የታህሳስ ወር ደመወዝ መዘግየት ...

በ2013 በጀት ዓመት በወላይታ ዞን ከተበጀተው ጠቅላላ በጀት ወደ 8 መቶ ሚሊዬን የሚጠጋ የድጎማ ቅነሳ በተለያየ ምክንያት በመደረጉ (በመቀነሱ) በወላይታ ዞኑ የጥሬ ገንዘብ እና የበጀት እጥረት መከሰቱን የዞኑ ፋይናንስ መምሪያ ገለፀ።

መምሪያው ከታህሳስ ወር ደመወዝ መዘግየት ጋር በተያያዘ እየተነሳ ለነበረው ቅሬታ ምላሽ ሰጥቷል።

መምሪያው የየሴክተር መሥሪያ ቤቶች የደመወዝ ክፊያ ጥያቄ ባቀረቡት መሠረት ፔሮል ተሠርቶ ደመወዝ የሚከፈልበት ሥርዓት በባንክ በመሆኑ በጊዜ የደመወዝ ክፊያ ትዕዛዝ ወደ ባንክ ተልዕኮ ከኔትወርክ ችግር የተነሳ ወደ ሠራተኛው አካውንት ደመወዝ በጊዜ ሳይገባ ቀርቷል ብሏል።

ይህ የኔትወርክ ችግር የተፈጠረው በገና በዓል ዋዜማ አንድ ቀን ቀደም ብሎ በመሆኑ ለሠራተኛው ለበዓል ደመወዝ እንዳይደርስ እንዳደርግ አስረድቷል።

የወላይታ ዞን ፋይናንስ መምሪያ ኃላፊ አቶ ደስታ ዳና ችግሩ ከዞኑ ፋይናንስ መምሪያ ቁጥጥር ውጪ መሆኑን በመግለፅ ተመሣሣይ ችግር ዳግም እንዳይከሰት ከባንኩ ጋር በመናበብ ይሠራል ማለታቸውን ከዞኑ ኮሚኒኬሽን ያገኘነው መረጃ ያሳያል።

@tikvahethiopia @tikvahethiopiaBOT

#SolomonMuchie

ጋዜጠኛ ሰሎሞን ሙጬ ለፋሲል ከነማ የስፖርት ክለብ ገቢ ማስገኛ ባለፈው ክረምት ካሳተመው "ዳሳሽ መዳፎች" ከተባለው ድርሰቱ የ40 ሺህ ብር ወይም 200 መጽሐፍቶችን በነፃ አበረከተ።

ጋዜጠኛው ፋሲል ከነማ ወደ ፕሪሚየር ሊግ ሲቀላቀል በሬዲዮ ፋና ዘገባውን የሰራ ሲሆን ከዚያም በመቀጠል ፋሲል ከነማ በሜዳው ያደርጋቸው የነበሩ ጨዋታዎችን በጎንደር ፋና ኤፍ ኤም 98.1 ሬድዮ ጣቢያ በቀጥታ በማስተላለፍም ይታወቅ ነበር።

"ለምወደው እና ታሪኩንም በድርሰቱ ውስጥ ላካተትኩበት ፋሲል ከነማ መጽሐፍቶችን ሳበረክትለት እጅግ ከከፍተኛ የደስታ ስሜት ጋር ነው።" ብሏል ጋዜጠኛ ሰለሞን በላከልን መልዕክት።

@tikvahethiopiaBot @tikvahethiopia

የአጊቱ ጉደታ አስከሬን አዲስ አበባ ገባ።

የአጊቱ ጉደታ አስክሬን ዛሬ ኢትዮጵያ (አዲስ አበባ) ገብቷል።

የአዲስ አበባ ከተማ አስተዳደር ምክትል ከንቲባ ወ/ሮ አዳነች አቤቤን እና አቶ ጃንጥራር አባይን ጨምሮ ቤተሰቦቿ እና ሌሎች የመንግስት የስራ ኃላፊዎች ቦሌ አለም አቀፍ አየር ማረፊያ በመገኘት አስከሬኑን ተቀብለዋል፡፡

በጣልያን ሀገር ፍራሲሎንጎ ከተማ ፍየል እያረባች የፍየል ተዋጽኦዎችንና የቆዳ ቅባቶችን በመሸጥ የጠንካራ ሠራተኛነት ተምሳሌት የነበረችው አጊቱ ጉደታ መገደሏ ተገልጾ ነበር፡፡ ~ ኢብኮ

@tikvahethiopiaBot @tikvahethiopia

ዳግም ያገረሸው ግጭት ...

በኮንሶ ዞን ሰገን ዙሪያ ወረዳ ዳግም ባገረሸ ግጭት ጉዳት መድረሱን የአካባቢው ነዋሪዎች ተናገሩ።

በኮንሶ ዞን የሰላም እና እርቅ ኮሚቴ ሰብሳቢ በደቡብ ክልል የፌዴራል መንግስት የክልል አወቃቀር የሰላም አምባሳደር አባል የባላባት ካላ ገዛኸኝ፥ ጥቃት አድራሾቹ ሰገን ዙሪያ ወረዳ ውስጥ ገብተው (መልካና ዱካያ፣ ሰገን ገነት፣ አዲስ ገበሬ፣ ገርጬ፣) ባሉት 9 ቀበሌዎች ውስጥ ሲያጠቁ ነበር ብለዋል።

