#update አዲስ አበባ⬇️

በአዲስ አበባ 6ኪሎ በሚገኘው አንበሳ ጊቢ ውስጥ አምስት አንበሶች መሞታቸዉ ተረጋገጠ።

ለእድሳት በሚል ተዘግቶ የቆየዉ የ6ኪሎ አንበሳ ግቢ መስከረም 2009 ዓ.ም የተጀመረ ቢሆንም 28 ሚሊዮን ብር ወጪ የተደረገበት ግንባታዉ ከ22 በመቶ በላይ ማለፍ አለመቻሉን ማወቅ ተችሏል፡፡

በአንድ አመት ዉስጥ ይጠናቀቃል ተብሎ የተጀመረዉ ግንባታዉ በመንጓተቱ ምክንያትና በእንክብካቤ ማነስ ምክንያት በቅጥር ግቢ ዉስጥ ይኖሩ የነበሩ 15 አንበሶች መካከል አምስቱ መሞታቸዉን #ኢቢሲ አረጋግጫለሁ ብሏል፡፡

📌የአዲስ ዙ ፓርክ ማእከል ዋና ዳይሬክተር ዶ/ር ሙሴ ክፍሌ በበኩላቸዉ በመካነ እንስሳዉ የሞተ አንበሳ የለም ብለዋል፡፡

©ዘሪሁን ግርማ
@tsegabwolde @tikvahethiopia

#NEBE

ለሐረሪ ክልል፣ ለድሬዳዋ ከተማ መስተዳድር፣ ለጋምቤላ ክልል እና ለአማራ ክልል የምርጫ ክልል ኃላፊነት በቂ አመልካቾች አለመቅረባቸውን የኢትዮጵያ ብሔራዊ ምርጫ ቦርድ ገለፀ፡፡

ቦርዱ ለ9ኙ ክልሎችና ለ2ቱ ከተማ አስተዳደሮች የምርጫ ክልል ኃላፊነት ባለሙያዎችን አወዳድሮ ለመመደብ የስራ ማስታወቂያ ማውጣቱ ይታወሳል።

መስፈርቱን ለሚያሟሉ እና በሶስቱ ክልሎች እና በድሬዳዋ ከተማ መስተዳድር መስራት ለሚፈልጉ ባለሙያዎች የማመልከቻ ጊዜው መራዘሙን ቦርዱ ገልጿል፡፡ የማመልከቻ ጊዜው በአንድ ሳምንት በመራዘሙ አመልካቾች ከዛሬ መስከረም 26 ቀን 2012 ዓ.ም ጀምሮ ባሉት 7 ተከታታይ ቀናት ማመልከቻቸውን ማስገባት እንደሚችሉም ቦርዱ አስታውቋል፡፡

Via #ኢቢሲ
@tsegabwolde @tikvahethiopia

#UPDATE

በ4 ነጥብ 5 ቢሊዮን ብር ወጪ በመቐለ ከተማ አስተዳደር እየተገነቡ ካሉ በድምሩ 93 ኪሎ ሜትር ከሚሸፍኑ መንገዶች መካከል 32 ኪሎ ሜትር የሚሸፍኑት 11 መንገዶች ዛሬ ተመርቀው ለአገልግሎት ክፍት ተደርገዋል። መንገዶቹን የመረቁት የትግራይ ክልል ምክትል ርዕሰ መስተዳደር ዶ/ር ደብረፅዮን ገ/ሚካኤል ናቸው። የፌዴሬሽን ም/ቤት አፈ ጉባኤ ወ/ሮ ኬሪያ ኢብራሂም፣ የክልሉ ካቢኔ አባላት እንዲሁም የመቀሌ ከተማ አስተዳደር ም/ከንቲባ ኢንጅነር ኣርአያ ግርማይም በምረቃ ሥነ-ሥርዓቱ ላይ ተገኝተዋል።

