በመቅደላ ወረዳ በረዶ ቀላቅሎ የጣለ ዝናብ በደረሱ ሰብሎች ላይ ጉዳት አድርሷል !

በመቅደላ ወረዳ "016 ቀበሌ" ደብረዘይት ልዩ ስሙ ጨረፌ በተባለው ቦታ በቀን 7/01/2013 ዓ/ም በረዶ ቀላቅሎ በጣለው ዝናብ በ256 አርሶ አደሮች ይዞታ በሆነው በ148.5 ሄክታር መሬት ላይ ጉዳት ደርሷል፡፡

የተጎዱ ሰብሎች ስንዴ፣ ጤፍ፣ አተር ፣ ገብስ ሌሎችም ሲሆኑ በጉዳቱ 90% ሰብሎች መውደማቸውን ከወረዳው የግብርና ፅ/ቤት የተገኘው መረጃ ያመልክታል፡፡

@tikvahethiopiaBot @tikvahethiopia

"በህብር ጣናን እንታደግ"

በዛሬው ዕለት ለአንድ ወር የሚቆየው እንቦጭ አረምን ከጣና ሀይቅ ላይ የማስወገድ ብሄራዊ ንቅናቄ በይፋ ተጀምሯል።

በዚህ የ1 ወር ዘመቻ 360 ሺህ ህዝብ እንደሚሳተፍ ከጣና ሃይቅና ሌሎች ውሃ አካላት ጥበቃና ልማት ኤጀንሲ የተገኘው መረጃ ያሳያል።

@tikvahethiopiaBot @tikvahethiopia

#UPDATE

ዛሬ ከኤሚሬትስ ቀጥሎ 2ኛው ትልቁ የ UAE አየር መንገድ የሆነው የኤቲሃድ አውሮፕላን ወደ እስራኤል 'ቴል አቪቭ' መብረሩን አል ዓይን /AlAin/ አስነብቧል።

ይህ የእስራኤልና UAE የሰላም ስምምነት ተከትሎ በሁለቱ ሀገራት መካከል የዩኤኢ ንብረት በሆነ አየር መንገድ የተካሔደ የመጀመሪያው የመንገደኞች የበረራ አገልግሎት ነው፡፡

በረራው ኤቲሃድን ወደ እስራኤል መንገደኞችን በማጓጓዝ ከበባህረሰላጤው ሀገራት አየር መንገዶችም የመጀመሪያው ነው።

@tikvahethiopiaBot @tikvahethiopia

#UPDATE

በኮቪድ-19 ወረርሽኝ ምክንያት የተቋረጠው ትምህርት ለማስቀጠል እንዲሁም ተመራቂ ተማሪዎችን በአጭር ጊዜ ውስጥ የቀራቸውን ትምህርት ተከታትለው እንዲመረቁ ለማድረግ ዩኒቨርሲቲዎች ጥሪ ማድረግ ጀምረዋል።

ዛሬ የወላይታ ሶዶ ዩኒቨርሲቲ የ2012 ዓ.ም ተመራቂ መደበኛ ተማሪዎች #ብቻ የምዝገባ (Registration) ጊዜ አሳውቋል።

በዚህም ተመራቂ ተማሪዎች ብቻ ጥቅምት 23 እና 24/2013 ዓ/ም እንዲመዘገቡ ጥሪ የቀረበ ሲሆን የመጀመሪያ ቀን ትምህርት (Day - One - Class - One) ጥቅምት 25 / 2013 ዓ/ም እንደሚጀምር ተገልጿል።

@tikvahethiopiaBot @tikvahethiopia

#UPDATE

ጠቅላይ ሚኒስትር አብይ አህመድ የጣና በለስ ፕሮጀክት ግንባታ በቀጣዮቹ 6 ወራት እንደሚጠናቀቅ አስታውቀዋል።

ዶ/ር ዐብይ ይህን ያስታወቁት ዛሬ የሕዝብ ተወካዮች ምክር ቤት አባላት ላቀረቡላቸው ጥያቄዎች መልስ እና ማብራሪያ በሰጡበት ወቅት ነው።

@tikvahethiopiaBot @tikvahethiopia

#PASSPORT

ከነገ ጥቅምት 10/2013 ጀምሮ በ Online ላይ ፖስፖርት ለማደስ እና ለአዲስ ፖስፖርት ቀጠሮ ለማስያዝ የማመልከት አገልግሎት ይጀምራል።

*አዲስ አበባ ቢሮ ከህዳር 1/2013 ጀምሮ ሁሉም መደበኛ አገልግሎቶች ይጀምራሉ። (INVEA)

@tikvahethiopiaBot @tikvahethiopia

ምስራቅ ሐረርጌ ዞን ውስጥ ሜታ ወረዳ ቁልቢ ከተማ 5 ሺ 100 ሀሰተኛ የብር ኖቶች ይዘው ለመገበያየት ሞክረዋል የተባሉ ተጠርጣሪዎችን መያዙን ፖሊስ ለኢዜአ አስታወቀ።

የሜታወረዳ ፖሊስ፥እንደገለፀው በከተማው ባለፈው ቅዳሜ በተለያዩ ሱቆች ሀሰተኛ የብር ኖቶችን ይዘው ለመገበያያት ሲሞክሩ የተያዙት  ተጠርጣሪዎች ሁለት ናቸው።

በህብረተሰቡ ጥቆማ ፖሊስ ባካሄደው ክትትል ከተጠርጣሪዎቹ እጅ የተገኙት  ሀሰተኛ የብር ኖቶች  25 አዲሱ ባለ 200 እና እና አንድ ደግሞ ባለ አንድ መቶ  መሆናቸው ተገልጿል።