ጥቃት አድራሾቹ ቤቶችን እያቃጠሉ፣ ሰው እየገደሉ ነው ያሉት ሲሉ ገልፀዋል።

በቾ፣ አዲስ ገበሬ፣ መለጋና ዱካያ፣ ገርጬ፣ ሰገን ገነት፣ ሉልቱ፣ ሌሎችም ቦታዎች ላይ ከፍተኛ ጥቃት መፈፀሙን አስረድተዋል።

ካሉት 9 ቀበሌዎች ጥቃት ያልደረሰበት ብርብርሳ ብቻ ሳይሆን አይቀርምም ብለዋል።

ከዚህ ቀደም በዞኑ ውስጥ ያሉ ሌሎች ወረዳዎች እርቀ ሰላም ለማውረድ ቢሞከርም ለውይይት ፍቃደኛ ያልሆኑ አካላት መኖራቸው መሰናክል ሆኗል ብለዋል።

በተደጋጋሚ የሚያገረሸው ግጭት ዋነኛው መንስኤ "ልዩ ወረዳ" የመሆን ጥያቄ እንደሆነ ገልፀዋል።

የኮንሶ ዞን ከሰገን አካባቢ ህዝቦች ዞን ወጥቶ ለብቻው ከተደራጀ በኃላ የመዋቅር እና የአስተዳደር ጥያቄ አለን የሚሉ አሉ።

በመዋቅር እና አስተዳደር ጥያቄ ምክንያት በአካባቢው በተደጋጋሚ ግጭቶች ይከሰታሉ፣ ያገረሻሉ።

በዚሁ አካባቢ ከዚህ ቀደም በተቀሰቀሰ ግጭት የሰዎች ህይወት አልፏል፥ ከ70 ሺህ በላይ ሰዎች ከቤት ንብረታቸው ተፈናቅለዋል። ~ ቢቢሲ

@tikvahethiopia @tikvahethiopiaBOT

የኮንሶ ዞን መንግስት ምን ይላል ?

ኮንሶ ሰገን ዙሪያ ወረዳ የተከሰተውን ግጭት አስመልክቶ የዞኑ መንግስት ትላንት ምሽት ባሰራጨው መግለጫ ቀጠናው እንዲተራመስ የተሳሳተና ሀሰተኛ መረጃ እያሰራጩ የሚገኙ የፈጠራ ፌስቡክ አካውንቶች (በስም ጠቅሶ) አሉ ብሏል።

እነዚህ አካላት ሀሰተኛ መረጃዎችን በማደራጀት በቀጠናው ህብረተሰበሱ ሰላማዊ ኑሮ እንዳይኖር እርስ በእርስ እያጋጩት ነው ሲል ገልጿል።

ዞኑ በስም የጠቀሳቸውን የ1 የቴሌቪዥን ጣቢያ፣ 1 መፅሄት፣ 1 ድረገፅ (የፌስቡክ ፔጅ) እና 1 የሬድዮ ጣቢያ ፔጅ ሚዛናዊነቱን ያልጠበቀ መረጃ በማሰራጨት የተዛባ መረጃ በማሰራጨት ለኮንሶ ዞን እና ከደቡብ ክልል ውጭ ላሉ ህብረተሰቦች ተቆርቋሪ በመምሰል ለህገ ወጥ ስያሜ እውቅና በመስጠት ለ "ፀረ ሰላም ኃይል" ጉልበት እየሆኑ ነው ብሏል።

በአካባቢው ያለውን እውነታ በሩቅ ሆኖ ሳይሆን በአካል ቀርቦ መመልከት ተገቢ መሆኑን አስታውቋል ፤ ዞኑ በአካል ቀርበው እውነታውን መረዳት ለሚፈልጉ አካላት ሁሌም በሩ ክፍት መሆኑ ገልጿል።

(ዝርዝር መግለጫው ከላይ ተያይዟል)

@tikvahethiopiaBot @tikvahethiopia

#AAWSA

አዲስ አበባ ከተማ ስታዲየም ዙሪያ ባሉ አካባቢዎች የውኃ አገልግሎት መቋረጡን የአዲስ አበባ ውሃና ፍሳሽ ባለስልጣን አስታወቀ።

በመስቀል አደባባይ ፕሮጀክት ስራ ምክንያት 700 ሚሊሜትር ስፋት ያለው የውሃ መስመር ላይ ጉዳት በመድረሱ ነው ስታዲየም ዙሪያ ባሉ አካባቢዎች የውሃ አገልግሎት የተቋረጠው።

የመስቀል አደባባይ ፕሮጀክት ግንባታን እያከናወነ ያለው የቻይናው #ሲሲሲሲ ስራ ተቋራጭ ለውሃ መስመሩ ጥንቃቄ ሳያደርግ የግንባታ ስራ ሲያከናውን ነው ውሃ በሚያስተላልፈው የውኃ መስመር ላይ ከባድ ጉዳት ደርሷል፡፡

በዚህም ጋንዲ ሆስፒታል ፣ አምባሳደር አካባቢ ፣ ቦሌ ሮድ እስከ ደንበል በአጠቃላይ ስታዲየም ዙሪያ ያሉ አካባቢዎች የውሃ አገልግሎት ተቋርጣል፡፡

መስመሩን ጠግኖ ወደ መደበኛ ስርጭት ለማስገባት ርብርብ እየተደረገ መሆኑን ባለስልጣኑ ገልጾ ደንበኞች በትግስት እንዲጠብቁ መልዕክት አስተላልፏል።

@tikvahethiopia @tikvahethiopiaBOT