#ኢቢሲ
@tikvahethiopiaBot @tikvahethiopia

#የካቲት12

"አሁን ያለው ትውልድ ይቅር መባባልን ከታሪካችን ሊማር ይገባል" - የጥንታዊት ኢትዮጵያ አርበኞች ፕሬዝዳንት

83ኛው የሰማዕታት ቀን አዲስ አበባ 6ኪሎ በሚገኘው የሰማዕታት መታሰቢያ ሐውልት እየተከበረ ይገኛል።

በበዓሉ ላይ የጥንታዊት ኢትዮጵያ አርበኞች ፕሬዚዳንት ልጅ ዳንኤል ጆቴ ዕለቱን አስመልክቶ ባስተላለፉት መልእክት፣ ቀኑ የዛሬ 83 ዓመት በፋሺስት ጣሊያን ወራሪ ጦር መሪ በሆነው ግራዚያኒ ከ30 ሺህ በላይ ኢትዮጵያውያን በግፍ የተገደሉበት ዕለት ነው ሲሉ አስታውሰዋል።

ሆኖም ይህንን ጭፍጨፋ በይቅርታ ዘግተን ወደፊት በመጓዝ እዚህ ደርሰናል፤ አሁን ያለው ትውልድም ይቅር መባባልን ከዚህ ሊማር ይገባል ብለዋል።

አክለውም፣ ወጣቱ ዕለቱን ሲያስብ አባቶቹ በመሥዋትነት ያቆዩለትን አገር በጋራ ለማሳደግ እና ሰላሟን ለመጠበቅ መነሣት ይገባል ሲሉ ተናግረዋል።

ዕለቱ አባት አርበኞች ፣ የአዲስ አበባ ምክትል ከንቲባ የማኅበራዊ ጉዳዮች አስተባባሪ ኢንጂነር እንዳወቅ አብጤ ፣ ሌሎች የክብር እንግዶች፣ የከተማዋ ነዋሪዎች እና የውጭ አገራት ቆንስላ ተወካዮች በተገኙበት ነው እየተከበረ የሚገኘው።

#ኢቢሲ
@tikvahethiopiaBot @tikvahethiopia

አዲስ የመንግሥት ሠራተኞች ውሎ አበል ደንብ ተዘጋጅቶ ለሚኒስትሮች ምክር ቤት ቀረበ!

የኢፌዴሪ ሲቪል ሰርቪስ ኮሚሽን አዲስ የመንግሥት ሠራተኞች ውሎ አበል ደንብ አዘጋጅቶ ለሚኒስትሮች ምክር ቤት ማቅረቡን አስታውቋል።

በኮሚሽኑ የኮሙዩኒኬሽን ዳይሬክቶሬት ዳይሬክተር አቶ አለባቸው ዓለሙ፣ ረቂቅ ደንቡ ካለው ነባራዊ ሁኔታ በመነሣት በጥናት ላይ ተመሥርቶ መዘጋጀቱን አመልክተዋል።

ደንቡ በሚኒስትሮች ምክር ቤት ተመርምሮ ማስተካከያ ከተደረገበት በኋላ፣ ወደ ሕዝብ ተወካዮች ምክር ቤት ተመርቶ ተግባር ላይ እንዲውል የሚደረግ መሆኑም ተጠቁሟል።

#ኢቢሲ
@tikvahethiopiaBot @tikvahethiopia

#UPDATE

በተደራጀ ሁኔታ የኢትዮ-ቴሌኮምን ጨምሮ በሌሎች መንግሥታዊ ተቋማት መሠረተ ልማት ላይ ዝርፊያ ሲፈጽሙ ነበሩ የተባሉ ተጠርጣሪዎች መያዙን የንፋስ ስልክ ላፍቶ ክፍለ ከተማ ፖሊስ ገለጸ።

ፖሊስ ተጠርጣሪዎቹን የያዘው ከንፋስ ስልክ ላፍቶ ክፍለ ከተማ፣ አልማዝየ ሜዳ አካባቢ በደረሰው የኅብረተሰቡ ጥቆማ መሆኑንም አስታውቋል።

ኅብረተሰቡ መሰል የወንጀል ድርጊቶችን ሲመለከት ለፖሊስ ጥቆማ በመስጠት የበኩሉን እንዲወጣ ፖሊስ አሳስቧል።

#ኢቢሲ
@tikvahethiopiaBot @tikvahethiopia

የሆስኒ ሙባረክ ስርዓተ ቀብር ተፈፀመ!

