#Axum

Save the Children ዛሬ በላከልን መግለጫ በአክሱም ከ3 ወራት ወዲህ የመጀመሪያ እርዳታ ማከፋፈሉን አሳውቆናል።

በዕርዳታው በከተማው የሚገኙ እና በሺዎች የሚቆጠሩ ተፈናቃይ ህፃናትና ቤተሰቦቻቸው ምግብ፣ መጠለያና የንፅህና መጠበቂያዎችን እንዳገኙ ገልጿል።

አክሱም በቅርብ ጊዜ በተፈጠረው ግጭት የተፈናቀሉ በርካታ ተፈናቃዮችን ያስጠለለች ሲሆን ከ6 ሺህ የሚልቁ ተፈናቃዮች በተጣበቡ ትምህርት ቤቶች ፣ ጊዜያዊ መጠለያ ጣቢያዎችና በአከባቢው ነዋሪዎች ቤት ተጠልለው ይገኛሉ።

የSave the Children ልገሳ ለተፈናቃዮች መሰረታዊ የምግብ፣ መጠለያ እና ሌሎች አቅርቦቶችን ያካተተ ነው።

Save the Children በአክሱም በየካቲት መባቻ እጅግ አስፈላጊ ድጋፍ ማቅረብ ከጀመረ አንስቶ ለቀናት እህል ያልቀመሱና በሆስፒታሎች ባለው እጅግ ውስን የህክምና አቅርቦቶች የተነሳ አስፈላጊ የጤና አገልግሎቶች ማግኘት ያልቻሉ ቤተሰቦችን አግኝተዋል።

ድርጅቱ በእስካሁኑ የምግብ እና ሌሎች እርዳታ ለ1,063 ቤተሰቦች ወይም 4,368 ሰዎችም መድረስ እንደቻለ ቢገልፅም አሁብም ተጨማሪ ድጋፍ ያስፈልጋል ብሏል።

* ከSave the Children የተላከልን ዝርዝር መግለጫ ከላይ የያይዟል።

@tikvahethiopiaBot @tikvahethiopia

#Tigray #Axum

አክሱምን ለጎብኚዎች ክፍት ለማድረግ ያቀደ ሀገር አቀፍ ኮንፍረንስ በአክሱም ከተማ እየተካሄደ ይገኛል።

ኮንፈረንሱ ከትላንት የጀመረ ሲሆን ዛሬ ይጠናቀቃል።

ይኸው ኮንፈረንስ በኢኒሼቲቭ አፍሪካ (IA) እና Centre for International Private Enterprise (CIPE) አስተባባሪነት የተዘጋጀ ሲሆን በትግራይ በተከሰተው ጦርነት ሳቢያ ለሁለት አመታት ተቋርጦ የነበረውን የአክሱም ቱሪዝም ለማነቃቃት ያለመ ነው።

በመድረኩ ከትግራይ ክልል ጊዜያዊ አስተዳደር፣ ከግሉ ዘርፍ፣ የቱሪዘም ሴክተር ባለድርሻ አካላት እና ባለሃብቶች እየተሳተፉ ይገኛሉ፡፡ 

በመድረኩ በጦርነቱ ሳቢያ በቅርሶች ላይ ስለደረሰው ጉዳት እና ቱሪዝምን ለማነቃቃት ምን መደረግ አለበት በሚለው ዙሪያ በአክሱም ዩኒቨርስቲ የተሰራ የዳሰሳ ጥናት ቀርቧል፡፡

በዚህ ኮንፍረንስ በግሉ ዘርፍ እና በመንግስት በኩል ምን ለማስራት ታቅዷል በሚለው ዙሪያ የፓናል ውይይት ይካሄዳል፡፡

Credit - Daniel (Tikvah Family)

@tikvahethiopia

#Axum #EthiopianAirlines

የአክሱም ኤርፖርትን ለመጠገን የእቃዎች ግዥ መጀመሩ ተነግሯል።

ትግራይ ባስተናገደችው አስከፊው ጦርነት ወቅት ክፉኛ የወደመው የአክሱም ኤርፖርት እስካሁን ተጠግኖ ወደስራ አልተመለሰም።

የአክሱም ህዝብ ኤርፖርቱ ባለመጠገኑ ዘርፈ ብዙ ችግሮች እየተከሰቱ ነው።

በተለይም የተለያዩ አልባሳትን፣ ባህላዊ ጌጦችን እያዘጋጁ የሚሸጡ፣ ከቱሪዝም ገቢ የሚያገኙ ወገኖች ኤርፖርቱ ስለሌለ ስራ መስራት እንዳልቻሉ ገልጸዋል።

በንግድ ዘርፍ ላይ ያሉ ወገኖች ብዙ ደክመው የሚያዘጋጇቸውን ቁሳቁሶች እና ባህላዊ አልባሳት የሚገዛቸው እንዳጡ አመልክተዋል።

ከሰሞኑን የኢትዮጵያ አየር መንገድ ልዑክ ከኣክሱም ነዋሪዎች ጋር ምክክር አድርጎ ነበር። በዚህም ወቅት የአክሱም ኤርፖርት ጥገና ዋነኛው አደጀንዳ እንደነበር ታውቋል።

