አርሰናል ተጨዋች ለማስፈረም ተቃርቧል !

የሰሜን ለንደኑ ክለብ አርሰናል ስፔናዊውን የመሐል ሜዳ ተጨዋች ሚኬል ሜሪኖ ከሪያል ሶሴዳድ ለማስፈረም ለስምምነት መቅረባቸው ተገልጿል።

መድፈኞቹ ከተጨዋቹ ጋር በግል የሚያደርጉት ንግግር ለዝውውሩ ችግር እንደማይሆንባቸው እና ተጨዋቹ ወደ አርሰናል መዘዋወር እንደሚፈልግ ተነግሯል።

አርሰናል ተጫዋቹን 30 ሚልዮን ዩሮ በሚደርስ የዝውውር ሒሳብ ለማስፈረም ከሪያል ሶሴዳድ ጋር በንግግር ላይ መሆናቸው ተዘግቧል።

@tikvahethsport     @kidusyoftahe

#Liverpool   #Arsenal

በአሜሪካ ለሊቱን በሊቨርፑል እና አርሰናል መካከል በነበረው ተጠባቂ የወዳጅነት ጨዋታ ሊቨርፑል 2 ለ 1 በሆነ ውጤት አሸንፏል።

በጨዋታው የሊቨርፑልን ግቦች መሀመድ ሳላህ እና ካርቫሎ ሲያስቆጥሩ ብቸኛውን የአርሰናል ግብ ካይ ሀቨርትዝ ማስቆጠር ችሏል።

ከጨዋታው መጠናቀቅ በኃላ አስታየታቸውን የሰጡት የሊቨርፑሉ አሰልጣኝ አርኔ ስሎት "እኛ ሁሉንም ጨዋታ ማሸነፍ እንፈልጋለን ፣ በልምምድ ላይ እራሱ የምንሰራው ይህንኑ ነው " ብለዋል።

የአርሰናሉ ዋና አሰልጣኝ ሚኬል አርቴታ በበኩላቸው "ሊቨርፑል የራሱ የአጨዋወት ባህሪ አለው ፤ በጨዋታው ካይ ሃቨርትዝ ጥሩ ተጫውቷል " በማለት ተናግረዋል።

@tikvahethsport     @kidusyoftahe

ሪያል ማድሪድ ተሸንፏል !

የስፔኑ ክለብ ሪያል ማድሪድ የቅድመ ውድድር ዝግጅት የመጀመሪያ የወዳጅነት ጨዋታውን ከኤሲ ሚላን ጋር አድርጎ 1 ለ 0 በሆነ ውጤት ተሸንፏል።

በጨዋታው ካርሎ አንቾሎቲ ወጣቶቹን ተጫዋቾች ልምድ ካላቸው ጋር በመቀላቀል የተጠቀሙ ሲሆን የኤሲ ሚላንን የማሸነፊያ ግብ ቼኩዌንዜ አስቆጥሯል።

ከጨዋታው በኃላ አስታያየታቸውን የሰጡት አሰልጣኝ ካርሎ አንቾሎቲ " ይህ ለወጣቶች እድል የምንሰጥበት ጨዋታ ነበር ፤ አርዳ ጉለር እና ኤንድሪክ ወደፊት ለክለቡ በጣም አስፈላጊ ተጨዋቾች ይሆናሉ " ብለዋል።

ሪያል ማድሪድ በቀጣይ እሁድ ዕለት ከ ባርሴሎና ጋር ሁለተኛ የወዳጅነት ጨዋታውን የሚያደርግ ይሆናል።

@tikvahethsport     @kidusyoftahe

ዩናይትድ ተጫዋቾቹ ለበርካታ ጊዜ ከሜዳ ይርቃሉ !

የእንግሊዙ ክለብ ማንችስተር ዩናይትድ ከአርሰናል ጋር በነበረው የወዳጅነት ጨዋታ ጉዳት ያስተናገደው የተከላካይ መስመር ተጨዋች ሌኒ ዮሮ ለወራት ከሜዳ እንደሚርቅ በይፋ ተገልጿል።

የ18ዓመቱ አዲሱ ፈራሚ ሌኒ ዮሮ ጣቱ ላይ በደረሰበት ጉዳት ምክንያት #ለሶስት ወራት ከሜዳ እንደሚርቅ ተዘግቧል።

ሌላኛው በአርሰናሉ ጨዋታ ጉዳት ያስተናገደው የፊት መስመር አጥቂው ራስሙስ ሆይሉንድ በጡንቻ መሳሳብ ጉዳት #ለስድስት ሳምንታት ከሜዳ እንደሚርቅ ክለቡ አሳውቋል።