የቀድሞ የግብጽ ፕሬዚዳንት ሆስኒ ሙባረክ ስርዓተ ቀብር በወታደራዊ ስነስርአት በክብር ተፈፀመ፡፡

የቀብር ስነ-ስርዓቱ በካይሮ ከተማ በፊልድ ማርሻል ታንታዊ መስጂድ ሲፈፀም በስፍራው የወቅቱ ግብጽ ፕሬዝዳንት አብዲል ፈታ አልሲሲ፣ ከፍተኛ የመንግስት የስራ ሀላፊዎች፣ የሟች ቤተሰቦች እና ደጋፊዎቻቸው ተገኝተዋል፡፡

የፕሬዚዳንቱ አስከሬን የቤተሰባቸው የመቃብር ቦታ ላይ እንደሚያርፍ የተገለፀ ሲሆን የግብጽ መንግስትም የሶስት ቀን ብሔራዊ የሀዘን ቀን አውጇል፡፡

[#ቢቢሲ #ሮይተርስ #ኢቢሲ]
@tikvahethiopiaBot @tikvahethiopia

#ExciseTax

ከኤክሳይዝ ታክስ ጋር ተያይዞ ያልተገባ የኑሮ ጫና ለመፍጠር በሚሞክሩ አካላት ላይ ተገቢ ክትትል አንደሚያደርግ የገቢዎች ሚኒስቴር አስታወቀ።

የገቢዎች ሚኒስቴር ዛሬ በሰጠው ጋዜጣዊ መግለጫ፣ በኤክሳዝ ታክስ ምክንያት በመሰረታዊ የምግብ ፍጆታ ላይ የተጨመረ ዋጋ የለም ብሏል።

ሲሲያቸው 1 ሺህ 3 መቶ የሆኑ አዳዲስ ተሽከርካሪዎች ላይ የኤክሳይስ ታክስ እንዲቀንስ ከመደረጉ በተጨማሪ የግብርና ግብአቶችና ምርቶች፣ የቆዳ እና ሌጦ ምርቶች እንዲሁም የቴሌኮሙኒኬሽን እቃዎች ከቀረጥ ነፃ እንዲሆኑ መደረጉ ተገልጿል።

እንዲያም ሆኖ ግን አሁን በገበያ ላይ ያልተገባ የዋጋ ጭማሪ እየተደረገ በመሆኑ ይህንን ለመፍታት ከባለድርሻ አካላት ጋር የጋራ ግብረ ኃይል ተቋቁሞ እየተሰራ እንደሆነ የገቢዎች ሚኒስትር አዳነች አቤቤ ገልጸዋል።

#ኢቢሲ
@tikvahethiopiaBot @tikvahethiopia

#COVID19 #ETHIOPIA

በኢትዮጵያ እስካሁን ድረስ የኮሮና ቫይረስ አለመከሰቱን የኢትዮጵያ ህብረተሰብ ጤና ኢንስቲትዩት ዛሬ በሰጠው መግለጫ ገልጻል፡፡

የኢንስቲትዩቱ ዳይሬክተር ዶ/ር ኤባ አባተ ዛሬ በሰጡት መግለጫ በሽታው ወደ አገሪቱ እንዳይገባ በመግቢያ በሮች ያሉ የቁጥጥር ስራዎች ተጠናክሮ መቀጠሉን አስታውቀዋል፡፡

አየር መንገዱን ጨምሮ በ29 የየብስ መንገዶች ላይ በሽታውን የመለየት ስራ ተጠናክሮ መቀጠሉ የተነገረ ሲሆን፣ በቅርቡም በአፋር በኩል የሙቀት መጠን ልየታ ተጀምሯል ተብሏል፡፡

