#Qonunchilikdagi_yangiliklar

❗️Axborotni kriptografik muhofaza qilish vositalarini ishlab chiqish tartib-taomillari takomillashtiriladi

Qaror (PQ-30-son, 27.01.2025 y.) bilan “O'zbekiston Respublikasida axborotni kriptografik muhofaza qilishni tashkil etish chora-tadbirlari to'g'risida”gi qaroriga o'zgartirish va qo'shimchalar kiritildi.

⚡️ Unga ko'ra, Prezident qaroriga quyidagilarni nazarda tutuvchi o'zgartirish va qo'shimchalar kiritildi:

▪️axborotni kriptografik muhofaza qilish vositalarini ishlab chiqish tartib-taomillarini takomillashtirish;
▪️davlat sirlarini himoyalashda axborotni kriptografik muhofaza qilish dasturiy vositalaridan foydalanish talablarini belgilash;
▪️axborotni kriptografik muhofaza qilish vositalarini sertifikatlash muddatini uzaytirish;
▪️xorijiy muvofiqlik sertifikatlarini tan olish tartibini takomillashtirish.

✅ Kiritilgan qo'shimchaga ko'ra, dasturiy axborotni kriptografik muhofaza qilish vositasi (AKMV)dan davlat sirlarini himoyalashda foydalanishga qonunchilik hujjatlari va milliy standartlar, shuningdek, Vakolatli organning idoraviy hujjatlari talablari doirasida ruxsat etiladi.

📌 Bunda dasturiy AKMVdan davlat sirlarini himoyalashda foydalanish to'g'risida ularning nusxalari soni va ulardan foydalanish maqsadini ko'rsatgan holda Vakolatli organni yozma ravishda xabardor qilish shart.

🗓 Axborotni kriptografik muhofaza qilish vositalarini sertifikatlash organi tomonidan berilgan muvofiqlik sertifikati besh yil muddatga beriladi.

📝 Xorijiy muvofiqlik sertifikatlarini tan olish to'g'risidagi arizaga O'zbekiston Milliy sertifikatlash tizimida nazarda tutilgan hujjatlardan tashqari AKMV texnik xususiyatlarining batafsil tavsifi, AKMVni ishlab chiqishda va ishlab chiqarishga qo'yishda xorijiy davlatlarning akkreditatsiyadan o'tgan sinov laboratoriyalarida o'tkazilgan sinov bayonnomalarining (hujjatlarining) tasdiqlangan nusxalari ilova qilinishi shartligi belgilandi.

👉 Manba

✅Telegram 💬Facebook 📸Instagram 📹YouTube 🌍Website

#Eʼlon

❗️BARCHA ISH BERUVCHILAR DIQQATIGA!
 
🟢Oʻzbekiston Respublikasi “Aholi Bandligi toʻgʻrisida”gi qonunining 13-moddasiga asosan Oʻzbekiston Respublikasida ish beruvchilar aholi bandligi sohasidagi davlat siyosatini amalga oshirishda quyidagilar orqali ishtirok etishi yoʻlga qoʻyilgan.

✅Bunga koʻra, ish oʻrinlarini zaxiraga qoʻyish hamda aholining ijtimoiy ehtiyojmand toifalarini zaxiraga qoʻyilgan ish oʻrinlariga ishga joylashtirish va boʻsh (vakant) ish oʻrinlari mavjudligi toʻgʻrisidagi maʼlumotlar ish beruvchi tomonidan mahalliy mehnat organiga har bir hisobot oyining oxiridagi holatga koʻra «Yagona milliy mehnat tizimi» idoralararo dasturiy-apparat kompleksi orqali elektron tarzda taqdim etilishi, boʻsh (vakant) ish oʻrinlari mavjudligi toʻgʻrisida"gi maʼlumotlar boʻsh (vakant) ish oʻrinlari milliy bazasiga kiritilishi belgilangan.

♻️Shuningdek, qonun talablari asosida ish beruvchilar korxonasidagi boʻsh (vakant) ish oʻrinlari mavjudligi toʻgʻrisidagi maʼlumotlar mahalliy mehnat organiga taqdim etishi lozim boʻladi.

❗️Aks holda, yuqoridagi qonun talablarini bajarmaslik Oʻzbekiston Respublikasi Maʼmuriy javobgarlik toʻgʻrisidagi kodeksining 229-moddasiga koʻra, maʼmuriy  jarima solinishiga sabab boʻladi.

✅Shu sababdan, Hurmatli Toshkent tumani hududida faoliyat yuritayotgan barcha ish beruvchilar, aholi bandligi sohasidagi davlat siyosatini amalga oshirishda ishtirok etishingizni soʻraymiz.

✨Toshkent tumani Kambagʻallikni qisqartirish va bandlikka koʻmaklashish boʻlimi.

✅Telegram 💬Facebook 📸Instagram 📹YouTube 🌍Website

#Umra
#Videorolik

❗️Noqonuniy tarzda Umra ziyoratiga yuboradigan "Turfirma"larga aldanmang!

📹Batafsil videolavhada.

✅Telegram 💬Facebook 📸Instagram 📹YouTube 🌍Website

#Hamkorlik

✅Toshkent davlat agrar universiteti talabalari Toshkent tumanida

🔻Toshkent davlat agrar universitetining “Issiqxona xo‘jaligini tashkil etish va yuritish” yo‘nalishida tahsil olayotgan 3-bosqich talabalari uchun dual ta’lim asosida o‘qitish tizimini tashkil etishga qaratilgan tadbir bo‘lib o‘tdi. Ushbu tadbir Agrosanoatni rivojlantirish agentligi va Toshkent davlat agrar universiteti hamkorligida tashkil etilib, Toshkent tumanidagi issiqxonalarda amaliy bilim va ko‘nikmalarni shakllantirishga yo‘naltirildi.

🔺Tadbir davomida talabalar zamonaviy issiqxona xo‘jaliklarining ishlash tamoyillari, ekinlarni parvarishlash, hosildorlikni oshirish bo‘yicha ilg‘or agrotexnologiyalar hamda avtomatlashtirilgan sug‘orish va mikroiqlim nazorati tizimlari bilan tanishdilar. Shuningdek, issiqxona mahsulotlarini yetishtirish, qayta ishlash va eksport qilish jarayonlari haqida batafsil ma’lumot berildi.

🔺Ushbu tashabbus talabalarning nazariy bilimlarini amaliyot bilan mustahkamlashga, ularni bo‘lajak agrar mutaxassis sifatida shakllantirishga xizmat qiladi. Dual ta’lim tizimi esa talabalarga real ish sharoitida tajriba orttirish, sohaga oid zamonaviy texnologiyalar bilan tanishish va kelajakda yuqori malakali mutaxassis bo‘lib yetishish imkonini beradi.

🔺Kelgusida Agrosanoatni rivojlantirish agentligi va Toshkent davlat agrar universiteti hamkorligida bunday amaliy mashg‘ulotlarni yanada kengaytirish, ilg‘or xorijiy tajribalarni o‘rganish va mamlakatimiz qishloq xo‘jaligi sohasida innovatsion yechimlarni tatbiq etish rejalashtirilgan.

📹Batafsil videolavhada.

✅Telegram 💬Facebook 📸Instagram 📹YouTube 🌍Website