የመከላከያ ሰራዊት ምሥራቅ ዕዝ!

የኮረና ቫይረስ ስርጭትን ለመከላከል የሚያስችሉ የቅድመ መከላከል ስራዎች እየተከናወኑ መሆኑን የኢፌዲሪ መከላከያ ሰራዊት ምስራቅ ዕዝ ጠቅላይ መምሪያ አስታወቀ።

በኢትዮጵያ ቫይረሱ [ኮቪድ-19] እንደገባ ከተነገረበት ጊዜ አንስቶ ስርጭቱን ለመከላከልና ለመግታት በመንግስት በኩል ውሳኔዎች እየተላለፉና ጥረቶች እየተደረጉ ይገኛሉ።

በመሆኑም የቫይረሱን ስርጭት ለመከላከልና የሰራዊቱን ጤንነት ለመጠበቅ የሚያስችሉ የቅድመ መከላከል ስራዎች እየተሰሩ መሆኑን የምስራቅ ዕዝ ዋና አዛዥ ሜጀር ጀኔራል ዘውዱ በላይ ገልጸዋል።

የመከላከያ ሰራዊቱ አባላት በጋራ የሚኖሩ፣ በጋራ የሚበሉ እና የሚንቀሳቀሱ በመሆኑ የቅድመ መከላከል ስራው ትኩረት ተሰጥቶት እየተሰራ እነደሆነም ተናግረዋል።

#ENA
@tikvahethiopiaBot @tikvahethiopia

#DrLiaTadesse

የኮሮና ቫይረስን ወረርሽኝ የሚያደርሰውን ጉዳት ለመቀነስ የሚሌኒየም አዳራሽን የጤና አገልግሎት መስጫ አድርጎ ለመጠቀም ዝግጅቶች እየተደረጉ መሆኑን የጤና ሚኒስትሯ ዶ/ር ሊያ ታደሰ ገልጸዋል፡፡

የኮሮና ቫይረስ ወረርሽኝ ሊያስከትል የሚችለውን ጉዳት ለመቀነስ የተለያዩ የቅድመ ጥንቃቄ ሥራዎች እየተሠሩ እንደሚገኙ ሚኒስትሯ ጠቅሰዋል፡፡

ዶክተር ሊያ እንዳስታወቁት በሽታው የከፋ ጉዳት ሳያደርስ ግለሰቦች እና ተቋማት የሚያደርጉትን ድጋፍ አጠናክረው እንዲቀጥሉም ጥሪ አቅርበዋል፡፡

ምንጭ፦ ኢቲቪ
@tikvahethiopiaBot @tikvahethiopia

ዶክተር ሊያ ታደሰ፦

"የኮሮና ቫይረስ ሥርጭትን ለመግታት የሚደረገውን ጥረት ለማገዝ የኢንፎርሜሽን መረብ ደህንነት ኤጀንሲ ባዘጋጀው የኢትዮጵያ የተቀናጀ የኮሮና ቫይረስ (ኮቪድ19) መከታተያና መቆጣጠሪያ መረብ ሲስተም ላይ በትናንትናው እለት በሀገራችን የኮሮና ቫይረስ የተገኘባቸው ሰዎች ቁጥር 20 ተብሎ የተጠቀሰው በስህተት መሆኑን እያሳወቅን በአሁኑ ጊዜ በኢትዮጵያ የኮሮና ቫይረስ የተገኘባቸው ሰዎች ቁጥር 12 መሆኑን እናረገግጣለን።"

@tikvahethiopiaBot @tikvahethiopia

#EthioTelecom

የኢትዮ ቴሌኮም ዋና ስራ አስፈፃሚ ወ/ሪት ፍሬህይወት ታምሩ በምዕራብ ኦሮሚያ ስለተቋረጠው የስልክ እና የኢንተርኔት አገልግሎት በድጋሚ ይቅርታ ጠይቀዋል።

ዋና ስራ አስፈፃሚዋ በሸገር ኤፍ 102.1 የሬድዮ ጣቢያ ሲናገሩ እንደተደመጡት የአግልግሎት መቋረጡ መንግስት በአካባቢው ፀጥታና ደህንነት ለማስፈን እየወዳሰደ ካለው እርምጃ ጋር በተያያዘ መሆኑን ዳግም አስታውሰዋል።

የኢተርኔት እና የስልክ አገልግሎቱ መቼ ነው የሚጀምረው ተብለው በሬድዮ ጣቢያው የተጠየቁት ወ/ሪት ፍሬህይወት ተከታዩን ምላሽ ሰጥተዋል፦