በትላንትናው ዕለት የኮሮና ቫይረስ ወደ ኢትዮጵያ እንዳይገባ ከሚመለከታቸው አካላት ጋር ውይይት እንደተደረገ ነው የተገለፀው፡፡ህብረተሰቡም በአሁኑ ሰዓት በተለያዩ ወሬዎች ሽብር ውስጥ እንዳይገባ ዶ/ር ኤባ አሳስበዋል፡፡

#ኢቢሲ
@tikvahethiopiaBot @tikvahethiopia

#ItsMyDam #ItsOurDam #GERD

በመጪው ክረምት በሕዳሴ ግድቡ የውሃ መሙላት እንደሚጀመር እና የግድቡ ግንባታ በተያዘለት ጊዜ መሰረት እንደሚቀጥል የውኃ፣ መስኖ እና ኢነርጂ ሚኒስቴር አስታውቋል፡፡

የውኃ፣ መስኖ እና ኢነርጂ ሚኒስትር ዶ/ር ኢንጂነር ስለሺ በቀለ በግድቡ ሁለት ተርባይኖች የሚጀመረው የቅድመ ሀይል ማመንጨት ስራም በተያዘለት እቅድ መሰረት እንደሚጀመርም አስታውቀዋል፡፡

ታላቁ የኢትዮጵያ ሕዳሴ ግድብ ግንባታ ያለበትን ደረጃ እና ሂደት እንዲሁም የድርድር ሁኔታ ላይ በጠቅላይ ሚንስትር ፅ/ቤት መግለጫ ተሰጥቷል፡፡

በመግለጫው ላይ የተገኙት የውጭ ጉዳይ ሚንስትሩ አቶ ገዱ አንዳርጋቸው በበኩላቸው አሜሪካ የግድቡን ሙሌት በተመለከተ ያወጣችው መግለጫ ፈፅሞ ተቀባይነት የሌለው መሆኑን አስታውቀዋል፡፡

አሜሪካ የተፋሰሱ አገራት በራሳቸው ወደ ስምምነት እንዲደርሱ ግፊት በማድረግ በጎ ሚናዋን ብቻ እንድትወጣ ኢትዮጵያ እንደምትፈልግ እና በሌላ ተፅዕኖ የሚሆን ነገር እንደሌለም ሚንስትሩ አረጋግጠዋል።

#ኢቢሲ
@tikvahethiopiaBot @tikvahethiopia

አጭር መረጃ ስለሞጆ-ሀዋሳ የፍጥነት መንገድ!

- የሞጆ ሀዋሳ የፍጥነት መንገድ አካል የሆነው የመጀመሪያ ምዕራፍ ግንባታ 88 በመቶ ተጠናቋል።

- ከሞጆ መቂ ከሚዘልቀው 56 ኪሎ ሜትር ውስጥ የ50 ኪሎ ሜትሩ የግንባታ ሂደቱ ተጠናቋል።

- የሞጆ – ሀዋሳ የፍጥነት መንገድ 202 ኪሎ ሜትር የሚሸፍን ሲሆን 13 ነጥብ 8 ቢሊየን ብር በጀት ተይዞለታል።

- የመጀመሪያው ምዕራፍ ግንባታ ከአምስት ወራት በኋላ ይጠናቀቃል ተብሎ ይጠበቃል።

#ኢቢሲ
@tikvahethiopiaBot @tikvahethiopia

የመኪና ሥርቆት ወንጀል በአዲስ አበባ፦

በአዲስ አበባ በተለያዩ ክፍለ-ከተሞች የመኪና ሥርቆት ወንጀል የፈፀሙ ተጠርጣሪዎችን ይዞ ምርመራ እያጣራ መሆኑን የአዲስ አበባ ፖሊስ ኮሚሽን አስታውቋል፡፡

