#Yangi_inshoot

"Gulzor" Madaniyat markazi foydalanishga topshirildi

Bugun, Toshkent tumani, 3-sektor hududi Qorasaroy mahallasida "Gulzor" Madaniyat markazi ochilishi marosimi bo‘lib o‘tdi.

Unda O‘zbekiston Respublikasi Madaniyat va turizm Vazirligi Vaziri Ozodbek Nazarbekov, Toshkent viloyati hokimi Zoyir Mirzayev, Toshkent viloyati Ichiki ishlar Bosh boshqarmasi boshlig‘i Tohir Aripov, Toshkent tumani hokimi Odilxon Rustamov, Toshkent tumani IIB boshlig‘i Dilshod Mirzamamedovlar ishtirok etdilar.

O‘zbekiston Respublikasi Prezidentining 2018- yil 28-noyabr sanasidagi PQ- 4038 son - “O‘zbekiston Respublikasida milliy madaniyatni yanada rivojlantirish KONSEPSIYASINI tasdiqlash to‘g‘risida”gi Qarori, shuningdek 2022-yil 2- fevraldagi PQ-112-son- “Madaniyat va sanʼat sohasini yanada rivojlantirishga doir qo‘shimcha chora-tadbirlar to‘g‘risidagi” qarorlari ijrosini taʼminlash xususan, aholi, ayniqsa, olis hududlarda istiqomat qiladigan fuqarolarga madaniy dam olish xizmatlari ko‘rsatish darajasini oshirishni taʼminlashning yaxlit tizimini yaratish shuningdek, 2022 — 2026 yillarga mo‘ljallangan Yangi O‘zbekistonning taraqqiyot strategiyasini «Insonga eʼtibor va sifatli taʼlim yili»da amalga oshirishga oid vazifalar ijrosini ta'minlashga qaratilgan Toshkent tumani 3-sektor hududida qad rostlagan yangi 71- son "Gulzor" Madaniyat markazi 140 o‘rinli bo‘lib, 3 milliard so‘m mablag‘ evaziga qurib bitkazildi.

Endilikda bu yerda nafaqat aholi madaniy hordiq olishi uchun turli xil madaniy-maʼnaviy tadbirlar, balki ulg‘ayib kelayotgan avlod vakillari uchun to‘garaklar ham faoliyat yuritadi. Bular: “Rassomchilik va libos yaratish”, “Raqs va badiiy gimnastika”, “Milliy cholg‘u-dutor”, “Zarbli cholg‘u” va “Gitara” to‘garaklari.

O‘ylaymizki ushbu to‘garaklar, hududda istiqomat qiluvchi o‘g‘il-qizlarimizni madaniyat va sanʼatga bo‘lgan muhabbatlarini oshirishga xizmat qiladi.

📹Batafsil yuqoridagi videolavhada.

✅ Telegram 💬Facebook 📸Instagram 📹YouTube 🌍Website