#Ijtimoiy_himoya
#Toshkent_tumani
#1_sektor

Qaror ijrosi taʼminlanmoqda

Oʻzbekiston Respublikasi Prezidentining "Kambagʻallikdan farovonlik sari» dasturini amalga oshirish boʻyicha birinchi navbatdagi chora-tadbirlar toʻgʻrisida"gi (PQ-330-son, 23.09.2024 y.) qarori ijrosini taʼminlash maqsadida bugun, Toshkent tumani hokimi Sardorbek Ergashev Majnuntol mahallasida boʻldi.

1-sektor rahbari oilalardagi ijtimoiy holatni oʻrganar ekan, ularni bugun qiynayotgan masalalar haqida batafsil maʼlumot olib, oilaning ijtimoiy-iqtisodiy barqarorligini taʼminlash uchun zaruriy chora-tadbirlar rejasini tuzdi.

Oilalarni daromadli mehnat faoliyati bilan band qilish va tadbirkorlikka jalb qilish yoʻnalishida hokim yordamchisi, ijtimoiy xizmat va yordam koʻrsatish, sogʻliqni saqlash va taʼlim yoʻnalishlarida — ijtimoiy xodim hamrohligi haqida soʻz yuritdi.

Shuningdek, har oyda ikki marotaba oʻziga biriktirilgan oilalar bilan uchrashib, kambagʻallikdan chiqarish boʻyicha individual rejada belgilangan choralarni amalga oshirish, yuzaga kelgan muammolarni aniqlab, ularni joyida bartaraf etish choralarini koʻrishi haqida aytib oʻtdi.

Oʻrganishdan soʻng, tuman hokimi Nurhayot mahallasidagi 39-davlat maktabgacha taʼlim tashkilotida boʻldi. Bogʻchada hudud bolajonlariga berilayotgan taʼlim va tarbiya hamda ularning taʼminoti bilan qiziqdi. Shuningdek, maktabgacha taʼlim maskani hududini "Yashil makon"ga aylantirish, daraxt koʻchatlar va gul ekish boʻyicha topshiriq berdi.

Bir soʻz bilan aytganda, tuman hokimi oilalarni oʻrganish davomida nafaqat xonadon egalarining ijtimoiy holatiga aniqlik kiritib, oʻzi uchun reja tuzmoqda, balki hududdagi ijtimoiy soha obʼektlaridagi sharoitlar, ularning kuz-qish mavsumiga tayyorgarligi hamda mavjud muammolari haqida maʼlumot olib, ularni bartaraf etish boʻyicha zarur choralarni koʻrmoqda.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Murojaat

"Dala madaniyati-fermer majburiyat"

Hurmatli dehqon va fermer xoʻjaligi rahbarlari!

Xalqimizda “Toʻqsonda sugʻorsang, toʻqson botmon hosil olasan”, degan purmaʼno naql bor. Bunda qishning toʻqson kuni nazarda tutilgan. Bu naql bejiz aytilmagan, negaki mutaxassislarning taʼkidlashicha, kuzda ekilib, qor ostida qoldirilgan sabzavot ekinlari urugʻlari erta koʻklamda yerdan juda barvaqt unib chiqib, tez rivojlanishi hisobiga erta hosil beradi. Erta bahorda esa mahsulotning bozori chaqqon boʻlishi sir emas.

Keling, bugundan masʼuliyatimizni yanada oshirib, 2025-yil hosili uchun 3 956 gektar maydonlarda piyoz, sarimsoqpiyoz va toʻqsonbosti ekinlarini oʻz vaqtida ekishni tashkil etaylik.

Quyidagi tadbirlarni ogʻishmay amalga oshiring!

birinchidan, ayni damlarda bogʻ-tok orasini, ajratib berilgan maydonimizni hamda oʻz hovlimiz, tomorqalarimizni tartibga keltirishimiz juda muhim. Mevali daraxtlarga, ekinlarga turli zararkunandalarga qarshi ishlov berishni oʻz vaqtida bajaring;

ikkinchidan, kuz oyining qulay ob-havosida qisqa muddatlarda bir qarich ham yerimizni boʻsh qoldirmaslik uchun qisqa muddatda haydovni yakunlang;

uchinchidan, kuzda sovuq va namgarchilik boshlanmasdan oldin toʻqsonbosti usulida ekish uchun sovuqqa chidamli sabzavot ekinlaridan sabzi, piyoz, osh lavlagi, karam, koʻkat sabzavotlar (ismaloq, ukrop, petrushka, selderey, kashnich, salat) ekinlarining urugʻlari sepib ekib boʻling;
toʻrtinchidan, “Tomorqa – daromad manbai” shiori ostida har bir mahallarda sarimsoqpiyoz va toʻqsonbosti ekinlar ekishni tashkil eting;

beshinchidan, “Bir kontur – bir mahsulot” hamda “Bir mahalla – bir mahsulot” tamoyillari asosida sarimsoqpiyoz va toʻqsonbosti ekinlarini eking.