ከቅርብ ጊዜ ወዲህ በመዲናዋ አዲስ አበባ የመኪና ሥርቆት ወንጀሎች እየተበራከቱ መጥተዋል የሚሉ ጥቆማዎችን መነሻ በማድረግ ፖሊስ የምርመራ ቡድን በማዋቀር ጠንካራ ስራዎችን ሲያከናውን መቆየቱን በኮሚሽኑ የከባድ ሌብነትና ዘረፋ ወንጀሎች ምርመራ ዳይሬክቶሬት ዳይሬክተር ኮማንደር አለማየሁ አያልቄ ገልፀዋል፡፡

ኮማንደር አለማየሁ እንዳሉት ባለፉት ስድስት ወራት ብቻ ወደ 31 የሚጠጉ የመኪና ስርቆት ወንጀሎች የተመዘገቡ ሲሆን ሁሉም ተጠርጣሪዎች ከነ ኤግዚቢቶቻቸው በቁጥጥር ስር ውለዋል፡፡

#ኢቢሲ
@tikvahethiopia @tikvahethiopiaBot

ጠቅላይ ሚንስትሩ ዳውሮ ዞን ታርጫ ከተማ ገብተዋል!

የሰላም ሚኒስትር ወ/ሮ ሙፈሪያት ካሚልን ጨምሮ ሌሎች ከፍተኛ የመንግስት የስራ ኃላፊዎችም ከጠቅላይ ሚኒስትር ዐቢይ አህመድ ጋር በታርጫ ተገኝተዋል።

ጠቅላይ ሚኒስትር ዐቢይ በከተማዋ ከተለያዩ የህብረተሰብ ክፍሎች ጋር የሚወያዩ ሲሆን በስታዲየም ለተሰበሰቡ ነዋሪዎችም ንግግር ያደርጋሉ።

#ኢቢሲ #ዳውሮቲዩብ
@tikvahethiopiaBot @tikvahethiopia

#Forbes

የፎርብስ መጽሔት የአፍሪካ እትም የሆነው ፎርብስ አፍሪካ ፕሬዝዳንት ሣህለ ወርቅ ዘውዴን ከ50 ተጽዕኖ ፈጣሪ የአፍሪካ ሴቶች አንዷ አድርጎ መርጧቸዋል፡፡

መጽሔቱ ከፕሬዝዳንት ሣህለ ወርቅ በተጨማሪ የሶልሬብልስ ኩባንያ መሥራችና ዋና ሥራ አስፈጻሚ ወ/ሮ ቤተልሔም ጥላሁንንም ከ50ዎቹ ተጽዕኖ ፈጣሪ የአፍሪካ ሴቶች መካከል አድርጎ መርጧታል፡፡

#ኢቢሲ
@tikvahethiopiaBot @tikvahethiopia

#UPDATE

የምስራቅ አፍሪካ የልማት በይነ መንግስታት ኢጋድ በሱዳን ጠቅላይ ሚንስትር አብደላህ ሀምዶክ ላይ የተቃጣውን የግድያ ሙከራ አውግዟል፡፡ የኢጋድ ዋና ፀሀፊ የሆኑት ዶክተር ወርቅነህ ገበየው በሰጡት መግለጫ በጠቅላይ ሚንስትሩ ላይ የተሞከረው የግድያ ሙከራን አውግዘዋል፡፡

#ኢቢሲ
@tikvahethiopiaBot @tikvahethiopia

#COVID19

በኢትዮጵያ እስካሁን በኮሮና ቫይረስ የተጠቃ ሰው ባይኖርም በሽታውን ለመከላከል ማኅበረሰቡ የግል ንጽሕናውን በአግባቡ በመጠበቅ የራሱን ቅድመ ጥንቃቄ ማድረግ እንደሚገባው የኢትዮጵያ ሕብረተሰብ ጤና ኢንስቲትዩት አስታውቋል።

