#Update #ችሎት

የፌደራል የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት ፤ " ሁከት እና ብጥብጥ በማነሳሳት " ወንጀል ተጠርጥሮ በእስር ላይ በሚገኘው በጋዜጠኛ ተመስገን ደሳለኝ ላይ የ10 ቀናት የምርመራ ጊዜ ፈቅዷል።

የጊዜ ቀጠሮ ችሎቱ የምርምራ ጊዜውን የፈቀደው የተከሳሽ ጠበቃ ያቀረቡትን መከራከሪያ እና የዋስትና ጥያቄ ውድቅ በማድረግ ነው።

የምርመራ ጊዜው ከግንቦት 19 ቀን 2014 ጀምሮ የሚታሰብ መሆኑን ችሎቱ ገልጿል። 

በአዳራሽ በኩል በተሰየመው በዛሬው ችሎት ጋዜጠኛ ተመስገን ደሳለኝ ከጠበቃው ጋር በአካል ቀርቦ ሂደቱን መከታተሉን ኢትዮጵያ ኢንሳይደር ድረገፅ (www.ethiopiainsider.com) አስነብቧል።

@tikvahethiopia

#የኩላሊት_እጥበት_ማዕከል

በዳግማዊ ምኒሊክ ሪፈራል ሆስፒታል የተገነባው የኩላሊት እጥበት ማዕከል በተመረቀበት ወቅት ጠ/ሚ ዶ/ር ዐቢይ አህመድ የተናገሩት ፦

" ሰው በሚያውቀው በተማረበት በርካታ ድንቅ ስራ ሊሰራ እንደሚችል ዛሬ አይቻለሁ፤ ባየሁትም ነገር ተደስቻለሁ።

ኢትዮጵያ ውስጥ ፕሮፌሽናሊዝም ጠፍቶ በመቆየቱ ምክንያት ማየት የሚገባንን ነገር ለብዙ ጊዜ ማየት ሳንችል ቆይተናል።

በምንችለው በተማርነው ሁላችንም አስተዋፅኦ ማድረግ አለብን።

ለከተማ አስተዳደሩም እንደ አዲስ ሲዋቀር ከተሰጡት ተልእኮ ውስጥ አንዱ የጤና ስራ ማስፋፋት ነው አሁን ተስፋ ሰጪ ነገሮችን ማየት ችለናል።

ሆስፒታሎች ንፁህና ለሁሉም ሰው የሚስማማ መሆን አለባቸው፤ መኖርያዎች ከተማዋ ባጠቃላይ ንፁህና ያማሩ እንዲሁም አረንጓዴ መሆን አለባቸው።

ለውበት ለአረንጓዴነት ለንፅህና ቢያንስ የገባን ሰዎች እንተባበር። ሌሎች ጊዜ ወስዶ ይገባቸዋል፤ ዋናው ፍርድ ቤትና ዳኛ ትውልድ ነው ፤ትውልድ ይፈርዳል። "

@tikvahethiopia

#የኩላሊት_እጥበት_ማዕከል

በዳግማዊ ምኒሊክ ሪፈራል ሆስፒታል የተገነባው የኩላሊት እጥበት ማዕከል በተመረቀበት ወቅት ከንቲባ ወ/ሮ አዳነች አቤቤ የተናገሩት ፦

" የኩላሊት ህመም የጤና ስርዓቱን እየፈተነ ያለ ህመም በመሆኑ ምክንያት የከተማ አስተዳደሩ ባለፉት ሁለት አመታት ምንም ገቢ የሌላቸውንና አነስተኛ ገቢ ያላቸውን ዜጎች በሁሉም የመንግስት ሆስፒታሎች ነፃ አገልግሎት ሲሰጥ ቆይቷል። በዚህም በሁለቱ አመታት 24 ሚሊየን ብር ያህል ድጎማ አድርጓል።

አዲስ አበባን የጤና ቱሪዝም መዳረሻ ለማድረግ የመንግስትና የግሉ ዘርፍ በአጋርነት መስራት አስፈላጊነት ታምኖበት ህግ ማእቀፍ ወጥቶለት እየተተገበረ ነው። መቀመጫውን በአሜሪካ ያደረገውን የአብ ሜዲካል ሴንተር ላበረከተው አስተዋፅኤ አድናቆቴን እገልፃለሁ።

