#Update

ተጨማሪ ከተሞች ነፃ መውጣታቸው ተገለፀ።

የኢትዮጵያ የፀጥታ ኃይሎች ጥምረት በደሴ ግንባር ሐይቅ ፣ ቢስቲማ ፣ ባሶሚሌና ውጫሌ ከተሞችን ነጻ ማውጣቱን የመንግስት ኮሚኒኬሽን አገልግሎት ገልጿል።

ሠራዊቱ ወደ መርሳ እየገሠገሠ ነው።

በተንታ ግንባር በተካሄደ ማጥቃት ዓለም አምባ፣ መቅደላና ጎሽሜዳ ነጻ ወጥተዋል።

የመንግስት ኮሚኒኬሽን አገልግሎት ፥ " በሁሉም ግንባሮች የጸጥታ ኃይሎች ጥምረት ወደውስጥ ዘልቀው በመግባት የተበታተነውን አሸባሪ ኃይል ቀለበት ውስጥ አስገብተው በመደምሰስ ፣ ወራሪው ኃይል የዘረፈውን ንብረት እንዲሁም የያዘውን መሣሪያና ትጥቅ ይዞ እንዳይወጣ እያደረጉት ይገኛሉ " ሲል አሳውቋል።

@tikvahethiopia

ዕለታዊ የኮቪድ-19 ሪፖርት #Ethiopia ፦

ባለፉት 24 ሰዓት ውስጥ 8 ሰዎች ሲሞቱ ከተደረገው 5,994 የላብራቶሪ ምርመራ 126 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 183 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia

#StateofEmergency

የአስቸኳይ ጊዜ አዋጅ ዕዝ ከዚህ በፊት ባወጣው መመሪያ መሠረት የጦር መሣሪያዎች የምዝገባ ሁኔታን ገምግሟል።

ዕዙ ፥ በግምገማው መሠረት ብዙ መሣሪያዎች በየክልሉ የተመዘገቡ መሆኑን በመመልከት ኅብረተሰቡ እና የጸጥታ ኃይሎች ላደረጉት አስተዋጽዖ ምስጋና አቅርቧል።

የኅብረተሰቡን የተጨማሪ የምዝገባ ጊዜ ጥያቄ ከግምት ውስጥ በማስገባት፤ ከዚህ በፊት የወጣው ትእዛዝ የገጠር አካባቢዎችን ባለማካተቱ የተነሣ፣ የምዝገባውን ጊዜ ማራዘም እንደሚያስፈልግ ዕዙ አምኗል።

በመሆኑም በሁሉም የሀገሪቱ የገጠርና የከተማ አካባቢዎች ከኅዳር 30/2014 ዓም ጀምሮ ለ15 ተከታታይ ቀናት የጦር መሣሪያ ምዝገባው እንዲቀጥል ተወስኗል።

በየደረጃው የሚገኙ የፖሊስ ጽ/ቤቶችም ይሄንን መመሪያ እንዲያስፈጽሙ ታዝዟል።

ይህ መመሪያ በጦር ግንባር የዘመቱ እና የሚታወቅ የጸጥታ ኃይል እንቅስቃሴ የሚያደርጉ አካላትን እንደማይመለከት የአስቸኳይ ጊዜ አዋጅ ዕዝ አሳውቋል።

@tikvahethiopia

' የቤንዚን ዋጋ 31 ብር ከ74 ሳንቲም ነው '

አንዳንድ ማህበራዊ ሚዲያዎች በታህሳስ ወር የነዳጅ ምርቶች ችርቻሮ መሸጫ ዋጋ ላይ በተደረገው ማስተካከያ የቤኒዚን ዋጋ 34 ብር ከ71 ሳንቲም በማለት እያሰራጩት ያለው መረጃ #ስህተት ነው።