ከደቂቃዎች በፊት ሪያል ቤቲስን 3ለ2 ያሸነፉት ቀያይ ሴጣኖቹ ማርከስ ራሽፎርድ እና አንቶኒ ጉዳት ያስተናገዱ አዲስ ተጫዋቾች ሆነዋል።

@tikvahethsport     @kidusyoftahe

#Paris2024         #TeamEthiopia🇪🇹

የ 2024 የፓሪስ ኦሎምፒክ ውድድር መካሄዱን ሲቀጥል የአትሌቲክስ ውድድር በዛሬው ዕለት ጅማሮውን የሚያደርግ ይሆናል።

ከደቂቃዎች በኋላ ከጠዋቱ 3:00 ጀምሮ የ 20ኪ.ሜ የእርምጃ ውድድር መካሄዱን ሲጀምር ሀገራችን በምስጋና ዋቁማ የምትወከል ይሆናል።

የ 20ዓመቱ አትሌት ምስጋና ዋቁማ ኢትዮጵያ ባልተለመደ ርቀት ጥሩ ውጤት እንደምታስመዘገብ ህልም እንዳለው አስቀድሞ ገልጿል።

አትሌት ቀነኒስ በቀለን አርአያው እና ጀግናው አድርጎ የሚመለከተው አትሌት ምስጋናው ዋቁማ የመጀመሪያ የኦሎምፒክ ተሳትፎውን ከደቂቃዎች በኋላ ያደርጋል።

አትሌቱ በዚህ ርቀት ከሳካቸው ስኬቶች መካከል :-

1⃣ኛ - የ 2024 የአፍሪካ ሻምፒዮና እንዲሁም የአፍሪካ ጨዋታዎች የወርቅ ሜዳሊያ ባለቤት

1⃣ኛ - የ 2023ቱ የአፍሪካ ከ 20ዓመት በታች የ 10ኪ.ሜ እርምጃ ውድድር የወርቅ ሜዳሊያ ባለቤት

1⃣0⃣ኛ - በ2024ቱ የአለም የ 20ኪ.ሜ እርምጃ ውድድር ተጠቃሾቹ ናቸው።

@tikvahethsport     @kidusyoftahe

#Paris2024         #TeamEthiopia🇪🇹

ኢትዮጵያዊው አትሌት ምስጋና ዋቁማ ከደቂቃዎች በፊት በተጠናቀቀው የፓሪስ ኦሎምፒክ የ 20ኪ.ሜ የእርምጃ ውድድር ስድስተኛ ደረጃን በመያዝ አጠናቋል።

አትሌት ምስጋና ዋቁማ 1:19:31 በሆነ ሰዓት ውድድሩን በስድስተኝነት ማጠናቀቅ ችሏል።

ውድድሩን ኢኳዶራዊው አትሌት ፒንታዶ በበላይነት ሲያጠናቅቀው ብራዚላዊው ቦንፊርም የብር ስፔናዊው አትሌት አልቫሮ ማርቲን የነሐስ ሜዳልያ ባለቤት ሆነዋል።

የ 20ዓመቱ አትሌት ምስጋና ዋቁማ በውድድሩ የኢትዮጵያን ፈጣን ሰዓት በማስመዝገብ ተስፋ ሰጪ ውጤት ማስመዝገብ ችሏል።

@tikvahethsport     @kidusyoftahe

የፓሪስ ኦሎምፒክ ቅሬታዎች ቀጥለዋል !

ስድስተኛ ቀኑን የያዘው የፓሪሱ የ2024 ኦሎምፒክ ውድድር የሚቀርቡ ቅሬታዎች አሁንም መቀጠላቸውን በስፍራው የሚገኙ አለም አቀፍ መገናኛ ብዙሃን ዘግበዋል።

ለውድድር በፓሪስ ኦሎምፒክ አትሌቶች መንደር የሚገኙ ተወዳዳሪዎች በቆይታቸው ደስተኛ ባለመሆናቸው የተለያዩ ቅሬታዎችን በማቅረብ ላይ መሆናቸው ተገልጿል።

