ከአማራ ክልል በተለይ ከሰሜን እና ደቡብ ወሎ አካባቢዎች ወደ አ/አ በሚገቡ ዜጎች ላይ እየደረሰ ያለው መንገላታት አሁንም ዘላቂ መፍትሄ እንዳላገኘ የቲክቫህ ቤተሰብ አባላት አሳውቀዋል።

ከጥቂት ቀናት በፊት ከተለከው ጥቆማ በተጨማሪ ሰሞኑን በስራ ፈተና፣ ለትምህርት ጉዳይ እና ለህክምና ወደ አ/አ መግባት የነበረባቸው ወገኖች ወደ ኃላ እንዲመለሱ ተደርገዋል።

አንድ የቤተሰባችን አባል ከእህቱ ጋር (ለእህቱ ህክምና) መናሻውን ኮምቦልቻ አድርጎ ወደ አ/አ ጉዞ እያደረገ ነበር ሸኖ ላይ የአዲስ አበባ/የኦሮሚያ መታወቂያ ከሌላችሁ አትገቡም በመባለቸው ወደ ኮንቦልቻ ተመልሰው በፕሌን ለመሄድ መገደዳቸውን ገልጿል።

" እባካችሁ መሪ ካለን ይምራን እኛ ምን አደረግን ይሄ ነገር ደግሞ የሁለቱን ክልል እና የአዲስ አበባ ከተማ አሥተዳደርን ይመለከታል " ሲል ቅሬታውን አቅርቧል።

በተጨማሪ ትላንት ከደሴ ወደ አ/አ እየመጣ የነበረ የቤተሰባችን አባል ጫጫ ላይ የአ/አ መታወቂያ ስላለው ማለፉን ነገር ግን እዛው የቀሩ ሴቶች፣ አዛውንቶችን ጨምሮ ብዙ ሰዎች እንደነበሩ አመልክቷል።

የፌዴራል መንግስት ኮሚኒኬሽን ከቀናት በፊት ለቪኦኤ በሰጠው ቃል ጥብቅ ቁጥጥርና ፍተሻ እየተደረገ ያለው በተለይ አዲስ አበባ ላይ የተቃጣ የጥፋት እቅድ (በህወሓትና ሸኔ) መኖሩ ለደህንነት አከላት መረጃ በመድረሱ መሆኑን ገልጿል። በዚህ ሳቢያ በዜጎች ላይ እንግልት እያጋጠመ እንደሆነ አልሸሸገም።

በፀጥታ አካላት በኩል የፍተሻ አፈፃፀም ለዜጎች ምሬት ምክንያት እየሆነ በመምጣቱ የደህንነት ስራው አፈፃፀም ላይ ማሻሻያ መደረግ እንዳለበት፤ በተጨማሪ የደህንነትና የፀጥታ መዋቅሩን ማጥራት እንደሚገባ ታምኖበት እየተሰራ ነው ብሏል። በዋነኝነት ግን ስራው የዜጎችን ደህንነት ከማስጠበት ውጭ ሌላ ዓላማ እንደሌለው ገልጿል።

@tikvahethiopia

#Update

ከክልልነት ጥያቄ ጋር በተያያዘ በትላንትናው ዕለት በጉራጌ ዞን መቀመጫ ወልቂጤ ከተማ የስራ ማቆም አድማ መመታቱ ይታወቃል። በዚህም መደበኛ እንቅስቃሴ ቆሞ ነበር።

ዛሬ ሩቡዕ የንግድ ድርጅቶች ፣ ባንኮች ፣ የተለያዩ የመንግስትና የግል ተቋማት እና የትራንስፖርት አገልግሎት ወደ መደበኛ እንቅስቃሴ መግባታቸው ተሰምቷል።

የስራ የማቆም አድማው የተደረገበት ምክንያት ፤ መንግስት እየተጠየቀ ያለውን ህጋዊ የክልልነት ጥያቄ በአግባቡ ምላሽ እንዲሰጥና ዞኑንም በክልል እንዲያደራጅ ለመጠየቅ እንዲሁም ዞኑን ከሌሎች አጎራባች ዞኖች ጋር በክልል ለማደራጀት የቀረበውን ሀሳብ በመቃወም ነበር።

