#ድሬ

ከቀናት በፊት ድሬዳዋ ' አሸዋ ገበያ ' ስፍራ እጅግ በጣም የከፋ የእሳት አደጋ ደርሶ እንደነበር ይታወቃል።

በአደጋው በርካታ ነጋዴዎች አንድም ሳይቀር ነገር ሳይቀር ንብረታቸው ወድሟል።

አሁን ላይ የድሬዳዋ ከተማ አስተዳደር ተጎጂዎች እንዲረዱ ለማድረግ " ድሬዳዋ ትጣራለች !! " በሚል ዘመቻ ጀምሯል።

ለተጎጂዎች ድጋፍ ማድረጊያ የሒሳብ ቁጥርም ይፋ ተደርጎ ድጋፍ እየተሰባደበ ነው። የሒሳብ ቁጥሮቹ  ፦
• ንግድ ባንክ ፦ 1000637750201
• ዳሽን ባንክ ፦ 5009786342011
• አዋሽ ባንክ ፦ 013211367855100
• የኦሮሚያ ኅብረት ሥራ ባንክ ፦ 1001300318808 ሲሆኑ ' BESAT ADEGA LETEGODU WOG DIGAF MAS ' ይላል።

በሌላ በኩል ፤ የስልጤ ልማት ማኅበር እና የስልጤ ዞን አስተዳደር ምክር ቤት ለተጎጂዎች እያንዳንዳቸው 1 ሚሊዮን ብር (በድምሩ 2 ሚሊዮን ብር) ድጋፍ ማድረጋቸው ተነግሯል።

#DireDawa

@tikvahethiopia

ጊምቦ ላይ ምን ሆነ ?

" በአካባቢው የሚታየው እንቅስቃሴ አሳሳቢ ነው " - እናት ፓርቲ

ከሰሞኑን በደቡብ ምዕራብ ኢትዮጵያ ክልል፣ ካፋ ዞን ጊምቦ ወረዳ፣ ሾምባ ቲጭብ ቀበሌ አለመረጋጋት ተቀስቅሶ ነበር።

ይህንን ሁኔታ በተመለከተ እናት ፓርቲ ለቲክቫህ ኢትዮጵያ መግለጫ ልኳል።

እናት ፓርቲ ምን አለ ?

- በጊምቦ ወረዳ የተፈጸመ የግድያ ወንጀልን ተከትሎ በአማራ ማህበረሰብ እና በካፋ ማህበረሰብ መካከል ግጭት እንዲቀሰቀስ የሚሰሩ ኃይሎች አሉ። እጃቸውን ሊሰበስቡ ይገባል።

- የአማራ እና ካፋ ማህበረሰብ ለዘመናት ተዋልዶና ተፋቅሮ የኖረ ማህበረሰብ ነው። " ከእስር ቤት አምልጦ ወጣ የተባለ ግለሰብ " ፈጸመው የተባለውን ግድያ ተከትሎ ድርጊቱን የብሔር ቅርጽ ለማስያዝ እየሰሩ የሚገኙ በዞንና ወረዳ ደረጃ የሚገኙ አንዳንድ አመራሮች እጃቸውን ሊሰበስቡ ይገባል።

- ከሰኔ 29 ቀን 2016 ዓ/ም ጀምሮ በአካባቢው የሚታየው እንቅስቃሴ አሳሳቢ ነው።

- ሾምባ ቲጭብ ቀበሌ ሁለት ቤቶች እንዲሁም ቢሪ አርሴማ በተባለ አካባቢ አምስት ቤቶች በጥቅሉ ሰባት የአማራ ማኅበረሰብ መኖሪያ ቤቶች እንዲሁም ሶስት ባጃጆች ተቃጥለዋል። ድርጊቱን የፈጸሙት የተደራጁ ወጣቶች ናቸው።

- በተለያዩ ቀበሌዎች የጸጥታ አካላት የአማራውን ማኅበረሰብ ነጥለው እያሰሩ ነው።

- የአማራና ከፋ ማህበረሰብ ለዘመናት ተዋልዶ፣ ተፋቅሮና ተጋምዶ የኖረ ማህበረሰብ ነው ፤ በማህበረሰቡ መካከል ምንም ችግር እንደሌለ ነዋሪዎች ገልጸዋል።

- " አንዳንድ የማህበረሰብ አንቂ ነን" የሚሉ ግለሰቦች ብልሹ ሥነ ምግባር ካላቸው የዞንና ወረዳ አመራሮች ጋር በመቀናጀት ' አማራ መሬታችንን ለቆ ይውጣ ' የሚል ዘመቻ ጀምረዋል።