አትሌቶቹ ካቀረቧቸው ቅሬታዎች መካከልም :-

- የመኝታ አልጋ እና ፍራሽ አለመመቻቸት

- የምግብ ጥራት ጉድለት እና ማነስ

- የማረፊያ ክፍል መጥበብ እና በጋራ እንዲጠቀሙ መደረግ

- የማረፊያ ክፍሉ አየር መቆጣጠሪያ አለመኖር እንደሚገኙበት ተገልጿል።

በዚህም ምክንያት የታላቋ ብሪታኒያ አትሌቶች ልዑክ ቡድን የራሱን ሼፍ መቅጠሩ እና ካረፈበት ማረፊያ ተጨማሪ ጉዞ አድርጎ ለመመገብ መወሰኑ ተገልጿል።

ሮማንያዊቷ የጠረጴዛ ቴኒስ ተጨዋች ዞክስ ስለ ማረፊያ ክፍሉ አስተያየቷን ስትሰጥ " ክፍሉ የአየር መቆጣጠሪያ ባለመኖሩ በር ከፍተን ነው የምንተኛው ፣ በጣም ጠባብ ክፍል ውስጥ ለሁለት ተጋርተናል።"ብላለች።

የታላቋ ብሪታኒያ ልዑክ ቡድን ሀላፊ በበኩላቸው  " የቀረበው ምግብ ጥራት ጉዳይ አጠራጣሪ ነው በቂ ምግብም እየቀረበ አይደለም " ብለዋል።

አሜሪካዊቷ የሜዳ ቴኒስ ተጨዋች ኮኮ ጉፍ በበኩሏ በአንድ ክፍል ውስጥ አስር አትሌቶች መኖራቸውን እና በክፍሉ ውስጥ ሁለት መፀዳጃ ቤት ብቻ መኖሩን በማህበራዊ ሚዲያ ገልፃለች።

አሜሪካዊያን አትሌቶች በፓሪስ ኦሎምፒክ አትሌቶች መንደር በተደረገላቸው አቀባበል በስፋት ቅሬታቸውን እያቀረቡ ይገኛሉ።

@tikvahethsport     @kidusyoftahe

Affordable Gaming PC (HP Victus)

🔸Core 17 12th Gen
RTX 3050 TI (4GB)
104,000 Birr

🔹Core 17 13th Gen
RTX 4050 TI (6GB)
119,000 ETB

🔸Core 17 13th Gen
RTX 4060 (8GB)
139,000 ETB

Contact Us
0953964175 @heymobile
@heyonlinemarket

✨ ውበትና ጥራትን የተላበሱ የስፖርት አልባሳት #ከዋናው!✨

👉🏾 #ይዘዙን፣ ውበትን ይላበሱ!

📌 ለበለጠ መረጃና ትዕዛዝ 📲 0901138283፣ 0910851535 እና 0913586742 ላይ ይደውሉ።

👉🏾 እንዲሁም በቴሌግራም @Wanawsales ላይ የሽያጭ ሰራተኞቻችንን በቀጥታ በማናገር ወይም በቴሌግራም ቦት @WanawSportBot ይዘዙን።

🏅 ዋናው ወደፊት...

@wanawsportwear

“ ፌዴሬሽን ውስጥ ፆታዊ ትንኮሳም አለ “ ቀነኒሳ በቀለ

አትሌት ቀነኒሳ በቀለ ውድድር በመጣ ቁጥር አለመግባባት የሚታይበት የኢትዮጵያ አትሌቲክስ አትሌት ምርጫ ውስጥ ወገንተኝነት እና ፆታዊ ትንኮሳ መስተዋሉን ገልጿል።

አትሌቶች ምርጫ ላይ የሚስተዋለው ጭቅጭቅ " ወጥ የሆነ ህግ “ ባለመቀመጡ የመጣ ነው የሚለው አትሌት ቀነኒሳ በቀለ " ህጉ በስርዓት ቢሆን ሁሉም አትሌት ተጠቃሚ በሆነ ነበር " ሲል ይገልጻል።

በአትሌቲክስ ፌዴሬሽን ፕሬዝዳንት ደራርቱ ቱሉ ላይ “ ምንም ቅሬታ የለኝም ጥፋት አላየሁባትም “ ሲል የገለፀው አትሌት ቀነኒሳ በቀለ እሷ ከተከፋው ጋር ነች በሌሎቹ ላይ ግን ምን #እንደሚሰራ ስለማይ እርግጠኛ አይደለሁም ብሏል።

