የከሰዓቱ የድምፅ አሰጣጥ ሂደት!

የምርጫ 2013 ድምፅ መስጫ ሰዓት ወደመጠናቀቁ እየሄደ ነው።

በጥዋቱ የድምፅ አሰጣጥ ሂደት በተለይ ረጃጅም ሰልፎች መኖራቸው፣ አንዳንድ ቦታዎች ላይ ደግሞ ወረቀት አልቋል በሚል መጉላላቶች ሲፈጠር ነበር።

ከሰዓት በአ/አ ተዘዋውረን በተመለከትናቸው ጣቢያዎች አሁንም ረጃጅም ሰልፎች አሉ፣ ከክልል በመጡልን መልዕክቶች አንዳድን ቦታዎች ላይ ወረቀት አልቋል በሚል መራጮች እንደተጉላሉ/ረጅም ሰልፎችም መኖራቸውን ገልፀዋል።

በተለይ ሂደቱ ፍጥነት ያልተላበሰ በመሆኑ መራጮች እጅግ ረጅም ሰዓት ለመሰለፍ ተገደዋል።

ያም ሆኖ ዝናብ፣ ፀሃዩን፣ ብርዱን ችሎ መራጩ ድምፁን እየሰጠ ነው።

ምርጫ ቦርድ ምርጫው ዘግይቶ በጀመረባቸው፣ ረጃጅም ሰልፎች ባሉባቸው ቦታዎች የሰዓት ሁኔታውን እንዲያጤነው መልዕክታቸውን የላኩ አባላት ጠይቀዋል።

@tikvahethiopia

ወ/ሪት ብርቱካን ሚደቅሳ ንፋስ ስልክ ላፍቶ ክፍለ ከተማ ወረዳ አንድ ጀሞ 28 ፣ 14 እና 42 ምርጫ ጣቢያዎች ተገኝተው የምርጫ ሂደቱን ገምግመዋል።

የምርጫ አስፈፃሚዎች የምርጫውን ትክክለኛ የድምፅ መስጫ ወረቀት #ለማስተማሪያነት ሲጠቀሙ ወ/ሪት ብርቱካን ተመልክተው እርምት እንዲደረግ አድርገዋል።

ሌሌችም የተመለከቷቸውን ክፍተቶችን ሲያስተካክሉ ነበር።

በሌላ በኩል ምርጫ ጣቢያ 42 ዘግይቶ ነው የተከፈተው እንደታዛቢዎቹ ገለፃ ከሆነ ጣቢያው ዘግይቶ መከፈቱ መራጩን አጉላልቷል። ከላይ በተገለፁት ምርጫ ጣቢያዎች ረጅም ሰልፍ መኖሩን በአካል ተገኝተን ተመልከተናል።

ተጨማሪ መረጃዎችን ቆየት ብለን እናካፍላለን።

(የቲክቫህ አባላት)

@tikvahethiopia

#Update

ንፋስ ስልክ ላፍቶ ወረዳ አንድ ምርጫ ክልል 19 ምርጫ ጣቢያ 16 ላይ ወ/ሪት ብርቱካን ሚደቅሳ የምርጫውን ሂደት እየዞሩ እየገመገሙ ነው።

በሂደቱ የምርጫ ጣቢያ ውስጥ የታዛቢነት ካርድ ሳትይዝ የገባች አንድ ሴት ነበርች ፥ ወ/ሪት ብርቱካን ይህችን ሴት ከጣቢያው እንድትወጣ አድርገዋል።

የምርጫ ጣቢያ ኃላፊው ፖሊስ እንዲጠራ በማስደረግም ያለ ምርጫ ታዛቢነት ካርድ የገባችው ሴት ላይ በፖሊስ ምርመራ እየተደረገ ነው።

ታዛቢ ነኝ ብላ ምርጫ ጣቢያ ውስጥ የተገኘችው ሴት "የብልፅግና ፓርቲ ታዛቢ ነኝ" ያለች ሲሆን አንድ ዳብዳቤ ይዛ ነበር ደብዳቤው ግን ህጋዊ አይደለም መባሉን በቦታው የሚገኙት የቤተሰባችን አባላት አሳውቀውናል።

@tikvahethiopia

ወ/ሪት ብርቱካን በቅኝታቸው ወቅት ምን ገጠማቸው ?

የኢትዮጵያ ብሄራዊ ምርጫ ቦርድ ሰብሳቢ ወይዘሪት ብርቱካን ሚደቅሳ በንፋስ ስልክ ላፍቶ ክፍለ ከተማ ወረዳ አንድ ጀሞ 28 ፣ 14 እና 42 ምርጫ ጣቢያዎች እንዲሁም በምርጫ ክልል19 ምርጫ ጣቢያ 16 ተገኝተው የምርጫውን እንቅስቃሴ መመልከታቸውን በፎቶ አስደግፈን አሳውቀናችሁ ነበር።

በእነዚህ የምርጫ ጣቢያ ያጋጠማቸውን በአጭሩ ፦

- ወረዳ አንድ ጀሞ 28 ፣ 14 እና 42 ምርጫ ጣቢያ ሁለት ታዛቢዎች ከህግ አግባብ ውጪ የምርጫ ማስፈጸም ሂደት ላይ በመገኘታቸው የታዛቢነት ባጃቸውን አስወልቀዋቸዋል፤

- የምርጫ አስፈጻሚዎቹ ለትምህርት የተዘጋጀውን የድምጽ መስጫ አምሳያ ወረቀት ለትምህርትነት መጠቀም ሲገባቸው ትክክለኛውን የድምጽ መስጫ ወረቀት ሲጠቀሙ በማየታቸው አስፈላጊውን እርምት ወስደዋል፤

- ምርጫ ክልል 19 ምርጫ ጣቢያ 16 በነበራቸው ቆይታ የምርጫ ታዛቢ ፈቃድ(ባጅ) ሳይኖራት ''የብልጽግና ታዛቢ ነኝ'' በሚል በምርጫ ጣቢያው የተገኘች ግለሰብን ለህግ አካላት አስረክበዋል።

ሌሎችም የምርጫ ቦርድ አባላት በተለያዩ አከባቢዎች ያለውን የምርጫ እንቅስቃሴ መመልከታቸውን ለማወቅ ችለናል።

@tikvahethiopia