#Roʻyxatga_olish

Toshkent tumanida xonadonlarni raqamlanish holatini oʻrganish ishlari davom etmoqda

Joriy yilning 8-yanvar kuni Toshkent viloyati statistika boshqarmasining “Roʻyxatga olish jarayonlarini tashkil etish va uni oʻtkazish” boʻlimi boshligʻi U.Sattorov tomonidan aholini roʻyxatga olish jarayoniga tayyorgarlik koʻrish maqsadida Toshkent tumani Tinchlik mahalla fuqarolar yigʻinida mahalla faollari bilan birgalikda raqamlanmagan xonadonlarga raqam oʻrnatilganligi va nom belgilari oʻrnatilmagan koʻchalar holatini oʻrganish ishlari o'tkazildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Qurilish

Maktabgacha taʼlim olish sharoitini yaxshilash maqsadida...

Xabaringiz bor, Toshkent tumani hokimi Sardorbek Ergashev tumandagi qurilish ishlarini nazorat qilish maqsadida, qurilayotgan taʼlim maskanlaridagi jarayonlarni shaxsan joyiga chiqib oʻrganmoqda.

Xususan bugun, tuman hokimi Qirariq mahallasida qurilayotgan yangi maktabgacha taʼlim muassasasida amalga oshirilayotgan ishlarni koʻzdan kechirdi.

25-Davlat maktabgacha taʼlim muassasasi 1940-yilda qurilgan boʻlib, 140 oʻringa moʻljallangan boʻlgan va unda 255 nafar bola taʼlim-tarbiya olib kelgan. Hozirda esa homiylik asosida ushbu bogʻcha 360 oʻrinli maktabgacha taʼlim maskani sifatida qaytadan qad rostlamoqda.

Tuman hokimi qurilish obyektini oʻrganar ekan, mavjud muammolar, zarur yordamlar bilan qiziqdi hamda maktabgacha taʼlim muassasasini foydalanishga topshirilishi muddati haqida maʼlumot oldi.

Homiylik asosida qurilayotgan ushbu maskan, joriy yil mart oyida topshirilishi koʻzda tutilgan va buning natijasida Qirariq va Qorasaroy mahallasida yashovchi bolajonlarni qamrab olish rejalashtirilgan.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Inson qadri uchun...

Toshkent tumani Koʻk terak hududida joylashgan "Koʻk terak" dehqon bozori aynan shu atrofdagi mahallalarda istiqomat qiluvchi aholining roʻzgʻor uchun oldi-sotdi qiladigan asosiy bozori hisoblanadi.

Fuqarolarning ijtimoiy tarmoq orqali tuman hokimi Sardorbek Ergashevning shu bozordagi holatni oʻrganishini soʻrab yoʻllagan murojaatlari hokim eʼtiboridan chetda qolmadi.

Aynan shu murojaatlarga asos nima boʻlayotganligini oʻrganish maqsadida joriy yil 9-yanvar kuni tuman hokimi "Koʻk terak" dehqon bozorida boʻldi.

U yerda sotuvchi va dehqonlar bilan suhbatlashdi. Bozorda mavjud bir nechta talabga zid holatlarning guvohi boʻldi. Oʻrganishdan soʻng, bozor rahbariyatiga bir qancha topshiriqlar berilib, mavjud talablar ijrosini taʼminlash, ham sotuvchi ham oluvchiga qulaylik yaratish choralarini koʻrish boʻyicha topshiriqlar berildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Taʼlim

Taʼlim maskani qurilishi koʻzdan kechirildi

Taʼlim va tarbiya ulgʻayib kelayotgan avlod uchun eng muhim yoʻnalishlardan biri hisoblanadi.

Shu sababli ham maktablarda oʻquvchilar uchun qulay sharoit yaratish, taʼlim muassasalarini zamonaviy koʻrinishda qad rostlashini taʼminlash muhim ahamiyat kasb etadi.

Shu munosabat bilan joriy yil 9-yanvar kuni tuman hokimi Sardorbek Ergashev Xalimkop mahallasida boʻlib, hududda qad rostlayotgan 330 oʻrinli yangi taʼlim maskanida olib borilayotgan qurilish ishlarini koʻzdan kechirdi.

Ushbu obyekt Oʻzbekiston Respublikasi Prezidentining 404-son qarori doirasida, 2023-yilda qurilishi boshlangan boʻlib, 2024-yil noyabr oyida foydalanishga topshirilishi kerak boʻlgan. Biroq, qurilishdagi muammolar sabab, topshirilish jarayoni kechikgan va quruvchi oʻzgartirilgan.

Aynan Xalimkop mahallasi aholisi farzandlariga xizmat koʻrsatadigan ushbu taʼlim maskanining bugungi holati, quruvchilarning ish jarayoni va mavjud muammolar tuman hokimi nazoratidan chetda qolmadi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website