ህጉ ሲወጣ አሰልጣኞች መሳተፋቸው ለእነሱ በሚጠቅማቸው መልኩ ስላመቻቹት ጭቅጭቅ አይጠፋም ሲል ቀነኒሳ በቀለ ተናግሯል።

በዚህም ምክንያት በወገንተኝነት ፣ በቅርርብ ፣ በግል ፀብ ምክንያት አትሌቶች እንዳይመረጡ እያደረገ ነው በማለት አትሌቱ አስረድቷል።

“ በፌዴሬሽኑ ውስጥ አትሌቶች ምርጫ ፆታዊ ፍላጎትን ማስፈፀሚያ “ እየሆነ ስለመምጣቱም የገለፀው አትሌት ቀነኒሳ በቀለ " ፆታዊ ትንኮሳም አለ ሁሉም መፅዳት አለበት “ ሲል አሳስቧል።

በፌዴሬሽኑ ውስጥ ለውጥ ለማምጣት አትሌቶች አይምሩ አይባልም ነገርግን የተማሩ ሰዎችንም በማምጣት እና በመተጋገዝ እንዲሁም ህጎችን በማስተካከል መስራት ያስፈልጋል ሲል ቀነኒሳ በቀለ ተናግሯል።

በኦሎምፒክ ኢትዮጵያን በማራቶን የሚወክለው አትሌት ቀነኒሳ በቀለ ጥሩ ዝግጅት ማድረጉን ሲገልፅ “ በራሴ እተማመናለሁ ፤ የተቻለኝን አድርጌ ለሀገሬም ለራሴም ጥሩ ውጤት ማስመዝገብ እፈልጋለሁ " ብሏል።

መረጃው ከሸገር ስፖርት ፕሮግራም ጋር ካደረገው ቆይታ የተወሰደው ነው።

@tikvahethsport     @kidusyoftahe

የኦሎምፒክ ተወዳዳሪዋ ነብሰጡር  !

በ2024 ፓሪስ ኦሎምፒክ ውድድር የተሳተፈችው ግብፃዊቷ ተወዳዳሪ ነዳ ሓፊዝ የሰባት ወር ነብሰጡር እንደሆነች በማህበራዊ ትስስር ገጿ ገልፃለች።

ነዳ ሓፊዝ ግብፅን በኦሎምፒክ ሴቶች የግል " Sabre " ውድድር በመወከል እስከ ጥሎ ማለፍ መድረስ ስትችል በጥሎ ማለፍ ውድድር ተሸንፋ ከውድድሩ ወጪ ሆናለች።

" በውድድር መድረኩ ለእናንተ ሁለት ተጋጣሚ ቢታያችሁም ሶስት ነበርን የሰባት ወር ነብሰጡር ነኝ።"ስትል ነዳ ሓፊዝ በማህበራዊ ትስስር ገጿ ስለ ሆኔታዋ አስረድታለች።

ሶስተኛ የኦሎምፒክ ተሳትፎዋን ያደረገችው ነዳ ሓፊዝ የፓሪስ ኦሎምፒክ ውድድር ግን ለእሷ ትልቅ ትርጉም ያለው መሆኑን ተናግራለች።

የ 26ዓመቷ ነዳ ሓፊዝ የህክምና ዶክተር መሆኗ ሲገለፅ እንዲሁም ከዚህ በፊት የጂምናስቲክ ስፖርተኛ እንደነበረች ተነግሯል።

@tikvahethsport     @kidusyoftahe

" ውሃ ዉስጥ ማሰብ የማልፈልገውን ነገር አይቻለሁ "

በፓሪስ ኦሎምፒክ ውድድር ትርያትሎን ተወዳዳሪዎች የውድድሩ አንድ አካል የሆነውን የዋና ውድድር ያደረጉበት የሴይን ወንዝ ጥራት እንዳበሳጫቸው ገልፀዋል።

የወንዙ ውሃ ጥራት ማነስ ብዙ ጥያቄዎች ሲያስነሳ እንደነበረ የሚታወስ ሲሆን የወንዶች ትርያትሎን ውድድርም በዚሁ ምክንያት በተደጋጋሚ የቀን ለውጥ ተደርጎበታል።

በወንዙ 1.5 ኪ.ሜ ዋኝታ ውድድሯን ያደረገችው ቤልጂዬማዊት ጆሊን ቨርሜይለን ከውድድሩ በኋላ በከፍተኛ ንዴት " ወንዙ ውስጥ ማሰብ የማልፈልገውን ነገር አይቻለሁ " ብላለች።