"ይሄ ወረርሽኝ ከተከሰተ በኃላ ዝም ብለን አላለፍንም ፤ ከሚመለከታቸው አካላት ጋር በተለይም ከኦሮሚያ ክልል መንግሥት ጋር ውይይት አድርገናል እዛ አካባቢ ያለው ማህበረሰብ በቂ መረጃ ስለወረርሽኙ እንዲያገኝ አስፈላጊው ጥረት እንዲደረግ፤ በእኛም በኩል መውሰድ ያለብንን ነገር ካለ ውይይት አድርገናል። ስለዚህ ከሚመለከታቸው የደህንነት አካላት በአካባቢው ያለውን የፀጥታና ደህንነት ችግር ከተፈታ ወይም መከፈት ካለበት የቴሌኮም አገልግሎቱ ፤ አቅጣጫ ሲሰጠን እኛም እርምጃ የምንወስድ ይሆናል። አሁን ያለው በዚህ ሁኔታ ላይ ነው። ይህን ነው ልል የምችለው።"

@tikvahethiopiaBot @tikvahethiopia

የኮሮና ቫይረስ [ኮቪድ-19] ስርጭትን ለመግታት በመላው ሩዋንዳ እንቅስቃሴ ማድረግ የተከለከለ እንደሆነ ይታወቃል ፤ ይህን 'ከቤታችሁ አትውጡ' ትዕዛዝ ተላልፈው የተገኙ እና በፖሊሶች ላይ ጥቃት የፈፀሙ ሁለት ወጣቶችን የሩዋንዳ ፖሊስ በጥይት መትቶ መግደሉን ብሉምበርግ አፍሪካ አስነብቧል።

#BloombergAfrica
@tikvahethiopiaBot @tikvahethiopia

ግመሌንም አስራለው፣ በአላህም እመካለው!

በስፔን ሀገር የኮሮና ቫይረስ [ኮቪድ-19] ወረርሽኝ በተከሰተ የመጀመሪያው ሳምንት 8 ሰው ብቻ ነበር ሪፖርት የተደረገው። በሶስት (3) ሳምንታት ግን ከ21,000 ሰው በላይ በበሽታው ተጠቂ መሆኑ ተዘግቧል። ቀልዱን እንተው! ተሰብስቦ መጫወቱ ለጊዜውም ቢሆን ይቅርብን። ካልተጠነቀቅን እዚህ ቁጥር ላይ ማንደርስበት ምንም አይነት ማስተማመኛ የለንም። ግመሌንም አስራለሁ ፤ በአላህም እመካለሁ!

@tikvahethiopiaBot @tikvahethiopia

የሱማሊያ ጤና ሚኒስቴር ሁለተኛውን የኮሮና ቫይረስ ኬዝ ዛሬ ሪፖርት አደረጓል። ሚኒስቴሩ የቫይረሱ ተጠቂ የሱማሊያ ዜጋ መሆኑን ከመግለፅ ውጭ ዝርዝር መረጃ አልሰጠም።

@tikvahethiopiaBot @tikvahethiopia

የአልመዳ የጨርቃጨርቅና አልባሳት ፋብሪካ የኮሮና ቫይረስ ለመከላከል የሚረዳ በቀን በአማካይ 50 ሺህ የአፍና የአፍንጫ መሸፈኛ ጭምብል እያመረተ መሆኑን አስታወቀ። ፋብሪካው ከኢትዮጵያ የምግብ የመድሀኒትና የጤና ክብካቤ አስተዳደር ፍቃድና እውቅና ማግኘቱን ገልጿል።

#ENA
@tikvahethiopiaBot @tikvahethiopia

ኮሮና ቫይረስ ለተራራ ጎሪላዎች ሕይወት አስጊ ሆኗል!

የኮሮና ቫይረስ አስጊነት ተከትሎ የኮንጎ ዲሞክራሲያዊት ሪፐብሊክ ቨሩንጋ ብሔራዊ ፓርኳን እስከ ወርኃ ጁን ለቱሪስት ዘግታለች።

ሩዋንዳም በተመሳሳይ ሶስት ብሄራዊ ፓርኮችን ለቱሪስቶች እንዲሁም ለጥናት ስራዎች ዘግታለች። ኡጋንዳ ግን እንደ ሩዋንዳ እና ዲሞክራቲክ ሪፐብሊክ ኮንጎ ተመሳሳይ እርምጃ አልወሰደችም።

በኡጋንዳ ፣ ሩዋንዳና ኮንጎ ጥበቃ በሚደረግላቸው ሥፍራዎች የሚገኙት የተራራ ጎሪላዎቹ ቁጥር ከ1,000 ያልበለጠ ነው።

#AP #SBS
@tikvahethiopiaBot @tikvahethiopia

ይህ ፎቶ ሚሊኒየም አዳራሽ ነው ?

