#Kenya🇰🇪

የኬንያ ምርጫ ውጤት ከምን ደረሰ ?

ጎረቤት ሀገር #ኬንያ ከቀናት በፊት ፕሬዜዳንታዊ ምርጫ እንዳደረገች ይታወቃል።

እስካሁን ድረስ የምርጫው አሸናፊ አልታወቀም። ቆጠራውም አልተጠናቀቀም።

የውጤት ቆጠራው ምርጫው ከተጠናቀቀበት ቀን አንስቶ እስከ ዛሬ እየተካሄድ ይገኛል።

እስካሁን ያለው ውጤት ከላይ ተያይዟል።

ከላይ በምስሉ ላይ የተያያዘው የምርጫ ውጤት የቢቢሲ አማርኛው አገልግሎት ክፍል ምርጫውን ከሚያስፈጽመው ኮሚሽን ይፋዊ ድረ ገጽ ላይ ዋቢ አደርጎ ያሰራጨው ነው።

@tikvahethiopia

#ጥንቃቄ

ከሰሞኑን እየጣለ ባለው ከባድ ዝናብ ሳቢያ በአማራ ክልል የሰው ህይወት ጠፍቷል ፤ በሰብል እንዲሁም በንብረት ላይ ጉዳት ደርሷል።

በምሥራቅ ጎጃም ዞን አዋበል ወረዳ ላይ አንድ አባዎራ ከባለቤታቸውና ልጃቸው ጋር ስራ ውለው ሲመለሱ በአካባቢው የሚገኘው ወንዝ በጎርፍ በመሙላቱ ለመሻገር ሙከራ እያደረጉ በወንዙ ተወስደዋል።

በዚህም የአንድ ቤተሰብ አባል የሆኑ የ3 ሰዎች ሕይወት አልፏል።

በሰሜን ወሎ ዞን ግዳን ወረዳ (በተከዜ ወንዝ መነሻ ላይ) በጎርፍ አደጋ  የ3 ሰዎች ሕይወት አልፏል።

ሕይወታቸው ካለፈው ሰዎች ሁለቱ፥ የአንድ ቤተሰብ አባላት ሲሆኑ አንዱ ከአጎራባች ወረዳ ለማኅበራዊ ጉዳይ በስፍራው የተገኘ ነበር።

በደቡብ ወሎ ዞን ወግዲ ወረዳ ነሃሴ 4 በጣለው ከባድ ዝናብ ባስከተለው ጎርፍ በሰብል እና ሌሎች ንብረቶች ላይ ከፍተኛ ጉዳት ደርሷል።

በስስይ እና ልጎ ጎጦች 30 ሄክታር በሚሆን መሬት ሰብል ጤፍ፣ ስንዴና ባቄላ ላይ ጉዳት አድርሷል። 120 አስሮ አደሮች እና 600 የሚሆኑ ቤተሰቦች በጎርፍ አደጋው ቤት ንብረታቸው አዝመራቸው ተጎድቷል።

12 አርሶ አደሮች የከፋ ውድመት የደረሰባቸው ሲሆን 4 አርሶ አደሮች የዕለት ጉርስ የሌላቸውና አቸኳይ ድጋፍን የሚጠብቁ ሆነዋል።

ባለፈው ሀምሌ ወር መጨረሻ ደግሞ በመርሀቤቴ ወረዳ 4 የአንድ ቤተሰብ አባላት በጎርፍ አደጋ ህይወታቸው አልፏል።

የግብርና ሥራን ለማከናወን 3 ልጆቹንና አንድ የልጅ ልጁን ይዞ ከመርሀቤቴ ወደ ሚዳ ወረሞ ወረዳ የተጓዘ አባወራ " ወንጭት " ወንዝን ሲያቁርጡ በደራሽ ጎርፍ ተወስደዋል።