በተደረገው የታህሳስ ወር ማስተካከያ የቤንዚን ዋጋ 31 ብር ከ74 ሳንቲም ነው እንዲሸጥ የተወሰነው።

በሌላ በኩል ከዚህ ቀደም የነበሩት ወራት የነዳጅ ምርቶች የችርቻሮ መሸጫ ዋጋ ምን እንደሚመስል መለስ ብለን እንመልከት።

ከየካቲት 27/2013 ዓ/ም እስከ መጋቢት 30/2013 ዓ/ም በነበረው የችርቻሮ መሸጫ ዋጋ (በሊትር) የነበረው ፦

• ቤንዚን 👉 25 ብር ከ86 ሳንቲም
• ኢታኖል ድብልቅ ቤንዚን 👉 25.36 ሳንቲም
• ነጭ ናፍጣ 👉 23 ብር ከ18 ሳንቲም
• ኬሮሲን 👉 23 ብር ከ18 ሳንቲም
• ቀላል ጥቁር ናፍጣ 👉 20 ብር ከ27 ሳንቲም
• ከባድ ጥቁር ናፍጣ 👉 19 ብር ከ78 ሳንቲም
• የአውሮፕላን ነዳጅ 👉 38 ብር ከ60 ሳንቲም ነበር።

ከዚህ በኃላ ፦

🗓ከመጋቢት 26 እስከ ሚያዚያ 30/2013 ዓ/ም ከአውሮፕላን ነዳጅ ውጭ ሁሉም ባለበት ቀጥሏል።

🗓ከሚያዚያ 28 እስከ ግንቦት 28/2013 ዓ/ም ከአውሮፕላን ነዳጅ ውጭ ሁሉም ባለበት ቀጥሏል።

🗓ከግንቦት 28 እስከ ሰኔ 30/2013 ዓ/ም ከአውሮፕላን ነዳጅ ዋጋ ውጭ ሁሉም ባለበት ቀጥሏል።

🗓ከሰኔ 30 እስከ ሀምሌ 30/2013 ዓ/ም ከአውሮፕላን ነዳጅ ውጭ ሁሉም ባለበት ቀጥሏል።

🗓ከነሃሴ 1 እስከ ነሃሴ 30/2013 ዓ/ም ከአውሮፕላን ነዳጅ ውጭ ሁሉም ባለበት ቀጥሏል።

🗓ከጳጉሜ 1 እስከ መስከረም 30/2014 ዓ/ም የአውሮፕላን ነዳጅ ዋጋ ጨምሮ ሁሉም ባለበት ቀጥሏል።

🗓ከመስከረም 30 እስከ ጥቅምት 30/2014 ዓ/ም ከአውሮፕላን ነዳጅ ዋጋ ውጭ ሁሉም ባለበት ቀጥሏል።

🗓ከጥቅምት 30 እስከ ህዳር 30/2014 ዓ/ም ከአውሮፕላን ነዳጅ ዋጋ ውጭ ሁሉም ባለበት ቀጥሏል።

በታህሳስ ወር በተደረገው ማስተካከያ ደግሞ ፦

• ቤንዚን 👉 31 ብር ከ74 ሳንቲም
• ነጭ ናፍጣ 👉 28 ብር ከ94 ሳንቲም፣
• ነጭ ጋዝ 👉 28 ብር ከ94 ሳንቲም፣
• ቀላል ጥቁር ናፍጣ 👉 23 ብር ከ73 ሳንቲም፣
• ከባድ ጥቁር ናፍጣ 👉 23 ብር ከ29 ሳንቲም
• የአውሮፕላን ነዳጅ 👉 58 ብር ከ77 ሳንቲም እንዲሸጥ ተወስኗል።

ቲክቫህ ኢትዮጵያ ይህን መረጃ ያሰባሰበው ከዚህ ቀደም በንግድ እና ኢንዲስትሪ ሚኒስቴር በኩል ይፋ የተደረጉትን የነዳጅ ምርቶች የችርቻሮ መሸጫ ዋጋ ወደኃላ ተመልሶ በመመልከት ነው።