በእርግጥ የጤና ሚኒስቴር 'ሚሊኒየም አዳራሽን' የጤና አገልግሎት መስጫ አድርጎ ለመጠቀም ዝግጅት እየተደረገ እንደሆነ ገልጿል። ነገር ግን ከላይ የምትመለከቱት ፎቶ ከስፔን የተወሰደ እንጂ አሁን በሚሊኒየም አዳራሽ ያለውን ገፅታ የሚያስይ አይደለም።

@tikvahethiopiaBot @tikvahethiopia

#COVID19

የኢትዮጵያ አትሌቲክስ ፌዴሬሽን ሥራ አስፈፃሚ ኮሚቴ በወሰነው መሰረት ዛሬ መጋቢት 17/2012 ዓ/ም በታላቁ የኢትዮጵያ ህዳሴ ግድብ ግንባታ ህዝባዊ ማስተባበሪያ ጽ/ቤት እና ጤና ሚኒስቴር በመገኘት ለህዳሴ ግድቡ ግንባታና ለኮሮና ቫይረስ መከላከያ የሚውል የብር 2,000,000.00 (ሁለት ሚሊዮን ብር) ድጋፍ አድርጓል፡፡ ኮማንደር አትሌት ደራርቱ ቱሉም በበኩሏ የብር 400,000.00 (አራት መቶ ሺህ ብር) ድጋፍ አድርጋለች More @tikvahethsport

@tikvahethsport @tikvahethiopia

#COVID19

አዲስ አበባ ዩኒቨርሲቲ በኮቪድ-19 ላይ ጥናት ለማካሄድ 10 ሚሊየን ብር መደበ፡፡ በዛሬው እለት በኮቪድ-19 ላይ ጥናት የሚያኪያሂድ የጥናት ቡድን የተቋቋመ ሲሆን ቡድኑ ጥናቱን ለመጀመር ይችል ዘንድ ከተመደበው አጠቃላይ ፈንድ ውስጥ አንድ ሚሊየን ብር ወጪ ሆኖ ተሰጥቶታል፡፡

#AAU
@tikvahethiopiaBot @tikvahethiopia

የአሜሪካ ኤምባሲ ላልተወሰነ ጊዜ ተዘጋ!

በአዲስ አበባ የሚገኘው የአሜሪካ ኤምባሲ በኮሮናቫይረስ ስርጭት ምክንያት ላልተወሰ ጊዜ ዝግ መደረጉን ቢቢሲ ዘግቧል።

ኤምባሲው ዛሬ ባወጣው መግለጫ ከቫይረሱ ስርጭት እና የኢትዮጵያ መንግሥት ስርጩቱን ለመግታት ከሚያደርገው ጥረት አንጻር ኤምባሲውን በጊዜያዊነት መዝጋት አስፈልጓል ብሏል።

ኤምባሲው ለዜጎቹ ጭምር ያደረግ የነበረውን የፓስፖርት እድሳት፣ ከአገር ውጪ የወሊድ እና የሞት ምዝገባን ጨምሮ ሌሎች አገልግሎቶችን እንደማይሰጥ አስታውቋል።

ምንጭ፦ ቢቢሲ
@tikvahethiopiaBot @tikvahethiopia

# UPDATE

በአፍሪካ በኮሮና ቫይረስ የተያዙ ሰዎች ቁጥር አንድ ሺህ ስምንት መቶ ስምንት መድረሱን የዓለም የጤና ድርጅት የአፍሪካ ቅርንጫፍ ይፋ አድርጓል፡፡

ባለፉት ሃያ አራት ሰዓታት በ15 ሀገራት ውስጥ ሁለት መቶ አስራ ስድስት አዲስ ታማሚዎች መመዝገባቸው ተገልጿል፡፡

ኮሮና ቫይረስ ጊኒ ቢሳዎ እና ማሊ ለመጀመሪያ ጊዜ መግባቱ እና እያንዳንዳቸው አንድ ታማሚ ማግኘታቸውም ተገልጿል፡፡

#WHO #AfricaCDC #etv
@tikvahethiopiaBot @tikvahethiopia

ከቃሊቲ ማረሚያ ቤት የኮሮናቫይረስ ስርጭትን ለመከላከል በይቅርታ እንዲፈቱ ከተወሰነላቸው መካከል 561 ታራሚዎች ዛሬ መፈታተቸውን ኢዜአ ዘግቧል።

ትናንት የፌዴራል ጠቅላይ ዓቃቤ ህግ የኮሮና ቫይረስ [ኮቪድ-19] ስርጭትን ለመከላከል ሲባል 4 ሺህ 11 የህግ ታራሚዎች በይቅርታ እንዲፈቱ መወሰኑን ተከትሎ የህግ ታራሚዎች እየተፈቱ ይገኛሉ።