ይህ የኩላሊት መድከም ላለባቸው ዜጎች ትልቅ የምስራች ነው ፤ ሌሎችም ተጨማሪ አገልግሎቶችን እናሰፋለን።

በተጨማሪም ዳግማዊ ምኒሊክ ሆስፒታል ትልቁና ዘመናዊ የአይን ህክምና ማእከል ሆኖ እንዲወጣ በአዲሱ አመት ለህዝባችን አዲስ ምስራች እናበስራለን።

በአጠቃላይ የከተማ አስተዳደሩ አዲስ አበባን የጤና ማእከል ለማድረግ 24 ቦታዎችን ለግል ዘርፉ የሰጠ ሲሆን አስተዳደሩ በራሱ አቅም ደግሞ ሶስት ሆስፒታሎችን በጀት መድቦ እየገነባ ነው።ነባር ሆስፒታሎችን የማደስም ተግባር ተጠናክሮ ይቀጥላል። "

@tikvahethiopia

" ' ስንፈልግሽ ትመጫለሽ ' በሚል እንደፈቷት ነግራኛለች " - አቶ ለሚ ታዬ

የ " ፊንፊኔ ኢንተግሬትድ ብሮድካስቲንግ " የቴሌቪዥን ጣቢያ ጋዜጠኛ ሰቦንቱ አህመድ ዛሬ ረፋዱን ከእስር መለቀቋን የጣቢያው ዋና ዳይሬክተር ለሚ ታዬ ተናግረዋል።

ጋዜጠኛ ሶቦንቱ የተለቀቀችው በቢሾፍቱ ከተማ ከሚገኝ ፖሊስ ጣቢያ መሆኑን ገልጸዋል።

ጋዜጠኛ ሶቦንቱ በፖሊስ ቁጥጥር የዋለችው ባለፈው ሳምንት ሐሙስ ግንቦት 18/2014 አመሻሽ ላይ ከስራ ቦታዋ ስትወጣ መሆኑን በወቅቱ ተገልጾ ነበር።

በ " ፊንፊኔ ኢንተግሬትድ ብሮድካስቲንግ " ቴሌቪዥን ጣቢያ ዜና አንባቢ እና የመዝናኝ ፕሮግራም አዘጋጅ የሆነችው ሰቦንቱ በማግስቱ ወደ ቢሾፍቱ ከተማ መወሰዷን የጣቢያው ዋና ዳይሬክተር ተናግረው ነበር።

ያለፉትን ሶስት ቀናት በእስር ያሳለፈችው ሰቦንቱ ዛሬ ሰኞ ግንቦት 22 ከጠዋቱ አራት ሰዓት ተኩል ገደማ በዋስ መለቀቋን አቶ ለሚ ገልጸዋል።

ጋዜጠኛዋ ከእስር ከተለቀቀች በኋላ በስልክ እንዳነጋገሯት የገለጹት የቴሌቪዥን ጣቢያው ዋና ዳይሬክተር ፖሊስ " ስንፈልግሽ ትመጫለሽ " በሚል መፈታቷን እንደነገረቻቸው አስታውቀዋል።

ምንጭ፦ ኢትዮጵያ ኢንሳይደር (www.ethiopiainsider.com)

@tikvahethiopia

#Update #ችሎት

የአብክመ ጠቅላይ ፍርድ ቤት ዛሬ ግንቦት 22/2014 ዓ/ም በዋለው ችሎት የብርጋዴል ጀኔራል ተፈራ ማሞን ጉዳይ ተመልክቷል።

የመርማሪ ቡድኑ ምርመራዬን ስላልጨረስኩ የተለያዩ ማስረጃዎችን ከባንክ፣ ከብሔራዊ መረጃና ደህንነት፣ ከኢሳት እና ከሌሎች ተቋማት የምንሰበስባቸው መረጃዎች ስላሉ የ14 ቀናት ተጨማሪ የጊዜ ቀጠሮ እንዲሰጠው ጠይቋል።

የተከሳሽ ጠበቃ በበኩላቸው አስፈላጊ ናቸው የተባሉ መረጃዎችን ለመሰብሰብ መረጃው የሚሰበሰብባቸው ተቋማት የመንግስት ስለሆኑ ያን ያህል ጊዜ ስለማይዎስዱ ተከሳሽ በውጭ ሆነው እንዲከራከሩ በዋስትና እንዲለቀቁ ጠይቀዋል።

