ቲክቫህ ኢትዮጵያ ከሳይንስ እና ከፍተኛ ትምህርት ሚኒስትር ዴኤታ ዶ/ር ሙሉ ነጋ ለተማሪዎች ሊሰጥ ስለታሰበው የተከታታይ ምዘና ተከታዩን መረጃ አግኝቷል ፦

- ተማሪዎች ከሚማሩበት ተቋም የሚላክላቸውን የኮርስ ማቴሪያሎች በማንበብ ለቀጣይ ስራ ዝግጁ እንዲሆኑ ስራዎች ሲከናወኑ ቆይቷል ፤ ይህ ስራ በምዘና መደገፍ ስላለበት ነው ውሳኔው የተላለፈው።

- ተማሪዎች በቤታቸው ሆነው የሚላክላቸውን የኮርስ ማቴሪየሎችን ይበልጥ እንዲየነቡ ለማድረግ ፣ ያነበቡትንም ለመመዘን እስከ 30 % ተከታታይ ምዘና ይሰጣቸዋል።

- ከ30 % የሚያዘው ምዘና ተማሪዎች ዩኒቨርሲቲዎች ተከፍተው እስኪመለሱ ድረስ ከትምህርታቸው እንዳይርቁ ለማነሳሳትም ጭምር ነው።

- ተማሪዎች የሚያነቡትን ማቴሪያል ከ30% ቤት ውስጥ ሆነው በሚሰሩት አሳይመንት ይመዘናሉ፤ ይህ ማለት ተማሪዎች የሚወስዱትን ኮርስ 30% በቤታቸው ሆነው ይጨርሳሉ (ምዘናው እንደየዩኒቨርሲቲው ሊለያይ ይችላል ከ5 % ፣ 10 % ...እያደረጉ መጨረስ ይችላሉ)

- የተቀረው 70 % ደግሞ ተማሪዎች ወደ ዩኒቨርሲቲ ሲመለሱ የሚወስዱት ምዘና ይሆናል።

- ተማሪዎች ትምህርት የሚያስፈልጋቸው ለራሳቸው መሆኑን አውቀው የሚላክላቸውን ማቴሪያሎች ተግተው እንዲያነቡት መልዕክት ተላልፏል።

(ሁሉንም የመንግስት እና የግል ዩኒቨርሲቲዎች ይመለከታል)

@tikvahethiopiaBot @tikvahethiopia

21 አምባሳደሮች በኮሮና ቫይረስ ተይዘዋል ?

በማህበራዊ ሚዲያ ላይ "በቢሾፍቱ ከተማ ስልጠና ላይ ከነበሩ አምባሳደሮች መካከል ሃያ አንዱ (21) በኮሮና ቫይረስ መያዛቸው ታውቋል ፣ እንዲሁም የUN አምባሳደር ታዬ አጽቀስላሴ ወደ ኒው ዮርክ አይመለሱም" የሚል መረጃ በስፋት እየተሰራጨ ተመልክተናል።

በዚህ ጉዳዩ ላይ ስማቸውን የማንገልፅላችሁ ከውጭ ጉዳይ ሚኒስቴር አመራሮች/እንዲሁም በስልጠናው ላይ ተሳታፊ ከነበሩት መካከል አንድ ሰው ተከታዩን ብለውናል ፦

"አምባሳደር ታዬ አጽቀስላሴ ወደ New York ትላንትና እንደሚበሩ ነግረውኛል። አዲስ ነገር አልሰማሁም። 21 አምባሳደሮች በCOVID-19 አልተያዙም።

ነገር ግን ከስብሰባችን በኋላ አንዴ ከመውጣታችን በፊት ከዛም አርብ እለት ምርመራ አድርገናል ነገር ግን የጤና መረጃ የግል confidential ስለሆነ በትክክል ቁጥሩን መናገር አልችልም።

ከአምባሳደሮቻችን መካከል ወደ አስራ አምስት (15) የሚሆኑ ወደየሚሰሩበት ሀገር ተመልሰዋል። አሁን ደግሞ እዚህ MINT ያዘጋጀው program ላይ አብዛኞቻችን አለን።

ቁጥሩን ባላውቀውም 21 ግን እንዳልሆኑ እርግጠኛ ነኝ ከላይ በጠቀስኩት ምክንያት።"

@tikvahethiopiaBot @tikvahethiopia

ወደ ሀገር ሊገባ የነበረ 200,000 ብር ተያዘ!