በዞኑ ህዝብ ዘንድ አሁንም ድረስ የ " ክልል እንሁን " ጥያቄ የቀጠለ ሲሆን ዞኑን ከአጎራባች ዞኖች እና ልዩ ወረዳ ጋር አንድ ላይ በክልል ለማደራጀት በቀረበው ሀሳብ ላይ እስካሁን የዞኑ ምክር ቤት ተሰብስቦ አለመከረም / አላፀደቀም ።

#Update : በአገና እና እምድብር ከተሞች የስራ ማቆም አድማ መመታቱን በአካባቢ ያሉ ነዋሪዎች ገልፀዋል።

ፎቶ ፦ የከተማው ኮሚኒኬሽን

@tikvahethiopia

#Update

በደቡብ ክልል ከሚገኙት ዞኖችና ልዩ ወረዳዎች ውስጥ የ " ክላስተር " አደረጃጀትን ባለማጽድቅ ብቸኛ የሆነው የጉራጌ ዞን ምክር ቤት አስቸኳይ ጉባኤውን ነገ ሐሙስ ነሐሴ 5/2014 እንደሚያካሂድ ተገልጿል።

የአስቸኳይ ጉባኤውን መጠራት የዞኑ ምክር ቤት አፈ ጉባኤ አርሽያ አህመድ እንዳረጋገጡ ኢትዮጵያ ኢንሳይደር በድረገፁ አስነብቧል።

ድረገፁ አነጋግሬያቸዋለሁ ያላቸው ሶስት የጉራጌ ዞን ምክር ቤት አባላት በነገው አስቸኳይ ጉባኤ ላይ እንዲገኙ ጥሪ እንደተላለፈላቸው ገልጸዋል።

የጉራጌ ዞን ምክር ቤት 97 አባላት ያሉት ሲሆን ከእነርሱ ውስጥ ስድስቱ የኢትዮጵያ ዜጎች ለማህበራዊ ፍትህ (ኢዜማ) ተመራጮች ናቸው።

ቀሪዎቹ የምክር ቤት አባላት ገዢው ብልጽግና ፓርቲን ወክለው የተወዳደሩ እና ምክር ቤቱን የተቀላቀሉ ናቸው። 

ከዚህ በፊት በነበረው ልማድ ጉባኤው ከመካሄዱ ጥቂት ቀናት ቀደም ብሎ የጉባኤውን አጀንዳዎች በያዘ ደብዳቤ ጥሪ ይደረግላቸው እንደነበር የሚያስታውሱት የም/ ቤት አባላት የአሁኑ ስብሰባ አጀንዳ ግን እንዳልተገለጸላቸው ተናግረዋል።

ስማቸው እንዲጠቀስ ያልፈለጉ አንድ የዞኑ ምክር ቤት አባል፤ የነገው አስቸኳይ ጉባኤ ዋና አጀንዳ " የአደረጃጀት ጉዳይ " ሊሆን እንደሚችል ግምታቸውን አስቀምጠዋል።

የነገውን ጉባኤ ዋነኛ አጀንዳ ምን እንደሆነ ጥያቄ የቀረበላቸው የዞኑ ም/ቤት አፈ ጉባኤ፤ " አጀንዳ ለምክር ቤት አባላት ብቻ ነው የሚገለጸው " የሚል ምላሽ ሰጥተዋል።

Credit : www.ethiopiainsider.com

@tikvahethiopia

#ጤና_ረቡዕ

(መልዕክት)

ዛሬ ሩቡዕ በ " ጤና ረቡዕ " የውይይት ገፃችን ስለ #የአንጀት_ቁስለት ህመምና የአመጋገብ ስርዓት እንድንወያይበት እንዲሁም ጥያቄዎቻችሁ በባለሙያዎች እንዲመለሱ የቀጥታ ስርጭት ፕሮግራም ይዘን መጥተናል።

#ከምሽቱ_አንድ_ሰዓት ላይ የአንጀት ስፔሻሊስት የሆኑትን ዶ\ር ኃይለሚካኤል ደሳለኝ እንዲሁም የስነ ምግብ ህክምና ስፔሻሊስት የሆኑትን ዶ\ር ዘላለም ደበበን ይዘን ቀርበናል።