“ ወንዙ ለመቶ አመታት የቆሸሸ ነው አዘጋጆቹ ለተወዳዳሪዎች ጤንነት ቅድሚያ እንሰጣለን ያሉት በምን አግባብ ነው “ ስትል ተወዳዳሪዋ ብስጭቷን ገልፃለች።

ተወዳዳሪዋ አክላም “ ከወንዙ ውስጥ ምንም ላለመጠጣት ጥረት አድርጌ አልተሳካልኝም ብዙ ውሃ ጠጥቻለሁ በቀጣይ ልታመምም ላለልታመምም እችላለሁ "ብላለች።

ለአንድ መቶ አመታት ያህል መዋኘት ታግዶ የቆየው የፓሪሱን ሴይን ወንዝ ለውድድሩ ንፁህ ለማድረግ ፈረንሳይ 1.2 ቢልዮን ፓውንድ ወጪ አድርጋ ነበር።

@tikvahethsport     @kidusyoftahe

ኒኪታህ ማርሴይን ለመቀላቀል ተስማማ !

እንግሊዛዊ የፊት መስመር ተጨዋች ኤዲ ኒኪታህ አርሰናልን በመልቀቅ የፈረንሳዩን ክለብ ማርሴይ ለመቀላቀል ከስምምነት መድረሱ ተገልጿል።

ማርሴይ በበኩሉ በተጨዋቹ ዝውውር ሒሳብ ዙሪያ ከአርሰናል ጋር ከስምምነት ለመድረስ በንግግር ላይ መሆናቸው ተዘግቧል።

አሰልጣኝ ሮቤርቶ ዲ ዘርቢን በሀላፊነት የሾመው ማርሴይ ቡድኑን ለማጠናከር በዝውውር መስኮቱ ንቁ ተሳትፎ በማድረግ ላይ ይገኛሉ።

@tikvahethsport     @kidusyoftahe

አልጄሪያዊቷ ቦክሰኛ ፈጣን ድል አስመዘገበች !

በ2024 ፓሪስ ኦሎምፒክ የሴቶች 66 ኪሎ ግራም ቦክስ ውድድር አልጄሪያዊቷ ቦክሰኛ ኢማኔ ኬሊፍ ጣልያናዊቷን አንሄላ ካርኒ በ46 ሰከንድ ውስጥ መርታት ችላለች።

ጣልያናዊቷ ቦክሰኛ አንሄላ ካሪኒ ከተጋጣሚዋ በተሰነዘረባት የመጀመሪያ ቡጢ አፍንጫዋን ከፍተኛ ህመም እንደተሰማት እና መቀጠል እንዳልፈለገች ገልፃለች።

አንሄላ ካሪኒ ተጋጣሚዋን ለመጨበጥ እንኳን ፍቃደኛ ሳትሆን መወዳደሪያውን በእንባ ታጅባ ለቃ ስትሄድ ተስተውላለች።

በኋላም አስተያየቷን የሰጠችው አንሄላ ካሪኒ “ እንደዚህ አይነት ቡጢ አጋጥሞኝ አያውቅም ፤ በጣም ነው ያመመኝ ለአሰልጣኜ ከዚህ በላይ መቀጠል እንደማልችል ነግሬዋለሁ" ብላለች።

አልጄሪያዊቷ ቦክሰኛ ኢማኔ ኬሊፍ በ2023 የአለም አትሌቲክስ ሻምፒዮና ላይ ከስርዓተ ፆታ ትክክለኛነት ጋር በተገናኛ ሳትሳተፍ ቀርታ ነበር።

በዚህም ምክንያት በማህበራዊ ሚዲያዎች ተቃውሞ የነበረ ሲሆን የአልጄሪያ ኦሎምፒክ ኮሚቴ በቅርቡ የውጪ ሚዲያዎች እያደረጉ ያሉትን መሰረተ ቢሲ ፕሮፖጋንዳ እናወግዛለን ሲል መግለጫም አውጥቷል።

የጣልያን ጠቅላይ ሚኒስቴር ጂዮርጂዮ ሜሎኒ በበኩላቸው በሰጡት አስተያየት " ተመጣጣኝ ግጥሚያ አልነበረም አትሌቶች ከሚመጥናቸው ጋር መወዳደር መብት አላቸው " ብለዋል።

@tikvahethsport     @kidusyoftahe

ክሪስታል ፓላስ በይፋ ተጨዋች አስፈረመ !