Axir, "Dala madaniyati-fermer majburiyati" va bunga amal qilish har bir fermer, dehqon xoʻjaligi rahbarining asosiy vazifasi hisoblanadi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Ijtimoiy_himoya

✅"Kambag‘allikdan — farovonlik sari" tamoyili amalda   
   
♻️Toshkent tumani maktabgacha va maktab bo' limi boshlig'i N.Ubaydullayeva tomonidan Toshkent tumanidagi Ma'rifat va Farovon mahallalarida ijtimoiy himoyaga muhtoj, kam ta'minlanganlar ro‘yxatida turuvchi oilalar holati manzilli o‘rganildi. 
  
🖋 O‘rganishlar davomida oilalarning mehnatga layoqatli oila a’zolarini bandligini ta’minlash,  tomorqadan unumli foydalanish bo‘yicha bir qancha masalalar yuzasidan ishlar olib borildi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#XALQARO_HAMKORLIK

Oʻzbekiston va Yaponiya hamkorligi Toshkent tumani taʼlimi misolida

Oʻzbekiston Respublikasi Sogʻliqni saqlash vazirligi va Yaponiya hukumati JUCA tashkilotining NCD loyihasi doirasida Toshkent tumanidagi maktabgacha va maktab taʼlimi tizimida bir qator ishlar amalga oshirilmoqda.

Xususan, loyiha ishtirokchilari va tashabbuskorlari Toshkent tumanidagi 12-sonli davlat maktabgacha taʼlim muassasasida boʻlishdi.

Xorijiy mehmonlar mazkur loyiha doirasida 12-DMTT tarbiyalanuvchilariga sogʻlomlashtirish mashgʻulotlarini oʻtishdi. Ushbu malaka mashgʻulotlari muassasa tarbiyachi pedagoglari uchun ham qoʻllanma vazifasini bajaradi

Maktabgacha taʼlim bolalari sogʻlom turmush tarzi va gigiyenik qoidalar haqidagi maʼlumotlarga chuqur ega ekanliklarini Yaponiyalik mutaxassis Saki Yashimura taʼkidlab oʻtdi va mashgʻulotlarga oid videoroliklar taqdim etdi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

"Kambagʻallikdan farovonlik sari" dasturi amalda

Oʻzbekiston Respublikasi Prezidentining "Kambagʻallikdan farovonlik sari» dasturini amalga oshirish boʻyicha birinchi navbatdagi chora-tadbirlar toʻgʻrisida"gi (PQ-330-son, 23.09.2024 y.) qarori ijrosini taʼminlash maqsadida Yoshlar ishlari agentligi Toshkent tumani boʻlimi rahbari O.Abdulhayev Istiqbol mahallasidan biriktirilgan xonadonlarni oʻrgandi.

Oʻrganishlar davomida 3 ta xonadonga borilgan boʻlsa, misol tariqasida aytish mumkinki, Istiqbol mahallasidagi S.R. xonadoni oʻrganilganida, xonadon bekasining 3 nafar farzandi borligi, 2 nafari Toshkent shahrida maktabda oʻqishi 1 nafar farzandi 3 yoshga toʻlmagani sababli ona qarmogʻida ekanligi, oilada turmush oʻrtogʻi ustachilik bilan shugʻullanib pul topishi, S.R. ga koʻz jarrohligi amaliyoti uchun mablagʻ kerakligi aniqlandi, Aniqlangan holatlar boʻyicha reja tuzilib, oiladagi mavjud muammolarni bartaraf etish boʻyicha vazifalar belgilab olindi.

Alohida taʼkidlash joizki, qarorga muvofiq ijtimoiy himoyaga muhtoj oilalarga biriktirilgan masʼullar birinchi navbatda soʻrovnoma toʻldirish orqali chora-tadbirlar rejasini tuzib, keyingi bosqichlarda aholini kambagʻallikdan chiqarish tadbirlarini bosqichma-bosqich amalga oshirishi belgilangan.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website