በአደጋው የአባትን ሕይወት ማትረፍ ሲቻል ቀሪዎቹ የቤተሰብ አባላት ሕይወታቸው አልፏል።

መረጃዎች ፦ ከአዋበል፣ ወግዲ፣ ግዳን ኮሚኒኬሽኖች እና ኤፍ ቢሲ የተሰበሰቡ ናቸው።

@tikvahethiopia

" ጥንቃቄ የተሞላበት የህዝብ የሕይወት ጥበቃ ይደረግ "

ከላይ በፎቶው ላይ የሚታየው ርብ ሞልቶ በመሃል አስፋልት የሚጓዘው ጎርፍ ነው።

የፎገራና የሊቦ አጎራባች ወረዳና ቀበሌዎች የሰው ሕይወት እንዳይጎዳ ጥንቃቄ የተሞላበት ህዝብን ወደ ተራራማ ቦታዎች ማስፈር እንደሚገባቸው ማሳሰቢያ ተላልፏል።

(ደቡብ ጎንደር ኮሙዩኒኬሽን)

@tikvahethiopia

#Update

ዛሬ በደቡብ ክልል ጉራጌ ዞን የሚገኙ 4 ወረዳዎች እና 1 ከተማ አስተዳደር የ "ክላስተር" አደረጃጀትን በየም/ቤቶቻቸው ባካሄዱት አስቸኳይ ጉባኤ አፅድቀዋል።

የመስቃን እና ምስራቅ መስቃን ወረዳዎች እና የቡታጅራ ከተማ ማዕከሉን ቡታጅራ ያደረገ አዲስ ዞን ለመመስረት በተጨማሪነት የወሰኑ ሲሆን የማረቆ እና ቀቤና ወረዳዎች ደግሞ ወደ ልዩ ወረዳነት ለማደግ ውሳኔ አሳልፈዋል።

የማረቆ፣ ቀቤና፣ የመስቃን፣ ምስራቅ መስቃን ወረዳዎች እንዲሁም የቡታጅራ ከተማ ም/ ቤቶች፤ በ" ክላስተር" የሚደራጀውን አዲስ ክልል የመቀላቀል ውሳኔን ያጸደቁት በሙሉ ድምጽ መሆኑን ተነግሯራ።

የምስራቅ ጉራጌ ዞን የሚል ስያሜ ያለው አዲስ ዞን ለመመስረት የቀረበው የውሳኔ ሃሳብም በተመሳሳይ በሙሉ ድምጽ መጽደቁን ተነግሯል።

የ4ቱ ወረዳዎች ም/ቤቶች ዛሬ የወሰኗቸውን ውሳኔዎች ለፌደሬሽን ም/ቤት ያስገባሉ ተብሏል።

የፌዴሬሽን ም/ቤት ወረዳዎች እንደዚህ አይነት ውሳኔዎች የማሳለፍ ስልጣን አላቸው ወይ ? በሚል ተጠይቆ ምላሽ ሰጥቷል።

የም/ቤቱ የህዝብ ግንኙነት ዳይሬክተር አቶ ተረፈ በዳዳ " ምክር ቤቶቹ ስለ ህዝብ ጥያቄ የመወያየት፤ ተወያይተውም ውሳኔ የማሳለፍ ስልጣን አላቸው፤ ሆኖም ጥያቄው የሚቀርበው #በዞን እና #በክልል ምክር ቤቶች አልፎ ነው " ሲሉ ማስረዳታቸውን #ኢትዮጵያ_ኢንሳይደር ዘግቧል።

ከቀናት በፊት የጉራጌ ዞን ም/ቤት ባካሄደው አስቸኳይ ጉባኤ ዞኑን ከአጎራባች ዞኖች እና ልዩ ወረዳ ጋር አንድ ላይ በክልል እንዲደራጅ በመንግስት የቀረበውን ምክረ ሀሳብ በአብላጫ ድምፅ ውድቅ አድርጎ ነበር።

በምክር ቤቱ ከተገኙ 92 አባላት ውስጥ 40ዎቹ የ " ክላስተር " አደረጃጀት ምክረ ሃሳብ የደገፉ ቢሆንም 52 አባላት ክላስተርን በመቃወማቸው ነው ምክረ ሀሳቡ ውድቅ የተደረገው።