በኢትዮጵያ አየር መንገድ ዋናው መ/ቤት የክልሎች የጥገና ሂደት አስተባባሪ አቶ ተወልደ ግርማይ ፤ አየር መንገዱ ለኤርፖርቱ ጥገና የሚያስፈልጉትን ቁሳቁሶች መገብየት እንደጀመረ አሳውቀዋል።

አቶ ተወልደ ፤ " ምን አለ ? ምን ቀረ ? የሚለውን ለይተን ኤርፖርቱን ለመጠገን የሚያስፈልጉን መሳሪያዎች በመግዛት ላይ ነን። በግዢ ሂደት ላይ ያሉ አሉ። " ብለዋል።

ጥገናው ለህዳር ጽዮን በዓል ይደርሳል ?

ጥገናው ለህዳር ጽዮን ማርያም በዓል አይደርስም ተብሏል።

በየአመቱ ኣክሱም ከተማ የሚከበረው የህዳር 21 ጽዮን በዓል በተለይም ከጦርነት በፊት እጅግ ብዙ ሺህ ሰዎች ከሀገር እና ከውጭ ይገኙበት እንደነበር ይታወሳል።

አሁን ላይ ያለው የሰላም ሁኔታም እጅግ በርካታ ሰዎች ወደ ከተማው በብዛት እንዲገቡ እድል የሚፈጥር ነው።

ነገር ግን እስከ በዓሉ ድረስ ያሉት ውስን ቀናት ስለሆነ የኣክሱም ኤርፖርት ተጠግኖ የመጠናቀቅ እድል የለውም ተብሏል።

አቶ ተወልደ ግርማይ ፤ " የህዳር ጽዮን በዓልን ለማድመቅ የሽረ እንደስላሰ ኤርፖት አስፈላጊ በሆነ መሳሪያዎች እንዲሁም የቦይንድ አውሮፕላን የሚያርፉባቸው ስፍራዎች ለማስተካከል፣ ለማጠናከር እና ለማስፋፋት ባለሞያዎች ተሰማርተዋል " ብለዋል።

ቲክቫህ ኢትዮጵያ መረጃውን ከቴሌቪዥን ትግራይ ነው ያገኘው።

@tikvahethiopia

#Axum

" እንደኛ ፍላጎትማ #ለህዳር_ጽዮን እንዲደርስ ነበር ... እርግጠኛ ሆኜ የምናገረው ግን የአክሱም ኤርፖርታችን ክረምት ከመግባቱ በፊት ስራውን ይጀምራል " - አቶ ለማ ያዴቻ

የኢትዮጵያ አየር መንገድ በጦርነት ምክንያት እጅግ ከፍተኛ ውድመት የደረሰበት የአክሱም አውሮፕላን ማረፊያ ክረምት ከመግባቱ በፊት ስራውን እንደሚጀምር አሳውቋል።

በተለይም የአክሱም ነዋሪዎች፣ እንዲሁም የተለያዩ የሀገር ውስጥ እና የውጭ ቱሪስቶች ፣ በጦርነት የወደመው የአክሱም ኤርፖርት መቼ ስራ ይጀምራል የሚል ጥያቄ አላቸው።

ከዚህ ቀደም ከተሰጠው ማብራሪያ በኃላ
(https://t.iss.one/tikvahethiopia/82211?single) የጥገናው ስራ ከምን ደረሰ የሚለው የብዙሃን ጥያቄ ነው።

የኢትዮጵያ አየር መንገድ የንግድ ዘርፍ ዋና ኃላፊ ለማ ያደቻ ፤ የአውሮፕላን ማረፊያውን ወደ ስራ ለማስገባት ጥረት ሲደረግ መቆየቱን ነገር ግን በተለያዩ ምክንያቶች ስራውን ማከናወን እንዳልተቻለ ተናግረዋል።

አቶ ለማ ፤ " እንደሚታወቀው የመንግሥት የግዢ ስርዓት አለ፤ ጨረታ ወጥቶ በስነስርዓት evaluate ተደርጎ ጨረታው መሰጠት ያለበት " ብለዋል።

" እንደኛ እንደ ኢትዮጵያ አየር መንገድ ፍላጎት ቢሆን ኖሮ ለህዳር ጽዮን እናደርስ ነበር ፤ መሬት ላይ ያለው የግዢ ስርዓት የጨረታው ስርዓት ለዛ ጊዜ አላደረሰንም " ሲሉ ተናግረዋል።

የአውሮፕላን ማረፊያው መቼ ነው ወደ አገልግሎት የሚመለሰው ? ለሚለው ጥያቄም አቶ ለማ " ኤርፖርቱ በጣም ነው የተጎዳው ፤ ስራው መሰረታዊ ስራ ይፈልጋል ፤ ተጫራች ምርጫ ጨርሰናል የመጨረሻዎቹ negotiation ላይ ነው ያለውነው ከ10 ቀን ባልበለጠ ጊዜ ውስጥ ተጫራቹ ታውቆ ስራውን ይጀምራል " ብለዋል።

