#Inson_qadri

✅Toshkent tumanida Xayriya aksiyasi

🤩3-dekabr-Xalqaro nogironlar kuni munosabati bilan Toshkent tumani hokimligi tomonidan "Yurakdan yurakgacha" va "Inson qadri uchun" xayriya aksiyalari tadbiri oʻtkazilmoqda.

♻️Bu tadbir nogironlarni qoʻllab-quvvatlash va ularga maʼnaviy yordam koʻrsatish maqsadida Toshkent tumani "Inson" ijtimoiy xizmatlar markazida tashkil etilgan boʻlib, unda tuman hokimi Sardorbek Ergashev boshchiligida, sektor rahbarlari, korxona-tashkilot boshliqlari, tuman deputatlari, nuroniylar va faollar ishtirok etishdi.

💫Imkoniyati cheklangan shaxslarni qoʻllab-quvvatlash maqsadida tashkil qilingan aksiya davomida nogironlar tomonidan qoʻlda yasalgan buyumlar koʻrgazmasi oʻtkazilib, barcha aksiya ishtirokchilari sanʼat asarlarini oʻz mablagʻlari evaziga sotib olishdi hamda maxsus tashkil qilingan qutiga xayriya uchun atalgan pul mablagʻlarini hadya qilishdi.

✨Aksiya kun davomida oʻtkaziladi va unda barcha xayriyaga hissa qoʻshishni niyat qilgan fuqarolar ishtirok etishlari mumkin.

📍Manzil: Toshkent tumani "Inson" ijtimoiy xizmatlar markazi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Targʻibot

"Islom-tinchlik va ezgulik dini"

Aynan shu mavzuda Toshkent tumanida joylashgan Pedagogika bilim yurti Harbiy kafedrasida maʼnaviy-maʼrifiy va targʻibot tadbiri oʻtkazildi.

Respublika Maʼnaviyat va maʼrifat markazi Toshkent tuman boʻlinmasi hamkorligida hamda tuman imom-xatibi A.Qosimov boshchiligida oʻtkazilgan tadbirda maktab oʻquvchilari va oʻqituvchilari ishtirok etdilar.

Tadbir davomida "Jaholatga qarshi maʼrifat", "Men terrorizm xavfini qanday tushunaman", "Islom-tinchlik va ezgulik dini" mavzularida suhbatlar oʻtkazilib, oʻquvchilarni qiziqtirgan savollarga javob berildi.

Tadbir soʻngida, "25-kadr" nomli videorolik namoyishi oʻtkazildi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Topshiriq_va_ijro

Mahalla yettiligi faoliyati tanqidiy muhokama qilindi

Bugun, Toshkent tumani hokimi Sardorbek Ergashev boshchiligi va boshqa sektor rahbarlari hamkorligida tumandagi 70 ta mahalla yettiligi faoliyati tanqidiy muhokama qilindi.

Xususan yigʻilishda, Oʻzbekiston Respublikasi Prezidenti Shavkat Mirziyoyev raisligida 28-noyabr kuni meva-sabzavot yetishtirish, qayta ishlash va eksportini koʻpaytirish chora-tadbirlari yuzasidan oʻtkazgan videoselektor yigʻilishida berilgan topshiriqlar ijrosini taʼminlashda amalga oshiriladigan chora-tadbirlar rejasi muhokama qilindi.

Shu jumladan tomorqa va uylar oldi, mahalladagi koʻchalar boʻyi, dala cheti va kanallar atrofida oziq-ovqat mahsulotlari va daraxtlar ekish uchun mavjud imkoniyatlardan samarali foydalanish masalalari koʻrib chiqildi.

Mahalla yettiligiga topshiriqlar berilib, aholisi oʻz tomorqasidan samarali foydalangan mahalla yettiligini ragʻbatlantirish, aksincha topshiriq ijrosini bajarmagan mahalla yettiligiga qonun doirasida jazo choralarini qoʻllashni yoʻlga qoʻyish haqida soʻz yuritildi.

📹Batafsil video va fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Tozalik, ozodalik-salomatlik garovi

Bugun, bir guruh masʼullar Toshkent tumani hokimi Sardorbek Ergashev boshchiligida Ozodlik va Huvaydo mahallalarida boʻldilar.

Maqsad, aholining tomorqasidan samarali foydalanayotganini oʻrganish, tomorqalarida toʻqsonbosti ekinlarini va limon koʻchatlarini, ochiq maydonlarga daraxt koʻchatlarini ekishga chaqirishdan iborat boʻldi.

Biroq, tuman hokimi mahalla koʻchalarining deyarli har bir burchagida uyulib yotgan maishiy chiqindi qoplari, keraksiz mebellarni koʻchaga uloqtirilganligining guvohi boʻldi va ushbu holatni tezkorlik bilan bartaraf qilish boʻyicha masʼullarga topshiriq berdi.

Umuman olganda atrof- muhit tozaligiga masʼuliyat bilan yondashish madaniyati bizda nechogʻli ekanini, koʻp qavatli uylar hovlisida betartib sochilib yotgan chiqindilar, har xil idishlaru, mahsulotlarning qogʻoz qoldiqlaridan bilib olish mushkul emas. Bu haqida qancha gapirilmasin, yozilmasin toki har bir oʻzini madaniyatli deb biladigan shaxs oʻzini tabiatga daxldor hisoblamas ekan, koʻzda tutilgan natijaga erishish qiyin.

Atrof-muhitning tozaligi, musaffo va xushmanzaraligi, qolaversa tuman hokimi aytganlaridek, hududlarimizni "Yashil makon"ga aylantirish eng avvalo kishining kayfiyati va salomatligiga foydali. Qolaversa, madaniyatli kishilar yashaydigan hudud hamisha toza, orasta va keraksiz chiqindilardan xoli boʻladi. Shuningdek, oʻzini madaniyatli, maʼnaviyatli va chin insoniy fazilat sohibi sanagan odam hech qachon toʻgʻri kelgan joyga axlat tashlab ketavermaydi.

Shunda ekan, oziq-ovqat xavfsizligini taʼminlash, toza havodan toʻyib nafas olish singari tushunchalarni toʻgʻri qabul qilgan holda, tumanda yashovchi fuqarolardan, qolaversa mahalla raislari va masʼul tashkilot rahbarlaridan koʻchalarga tashlangan chiqindilarga befarq boʻlmasliklarini, "Yashil makon" umummilliy aksiyasida faol boʻlishlarini va boʻsh yer maydonlari va tomorqadan unumli foydalanishlarini soʻrab qolamiz.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website