#Energetika_xavfsizligi_oyi
#Sayyor_qabul

⚡️ UCHTEPADA AHOLI MUROJAATLARI YUZMA-YUZ O‘RGANILDI

🔸Aholi muammolarini o‘rganish, odamlarni qiynayotgan masalalarni o‘z vaqtida hal etish maqsadida tashkil etilayotgan sayyor qabullar ana’ana tusini oldi. Albatta, bu bejiz emas. Aholi vakillari bilan joylarda o‘tkazilayotgan bunday uchrashuvlar natijasida ko‘plab muammolar o‘z yechimini topmoqda.

🔸Kuni kecha, «Toshkent shahar elektr tarmoqlari» MCHJ tomonidan Uchtepa tuman elektr ta`minoti korxonasi tomonidan tumanning «Beshqayrag`och» mahalla fuqarolar yigʻinida navbatdagi sayyor qabul oʻtkazildi. Unda jamiyat rahbariyati va tuman elektr taʼminoti korxonasining mas`ul xodimlari mahalla fuqarolari bilan uchrashib, ularning elektr energiyasi bilan bog‘liq murojaatlari tinglandi. Uchrashuvda tadbirlorlik sub`yektlari hamda aholi iste`molchilarining yashash hududlaridagi elektr tarmoqlarini yangilash, mavjud tayanchlarni yangisiga almashtirish, yangi transformator punkti o‘rnatib berish va boshqa masalalar yuzasidan murojaatlar yo‘llandi.

🔸Sayyor qabulda ishtirok etgan murojaatchilarning muammolari o'rganilib, ayrimlari shu yerning o'zida bartaraf etildi. Ba'zi muammolarni bartaraf etish muddat talab qilgani uchun mas'ullarga ushbu muammolarni ijobiy hal etish choralari ko'rilishi belgilab olindi va boshqa yoʻnalishdagi savollar boʻyicha tushuncha va tavsiyalari eshitildi.


✍️ «Toshkent shahar elektr tarmoqlari» MCHJ Axborot xizmati

🌐 Telegram

#LIVE

«Toshkent shahar elektr tarmoqlari» MCHJ tomonidan poytaxt tumanlarida Davlat dasturlari asosida past kuchlanishli elektr uzatish tarmoqlarini yangilash va rekonstruksiya qilish bo'yicha olib borilayotgan keng ko'lamli sa'y-haratlar, sohada amalga oshirilayotgan ishlar «Toshkent» telekanalining «Teletahlil» tahliliy dasturining navbatdagi sonida.

Sohaga bag'ishlangan ko'rsatuvning navbatdagi sonida Shayxontohur, Sergeli hamda Yangihayot tuman elektr ta'minoti misolida olib borilayotgan ishlar tahlil qilindi.


✍️ «Toshkent shahar elektr tarmoqlari» MCHJ Axborot xizmati

🌐 Telegram

#DIQQAT_ELON

SERGELI TUMANINING AYRIM HUDUDLARIDA ELEKTR TA’MINOTI VAQTINCHA TO‘XTATILADI

Isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida ta'mirlash ishlarini olib borish maqsadida, ertaga 22- noyabr kuni quyidagi manzillarda elektr taʼminoti vaqtincha o'chiriladi:

Sergeli tumani: «Nomdanak», «Sultonobod», «Xonobod», «Xonobodtepa», «Xontepa», «Eski Jaloyir», «Koʻxnaqumariq», «Ziyolilar», «Eshonbuloq», «Izzatli», «Sadoqat» hamda «Kengmakon» MFYlarining ayrim hududlarida soat 08:00 dan 14:00 gacha.

O‘z navbatida, yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz.

«Toshkent shahar elektr tarmoqlari» MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr soʻraydi.


✍️«Toshkent shahar elektr tarmoqlari» MCHJ Matbuot xizmati

🌐 Telegram

Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi aʼzolarini tayinlash toʻgʻrisida”gi Farmoni

O‘zbekiston Respublikasi Oliy Majlisi Qonunchilik palatasining 2024-yil 21-noyabrdagi tegishli qarorlari bilan O‘zbekiston Respublikasi Vazirlar Mahkamasining a’zoligiga nomzodlar ma’qullandi.