ስለባለሙያዎቹ በዝርዝር ከላይ በፎቶ አያይዘናል።

ከምሽቱ አንድ ሰዓት ላይ በ @tikvahethmagazine መከታተል ትችላላችሁ።

@tikvahethiopia @ibdeth

#US #SOMALIA

አሜሪካ ትላንትና ማክሰኞ ፤ ከሶማሊያ መንግስት ጋር በመተባበር በፈፀመችው የአየር ድብደባ 4 የአልሸባብ የሽብር ቡድን አባላትን መግደሏን አሳውቃለች።

የአልሸባብ ታጣቂዎች የሶማሊያ ጦር ላይ በቤልድዌይኔ ጥቃት የከፈቱ ሲሆን ይህን ተከትሎ የአሜሪካ ጦር በአየር በፈፀመው ድብደባ 4 የቡድኑን አባላት መግደሉ ተገልጿል።

አሜሪካ እርምጃው በሶማሊያ መንግስት በኩል ፍቃድ ኖሮት መፈፀሙን አሳውቃለች።

በጥቃቱ በሲቪል ሰዎች ላይ ጉዳት እንዳልደረሰ / ሲቪሎች እንዳልተገደሉ ተመላክቷል።

@tikvahethiopia

#SouthWestRegion

#የብዝሃ_ዋና_ከተሞች ማቋቋሚያ ረቂቅ አዋጅ በአብላጫ ድምጽ ፀደቀ።

አዲሱ የደቡብ ምዕራብ ኢትዮጵያ ህዝቦች ክልል መንግስት የብዝሃ ዋና ከተሞች ረቂቅ አዋጅን መርምሮ ማፅደቁ ተሰምቷል።

ረቂቅ አዋጁ የፀደቀው በቦንጋ የክልሉ ምክር ቤት ባካሄደው 6ኛ ዙር 1ኛ ዓመት የሥራ ዘመን 2ኛ መደበኛ ጉባኤ ላይ ነው።

ክልሉ መንግስት አራት (4) ብዝሃ ዋና ከተሞች እንደሚኖሩት ረቂቅ አዋጁ ይደነግጋል።

የብዝኃ ዋና ከተሞች ማቋቋሚያ ረቂቅ አዋጅ ቦንጋ፣ ተርጫ፣ ሚዛን አማን እና ቴፒ ከተሞች የክልሉ ብዝሃ ዋና ከተሞች እንደሚሆኑ ደንግጓል።

1. ቦንጋ ከተማ ፦ የክልሉ የፖለቲካ እና የርዕሰ መስተዳደሩ መቀመጫ፣
2.ተርጫ ከተማ ፦ የክልሉ ምክር ቤት መቀመጫ፣
3.ሚዛን አማን ከተማ ፦ የክልሉ የዳኝነት አካል መቀመጫ
4. ቴፒ ከተማ ፦ የክልሉ የብሔረሰቦች ምክር ቤት መቀመጫ እንደሚሆኑም በረቂቅ አዋጁ ላይ ተቀምጧል።

የክልሉ ብዝሃ ዋና ከተሞች 4 እንዲሆኑ የተደረገው ፍትሐዊ የኢኮኖሚ ዕድገትን ለማረጋገጥ እንደሆነ የብዝኃ ከተሞች ማቋቋሚያ ረቂቅ አዋጁ እንደሚጠቅስ ከክልሉ ኮሚኒኬሽን ያገኘነው መረጃ ያሳያል።

@tikvahethiopia

" የክልል እንሁን ጥያቄዎች ዘላቂ ሰላምን በሚያመጣ መልኩ ሊፈቱ ይገባል " - እናት ፓርቲ

እናት ፓርቲ ለቲክቫህ ኢትዮጵያ በላከው መግለጫ የ " ክልል እንሁን " ጥያቄዎች ዘላቂ ሰላምን በሚያመጣ መልኩ ሊፈቱ እንደሚገባ አሳስቧል።

ፓርቲው የክልልነት ጥያቄን በተመለከተ የሀገሪቱን ተጨባጭ ኹኔታና የሕዝቡን ጥያቄ ከግምት ውስጥ በማስገባት የሚከተሉትን የመፍትሔ ሀሳቦች ጠቁሟል።