- የክልሉ መንግሥት፣ የዞንና ወረዳ አመራሮች ተናበው ለተፈጠረው ችግር አስቸኳይ እልባት እንዲሰጡ ተጠይቋል።

- ነዋሪዎች አሁንም በከፍተኛ ስጋት ውስጥ ስለሚገኙ እየተፈጸመ የሚገኘው የጅምላ እስር፣ የቤት ቃጠሎና የንብረት ውድመት በአስቸኳይ እንዲቆም ተጠይቋል።

- አርሶ አደሩ እርሻ ላይ ተጠምዶ በሚገኝበት በዚህ ሰአት በፍቅር አብሮ እየኖረ በሚገኘው የአማራና ካፋ ማህበረሰብ መካከል ግጭት እንዲፈጠር እየተንቀሳቀሱ የሚገኙ  እንዲሁም በማህበራዊ ድረ ገጽ የጥላቻ ጽሑፍ በማሰራጨት የተጠመዱ አካላት እጃቸውን ሊሰበስቡ ይገባል።

" በርካታ ወጣቶች ታስረዋል ፤ የእርሻ ስራ ለመስራትም ፍርሀት ውስጥ ነን " - የአካባቢው ወጣቶች

ቲክቫህ ኢትዮጵያ የእናት ፓርቲ መግለጫ ተንተርሶ የጊምቦ ወረዳ ወጣቶችን አነጋግሯል።

ወጣቶቹ አለመረጋጋት የተፈጠረው ከእስር ቤት ያመለጠ አንድ ግለሰብ በጊምቦ ወረዳ ውስጥ የአንድ ሰው ነብስ አጥፍቶ በመደበቁ እንደሆነ አመልክተዋል።

አሁን ላይ ምንም እንኳን አካባቢው በአንጻራዊነት ሰላም ቢሆንም ፖሊስ ወጣቶችን እያሰረ መሆኑን ተከትሎ በፍርሀት ውስጥ መሆናቸውን አስረድተዋል።

በተለይ አለመረጋጋት በነበረባቸው ቀበሌያት ያሉ ወጣቶች ፖሊስ አሰሳ እያደረገ እና በርካታ ወጣቶችን ሲያስር በመመልከታቸው ምክንያት ወቅታዊውን የእርሻ ስራ ለመስራት ፍርሀት ውስጥ እንዳስገባቸው ገልጸዋል።

" አካባቢው ወደቀደመ ሰላሙ ተመልሷል " - የክልሉ መንግሥት ኮሚኒኬሽን

ቲክቫህ ኢትዮጵያ የወጣቶችን ፍርሀት እንዲሁም የአካባቢውን ነባራዊ ሁኔታ በተመለከተ የደቡብ ምእራብ ኢትዮጵያ መንግስት ኮሚዩኒኬሽን ቢሮ ዳይሬክቶሬት ዳይሬክተሩ አቶ የሽዋስ አለሙን አነጋግሯል።

እሳቸውም " አሁን ላይ የጸጥታ ሀይሎች በወሰዱት እርምጃ  አካባቢዉ ወደቀደመ ሰላሙ ተመልሷል " ብለዋል።

ከዚህ ባለፈም " ከእስር አምልጦ ሰው በመግደል አካባቢውን ሲበጠብጥ ነበር " ያሉት ግለሰብ ከአድማ ብተና እና ከክልሉ ፖሊስ ጋር በተደረገ የተኩስ ልውውጥ መገደሉን ገልጸዋል።

የወጣቱን ፍርሀት በተመለከተ በወቅቱ ችግር ለመፍጠር የሞከሩትን ሰዎች ለመያዝ አንዳንድ እንቅስቃሴ መኖሩን ገልጸው ከዛ ውጭ ግን በጥርጣሬ የተያዙ ካሉ ተጣርተው እንደሚለቀቁና ፍርሀት ውስጥ መግባት እንደማይጠበቅባቸዉ አሳውቀዋል።

#TikvahEthiopiaFamilyHW

@tikvahEthiopia

#NationalExam

አገር አቀፉ የ12ኛ ክፍል መልቀቂያ ፈተና ዛሬ መሰጠት ጀምሯል፡፡

ፈተናው በኦንላይን እና በወረቀት ነው እየተሰጠ ያለው።

የመጀመሪያ ዙር ብሔራዊ ፈተና ከሐምሌ 3 እስከ 5/2016 ዓ.ም ለማኅበራዊ ሳይንስ ተማሪዎች እንደሚሰጥ ይታወቃል።

ትላንት ሐምሌ 2 በቀድሞ ትምህርት ካሪኩሉም ትምህርታቸውን የተከታተሉ የትግራይ ክልል ተማሪዎች አገር አቀፍ የ12ኛ ክፍል መልቀቂያ ፈተና መጀመራቸው ይታወሳል።