" እነሱንም ግፊት የምናደርግባቸው በሁለት እና በሶስት ወር ውስጥ ሰርተው ሊጨርሱ ይችላሉ ፥ ግን ደግሞ ካንትራክተሩ ሲመጣ የራሱን Schedule / መርሃ ግብር  ይዞ ስለሚመጣ የነሱንም Schedule ማክብረ ይጠበቅብናል " ሲሉ ገልጸዋል።

" የሆነው ሆኖ ግን በእርግጠኝነት የምናገረው ክረምት ከመግባቱ በፊት የአክሱም ኤርፖርታችን ስራውን ይጀምራል ፣ ቱሪስቶችን እናመጣለን ፣ የአካባቢው ነዋሪም የሚገባውን አገልግሎት እንዲያገኝ እናደርጋለን ፀንተንም እንሰራለን " ሲሉ ተናግረዋል።

እጅግ ከፍተኛ ምዕመን ይገኝበታል ተብሎ ለሚጠበቀው ለህዳር ጽዮን በዓል አየር መንገዱ አቅራቢው ባለው የሽረ አውሮፕላን ማረፊያ የሚደረጉ በረራዎችን ለማሳደግ ከወዲሁ ቅድመ ዝግጅት እያደረገ ነው ተብሏል።

ቲክቫህ ኢትዮጵያ መረጃውን ያገኘው አቶ ለማ ያደቻ ለኤፍ ቢ ሲ ከሰጡት ቃለምልልስ መሆኑን ያሳውቃል።

@tikvahethiopia

#Axum

ትላንት ምሽት በርእሰ አድባራት ወገዳማት አክሱም ፅዮን ቅጥር ግቢ የእሳት ቃጠሎ  አደጋ አጋጥሞ ነበር።

የመቐለ የቲክቫህ ኢትዮጵያ ቤተሰብ አባል ታማኝ ምንጮች እንዳሉት ፡ የካቲት 15/2016 ዓ.ም ከ 2:30 ምሽት ጀምሮ " እንዳ ፍሕሚ " ተብሎ በሚጠራውና ፅላቱ በሚቀመጥበት አከባቢ ነው የእሳት ቃጠሎ የተነሳው።

ባጋጠመው የእሳት አደጋ ቃጠሎ በሰው ህይወት ያጋጠመ አደጋ እንደሌለ የገለፁት የቲክቫህ ምንጮች ፤ ቃጠሎድ በከተማው ነዋሪዎችና በፀጥታ አካላት ከፍተኛ ተሳትፎ በአጭር ጊዜ በቁጥጥር ስር ሊውል ችሏል።   

የትግራይ ማእከላይ ዞን ፓሊስ የካቲት 15/2016 አመሻሽ በማህበራዊ የትስስር ገፁ  " የተነሳው የእሳት ቃጠሎ በቁጥጥር ስር ውሏል " ከማለት ውጪ ያለው የለም። 

በርካታ የማህበራዊ የትስስር ገፅ ፀሃፊዎች የእሳት አደጋ ቃጠሎው ተጣርቶ ለህዝብ ይፋ እንዲሆንና ፣ ቅዱስ ቦታ ከተመሳሳይ አደጋ ለመታደግ የሚመጠነው ጥበቃ ያሻዋል የሚሉ አስተያየቶች በብዛት በማንሸራሸር ላይ እንደሚገኙ የመቐለ የቲክቫህ ኢትዮጵያ ቤተሰብ አባል ዘግቧል።
                             
@tikvahethiopia            

#Axum

በጭንቅላት የተጣበቁ መንትዮች ተወለዱ።

ሴት መንትዮቹ  (Conjoined twins) እንዲሁም እናቲቱ በመልካም የጤና ሁኔታ ይገኛሉ ተብሏል።

መጋቢት 22 /2016 ሌሊት በሪፈር የተላከች እናት በቆዶ ጥገና 5 ኪሎ የሚመዘኑ በጭንቅላት የተጣበቁ ሴት መንትዮች እንደተገላገለች የአክሱም ዩኒቨርሲቲ ኮምፕረሄንሲቭ ስፔሻላይዝድ ሆስፒታል ገልጿል። 

ወላጅ እናት ለአዋላጅ ሃኪም የሰጠችው መረጃ በመጥቀስ ባለሙያዎች እንዳሉት ፥ እናቲቱ የፅንስ ክትትል በአቅራቢያዋ በሚገኝ የጤና ማእከል ውስጥ ስታደርግ የቆየች ብትሆንም የአልትራሳውንድ ምርመራ ባለማድረግዋ በማህፀንዋ የነበሩት መንትዮች ሁኔታ ቀድማ ማወቅ አልቻለችም። 

ቲክቫህ ኢትዮጵያ መረጃውን ከአክሱም ዩኒቨርሲቲ  ኮምፕረሄንሲቭ ስፔሻላይዝድ ሆስፒታል ነው ያገኘው።

@tikvahethiopia