የእንግሊዝ ፕርሚየር ሊጉ ክለብ ክሪስታል ፓላስ ሴኔጋላዊውን የፊት መስመር ተጨዋች እስማኤል ሳር ከማርሴይ ማስፈረማቸውን ይፋ አድርገዋል።

እስማኤል ሳርን ባለፈው አመት በ13 ሚልዮን ዩሮ ያስፈረሙት ማርሴይ አሁን ላይ ለክሪስታል ፓላስ በ15 ሚልዮን ዩሮ የዝውውር ሒሳብ መሸጣቸው ተገልጿል።

ሴኔጋላዊውን የፊት መስመር ተጨዋች እስማኤል ሳር በክሪስታል ፓላስ ቤት የአምስት አመት ኮንትራት መፈረሙ ይፋ ሆኗል።

@tikvahethsport     @kidusyoftahe

" አልሞ መተኮስ ከተፈጥሮ ያገኘሁት ፀጋ ነው " ዩሱፍ ዲኬክ

በፓሪስ 2024 ኦሎምፒክ በ10 ሜትር አልሞ መተኮስ ውድድር ለሀገሩ ቱርክ የብር ሜዳልያ ያስገኘው አልሞ ተኳሽ ዩሱፍ ዲኬክ በማህበራዊ ሚዲያዎች መነጋገሪያ ነበር።

ዩሱፍ ዲኬክ በውድድሩ ወቅት ከሌሎች አልሞ ተኳሾች በተለየ መልኩ አጋሽ መሳሪያዎችን ሳይጠቀም አንድ እጁን ኪሱ ከቶ ሲተኩስ መስተዋሉ እውቅናን አትርፎለታል።

ሌሎች አልሞ ተኳሾች ውድድራቸውን በሚያደርጉበት ወቅት ለውድድሩ የሚጠቅም የአይን መነፅር ፣ የጆር መከላከያ እና ሌሎች መሳሪያዎችን ይጠቀማሉ።

የ 51ዓመቱ አልሞ ተኳሽ ዩሱፍ ዲኬክ ስለ ሁኔታው ተጠይቆ ሲያስረዳ " እኔ አጋዥ መሳሪያ አስፈልጎኝ አያውቅም " ሲል “ አልሞ መተኮስ ከተፈጥሮ የተሰጠኝ ፀጋ ነው " ብሏል።

@tikvahethsport     @kidusyoftahe

" ከጋርዲዮላ ጋር በመልክ ብቻ ነው የምንመሳሰለው " ኢንዞ ማሬስካ

የምዕራብ ለንደኑ ክለብ ቼልሲ ዋና አሰልጣኝ ኢንዞ ማሬስካ ከማንችስተር ሲቲው አሰልጣኝ ፔፕ ጋርዲዮላ ጋር የሚመሳሰሉት በመልክ ብቻ መሆኑን ገልፀዋል።

የፔፕ ጋርዲዮላ ምክትል አሰልጣኝ ሆነው የሰሩት አሰልጣኝ ኢንዞ ማሬስካ “ ፀጉር ስለሌለን እና ተመሳሳይ ፂም ስላለን እንድ አይነት አጨዋወት ይኖረናል ማለት አይደለም “ ብለዋል።

ብዙዎች ከአሰልጣኝ ፔፕ ጋርዲዮላ ጋር ማነፃፀራቸው እንደፈተናቸው የጠቆሙት አሰልጣኙ " የጋርዲዮላን አጨዋወት እወደዋለሁ ነገርግን ከእኔ ጋር አይመሳሰልም “ ሲሉ ተናግረዋል።

" አሁን ላይ ጥሩ ከሚባሉት ሲቲ እና አርሰናል የሚለየን የቆዩ አሰልጣኞች በመያዛቸው ነው " የሚሉት ኢንዞ ማሬስካ " በትክክለኛው መንገድ እንደምንሆን እርግጠኛ ነኝ " ብለዋል።

አሰልጣኙ ቀጥለውም ከቼልሲ ጋር የፕሪሚየር ሊጉን ዋንጫ የሚያሸንፉ ከሆነ ከቡድናቸው ጋር በመሆን እንደ ካርሎ አንቾሎቲ ድላቸውን ማክበር እንደሚፈልጉ ተናግረዋል።

@tikvahethsport     @kidusyoftahe