የምርመራ ቡድኑ የጠበቃውን በዋስትና ይለቀቁልኝ ክርክር በመቃዎም ተከሳሹ ከእስር ቢለቀቁ የተለያዩ ማስረጃዎችን ያጠፉብናል በዚህ ምክንያት በእስር ሊቆዩ እና የጠየቅነው የጊዜ ቀጠሮ እንዲፈቀድላቸው ጠይቋል።

ፍርድ ቤቱ የግራ ቀኙን ክርክር ሰምቶ የጊዜ ቀጠሮ መስጠቱን ስላመነበት የምርመራ ቡድኑ ከጠየቀው የ14 ቀን ውስጥ 4 ቀን ቀንሶ 10 ቀናት ተጨማሪ የምርመራ ጊዜ በመፍቀድ ለሰኔ 2/2014 ዓ/ም ቀጠሮ ሰጥቷል።

ምንጭ፦ የአብክመ ጠቅላይ ፍርድ ቤት

@tikvahethiopia

#Update #ችሎት

ጋዜጠኛ መዓዛ መሃመድ ፍርድ ቤት ቀርባለች።

ባሳለፍነው ቅዳሜ በፀጥታ ሃይሎች የተያዘችው መዓዛ መሃመድ ዛሬ በፌደራል የመጀመሪያ ደረጃ ፍርድ ቤት አራዳ ምድብ ችሎት ነው የቀረበችው።

ፖሊስ በመዓዛ መሃመድ ላይ " ሁከትና ብጥብጥ ማስነሳት " የሚል ክስ ያቀረበባት ሲሆን በጉዳዩ ላይም መረጃ ለማሰባሰብ የ14 ቀን ቀጠሮ ይሰጠኝ ሲል ጠይቋል።

የጋዜጠኛዋ ጠበቆች ጋዜጠኛዋ ሰራች የተባለው ወንጀል ተፈፅሞ ቢሆን እንኳን ጉዳዩ ሊታይ የሚገባው በመገናኛ ብዙሀን አዋጅ ነው ፤ በእስር እንድትቆይ ህጉ አይፈቅድም ሲሉ ተከራክረዋል።

አክለውም ጋዜጠኛዋ ከወራት በፊት ታስራ ማስረጃ ሊቀርብባት ባለመቻሉ ነፃ መደረግዋን አስታውሰው አሁንም ሞጋች ጋዜጠኛ መሆኗ እንጂ የሰራችው ወንጀል የለም ይሄንን ፍ/ቤቱ ሊመለከተው ይገባል ሲሉ ሞግተዋል።

ፍርድ ቤቱ የግራ ቀኙን ክርክር አዳምጦ የ7 ቀናት የምርመራ ጊዜ መፍቀዱን የምትሰራበት " ሮሃ ሚዲያ " ዘግቧል።

በሌላ በኩል ፦ በጋዜጠኛ ሰለሞን ሹምዬ ላይ የሰባት ቀናት የምርመራ ጊዜ ተፈቅዷል።

@tikvahethiopia

#Update

በአዳኝ አገር ጫቆ ወረዳና አካባቢው ተፈናቅለው የነበሩ የህበረተሰብ ክፍሎች ወደ ቀያቸዉ ተመለሱ።

በምዕራብ ጎንደር ዞን አዳኝ አገር ጫቆ ወረዳ ነጋዴ - ባህር ከተማ በወቅታዊ የፀጥታ ችግር ምክንያት ተፈናቅለው አይከልና ሰራባ ጊዜያዊ መጠለያ የነበሩ የህበረተሰብ ክፍሎች ዛሬ ወደ ቀያቸዉ ተመልሰዋል።

ከአካባቢያቸው ተፈናቅለው የነበሩ ወገኖች ነጋዴ - ባህር ከተማ ሲደርሱ የነጋዴ ባህር ከተማ ህዝብ በነቂስ ወጥቶ ደማቅ አቀባበል እንዳደረገላቸው ተገልጿል።

Photo Credit : ጭልጋ ኮሚኒኬሽን

@tikvahethiopia