#Jarayon

👮‍♀️Yashil chiroq musobaqasi Toshkent tumani taʼlim muassasalarida

Oʻzbekiston Respublikasi Vazirlar Mahkamasining 2022-yil 26-apreldagi “Taʼlim muassasalarida yoʻl harakati qoidalari targʻibotini kuchaytirish chora-tadbirlari toʻgʻrisida”gi 212-son Qarori asosida, umumtaʼlim maktablari oʻquvchilari ishtirokida “Yashil chiroq” musobaqalari oʻtkaziladi.

“Yashil chiroq” musobaqasini tashkil etishdan maqsadimiz oʻquvchi yoshlarga yoʻl harakati qoidalarini oʻrgatish, ularning huquqiy savodxonligini oshirish, bolalar ongida “Yoʻl harakati qoidalari”ga qatʼiy rioya qilish hisini shakllantirishdir.

Toshkent tumani Maktabgacha va maktab taʼlimi boʻlimi, tuman IIB YHXB, Yoshlar agentligi tuman boʻlimi bilan hamkorlikda oʻtkazilgan musobaqaning tuman bosqichida 3-, 4-, 11-, 26-umumtaʼlim maktablarining “Yashil chiroq” guruhlari oʻzaro bellashdilar. Tadbir davomida bolalarga koʻcha va yoʻllarda yurish qoidalari boʻyicha mutaxassislar tomonidan keng tushunchalar berildi. Musobaqa koʻtarinki ruhda boʻlib oʻtdi.

Tuman bosqichida 1-oʻrinni 26-maktab jamoasi egalladi va viloyat bosqichiga yoʻllanmani qoʻlga kiritdi. 2-oʻrinni 11-maktab jamoasi, 3-oʻrinni 3-, va 4-umumtaʼlim maktablari jamoalari egalladilar. Bundan tashqari musobaqaning tuman bosqichida faol ishtirok etgan 24 nafar oʻquvchilar uchun tuman IIB YHXB homiyligida bepul Toshkent shahri boʻylab sayohatga, muzeylarga ekskursiya tashkil etishga kelishib olindi.

Tadbir soʻngida, oʻquvchilar homiylar tomonidan “Diplom” va esdalik sovgʻalari bilan taqdirlandilar.

📹Jarayon fotolavhalarda.

✅ Telegram 💬Facebook 📸Instagram 📹YouTube 🌍Website

#shukuh

Bugun  xalqimiz qutlugʻ ayyom — muborak Ramazon hayitini keng nishonlamoqda.

Ayyom munosabati bilan muqaddas diniy taomilimizga koʻra, erta tongdan viloyatimizdagi masjidlarda hamyurtlarimiz hayit namozlarini emin-erkin ado etdilar.

Ibodatlar ado etilgach yurtimizga tinchlik-omonlik, elimizga taraqqiyot va  ravnaq,  xonadonlarimizga tinchlik va osoyishtalik soʻrab, duoga qoʻl ochildi.

🌐Telegram 🌐Website 🌐YouTube 🌐Instagram 🌐Facebook 🌐Twitter

#onlayn
#sayohat

Toshkent tumani hokimligi tashabbusi bilan “Ayollar daftari”dagi 300 nafar xotin-qizlar va ularning farzandlari uchun “Oqtosh” bolalar oromgohiga eko-turistik, psixologik va ko’ngilochar sayyohat tashkil qilindi.

“E’zoz” loyihasi doirasida o’tkazilayotgan ushbu tadbirda 2 kun davomida onalar va bolalar dam olishi uchun barcha zarur sharoitlar yaratiladi.

📹Tafsilotlar yuqorida.

✅ Telegram 💬Facebook 📸Instagram 📹YouTube 🌍Website