Via @tikvahuniversity

#AddisAbaba

የአዲስ አበባ ከተማ አስተዳደር በቅርቡ በተገነቡት መሰረተ ልማቶች ላይ ቆሻሻ የጣሉ ፣ ከተፈቀደላቸው መንገድ ውጪ የሄዱ እንዲሁም በመንገድ አካፋዮች ላይ የተተከሉ ዛፎችን ' በግዴለሽነት ' በተሽከርካሪ በመግጨት ጉዳት ያደረሱ አካላት መቀጣታቸውን አሳውቋል።

3 ተቋማት ከተፈቀደ ቦታ ውጪ ቆሻሻ በመጣል እንደየጥፋት ደረጃቸው 100 ሺሕ ፣ 50 ሺ እና 20 ሺሕ ብር ተቀጥተዋል።

5 አሽከርካሪዎች በመንገድ አካፋይ ላይ የተተከሉ ዘንባባ ዛፎችን ገጭተው በመጣላቸው እንደየጥፋት ደረጃቸው ከ150 እስከ 300 ሺሕ ብር መቀጣታቸውን አሳውቋል።

11 ሰዎች ደግሞ ከተፈቀደው የእግረኞች መንገድ ውጪ በመሄዳቸው ከ150 እስከ 1000 ብር እንደተቀጡ ገልጿል።

ነዋሪዎች የተገነቡትን መሰረተ ልማቶች እንዲጠብቁ እና እንዲንከባከቡ ራሳቸውንም ከቅጣት እና ከትራፊክ አደጋ እንዲከላከሉ ጥሪ አቅርቧል።

(የቅጣት ደረሰኞቹ ከላይ ተያይዘዋል)

#AddisAbaba #MayorOffice

@tikvahethiopia

#EthioTelecom

ኢትዮ ቴሌኮም የ2016 ዓ/ም በጀት ዓመት የስራ አፈፃፀም ሪፖርትን በዛሬው እለት አቅርቧል።

የተቋሙ ዋና ስራ አስፈፃሚ ፍሬህይወት ታምሩ ሪፖርቱን በማቅረብ ገለፃ አድርገዋል።

በዚህም ተቋሙ አጠቃላይ ዓመታዊ ገቢውን ከአምናው ተመሳሳይ ወቅት በ21.7% ወይም በ16.7 ቢሊዮን ብር በማሳደግ 93.7 ቢሊዮን ብር ገቢ ማግኘቱን አስታውቋል።

21.79 ቢሊዮን የተጣራ ትርፍ ነው።

የእቅዱን 103.6% ማሳካቱንም አሳውቋል።

ተቋሙ የቴሌኮም ደንበኞቹንቁጥር ከአምና ተመሳሳይ ወቅት በ8.9% በማሳደግ 78.3 ሚሊዮን አድርሶ የእቅዱን 100.4% ማሳካቱን ገልጿል።

ቴሌኮሙ በበጀት አመቱ የቴሌኮም እና የዲጂታል መሰረተልማት አቅምን ለማሳደግ ምን ሰራ ?

- የ4G ኔትወርክ አገልግሎትን ወደ 124 ተጨማሪ ከተሞች እና ወረዳዎች በማስፋፋት በአጠቃላይ 4G ተደራሽ የሆነባቸውን ከተሞች ቁጥር ከ300 ወደ 424 ማሳደጉን ገልጿል።

- በተጨማሪም በ79 የሞባይል ጣቢያዎች ላይ የ5G የኔትወርክ ማስፋፊያ ስራ በማከናወን የ5ጂ ጣቢያዎችን ቁጥር ወደ 189 ማድረስ እንደቻለ ጠቁሟል።

- አዲስ አበባን ጨምሮ 5 የከልል ዋና ከተሞችን የ5G ተጠቃሚ ማድረግ የተቻለ ሲሆን ተጨማሪ 4 ከተሞችን የ5G ተጠቃሚ ለማድረግ የትግበራ ስራ በመጠናቀቅ ላይ ይገኛል ተብሏል።

የዲጂታል ገንዘብ ዝውውር እና የተቋሙ የሞባይል ገንዘብ ቴሌብር አፈፃፀም ምን ይመስላል ?

- ቴሌኮሙ የቴሌብር ደንበኞቹን ብዛት 47.55 ሚሊዮን በማድረስ የእቅዱን 107.8% ማሳካቱን አሳውቋል።

- የገንዘብ ዝውውርን በቴሌብር ዲጂታላይዝ በማድረግ በበጀት አመቱ 1.81 ትሪሊዮን የኤሌክትሮኒክ ገንዘብ ዝውውር በቴሌብር
ተከናውኗል።

- አገልግሎቱ ከተጀመረ (May 11, 2021) ጀምሮ አጠቃላይ በኢኮኖሚው ላይ 2.55 ትሪሊየን የኤሌክትሮኒክ ገንዘብ ማንቀሳቀስ ተችሏል፡፡

#TikvahEthiopiaFamilyAA

@tikvahethiopia