በከተማው በሚገኘው ንግድ ባንክ የብር ኖቶቹ ሀሰተኛ መሆናቸውን  መረጋገጡንና ለእግዚቢትነትም  በፖሊስ ጽህፈት ቤቱ እንደሚገኙም ተገልጿል።

@tikvahethiopiaBot @tikvahethiopia

#COVID19Ethiopia

የባለፉት 24 ሰዓት የኮቪድ-19 ሪፖርት ፦

• የተደረገ የላብራቶሪ ምርመራ - 6,546
• በቫይረሱ የተያዙ - 723
• ህይወታቸው ያለፈ - 13
• ከበሽታው ያገገሙ - 500

በአጠቃላይ በሀገራችን 89,860 ሰዎች በቫይረሱ መያዛቸው ሲረጋገጥ ፤ የ1,365 ሰዎች ህይወት አልፏል ፤ 43,149 ከበሽታው አገግመዋል።

269 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

#FDREDefenseForce

በዛሬው ዕለት የኢ.ፌ.ዴ.ሪ መከላከያ ሠራዊት የሚሰጡኝን ግዳጆች በፍጥነት ማከናወን ያስችሉኛል ያላቸውን ተጨማሪ ሁለት ዕዞች ማደራጀቱን አስታውቋል።

አዲሶቹ ዕዞች በዚህ ዓመት ወደ ስራ ይገባሉ ተብሏል።

ዕዞቹ በውስጥም በውጭም የሚቃጡ ጥቃቶችና ችግሮችን ፈጥነው ለመከላከል እንዲችሉ ታስቦ የተደራጁ እንደሆኑ ተገልጿል።

ማዕከላዊና ሰሜን ምዕራብ አዲስ የተደራጁት ዕዞች ሲሆኑ የቀደሙት ምዕራብ ፣ ሰሜን ፣ ደቡብ እና ምስራቅ ዕዞች መኖራቸው ይታወቃል። (ENA)

@tikvahethiopiaBot @tikvahethiopia

ከትምህርት ሚኒስቴር በተገኘው መረጃ መሰረት ትላንት 30 በመቶ የሚሆኑ ትምህርት ቤቶች ትምህረት ጀምረዋል።

በቀጣይም ሌሎች ትምህርት ቤቶች ወደ ማስተማሩ ሂደት ይገባሉ።

ተማሪዎች በትህርት ቤት በሚኖራቸው ቆይታም አስፈላጊው ጥንቃቄ እያደረጉ ትምህርት እንድትከታተሉ ትምህርት ሚኒስቴር ጥሪ አቅርቧል።

@tikvahethiopiaBot @tikvahethiopia

#ከፍተኛ_ጥንቃቄ_እያደረጋችሁ !

(ጎንደር ኮሚኒኬሽን)

በጎንደር ከተማ ውስጥ ከ31,000 ብር በላይ ሃሰተኛ የብር ኖት በቁጥጥር ስር መዋሉ የ3ኛ ዋና ፖሊስ ፅህፈት ቤት አስታውቋል።

ሃሰተኛ የብር ኖቶች የተያዙት በከተማ አስተዳደሩ በማራኪ ክፍለ ከተማ ልዩ ስሙ ኮሌጅ ማዞሪያ እየተባለ በሚጠራው አካባቢ ነው።

ሃሰተኛ የብር ኖቶች በፀጥታ ሃይል በተደረገ ክትትል ትላንት ጥቅምት 9 ቀን 2013 ከጧቱ 2 ስዓት ላይ መያዙ ተገልጿል።

የድርጊቱ አስፈፃሚዎች እንዲሁም ተባባሪዎቻቸው ፖሊስ እየተከታተላቸው መሆኑ በማወቃቸው በመታተም ላይ የነበረ ፦
• 27 ሺህ ብር አዲሱ ባለ 200 የብር ኖት
• 4 ሺህ 600 ብር ነባሩ ባለ 100 የብር ኖቶችን በባጃጅ በመጫን ከወሰዱ በኃላ ውሃ ቦይ ላይ ጥለው አምልጠዋል።

የድርጊቱ አስፈፃሚዎችና ተባባሪዎቻቸውም በቁጥጥር ስር ለማዋል ፖሊስ ክትትል እያደረገ መሆኑ ተገልጿል።

ሃሰተኛ የብር ኖቶች የሞባል ካርድ በመግዛት ፣ ምግብ ቤት በመጠቀም እንዲሁም የሱቅ ሸቀጣሸቀጦችን በመግዛት እያዘረዘሩ በመሆኑ ህብረተሰቡ ሃሰተኛ የብር ኖት ሲያጋጥም ተጠያቂ ከመሆን በፊት ለፓሊስ ሊጠቁም እንደሚገባ ፖሊስ አሳስቧል።

በህገ ወጥ መንገድ እየተመረተ ያለው ሃሰተኛ የብር ኖቶች ከአዲሱ የብር ኖቶች ጋር ተመሳሳይ በመሆናቸው እና በሁሉም የብር ኖቶች ዓይነቶች ሃሰተኛ የብር ኖቶች እየተሰሩ ወደ ገበያ ውስጥ እየገቡ በመሆኑ ህብረተሰቡ እንዳይታለል መልዕክት ተላልፏል።

@tikvahethiopiaBot @tikvahethiopia

#REPOST

በሀሰተኛ የብር ኖቶች እንዳትጭበረበሩ አዲስ ታትመው ስለተሰራጩት የብር ኖቶች የደህንነት መጠበቂያ ምልክቶች መረጃ ይኖራችሁ ዘንድ ከላይ ያለውን ምስል ተመልከቱ።

#SHARE #ሼር

@tikvahethiopiaBot @tikvahethiopia