በዚሁ መሰረት በዛሬው ዕለት ከቃሊቲ ማረሚያ ቤት ብቻ 561 የህግ ታራሚዎች መፈታታቸውን የፌዴራል ማረሚያ ቤቶች አስተዳደር ገልጿል።

ዛሬ ከተፈቱት ውስጥ 20 ነፍሰጡሮችና ከህጻናት ጋር የታሰሩ እናቶች የሚገኙበት ሲሆን በአጠቃላይ ከተፈቱት መካከል 161 ሴቶች ናቸው።

@tikvahethiopiaBot @tikvahethiopia

#COVID19

በቻይና በኮሮና ቫይረስ [COVID-19] ተይዘዉ ካገገሙ ህሙማን 14 በመቶ የሚሆኑት ድጋሚ ሲመረመሩ ቫይረሱ ተገኝቶባቸዋል፡፡

የሃገሪቱ የጤና ባለሙያዎች እንዳሉት ቀደም ሲል በኮሮና ቫይረስ ተጠቅተው አገግመዉ በወጡ ታማሚዎች ላይ ምርመራ ሲደረግ ቫይረሱ ተገኝቶባቸዋል፡፡ ይህም የጤና ባለሙያዎችን አስደንግጧል፡፡

ባለሙያዎቹ እንዳሉት በቫይረሱ ተይዘዉ ከዉጭ በሚገቡና ቫይረሱ በሰዎች ላይ ምንም አይነት ምልክት ሳያሳይ በመቆየት በሀገሪቱ ለሁለተኛ ጊዜ ወረርሽኙ ሊቀሰቀስ እንደሚችል ስጋታቸዉን እየገለጹ ነዉ፡፡

በዚህም በመጀመሪያ ወረርሽኙ የተቀሰቀሰባት የሁቤ ግዛት ነዋሪዎች የእንቅስቃሴ ገደቡ መነሳቱን ተከትሎ በስጋት አካባቢዉን ለቀዉ ወደ ሌላ ቦታ እየተሰደዱ መሆኑን ዴይሊ ሜይል ዘግቧል፡፡

More https://telegra.ph/COVID19-03-26

ምንጭ፦ ኢትዮ ኤፍ ኤም [ሙሉቀን አሰፋ]
@tikvahethiopiaBot @tikvahethiopia

#HAWASSA

በሐዋሳ ከተማ የሚገኘው የያኔት ሆስፒታል ባለቤት ያላቸውን የፅኑ ህሙማን ማገገሚያ ማዕከል ለኮሮና ቫይረስ ለይቶ ማቆያና ህክምና መስጫ እንዲያገለግል ለከተማ አስተዳደሩ አስረከቡ። 

የሆስፒታሉ ባለቤት ዶክተር ግርማ አባቢ ማዕከሉን ዛሬ ለከተማው አስተዳደር ባስረከቡበት ወቅት ማዕከሉን ለፅኑ ህሙማን ይጠቀሙበት እንደነበርና 80 አልጋዎች እንዳሉት ገልጸዋል፡፡

ቫይረሱ  እንደ ሀገር ሊያስከትል የሚችለው ቀውስ አሳሳቢ መሆኑን ከግምት በማስገባት ለኮሮና ቫይረስ ለይቶ ማቆያና ህክምና መስጫ እንዲያገለግል ማስረከባቸውን ተናግረዋል።

#ENA
@tikvahethiopiaBot @tikvahethiopia

"ቴድሮስ ድንቅ ስብዕና ያለው ሰው ነው። የኢትዮጵያ ጤና ሚኒስትር ሳለ ጀምሮ አውቀዋለሁ። የዓለም ጤና ድርጅት ችግሮች የሉበትም የሚል ካለ ድርጅቱን አይከታተልም ነበር ማለት ነው። በእርሱ አመራር ጥሩ ሰርተዋል" - ዶ/ር አንቶኒ ፋውቺ

#EsheteBekele
@tikvahethiopiaBot @tikvahethiopia

ቻይና ለውጪ አገር ዜጎች ድንበሯን ዝግ አደረገች!

የቻይና መንግሥት የኮሮና ቫይረስ [ኮቪድ-19] ስርጭትን ለመግታት የውጪ አገር ዜጎች ወደ አገሪቱ እንዳይገቡ ክልከላ አድርጓል።

የቻይና መንግሥት ከዚህ ውሳኔ የደረሰው በአሁኑ ወቅት በኮሮና ቫይረስ [ኮቪድ-19] መያዛቸው የሚረጋገጡ ሰዎች ፤ ከሌሎች አገራት ወደ ቻይና የገቡ እንጂ በቻይና የሚገኙ ሰዎች ባለመሆናቸው ነው ተብሏል።

ምንጭ፦ ቢቢሲ
@tikvahethiopiaBot @tikvahethiopia