#Qonunchilikdagi_yangiliklar

❗️"Vatandosh kartasi"ga ega shaxslar O'zbekiston hududiga vizasiz kirishi va chiqishi mumkinligi belgilandi

Prezident Qarori (PQ-397-son, 20.11.2024 y.) bilan “Vatandosh” guvohnomasi va “Vatandosh” kartasini rasmiylashtirish, berish hamda bekor qilish tartibi to'g'risida Nizom tasdiqlandi

🔰 Nizom bilan yurtimizning iqtisodiy va ijtimoiy hayotida faol ishtirok etishga intilayotgan vatandoshlarga “Vatandosh” guvohnomasini va “Vatandosh” kartasini rasmiylashtirish, berish hamda bekor qilish tartibi belgilandi.

✅"Vatandosh" guvohnomasi — xorijda istiqomat qilayotgan vatandoshlarni rag'batlantirish shakli bo'lib, yurtimizning iqtisodiy va ijtimoiy hayotida faol ishtirok etayotgan, mamlakatimizning boshqa davlatlar bilan do'stona munosabatlarini mustahkamlashga munosib hissa qo'shayotgan, respublikada xayriya (mesenatlik) faoliyatini amalga oshirayotgan vatandoshlarga minnatdorchilik va tashakkur belgisi hamda "Vatandosh" kartasini olish uchun asos hisoblanadigan hujjat.

➡️Vazirlik va idoralar tomonidan taklif va tashabbus asosida guvohnoma berish bo'yicha taqdim etilgan nomzodlarni ko'rib chiqish uchun Komissiyaga tavsiyanoma kiritiladi.

🔖"Vatandosh" kartasi — guvohnoma asosida 5 yil muddatga (vatandosh milliy pasportining amal qilish sanasidan oshmagan holda) beriladigan hamda O'zbekiston Respublikasi hududida belgilangan imtiyozlardan foydalanish huquqini beruvchi ID karta shaklidagi hujjat;

⚡️Kartaga ega vatandoshlarga quyidagi huquqlar beriladi:

➖O'zbekiston Respublikasiga hududiga vizasiz kirish va chiqish;
➖mamlakat hududida ko'chmas mulk sotib olishda chet el fuqarolariga nisbatan belgilangan ko'chmas mulkning miqdorlari tatbiq etilmaydi va O'zbekiston Respublikasida yashash guvohnomasi talab qilinmaydi;
➖xorijiy fuqaroga beriladigan mehnat faoliyatiga bo'lgan huquqni tasdiqlovchi hujjatlarsiz mehnat faoliyati bilan shug'ullanish;
➖O'zbekiston Respublikasi fuqarolari uchun belgilangan shartlarda tibbiy, ta'lim va boshqa davlat xizmatlaridan foydalanish.

❗️Karta egalarining oila a'zolariga (ota-onasi, er (xotini) va voyaga yetmagan farzandlari) quyidagi imtiyozlar beriladi:

🔹amaldagi viza muddatini uzaytirishda O'zbekiston Respublikasi hududidan chiqish zaruratisiz cheklanmagan miqdorda uzaytirish imkoniyati bilan davlat boji undirilmasdan ko'p martalik viza olish;
🔹O'zbekiston Respublikasi fuqarolari uchun nazarda tutilgan shartlarda tibbiy, ta'lim va boshqa davlat xizmatlaridan foydalanish;
🔹vaqtincha turgan joyi bo'yicha ro'yxatga olishni davlat boji undirilmasdan ichki ishlar organlarida rasmiylashtirish va uzaytirish.

✅Telegram 💬Facebook 📸Instagram 📹YouTube 🌍Website

#Topshiriq_va_natija

Migrantlar o'z yurtiga qaytmoqda...

Oʻzbekiston Respublikasi Prezidentining topshirigʻiga asosan, bugun har bir tuman va shahar hokimlari xorijda yurgan migrantlar bilan onlayn suhbatlashib, ularni oʻz ona yurtiga qaytarish chorasini koʻrmoqda.

Sababi, migratsiya oʻziga xos murakkab va ziddiyatlarga boy boʻlgan jarayondir. Mazkur hodisa kuzatuvchi va qabul qiluvchi davlatlarning har ikkisi uchun bir qator ijobiy jihatlar bilan birgalikda koʻpsonli muammolarni koʻndalang qilib qoʻyadi.

