик кўриш ҳамда уни ўтказиш даврида ҳамкорликда хизматлар куч ва воситалари ишини мувофиқлаштириш мақсадида ташкил этилган ушбу саф кўригига туман Фавқулодда вазиятлар бўлими, Ички ишлар бошқармаси, тез ёрдам, туман электр, газ таъминоти, ичимлик суви таъминоти ва бошқа хизматлар куч ва воситалари жалб этилди.

🔸 Саф кўриги давомида байрам кунлари ҳамда куз-қиш мавсумида юзага келиши мумкин бўлган фавқулодда вазиятларда тегишли хизматлар куч ва воситалари томонидан амалга ошириладиган ҳаракатлар борасида йўриқнома ўтилиб, вазифалар тақсимоти белгилаб олинди.

👉 Жараён фотосуратларда.

Telegram | Facebook | Instagram | YouTube | Website

#Мўйноққа_мадад

✨ Мўйноққа Тошкент туманида етиштирилган арзон қишлоқ хўжалиги маҳсулотлари юборилди

🚛 Тошкент тумани ҳокимлиги томонидан Қорақалпоғистон Республикасининг Мўйноқ тумани аҳолиси дастурхонига арзон нархларда қишлоқ хўжалиги маҳсулотини етказиб бериш мақсадида автокарвон юборилди.

🥕 Қардош қорақалпоқлик дўстларимизга ўзига хос инсонпарварлик ёрдамини кўрсатиш учун юборилган юк машинасига 10 тоннадан ортиқ сабзавот маҳсулоти ортилган бўлиб, Мўйноқ тумани аҳолисига арзон нархларда сотилмоқда.

🔸 Шунингдек, мутасаддиларга Тошкент тумани ҳокимлиги томонидан юборилган сабзавот маҳсулотини ижтимоий ҳимояга муҳтож, эҳтиёжманд оилаларга бепул тарқатиш вазифаси топширилган.

Telegram | Facebook | Instagram | YouTube | Website