NB : ከጥቅምት ወር 2014 ዓ/ም ጀምሮ የነዳጅ ምርቶች የችርቻሮ ዋጋ በተመለከተ ይፋ እየተደረጉ ያሉት በአዲሱ የንግድ እና ቀጠናዊ ትስስር ሚኒስቴር በኩል ነው።

@tikvahethiopia

የፌልትማን የግብፅ፣ ቱርክ እና የUAE ጉዞ ፦

የአሜሪካ መንግሥት የአፍሪካ ቀንድ ልዩ መልዕክተኛ አምባሳደር ጄፍሪ ፌልትማን ወደ ዩናይትድ አረብ ኤሜሬትስ (UAE) ፣ ቱርክ እና ግብፅ እንደሚያማሩ ተሰምቷል።

የጉዟቸው ዓላማ ደግሞ በኢትዮጵያ ጉዳይ ለመምከር ነው።

የአሜሪካ የውጭ ጉዳይ መ/ቤህ ቃል አቀባይ ኔድ ፕራስ በሰጡት መግለጫ ፌልትማን ወደ ሦስቱ አገራት ጉዟቸውን የሚያደርጉት ከዛሬ ሐሙስ ህዳር 30/2014 ዓ.ም ጀምሮ እንደሆነ አሳውቀዋል።

ፕራይስ ፥ " በሰሜን ኢትዮጵያ ያለው ግጭት ለአፍሪካ ቀንድ ሰላም እና ደህንነት ስጋት እንደሆነ እናውቃለን፤ አምባሳደር ፌልትማን ወደ አገራቱ ተጉዘው ከአጋሮች ጋር ውይይት ያደርጋሉ " ብለዋል።

ቃል አቀባዩ ፥ የአሜሪካ መንግሥት ለዚህ ግጭት ወታደራዊ እርምጃ መፍትሄው አይሆንም ብሎ እንደሚያምን አስታውሰው " የፌልትማን ተልዕኮ ግጭቱን ለማስቆም ዲፕሎማሲን የመጀመሪያው፤ የመጨረሻው እና ብቸኛው አማራጭ በማድረግ ተዋጊ ኃይሎች ያለአንዳች ቅድመ ሁኔታ ተኩስ አቁመው ልዩነቶቻቸውን በውይይት እንዲፈቱ ማስቻል ነው " ማለታቸውን ቢቢሲ አስነብቧል።

ፌልትማን ለሰሜን ኢትዮጵያው ግጭት መፍትሄ ለማፈላለግ ከሳምንታት በፊት ኢትዮጵያ መጥተው እንደነበር ይታወሳል።

@tikvahethiopia

Video : የአሜሪካው ፕሬዚዳንት ጆ ባይደን ትላንት ለስራ ጉብኝት በሄዱበት ካንሳስ ከተማ በሚኖሩ ኢትዮጵያውያን እንዲሁም የቀድሞ ፕሬዜዳንት ትራምፕ ደጋፊዎች ተቃውሞ ገጥሟቸዋል።

የባይደን አስተዳደር በኢትዮጵያ ላይ ጫና ለማሳደር የሚያካሂደውን እንቅስቃሴ አጥብቀው ተቃውመዋል።

ተቃዋሚዎቹ ፥ " የጆ ባይድን አስተዳደር ሽብርተኛውን የህወሃት ቡድን የመደገፍ እንቅስቃሴውን ሊያቆም ይገባል፣ የኢትዮጵያን ዴሞክራሲ ለማጥፋት የሚያካሄደው ጣልቃ ገብነትም ሊቆም ይገባል #NoMore” ብለዋል።

በዴሞክራሲያዊ መንገድ የተመረጠ፣ ገለልተኛና ነጻ መንግስት አለን ጣልቃ ገብነቱ እንዲቆም እናሳስባለን ሲሉም የሰልፉ ተሳታፊዎች ተናግረዋል።