በሽታው ወደ ሀገር ቢገባ ከሚደረጉ ቅድመ ጥንቃቄዎች መካከል የተለያዩ ማእከላትን ግብዓት በማሟላት አስፈላጊ ዝግጅቶች እየተደረጉ መሆኑንም የኢትዮጵያ ሕብረተሰብ ጤና ኢንስቲትዩት ዋና ዳይሬክተር ዶክተር ኤባ አባተ ተናግረዋል።

በአሁን ሰዓት የቫይረሱ ምልክት ታይቶባቸው በማቆያ ማእከላት ውስጥ አምስት ግለሰቦች የሚገኙ ሲሆን፣ ከዚህ ቀደም በማእከሉ ክትትል ሲደረግባቸው የነበሩ ከ900 በላይ ሰዎች ክትትላቸውን ጨርሰው መውጣታቸውንም ዋና ዳይሬክተሩ አስታውቀዋል።

#ኢቢሲ #የህብረተሰብጤናኢንስቲትዩት
@tikvahethiopiaBot @tikvahethiopia

#UPDATE

የኢፌዴሪ የሕዝብ ተወካዮች ምክር ቤት የኢትዮጵያ ፕሬስ ድርጅትን በአዲስ መልክ ለማዋቀር በወጣው አዋጅ መሠረት ለተቋሙ የቦርድ አባልነት የቀረቡ አዳዲስ እጩ ተሿሚዎችን በአብላጫ ድምፅ አፅድቋል።

በዚሁ መሠረት፦

1. አወሉ አብዲ - ሰብሳቢ
2. አበበች ሺከታ
3. ዶ/ር አጋረደች ጀማነህ
4. ማንያዘዋል እንደሻው
5. ዳንኤል ክብረት
6. ኦባንግ ሜቶ
7. ዶ/ር ወዳጄነህ መሐረነ
8. ዶ/ር ኮንቴ ሙሳ
9. ጌትነት ታደሰ አባል

#ኢቢሲ
@tikvahethiopiaBot @tikvahethiopia

#COVID19

ትላንት ጎረቤታችን ሱዳን ውስጥ አንድ ግለሰብ ህይወቱ አልፏል ፤ ይህ ግለሰብ በኮሮና ቫይረስ ተይዞ እንደነበረ ሀገሪቱ አስታውቃለች፡፡

ህይወቱ ያለፈው ግለሰብ በዚህ ወር የተባበሩት አረብ ኢሚሬትስን ጎብኝቶ እንደነበረ ነበረና ሀሙስ እለት ህይወቱ ማለፉ ነው የታወቀው፡፡

በ50ዎቹ ዕድሜ ውስጥ የነበረው ግለሰብ በሱዳን ዋና ከተማ ካርቱም ውስጥ መሞቱን የአገሪቱ የጤና ጥበቃ ሚኒስትር በሰጠው መግለጫ አስታውቋል፡፡

#ሮይተርስ #ኢቢሲ
@tikvahethiopiaBot @tikvahethiopia

#UPDATE

በኮቪድ-19 ወረርሽኝ ምክንያት የተቋረጠው የቤተክርስቲያን አገልግሎት ጥንቃቄ በተሞላበት መንገድ እንዲቀጥል የኢትዮጵያ ኦርቶዶክስ ተዋህዶ ቤተክርስቲያን መወሰኑን #ኢቢሲ ዘገበ።

ብፅዕ ወቅዱስ አቡነ ማትያስ የኢትዮጵያ ኦርቶዶክስ ተዋህዶ ቤተክርስቲያን ፓትርያርክ እንደገለፁት በቤተክስትያኗ አጥቢያዎች የሚሰጠው አገልግሎት መቋረጡ በምዕምኑ መንፈሳዊ ህይወት ላይ ችግር ማስከተሉን አብራርተዋል፡፡

እናም ፍፁም ጥንቃቄ በተሞላበት መንገድ አገልግሎቱ እንዲቀጥል ሲኖዶሱ መወሰኑን ተናግረዋል።

@tikvahethiopiaBot @tikvahethiopia