1. O‘zbekiston Respublikasi Konstitutsiyasining 109-moddasiga muvofiq:

Achilbay Jumaniyazovich Ramatov – O‘zbekiston Respublikasi Bosh vazirining o‘rinbosari;

Djamshid Anvarovich Kuchkarov – O‘zbekiston Respublikasi Bosh vazirining o‘rinbosari – O‘zbekiston Respublikasi iqtisodiyot va moliya vaziri;

Jamshid Abduxakimovich Xodjayev – O‘zbekiston Respublikasi Bosh vazirining o‘rinbosari;

Zulayxo Baxriddinovna Maxkamova – O‘zbekiston Respublikasi Bosh vazirining o‘rinbosari - Oila va xotin-qizlar qo‘mitasi raisi;

Laziz Shavkatovich Kudratov – O‘zbekiston Respublikasi investitsiyalar, sanoat va savdo vaziri;

Botir Erkinovich Zaxidov – O‘zbekiston Respublikasi kambag‘allikni qisqartirish va bandlik vaziri;

Ibroxim Yulchiyevich Abdurahmonov – O‘zbekiston Respublikasi qishloq xo‘jaligi vaziri;

Shavkat Raximovich Xamrayev – O‘zbekiston Respublikasi suv xo‘jaligi vaziri;

Sherzod Saidjanovich Xidoyatov – O‘zbekiston Respublikasi qurilish va uy-joy kommunal xo‘jaligi vaziri;

Ilxam Rustamovich Maxkamov – O‘zbekiston Respublikasi transport vaziri;

Jo‘rabek Tursunpulatovich Mirzamahmudov – O‘zbekiston Respublikasi energetika vaziri;

Bobir Farxadovich Islamov – O‘zbekiston Respublikasi tog‘-kon sanoati va geologiya vaziri;

Sherzod Xotamovich Shermatov – O‘zbekiston Respublikasi raqamli texnologiyalar vaziri;

Aziz Abdukaxarovich Abduxakimov – O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vaziri;

Asilbek Anvarovich Xudayarov – O‘zbekiston Respublikasi sog‘liqni saqlash vaziri;

Xilola Uktamovna Umarova – O‘zbekiston Respublikasi maktabgacha va maktab ta’limi vaziri;

Kongratbay Avezimbetovich Sharipov – O‘zbekiston Respublikasi oliy ta’lim, fan va innovatsiyalar vaziri;

Adxam Ilxamovich Ikramov – O‘zbekiston Respublikasi sport vaziri;

Ozodbek Axmadovich Nazarbekov – O‘zbekiston Respublikasi madaniyat vaziri;

Akbar Djurabayevich Tashkulov – O‘zbekiston Respublikasi adliya vaziri;

Baxtiyor Odilovich Saidov – O‘zbekiston Respublikasi tashqi ishlar vaziri;

Abdulla Xamidullayevich Kuldashev – O‘zbekiston Respublikasi favqulodda vaziyatlar vaziri;

Po‘lat Razzaqovich Bobojonov – O‘zbekiston Respublikasi ichki ishlar vaziri;

Baxodir Nizamovich Kurbanov – O‘zbekiston Respublikasi mudofaa vaziri O‘zbekiston Respublikasi Vazirlar Mahkamasi a’zolari etib tayinlansin.

O‘zbekiston Respublikasi Konstitutsiyasining 114-moddasiga muvofiq, Qoraqalpog‘iston Respublikasi hukumatining boshlig‘i O‘zbekiston Respublikasi Vazirlar Mahkamasi tarkibiga o‘z lavozimi bo‘yicha kiradi.

2. Mazkur Farmonning ijrosini nazorat qilish O‘zbekiston Respublikasi Bosh vaziri A.N. Aripov zimmasiga yuklansin.

O‘zbekiston Respublikasi Prezidenti
Sh. Mirziyoyev

Telegram | Facebook | Instagram | YouTube | X | Veb-sayt