የትራምፕ ባንዲራ የያዙ ወደ ደርዘን የሚጠጉ ሰዎችም ተቃውሞ ያሰሙ ሲሆን ፤ በፕሬዚዳንት ባይደን በደቡብ ድንበር አያያዝ፣ አሜሪካ ከአፍጋኒስታን መውጣት እና በ COVID-19 የደህንነት ጥንቃቄዎች ጉዳይ ተቃውሞ አሰምተዋል።

Video Credit : KMBC

@tikvahethiopia

#Update

የኢትዮጵያ ጠ/ሚ ዶክተር ዐቢይ አህመድ ከሴኔጋል ፣ ደ/አፍሪካ እና ከኮንጎ ዲሞክራቲክ ሪፐብሊክ መሪዎች ጋር የስልክ ውይይት አደረጉ።

ዶ/ር ዐቢይ በይፋዊ የማህበራዊ ትስስር ገፃቸው ከሴኔጋሉ ፕሬዝዳንት ማኪ ሳል፣ ከደቡብ አፍሪካው ፕሬዝዳንት ሲሪል ራማፎሳ እና ከኮንጎ ዲሞክራቲክ ሪፐብሊክ ፕሬዝዳንት ፌሊክስ ቲሼኬዲ ጋር ገንቢ የስልክ ውይይት ማድረጋቸውን አሳውቀዋል።

የሁለትዮሽና አህጉራዊ ግንኙነቶችን ለማጠናከር እንሰራለን ሲሉም ገልፀዋል።

@tikvahethiopia

#WeCare

በተለያዩ የህክምና ዘርፍ ስፔሻሊስት የሆኑ ዶክተሮችን ኦንላይን በቪድዮ፣ በድምጽ አልያም በ አጭር መልእክት ማግኘት የሚያስችል አዲስ አገልግሎት ተጀመረ።

ለራስዎ ፣ ለልጅዎ ወይም ለቤተሰቦ የሚሰማዎትን ህመም ወይም አጠራጣሪ ነገር በ WeCare መተግበሪያ በሙያው የተካኑ ሐኪሞችን በፍጥነት በማማከር እፎይታ ያግኙ።

መተግበሪያውን ለማውረድ👇
https://play.google.com/store/apps/details?id=com.icare.patient

አጠቃቀሙን ለመረዳት ቻናሉን @wecareet ይቀላቀሉ
ለበለጠ መረጃ : 9394 በመደወል ማብራሪያ ይጠይቁ!

#OCHA

በተመድ የሠብዓዊ ጉዳዮች ማስተባበሪያ ጽ/ቤት (ኦቻ) ፥ በደቡብ ኦሮሚያ ቦረና ዞን የተከሰተው ድርቅና የደህንነት ችግር በአስፈላጊ የጤና አገልግሎት ቀጣይነት ላይ እንቅፋት እየፈጠረ መሆኑን ገልጿል።

የትምህርት ማቋረጥ እየጨመረ ፣ የሰብል ምርት ኪሳራ እየታየ ፣ የዋጋ ጭማሪ እና የውሃ እጦት ችግር መቀጠሉ ሪፖርት እየተደረገ ነው ብሏል።

ኦቻ ለቦረና ድርቅ ምላሽ ለመስጠት የሰብአዊ ድጋፍ ቅንጅት እና ግብአት የማሰባሰብ ስራ ተጠናክሮ መቀጠል አለበት ሲል አስገንዝቧል።

የሰብዓዊ ድጋፍ አጋሮች ውስን የሆነ ምላሽ እየሰጡ ይገኛሉ ፤ ነገር ግን የፋይናንስ እና የሰው ኃይል አቅም እጦት ፈተና መሆኑን ኦቻ ገልጿል።

@tikvahethiopia