በጅጅጋ ጉምሩክ ዛሬ በ05/01/13 ዓ/ም ወደ ሀገር ሊገባ የነበረ 200,000 ብር ተይዟል።

በትላንትናው ዕለት በመንግሥት ይፋ በተደረገው የብር ኖት ቅያሪ ምክንያት ከሱማሌላንድ በቶጎ ውጫሌ በኩል በተለያየ በህገ ወጥ መንገድ ወደ ውጭ የሸሸ የኢትዮጵያ ብር በአንድ ግለሰብ አማካኝነት ወደ ሀገር ሊገባ የነበረ 200,000 ብር በጉምሩክ ፈታሽ አማካኝነት ከነተጠርጣሪው በቁጥጥር ስር መዋሉን የገቢዎች ሚኒስቴር አስታውቋል።

@tikvahethiopiaBot @tikvahethiopia

የመስቀል በዓልን ተከትሎ የኮሮና ቫይረስ ወረርሽኝ ስርጭት እንዳይባባስ የጉራጌ ብሄር ተወላጆች በዓሉን ለማክበር ወደ ዞኑ ሳይመጡ በሚኖሩበት አካባቢ እንዲያከብሩት የጉራጌ ዞን አስተዳደር ጥሪ አቀረበ።

የዞኑ አስተዳደር ከከተማ ወደ አገር ቤት ለመግባት እንቅስቃሴ እያደረጉ ያሉ አካላት ስለ ቫይረሱ አሰረከፊነት በመገንዘብ ዘመዶቻቸው እና ወዳጆቻቸው ከኮሮና ቫይረስ ሊጠብቁ ይገባል ብሏል።

ሁሉም የብሄሩ ተወላጆች የዞኑን አስተዳደር መልዕክት ተግባራዊ ማድረግ ይጠበቅባቸዋልም ተብሏል።

ሆኖም ግን ከአቅም በላይ በሆነ ጉዳይ ወደ አገር ቤት የሚመጡ የብሄሩ ተወላጆች አስፈላጊውን የኮሮና ቫይረስ ምርመራ ተደርጎላቸው እንደሚገቡ ተገልጿል።

በዚህም በሽታው ከተገኘባቸው ሰዎች ወደ ለይቶ ማቆያ እንደሚገቡ ይደረጋል፤ ከዚህ በተጨማሪ የማታ ጉዞ ማድርግ ተከልክሏል።

@tikvahethiopiaBot @tikvahethiopia

አቶ ሚሻ አደምን የኦሮሚያ ፖሊስ እንዳሰራቸው ጠበቃቸው አቶ ደጀኔ ፍቃዱ ለቲክቫህ ኢትዮጵያ አሳውቀዋል !

ጠበቃ ደጀኔ ፍቃዱ በጉዳዩ ላይ ተከታዩን መረጃ ሰጥተውናል ፦

- የአራዳ መጀመሪያ ደረጃ ፍርድ ቤት በ10,000 ብር ዋስ እንዲወጣ ትዕዛዝ ሰጥቶ ነበር።

- ፍርድ ቤት በዋስ እንዲወጣ ቢፈቅድም አቶ ሚሻ በእስር እንዲቆይ አድርገውት ፣ በከፍተኛ ፍርድ ቤት ክስ መሰረቱበት ፍርድ ቤት የተከሰሰበት ጉዳይ የዋስትና መብት የሚያስከለክል ስላልሆነ በ20,000 ብር ዋስ እንዲለቀቅ ትዕዛዝ ተሰጥቶ ነበር።

- ትላንት የፌደራል ፖሊስ ከእስር የለቀቀው ሲሆን በር ላይ እያለ በኦሮሚያ ፖሊስ ኮሚሽን እንደተወሰደ ተነገረ ፤ የት እንደተወሰደ ፣ የት እንዳለ እስካሁን የሚታወቅ ነገር የለም።

- ከቤተሰቦቹ እንደተሰማው በኤምባሲ በኩል የኦሮሚያ ፖሊስ ደውሎ ጉዳዩን እነሱ እንደያዙት ብቻ ነው የተነገረው።

@tikvahethiopiaBot @tikvahethiopia

274 ኢትዮጵያዊያን ዜጎች ከሳኡዲ አረቢያ ወደ አገራቸው ተመለሱ!

በሳኡዲ አረቢያ ጅዳ ከተማ ውስጥ በተለያየ ችግር ውስጥ ይኖሩ የነበሩ ሁለት መቶ ሰባ አራት (274) ኢትዮጵያዊያን ዜጎች ዛሬ መስከረም 6 ቀን 2013 ዓ/ም ወደ አገራቸው ተመልሰዋል።

ኢትዮጵያዊያን ዜጎቻችን ቦሌ ዓለም አቀፍ አውሮፕላን ማረፊያ ሲደርሱ በውጭ ጉዳይ ሚኒስቴር የቆንስላ ጉዳዮች ዳ/ጄኔራል አቶ መስፍን ገ/ማርያምን ጨምሮ ከተለያዩ መ/ቤቶች የተወከሉ ባለሙያዎች ተገኝተው አቀባበል አድርገውላቸዋል።

@tikvahethiopiaBot @tikvahethiopia