የመፍትሄ ሀሳቦች ፦

1. የሀገሪቱ አብዛኛው ችግር የሚመነጨው ከሕገ መንግሥቱ " የክልል አወቃቀር " ጋር በተያያዘ መሆኑ ታውቆ ከጊዜያዊ መፍትሔ ይልቅ ዘለቄታዊ መፍትሔና የችግሩ ምንጭ ላይ ያተኮረ አፋጣኝ ተግባራዊ እንቅስቃሴ እንዲጀመር ጠይቋል።

2. በአሁኑ ሰዐት የክልልነት ጥያቄ እየጠየቁ ላሉ የማኅበረሰባችን ክፍሎች መንግሥት የኃይል አማራጭን ከመከተል ይልቅ ከሕዝቡ ጋር በቅርበት በመነጋገርና በመግባባት ብቻ ችግሩን ለመፍታት ጥረት እንዲያደርግ አሳስቧል።

3. ሰላም ወዳድ የሆነው ሕዝብ የሚያነሳቸውን ጥያቄዎች እጅግ #ሰላማዊ በሆነ መንገድ ውጤት ላይ መድረስ እንጂ አላስፈላጊ መሥዋዕትነት ከሚያመጡ ድርጊቶች እንዲቆጠብ ጥሪ አስተላልፏል።

(ሙሉ መግለጫው ከላይ ተያይዟል)

@tikvahethiopia

ነፃ የትምህርት ዕድል !

የሳንድፎርድ ኢንተርናሽናል ት/ቤት በ2015 ዓ.ም የትምህርት ዘመን በአዲስ አበባ ከተማ መስተዳደር በሚገኙ የመንግሥት ት/ቤቶች በመማር ላይ ከሚገኙ #በትምህርታቸውና #በፀባያቸው የተመሰከረላቸውን ተማሪዎች አወዳድሮ የነፃ ትምህርት ዕድል ለመሥጠት ዝግጅቱን እንዳጠናቀቀ አሳውቆናል።

ተወዳዳሪ ተማሪዎች ለነፃ ትምህርቱ ውድድር ለመመዝገብ ሲመጡ የሚከተሉትን መስፈርቶች አሟልተው የ8ኛ ክፍል ከተማ አቀፍ ፈተና ውጤት መግለጫ ኮፒ ይዘው መምጣት ይጠበቅባቸዋል።

1. በአ/አ ከሚገኙ የመንግሥት ትምህርት ቤቶች ውስጥ ተማሪ መሆን

2. ተማሪው የተወለደው እ.ኤ.አ ነሐሴ 31/2008 ድረስ 14 ዓመት የሚሞላዉ ነገር ግን 15 ዓመት በታች የሆነ ይህንንም የሚያረጋግጥ የልደት የምሥክር ወረቀት ይዘው መቅረብ የሚችሉ

3. በ2014 የትምህርት ዘመን መጨረሻ የ8 ክፍል ከተማ አቀፍ ፈተና አማካይ ወጤት ከ95% በላይ የሆነ

4. የ7ና 8 የክፍል ትምህት ለየብቻው አማካይ ውጤቱ ከ90% በላይ የሆነ

5. ስለመልካም ሥነምግባሩ ወይም ፀባዩ ከሚማርበት ት/ቤት የጽሁፍ ማስረጃ በሳንድፎርድ ተቀባይነት ሲያገኝ ማምጣት የሚችል

6. ት/ቤቱ የሚሰጠውን የመግቢያና ቃለመጠይቅ ፈተናዎችን የተሻለ ዉጤት ማስመዝገብ

7. የወላጅ/የአሳዳጊ ሙሉ ፈቃድ ያገኘ

8. አሸናፊ የሚሆነው ተማሪ በአሥረኛ (10) ክፍል በት/ቤቱ ተመዝግቦ ለመማር ፈቃደኛ የሆነ ናቸዉ።

9. የምዝገባ ሰዓት ጠዋት 2፡30 - 6:00 ከሰዓት ከ7:30 - 9:30

መስፈርቱን ያሟሉ ተማሪዎች ነሐሴ 19/2014 ዓ/ም ከጠዋቱ 3፡00 ሰዓት ላይ ለፅሁፍ ፈተና ይቀርባሉ።

ቦታ፦ ዳግማዊ ሚኒሊክ ሆስፒታል አካባቢ በሳንድፎርድ ት/ቤት እስከ ነሐሴ 18 ከቀኑ 6 ሰዓት ድረስ በአካል በመቅረብ መመዝገብ ይቻላል።

@tikvahethiopia