Masalan migratsiya natijasida muayyan oilaning moddiy ahvoli yaxshilanadi, ammo ota-onalardan biri yoki har ikkisining ishtirokisiz oilani saqlab qolish va farzandlar tarbiyasini toʻlaqonli tashkil etish imkoni kamayadi. Migratsiya muammosining oʻziga xosligi shundaki, u jamiyat hayotining turli sohalarini qamrab oladi va oʻzining keng qamrovli taʼsirini namoyon etadi.

Shunga koʻra, mavjud muammoning kelib chiqishi va uni hal etish borasidagi yondashuvlar bugun, Davlat rahbari nazoratida.

Toshkent tumani hokimi Sardorbek Ergashevning migrantlar bilan onlayn suhbati oʻz natijasini berishni boshladi.

🎚️Batafsil videolavhada.

✅Telegram 💬Facebook 📸Instagram 📹YouTube 🌍Website

#Qonunchilikdagi_yangiliklar

❗️Tadbirkorlik subyektlari faoliyati tekshirilganda Biznes-ombudsman xabardor etiladi

“Tadbirkorlar huquqlari va qonuniy manfaatlarini ishonchli himoya qilish chora-tadbirlari to'g'risida”gi Prezident Farmoni (PF-184-son, 14.11.2024 y.) qabul qilindi

🔰Farmonga ko'ra, 2025-yil 1-yanvardan:

➖jismoniy shaxs tomonidan tadbirkorlik faoliyatini yakka tartibdagi tadbirkor sifatida davlat ro'yxatidan o'tmasdan amalga oshirganlik uchun moliyaviy jarima bekor qilinadi;

➖“Xavfni tahlil qilish” elektron tizimi joriy etiladi.

🗓Elektron tizimda tadbirkorlik subyektlari faoliyatida huquqbuzarlik sodir etish xavfi past, o'rta va yuqori darajalarga tasniflanadi.

✅Xavf darajasi past bo'lgan tadbirkorlik subyektlari faoliyatida nazorat qiluvchi organlar tomonidan tekshiruvlar o'tkazilmaydi.

❌2025-yil 1-yanvardan quyidagilar uchun ma'muriy javobgarlik bekor qilinadi:

➖fiskal belgilarni aks ettirish tartibini buzish;
➖majburiy raqamli markirovkalanishi belgilangan tovarlarni (mahsulotlarni) identifikasiya vositalari orqali majburiy raqamli markirovkalash qoidalarini buzish;
➖xodimlar sonini yashirish.

❗️2025-yil 1-martdan boshlab sudda ish yuritish taraflar kelishuv bitimi tuzganligi sababli tugatilganda, davlat boji birinchi instansiya sudida – 70 foizi, apellyasiya va kassasiyada – 30 foizi qaytarib beriladi.

⚡️Farmon bilan tadbirkorlik subyektlari faoliyatida o'tkaziladigan barcha tekshiruvlar “Yagona davlat nazorati” axborot tizimida ro'yxatga olish orqali Biznes-ombudsmanni xabardor etish tartibi joriy etiladi.

➡️Bunda tekshiriladigan tadbirkorlik subyekti aniq bo'lmagan holatlarda, tekshiruv boshlangandan so'ng 24 soat ichida Biznes-ombudsman xabardor etiladi.

👉 Manba

✅Telegram 💬Facebook 📸Instagram 📹YouTube 🌍Website

❔ Пенcионер вафот этса олинмай қолган пенсияси тўлаб бериладими?

Пенсионер вафоти муносабати билан олинмай қолган пенсия пули марҳум пенсионернинг ота-онаси, эри (хотини), шунингдек, пенсионер билан у вафот этган кунигача биргаликда яшаб турган оила аъзолари томонидан пенсионер вафот этганидан сўнг 60 кун ичида Пенсия жамғармасига мурожаат этилган тақдирда тўлиқ миқдорда тўлаб берилади.

✅ Бунда, фуқаро вафот этган ой учун олинмай қолган пенсия тўлиқ ой учун тўлаб берилади.

➡️ РУС

📞 12-71     🌐 pfru.uz

✅Telegram 💬Facebook 📸Instagram 📹YouTube 🌍Website