@tikvahethiopia

#MoE

የትምህርት ሚኒስቴር " የከፍተኛ ትምህርት መውጫ ፈተና አፈፃፀም መመሪያ " ን በማጸደቅ ለከፍተኛ ትምህርት ተቋማት አሰራጭቷል።

በ2015 የትምህርት ዘመን ገቢራዊ የሚሆነው መመሪያው፤ የከፍተኛ ትምህርት የቅድመ ምረቃ የመውጫ ፈተናን በአግባቡ ለመምራትና ለማስተዳደር የሚያስችል ስርዓት ለመዘርጋት ወሳኝ ነው ተብሏል።

መመሪያ ቁጥር 919/2014 ሆኖ በፍትህ ሚኒስቴር የጸደቀውን መመሪያ የከፍተኛ ትምህርት ተቋማት ተግባራዊ እንዲያደርጉ በትምህርት ሚኒስትሩ ብርሃኑ ነጋ (ፕ/ር) ተፈርሞ መሰራጨቱ ታውቋል።

አምስት ክፍሎች እና 27 አንቀጾች ያሉት አዲሱ መመሪያ፤ ከነሐሴ 01/2014 ዓ.ም ጀምሮ የጸና እንደሆነ ተደንግጓል።

በመመሪያው ላይ የተመለከቱ ድንጋጌዎችን በማንኛውም ሁኔታ የጣሰ፣ እንዲጣስ ያደረገ በማንኛውም ደረጃ ላይ ያለ አስፈጻሚና ፈጻሚ አካል ተጠያቂ እንደሚሆን በመመሪያው ተመላክቷል።

More : @tikvahuniversity

#Egypt

በዛሬው ዕለት የግብፅ ፕሬዝዳንት አብዱል ፈታህ አል ሲሲ የካቢኔ ሹም ሽር አድርገዋል።

በዚህ የካቢኔ ሹም ሽር ላይ የውሃና መስኖ ሚንስትሩ ሞሐመድ አብድል አቲን (የታላቁ ግዳሴ ግድብን ድርድር የሚመሩ) ከሥልጣን ተነስተው በሌላ ሰው ተተክተዋል።

ሞሐመድ አብድል አቲን የተከቱት ዶ/ር ሐኒ ስዌይላም የተባሉ ሰው ሲሆኑ ታዋቂ የውሃ ሃብት ተመራማሪ ናቸው ተብሏል። በካይሮ የአሜሪካ ዩኒቨርስቲም እንደሚያስተምሩ ተነግሯል።

ፕሬዝዳንት ሲሲ ሌሎች የካቢኔ ሹም ሽሮችንም ያደረጉ ሲሆን አጠቃላይ የ13 ካቢኔ አባላት ሹም ሽር ነው ያደረጉት።

የጤና፣ የቱሪዝም፣ የንግድ እና ኢንዱስትሪ፣ የሲቪል አቪየሽን፣ የትምህርት እና ሌሎች ሚኒስትሮችንም በአዲስ ተተክተዋል ተብሏል።

አል ሲሲ የመከላከያ፣ የደህንነት፣ የፋይናነስ እና የውጭ ጉዳይ ሚኒስትሮችን እንዳልቀየሩም  ተገልጿል።

ዛሬ አስቸኳይ ስብሰባን ያደረገው የሃገሪቱ ፓርላማም በፕሬዝዳንቱ የቀረበውን ሹም ሽር በሙሉ ድምጽ ማፅደቁን አል ዓይን የሀገሪቱን ሚዲያዎች ዋቢ አድርጎ ዘግቧል።

አል ሲሲ የካቢኔ ሹም ሽር ያደረጉት የመንግሥታቸውን የሥራ አፈጻጸም ለማሻሻል እና የግብጻዊያንን ጥያቄ ለመመለስ እንደሆነ አስታውቀዋል።

@tikvahethiopia