#Ethiopia  🇪🇹

በጋና አክራ በመካሄድ ላይ በሚገኘው የመላው አፍሪካ ጨዋታዎች ውድድር ላይ እየተሳተፈ የሚገኘው የኢትዮጵያ ልዑክ ቡድን በተለያዩ ርቀቶች ባደረጓቸው ውድድሮች ድሎችን አሳክቷል።

ዛሬ ከተደረጉ ውድድሮች መካከል ፡-

በ 800ሜ ሴቶች ፍፃሜ ውድድር አትሌት ፅጌ ዱጉማ አንደኛ ደረጃን ይዛ በማጠናቀቅ ለሀገራችን የወርቅ ሜዳልያ ማስመዝገብ ችላለች።

በ10,000ሜ ወንዶች ፍፃሜ አትሌት ንብረት መላክ ውድድሩን በበላይነት በማጠናቀቅ የወርቅ እንዲሁም አትሌት ገመቹ ዲዳ ሁለተኛ ደረጃን በመያዝ የብር ሜዳልያዎች አስመዝግበዋል።

ሀገራችን ኢትዮጵያ በውድድሩ እስከ አሁን #በአትሌቲክስ

- አራት የወርቅ ፣

- ሁለት የብር እና

- አንድ የነሀስ ሜዳልያዎችን በማስመዝገብ የአትሌቲክስ የሜዳልያ ሰንጠረዡን በአንደኝነት እየመራች ትገኛለች።

በመላው አፍሪካ ጨዋታዎች ከአትሌቲክስ በተጨማሪም በነጠላ የብስክሌት ውድድር ኪያ ጀማል የብር ሜዳሊያ ማስገኘት ችሏል።

#አጠቃላይ የሜዳሊያ ሰንጠረዡ ምን ይመስላል ?

1ኛ ግብፅ ፡- 165 ሜዳሊያዎች
2ኛ ናይጄርያ ፡- 84 ሜዳሊያዎች
3ኛ ደቡብ አፍሪካ ፡- 95 ሜዳሊያዎች

10ኛ ኢትዮጵያ ፡- ስምንት ሜዳሊያዎች

@tikvahethsport     @kidusyoftahe

ዋልያዎቹ የመጨረሻ ልምምዳቸውን ሰርተዋል !

በቀጣይ የወዳጅነት ጨዋታዎች ያሉበት የኢትዮጵያ ወንዶች ብሔራዊ ቡድን የመጨረሻ ልምምዱን ዛሬ ረፋድ ጨዋታውን በሚያደርግበት አዲስ አበባ ስታዲየም መስራት ችሏል።

ብሔራዊ ቡድኑ የመጨረሻ ልምምዱን ከ3:00 እስከ 4:30 ሰዓት በአዲስ አበባ ስታዲየም የሰራ ሲሆን በልምምድ ወቅት ሁሉም ተጨዋቾች በመልካም ጤንነት ላይ መሆናቸው ታውቋል።

በልምምዱ ላይ የኢትዮጵያ እግርኳስ ፌዴሬሽን ፕሬዝዳንት አቶ ኢሳያስ ጂራ ፣ ምክትል ፕሬዝዳንት ዶ/ር ዳኛቸው ንገሩ እንዲሁም ዋና ስራ አስፈፃሚው አቶ ባህሩ ጥላሁን ተገኝተው ቡድኑን አበረታተዋል።

@tikvahethsport     @kidusyoftahe